Abuu muscab

Abuu muscab Contact information, map and directions, contact form, opening hours, services, ratings, photos, videos and announcements from Abuu muscab, Historical Tour Agency, km5, Kabul.

Miisaaniyadda caafimaadka ee dowladda Uganda ayaa hoos u dhacday kadib markii ay yaraadeen kaalmooyinkii ay dibadda ka h...
12/06/2026

Miisaaniyadda caafimaadka ee dowladda Uganda ayaa hoos u dhacday kadib markii ay yaraadeen kaalmooyinkii ay dibadda ka heli jireen.

Dowladda Uganda ayaa wajahaysa hoos u dhac ku yimid miisaaniyadda caafimaadka dalka, kadib markii ay si weyn u yaraadeen deeqihii caalamiga ahaa ee lagu taageeri jiray adeegyada caafimaadka.

Warbixin uu daabacay wargeyska Daily Monitor ayaa tilmaamaysa in hoos u dhaca deeqaha ay saameyn toos ah ku yeesheen barnaamijyada muhiimka ah sida la dagaallanka HIV/AIDS, malaria, iyo adeegyada tallaalka carruurta.

Sidoo kale, waxaa la sheegay in sahayda daawooyinka iyo taageerada xarumaha caafimaadka ay noqdeen kuwo aan joogto ahayn, taasoo kordhin karta culayska saaran isbitaallada dowladda.

Saraakiisha caafimaadka ayaa sheegay in Uganda ay muddo dheer ku tiirsanayd maalgelinta dibadda, balse hadda ay khasab ku noqotay in la kordhiyo miisaaniyadda gudaha si loo buuxiyo farqiga ka dhashay hoos u dhaca deeqaha.

10/06/2026

Caawa iyo duleedka magaalada BaydHaBo

Aadan Maxamed Nuur eey Madoobe ayaa loo doortay madaxweynaha maamulka waxaa loogu yeero koonfur galbeed Aadan Madoobe ay...
10/06/2026

Aadan Maxamed Nuur eey Madoobe ayaa loo doortay madaxweynaha maamulka waxaa loogu yeero koonfur galbeed
Aadan Madoobe ayaa ahaa gudoomiyaha baarlamaanka waqtigiisu dhamaaday dowladda federaalka Soomaaliya

Afgaanistaan 898 Qoys ayaa dhulal ay deegaan loo qeysbiyay, Halka soomaaliya 250kun oo qoys ay barakicisay Dowladda Fede...
09/06/2026

Afgaanistaan 898 Qoys ayaa dhulal ay deegaan loo qeysbiyay, Halka soomaaliya 250kun oo qoys ay barakicisay Dowladda Federaalka waliba wax ka yar 2 sano 2025 -2026.

Guddiga Qaybinta Dhulka iyo Guriyeynta Joogtada ah ee dadka ku soo noqday dalkooda, oo ay hoggaamineyso Wasaaradda Guriyeynta iyo Qorsheynta Magaalooyinka ee Imaarada Islaamiga Afgaanistaan, ayaa dhulal deegaan u qaybiyay 898 qoys oo ka mid ah dadkii dib ugu soo laabtay Afgaanistaan, kuwaas oo ku kala nool toddobo gobol oo dalka ah.

Sida guddigu sheegay, qaybinta waxaa ka faa’iidaystay:
305 qoys oo ku sugan gobolka Nangarhar
127 qoys oo ku sugan Helmand
110 qoys oo ku sugan Faryab
106 qoys oo ku sugan Farah
100 qoys oo ku sugan Nimruz
100 qoys oo ku sugan Paktia
50 qoys oo ku sugan Ghazni

Tani waa faaiidada aad heleyso Marka ay wax maamulayaan Culumada Diinta ee saadiqiinta, Shaqada Dowladnimo cibaado iyo masuuliyad ayay agtooda ka tahay, Halka Kuwa Dimuquraadiyadda wada hadafkooda yahay qaribaad iyo burburin.

