04/05/2026
په جده، سعودي عربستان کې د نقل معلوماتو د پروسې د تکمیل شویو افغان پاسپورټونو د تسلیمۍ په اړه خبرتیا.!
په جده، سعودي عربستان کې د افغانستان جنرال قونسلګري خپلو قدرمنو هېوادوالو ته خبر ورکوي، چې د (۲۹۴) تنو هېوادوالو د نقل معلوماتو پروسه بشپړه شوې او اړوند افغان پاسپورټونه یې د تسلیمۍ مرحلې ته رسېدلي دي.
د مراجعینو د اسانتیا، د وخت د سپما، او د خدمتونو د لا ښه تنظیم په موخه، یاد پاسپورټونه به د حضوري مراجعې پر ځای، د برید (پُستي) خدمتونو له لارې د متقاضیانو د ثبت شویو آدرسونو او استوګن ځایونو ته په رسمي او خوندي ډول واستول شي؛ له همدې امله حضوري مراجعې ته اړتیا نشته.
همدارنګه، هغه محترم هېوادوال چې له دې وړاندې یې د نقل معلوماتو پروسې لپاره خپل اسناد سپارلي وو، خو د اسنادي، معلوماتي، یا تخنیکي نیمګړتیاوو له امله یې دوسیې له ستونزو سره مخ شوې دي، یا یې دوسیې په مؤقت ډول مستردې شوې دي، قونسلګري به په ترتیب سره له هغوی سره مستقیمه اړیکه ونیسي، اړوندې ستونزې به یې وڅېړل شي، لازمې لارښوونې به ورکړل شي، او د دوسیو د تکمیل او حل لپاره به لازم اداري اقدامات ترسره شي.
د ترسره شویو دوسیو د نومونو جدولونه په لاندې ډول دي.
په درنښت؛
د افغانستان جنرال قونسلګرۍ، جدة.
