Salsabeel Umrah Dubai

18/08/2026

*SALSABEEL UMRA DUBAI*

✨ മലയാളി അമീറിനൊപ്പം യു.എ.ഇയിൽ നിന്ന് കുടുംബസമേതം വിശുദ്ധ ഉംറ നിർവഹിക്കാനുള്ള അനുഗ്രഹീതമായ അവസരം! ✨

🕋 2026 ഉംറ ബാച്ചുകൾ

📅 സെപ്റ്റംബർ 16
📅 ഒക്ടോബർ 07
📅 ഒക്ടോബർ 21
📅 നവംബർ 04
📅 നവംബർ 25
📅 ഡിസംബർ 16
📅 ഡിസംബർ 23

🌟 എന്തുകൊണ്ട് Salsabeel Umra?

നിങ്ങളുടെ ഉംറ യാത്ര കൂടുതൽ സൗകര്യപ്രദവും ആത്മീയമായി സമ്പന്നവുമാക്കുന്നതിനായി:

🛂 സൗദി ഉംറ വിസ
✈️ ഫ്ലൈറ്റ് പാക്കേജ്
🚌 Luxury ബസ്സ് പാക്കേജ്
🏨 സൗകര്യപ്രദമായ ഹോട്ടൽ താമസം
👨‍👩‍👧‍👦 Family ക്ക് പ്രത്യേകം റൂം സൗകര്യം
📜 മക്കയിലും മദീനയിലും ചരിത്രപ്രധാനമായ സ്ഥലങ്ങളിലേക്കുള്ള സന്ദർശനം
🍽️ മൂന്ന് നേരം ഭക്ഷണം
🎙️ യാത്രയ്ക്ക് മുമ്പും യാത്രയ്ക്കിടയിലും ആവശ്യമായ ക്ലാസുകളും മാർഗനിർദേശങ്ങളും

🤍 ആത്മീയതയും സൗകര്യവും ഒരുമിക്കുന്ന ഒരു അനുഗ്രഹീത ഉംറ യാത്ര.

✨ ഈ സുവർണ്ണാവസരം നഷ്ടപ്പെടുത്തരുത്!
📌 നിങ്ങളുടെ സീറ്റ് ഇന്ന് തന്നെ ബുക്ക് ചെയ്യൂ.

📩 അന്വേഷണങ്ങൾക്കും ബുക്കിംഗിനും DM ചെയ്യുക

📞 +971 55 832 6269
📞 +971 52 663 9362

✨SALSABIL LLC 🕋✨
guiding you on the travel

24/10/2025

മുട്ടിലിഴയുന്ന കാലം കഴിഞ്ഞു. കണ്ണുരുട്ടിയാൽ മടക്കിവെച്ച് പോകുമെന്ന് കരുതേണ്ട.ഏത് മതത്തിലും വിശ്വസിക്കാനും ആചരിക്കാനും അത് പ്രചരിപ്പിക്കുവാനുമുള്ള അവകാശം ഭരണഘടന ഒരു പൗരന് നൽകുന്ന മൗലികാവകാശമാണ്. അതിൻ്റെ തണൽ എല്ലാ മതവിശ്വാസികൾക്കും മതമില്ലാത്തവർക്കും ഒരുപോലെ ലഭിക്കേണ്ടതാണ്.

എന്നാൽ, കുറച്ചുനാളുകളായി മുസ് ലിംകൾ അവരുടെ മതവിശ്വാസം ഉയർത്തിപ്പിടിച്ചാൽ അവരെ പൊരിവെയിലത്തേക്ക് തള്ളി മാറ്റാൻ ലിബറൽ മതത്തിൻ്റെ വക്താക്കൾ വല്ലാതെ വിയർക്കുന്നുണ്ട്.

ഒരു കാര്യം ഇസ് ലാമിക പ്രമാണങ്ങളിൽ സ്ഥിരപ്പെട്ടാലും ഈ ലിബറൽ മതക്കാരുടെ കൂടി സർട്ടിഫിക്കറ്റ് ലഭിച്ചാലേ അത് അനുഷ്ഠിക്കാൻ വിടൂ എന്ന നിലയാണ് അവർ വെച്ചുപുലർത്തുന്നത്. ചാനലിലെ അന്തി ചർച്ചയിലാണ് ഇവരുടെ ആക്രോശം. എന്നിട്ടും അരിശം തീരാതെ വരുമ്പോൾ സ്വന്തം യൂട്യൂബ് ചാനലുകളിൽ ചാപ്പയടികളുമായി കടന്നുവരും.