Muslimiinta Ku Nool Gobolka Tigreega ee Dalka Itoobiya ayaa Tacadiyo Kala Kulmaya Kooxaha Kiristanka ah ee Ku Nool Gobal...
08/06/2026

Muslimiinta Ku Nool Gobolka Tigreega ee Dalka Itoobiya ayaa Tacadiyo Kala Kulmaya Kooxaha Kiristanka ah ee Ku Nool Gobalkaas.

Warbixinno laga helayo gobolka Tigrayga ayaa muujinaya, in Muslimiinta ku nool gobolkaasi ay la kulmayaan gaboodfalo ay kula kacayaan dadka Kiristanka ah ee kasoo jeeda qawmiyada Tigreega ama qabaa’ilka kale ee dalka Itoobiya, waxaana laga hor istaagay inay si buuxda ugu gutaan acmaashooda cibaadaadka.

Dhibaatooyinka ugu badan ayaa la xiriira xayiraado lagu soo rogay dhismaha masaajidda, adeegsiga cod-baahiyeyaasha salaadda, arrimaha qubuuraha Muslimiinta iyo maamnuucida xirashada xijaabka ee qaar ka mid ah dugsiyada.

Arimahan ayaa horseeday dibadbaxyo iyo kulamo ay Muslimiintu ku dalbanayeen xuquuqdooda, waxayna codsi u dirsadeen muslimiinta ku nool daafaha caalamka. Maamulka Tigreega ee ka amarqaata Dawladda Itoobiya ayaa awaamir adag kusoo rogay dadka muslimiinta ah, taas oo xoojisay dhibaatoyinkii ay kala kulmayeen bushada Kiristanka ah ee ku nool gobalkaas.

Hogaanka Ciidanka Itoobiya ayaa Sheegay, in Dalkooda ay Kusoo Duuleen Xoogag isa soo Gaashaanbuursaday.Birhanu Jula oo a...
07/06/2026

Hogaanka Ciidanka Itoobiya ayaa Sheegay, in Dalkooda ay Kusoo Duuleen Xoogag isa soo Gaashaanbuursaday.

Birhanu Jula oo ah taliyaha Guud ee Ciidamada Itoobiya oo khudbad ka jeediay xaflad loo qabanayay ciidamadiisa ayaa sheegay, in xoogag cadaw ah ay Itoobiya si wadajir ah ugu soo duuleen, isaga oo aan si toos ah farta ugu fiiqin cidda ay yihiin.

Hogaamiyaha Millatariga Xabashida ayaa intaasi ku daray, in Itoobiya ay wajahayso duulaan gudaha iyo dibadda ah, kaas oo uu ku tilmaamay, inuu yahay shirqool soo bilaabmay muddo fog.

"Cadawgeenna maanta sida wadajirka ah noogu soo duulay ma aha kuwo maanta un bilaabay qorshahan, balse waa shirqool soo bilowday tan iyo 1960-meeyadii, oo ah xilligii aan weynay Badda Cas” ayuu yiri Birhanu Jula taliyaha Guud ee Ciidamada Itoobiya.

Sarkaalkan oo hadalkiisa sii wata ayaa intaasi ku daray, in cadawgaas soo jireenka ah ee Itoobiya ay maleegeen waxa uu ugu yeeray khaa'imiin gudaha ah iyo quwado shisheeye, isagoo ku goodiyay, in ay hada diyaar u yihiin inay tallaabo qaadaan.

Xog Cusub ayaa Daaha ka Feyday, in Yahuudda ay Iiraan ka Weerartay Saldhigyo ay ku Leedahay Deegaannada uu ka Arimiyo ma...
06/06/2026

Xog Cusub ayaa Daaha ka Feyday, in Yahuudda ay Iiraan ka Weerartay Saldhigyo ay ku Leedahay Deegaannada uu ka Arimiyo maamulka la baxay Somaliland.