താടിയൊന്ന് നീണ്ടാൽ താലിബാനായി.!
തല മറക്കാൻ അനുവാദം ചോദിച്ചാൽ അനുഷ്ഠാന തീവ്രവാദിയായി!
സമുദായത്തിന് നഷ്ടപ്പെട്ട അവകാശം ചോദിച്ചാൽ വർഗീയ പരാമർശം നടത്തിയവനായി!
പ്രഭാഷണങ്ങളിൽ ഇസ്‌ലാമിനെ പരിചയപ്പെടുത്തിയാൽ വിവാദ പ്രസംഗമായി....!

ഈ പോക്ക് പോയാൽ നമസ്കരിക്കാൻ പള്ളിയിൽ പോകുന്നതും, ഖുർആൻ കയ്യിൽ കരുതുന്നത് പോലും തീവ്രവാദത്തിന്റെ അടയാളമായി മുദ്രകുത്താൻ അധികകാലം വേണ്ടി വരില്ല!

ഈ സാഹചര്യത്തെയാണ് വിസ്ഡം യൂത്ത് ബ്രേക്ക് ചെയ്യുന്നത്. ഒക്ടോബർ 25 ന് 4:30pm ന് അരീക്കോട് വെച്ച് നടക്കുന്ന ഡയലോഗ് പ്രോഗ്രാമിൽ ഈ വിഷയമാണ് കൈകാര്യം ചെയ്യുന്നത്. 'ആയതിനാൽ നിങ്ങളുടെ മതേതര സർട്ടിഫിക്കറ്റ് ആവശ്യമില്ല ഞങ്ങൾക്ക്' എന്നതാണ് പ്രമേയം. സാധ്യമാകുന്നവരെല്ലാം നേരിട്ട് എത്താൻ ശ്രദ്ധിക്കുക. ദൂരദേശത്തുള്ളവർ ഓൺലൈനിൽ കേൾക്കുമല്ലോ.

✍️ ടി കെ അഷ്‌റഫ്‌
(ജനറൽ സെക്രട്ടറി,
വിസ്ഡം ഇസ്‌ലാമിക് ഓർഗനൈസേഷൻ)

23/10/2025

"Spark your faith, inspire your mind📚✨ We're thrilled to invite you to our stall at Sharjah International Book Fair, where ideas come alive and imagination knows no bounds! 🌟 Come visit us and discover your next great read! 📖

Join us for a journey of discovery, exploration, and connection. Let's turn the page together!

Wisdom Books
Hall No 7 | Stall No ZD5

21/10/2025

21/10/2025

നമ്മുടെ മതേതര വീക്ഷണ പ്രകാരം
'ഇത് എന്റെ നിലപാടാണ് ’
എന്ന് പറയുന്നതോടെ
ഒരാൾക്ക് അത് നിർഭയം
വിശ്വസിക്കാനും
ആചരിക്കാനുമുള്ള ഒരു പ്രിവിലേജ്
ലഭിച്ചു കഴിഞ്ഞു; അത് ആരും
കനിഞ്ഞരുളുന്ന ഔദാര്യമല്ല; മറിച്ച് പോരാടി നേടിയ മണ്ണിന്
സ്വാതന്ത്ര്യം ലഭിച്ചപ്പോൾ നിലവിൽവന്ന ഭരണഘടന നൽകുന്ന
മൗലിക അവകാശമാണ്.

ഇതിന് സാക്ഷിയാകുന്ന സമൂഹത്തിന്
ആ വിശ്വാസത്തെ വൈജ്ഞാനികമായി
വിലയിരുത്താനും വിമർശിക്കാനും
അവകാശമുണ്ട്. എന്നാൽ ചാപ്പകൾ
കുത്തി അരികു വൽക്കരിക്കാനോ
അവകാശം മുടക്കാനോ പാടില്ല.
ചില പ്രത്യേക വിശ്വാസക്കാരെ മാത്രം
സൂക്ഷമ ദർശിനി വെച്ച് ഫോളോ ചെയ്ത്
പോയിന്റ് ബ്ലാങ്കിൽ നിർത്താനും പാടില്ല.
ഇതാണ് നാം ഉൾകൊള്ളുന്ന പൊതു തത്വം.

അത്
കാര്യ കാരണ സഹിതം
പച്ചക്ക് പറയും..

കൊത്തിവലിക്കാൻ വല്ലതും
കിട്ടിയാൽ അത് ബ്രേക്കിംഗ്
ന്യൂസ് ആക്കും..
പറഞ്ഞത് ആരോ ആകട്ടെ
പാപഭാരം മുഴുവൻ
സമുദായത്തിലെ എല്ലാവർക്കും..
ഒരു നല്ല കാര്യമാണെകിൽ അത് സമുദായത്തിന്റെ പേരിൽ
വിലയിരുത്തപ്പെടില്ല..

അപ്പോൾ നിങ്ങളുടെ
മതേതരത്വ സർട്ടിഫിക്കേഷൻ
വേണ്ട എന്ന് പറയേണ്ട
സാഹചര്യത്തിൽ നമ്മൾ
എത്തിപ്പെട്ടിരിക്കുന്നു..

അത്
കാര്യകാരണ
സഹിതം
പച്ചക്ക് പറയും..

————————————

കെ താജുദ്ദീൻ സ്വലാഹി
പ്രസിഡന്റ്, വിസ്ഡം യൂത്ത്

21/10/2025

ഫെഡറലിസം അട്ടിമറിക്കുന്നതിനെതിരെ പ്രസംഗിക്കാൻ എളുപ്പമാണ്.
വിദ്യാഭ്യാസത്തിലെ കാവിവൽക്കരണത്തിനെതിരെ ലേഖനം എഴുതാൻ എളുപ്പമാണ്.
ആർഎസ്എസ് അജണ്ടയെ വെച്ച് പൊറുപ്പിക്കില്ലെന്ന് ഫേസ്ബുക്ക് പോസ്റ്റ് ഇടാൻ എളുപ്പമാണ്.
ബിജെപിയുടെ സാംസ്കാരിക അധിനിവേശത്തിനെതിരെ പത്രസമ്മേളനം നടത്താൻ എളുപ്പമാണ്.
എന്നാൽ, കാവിവൽക്കരണത്തിനെതിരെ നിലപാട് എടുക്കേണ്ട ഒരു നിർണായക ഘട്ടം വരുമ്പോൾ എന്ത് ചെയ്യുന്നു എന്നതാണ് പ്രധാനം.

കേരളത്തിന് ലഭിക്കേണ്ട SSA ഫണ്ട് ലഭിക്കണമെങ്കിൽ പി.എം ശ്രീയിൽ ഒപ്പുവെക്കണമെന്നുളള ഉപാധി അംഗീകരിക്കുന്നതിലൂടെ ഇത്രയും കാലം വിമർശിച്ച ദേശീയ വിദ്യാഭ്യാസ നയ(NEP) ത്തിന് കേരളത്തിലേക്ക് വാതിൽ തുറന്ന് കൊടുക്കലാണന്ന കാര്യത്തിൽ സംശയം വേണ്ട. പണം കിട്ടിയാൽ ഏതു നിലപാടിലും വെള്ളം ചേർക്കുമെന്നതാണോ നമ്മുടെ നയം?

കേരളത്തിലെ സ്കൂളുകളിൽ ഭൗതിക സൗകര്യങ്ങൾ ഉത്തരേന്ത്യയെ അപേക്ഷിച്ച് മികച്ചതാണ്. പി.എം ശ്രീ ഫണ്ടിൻ്റെ പ്രധാന ഭാഗം ഭൗതിക സൗകര്യത്തിനുള്ളതാണ്. അപ്പോൾ ഫണ്ട് കിട്ടിയാൽ തന്നെ കേന്ദ്രം പറഞ്ഞതുപോലെ ചിലവഴിച്ച് രേഖ നൽകാൻ കഴിയില്ല. നമ്മൾ നേരത്തെ ഉണ്ടാക്കി വെച്ച ഭൗതിക സൗകര്യങ്ങൾ ഉപയോഗിച്ച് കേന്ദ്രത്തിൻ്റെ വർഗീയ വിഭജന രാഷ്ട്രീയം പഠിപ്പിക്കൽ മാത്രമാണ് സംഭവിക്കാൻ പോകുന്നത്.

കേന്ദ്രനയത്തിൽ ഒപ്പുവെച്ചാലും കേരളത്തിൽ അധ്യാപകരും വിദ്യാഭ്യാസ വകുപ്പും വിചാരിച്ചാൽ കാവിവൽക്കരണത്തെ തടയാൻ ഒരു പ്രയാസവും ഉണ്ടാവില്ലന്നാണ് ഉത്തരവാദിത്തപ്പെട്ടവർ ന്യായീകരിക്കുന്നത്. ഒരു കാര്യം നാം അറിയണം. പോലീസിൽ കാവിവൽക്കരണത്തെ തടയാൻ എത്രമേൽ നാം നിസ്സഹായരാണ്? ഉന്നത വിദ്യാഭ്യാസ രംഗത്ത് ഗവർണറുടെ ഇടപെടൽ എത്രത്തോളം നമുക്ക് തടയാൻ കഴിയുന്നുണ്ട്? അതിലും എത്രയോ വേഗത്തിൽ പിടിവിട്ടു പോകാൻ എളുപ്പമുള്ള മേഖലയാണ് വിദ്യാഭ്യാസരംഗം.

ഒരു തലമുറയിലാണ് വിഭാഗീയതയുടെ വിത്തുകൾ പാകാൻ നാം നിലമൊരുക്കി കൊടുക്കുന്നത് എന്ന് മറക്കരുത്. നിലം മാത്രമാണ് ഇനിമുതൽ നമ്മുടെ കയ്യിലുണ്ടാവുക. വിത്ത് കേന്ദ്രത്തിൽ നിന്ന് വരും. ഭൗതിക സൗകര്യങ്ങൾ എത്ര മെച്ചപ്പെട്ടിട്ടും കാര്യമില്ല; അവിടെ പഠിപ്പിക്കുന്ന ആശയമാണ് പ്രധാനം.
പി.എം ശ്രീ ഫണ്ട് വാങ്ങാൻ കേരളത്തിൽ നിന്ന് ന്യായീകരണവുമായി ഭരണ-പ്രതിപക്ഷ കക്ഷികളിൽ നിന്ന് വരുന്നവർ ആരായാലും അവർക്കുളള മറുപടി തമിഴ്നാടിൻ്റെ ധീരമായ നിലപാടിലുണ്ട്.

✍️ ടി കെ അഷ്‌റഫ്‌
(ജനറൽ സെക്രട്ടറി,
വിസ്ഡം ഇസ്‌ലാമിക് ഓർഗനൈസേഷൻ)

19/10/2025

📚📚📚 ഇനി അക്ഷരങ്ങൾ സംസാരിക്കും… 📖📖📖

📚📚 അറിവും നൈതികതയും പകരുന്ന യഥാർത്ഥ വായനയുടെ ലോകത്തിലേക്ക്...📖📖

നിങ്ങൾക്ക് ഹൃദ്യമായ സ്വാഗതം...

Wisdom Books
Hall No. 7 | Stall No. ZD4

18/10/2025

*വായനയുടെ പുതു വസന്തം തീർക്കാൻ*
*വിസ്‌ഡം ബുക്ക്സ്*

കൈനിറയെ പുതിയ പുസ്തകങ്ങളും 📚📚📚📚....
ആകർഷകമായ ലൈവ് പ്രോഗ്രാമുകളും🎙️🎙️🎙️🎙️.....
നിരവധി സമ്മാനങ്ങളുമായി🎊🎉🎊🎉....

ഷാർജ അന്താരാഷ്ട്ര പുസ്തകമേളയിൽ,
നിങ്ങളെ കാത്തിരിക്കുന്നു...

Wisdom Books
Hall No. 7 | Stall No. ZD4

എല്ലാവരെയും ഹൃദയപൂർവ്വം സ്വാഗതം ചെയ്യുന്നു! 👐👐👐

Wisdom UAE

28/06/2025

സൂംബയിലെ മതവും തീവ്രവാദവും !...............................

സുംബാ ഡാൻസ് വിവാദമായിരിക്കുന്നു!
പൊതു വിദ്യാലയങ്ങൾ പരീക്ഷണ ശാലകളല്ല.
ഒരു വിഭാഗത്തിൻ്റെ ആശയങ്ങളെ വിരിയിപ്പിച്ചെടുക്കുന്ന ഫാമുകളുമല്ല.
വൈവിധ്യങ്ങളുടെ പൂന്തോപ്പാണ് വിദ്യാലയങ്ങൾ!
വിദ്യാലയങ്ങളിൽ നടപ്പാക്കുന്ന എന്തും സാമൂഹിക സംവാദങ്ങൾക്ക് ശേഷമാവണം. ഒരു ചർച്ചയും ഈ വിഷയത്തിൽ നടന്നതായി അറിയില്ല.
മതില് ചാടിക്കടന്ന് ഒന്നും ഒളിച്ച് കടത്തേണ്ടയിടമല്ല പള്ളിക്കൂടങ്ങൾ.
അത് വിവാദങ്ങൾക്ക് മരുന്നിടലാണ്.
വിദ്യാഭ്യാസത്തെ ഇത്തരം അഭ്യാസങ്ങൾ കൊണ്ട് ആഭാസത്തിലാക്കാതിരിക്കാൻ ഭരണകൂടം ശ്രദ്ധിക്കേണ്ടതുണ്ട്.

സൂംബയോടുള്ള എതിർപ്പ് മതപരം കൂടിയാണ്.കേരളത്തിലെ വിദ്യാർത്ഥികളിൽ മഹാഭൂരിപക്ഷവും മതവിശ്വാസികളാണ്.
മതമില്ലാത്തവർക്ക് മതിലുകൾ ഉണ്ടാവില്ല.
മതത്തിന് അതിരുണ്ട്, മതിലുണ്ട്. അവ തകർക്കാൻ ആഗ്രഹിച്ചുള്ളതെന്തും എതിർക്കപ്പെടും! സംശയമില്ല.

മതരഹിത സമൂഹസൃഷ്ടിക്കുവേണ്ട വിത്തിറക്കൽ കുറച്ച് കാലമായി തകൃതിയായി നടക്കുന്നുണ്ട്.
അതിനെ വൈജ്ഞാനികവും ബൗദ്ധികവുമായി നേരിട്ടവരാണ് വിസ്ഡക്കാർ.ഇപ്പോഴും അത് തുടരുന്നു.
ഈ എതിർപ്പിനെ നേരിടാൻ ത്രാണിയില്ലാതെ വരുമ്പോൾ
"തീവ്രവാദി "ചാപ്പ കുത്തി തോൽപ്പിക്കാൻ ശ്രമിക്കുന്നത് വ്യാമോഹം മാത്രമാണ്.
ഇത്തരക്കാരുടെ ചാപ്പകൾക്ക് സമുദായം ചപ്പിൻ്റെ വില പോലും കൽപ്പിക്കുന്നില്ല!

"ഇവർ ഏത് കാലത്താണ് ജീവിക്കുന്നത് "എന്നാണ് ചാനലുകളിലെ ചിലർ ചോദിക്കുന്നത്!
നമുക്കും ചോദിക്കാനുള്ളത് ആ ചോദ്യം തന്നെയാണ്!
പടിഞ്ഞാറിലെ പരീക്ഷണ വേസ്റ്റുകളെല്ലാം
കേരളത്തിലേക്ക് തട്ടണമെന്ന് പറയുന്ന ഇവരൊക്കെ ഏത് ലോകത്താണ് ജീവിക്കുന്നത്??!!
പടിഞ്ഞാറിനെന്താണ് പറ്റിയതെന്ന് പഠിക്കാനുള്ള
സമയം, ചാനലുകളിലെ "സുംബാ വ്യായാമത്തിനിടക്ക് " ഇവർ കണ്ടെത്തണം.
പടിഞ്ഞാറിൻ്റെ പഴഞ്ചൻ കീറത്തുണികൾ എടുത്തണിയേണ്ട ഗതികേട് മത വിശ്വാസികൾക്കില്ല.

ലഹരി വിതരണക്കാർക്കെതിരെ നിഷ്കപടമായി നടപടിയെടുത്താൽ ഒരു പരിധിവരെ ലഹരി തീരും!
ബോധവൽക്കരണം ശക്തമാക്കുകയും ചെയ്യുക.
തുള്ളൽ കൊണ്ട് ലഹരിയുടെ തള്ളൽ നിൽക്കില്ല. അത് വെറും തള്ള് മാത്രം!