Warbaahinta Mareykanka ayaa markii ugu horaysay daaha ka feyday, in maamulka la baxay Somaliland uu saldhigyo millateri oo ku yaalla gudaha deggaannada uu ka arimiyo uu ku wareejiyey maamulka Yahuudda, kuwaas oo loo adeegsado fulinta weerarrada ka dhanka ah Iiraan.

Shabakadda warbaahineed ee CNN ee Mareykanka oo soo xiganaysa ilo-wareedyo ayaa daboolka ka qaadday, in saldhigyo iyo goobo ciidan oo qarsoodi ah ay Yahuuddu ku leedahay deggaannada uu ka arimiyo maamulka la baxay Somaliland, kuwaas oo ay u adeegsato taageerada hawlgallada millateri iyo ururinta xogaha sirdoonka.

Xogtan ay baahisay CNN ayaa lagu sheegay, in intii uu socday dagaalka lagu qaaday Iiraan, ay Yahuudda si gaar ah gudaha deegaannada uu ka arimiyo maamulka la baxay Somaliland geysay ciidan, ayna ka hawl-gelisay xarun shidaalka siisa diyaaradaha Sahaayinada ee duullaanka ku ahaa waddanka Iiraan.

Dawladda Kenya ayaa Sheegtay Inuu Hoos u Dhac Dhaqaale oo Xooggan Ku Socdo Miisaaniyadda Dalka. Warbixinno iyo falanqaym...
05/06/2026

Dawladda Kenya ayaa Sheegtay Inuu Hoos u Dhac Dhaqaale oo Xooggan Ku Socdo Miisaaniyadda Dalka.

Warbixinno iyo falanqaymo dhaqaale oo kasoo baxaya dalka Kenya ayaa muujinaya in xukumada dalkaas ay wajahayso cadaadis dhaqaale oo sii kordhaya, iyadoo khubaro badan ay ka digayaan in miisaaniyadda dalka ay gaartay heer halis ah.

Dhaqaalo xumadan ayaa sii laba lixaadsanaysa iyada oo ay dowladdu si joogto ah u kordhinayso canshuuraha, si loo xoojiyo dakhliga soo galaya khasnadda xukuumada, haddana waxay falanqeeyayaashu sheegayaan in caqabadaha jira aysan ku koobnayn dakhli yaraan oo keliya.

Khubarada dhaqaalaha ayaa tilmaamaya, in dhibaatada ugu weyn ay ka dhalatay kororka kharashaadka dowladda iyo habka loo maareeyo lacagaha dadweynaha, iyada masuuliyiinta ugu sareeya dalka lagu eedeeyay in ay musuq ku hayaan hantida dadwaynaha.

Shisheeyaha ku Sugan Xerada Xalane ayaa Digniin Kasoo Saaray Dagaalka Dowladda Fedaraalka iyo Mucaaradka ku Dhexmaraya M...
05/06/2026

Shisheeyaha ku Sugan Xerada Xalane ayaa Digniin Kasoo Saaray Dagaalka Dowladda Fedaraalka iyo Mucaaradka ku Dhexmaraya Muqdisho.

Waxa loogu yeero Qaramada Midoobay iyo safaaradaha Mareykanka iyo Ingiriiska ayaa si adag u cambaareeyay isku dhacyada u dhaxeeyo Dowladda Fedaraalka iyo siyaasiyiinta Mucaaradka ee ka socda magaalada Muqdiho ee caasimadda Soomaaliya.

Xoghayaha Guud Qaramada Midoobay ayaa sheegay inuu si qoto dheer uga walaacsan yahay dagaalkaas, oo uu ku tilmaamay, mid la doonayo in lagu gaaro dano siyaasadeed.

Hogaamiyaha ururkaas ayaa sheegay, in dagaalka Muqdisho uu sababay khasaare gaaray dadka rayidka ah iyo burbur soo gaaray kaabayaasha muhiimka ah ee magaalada.

Waxa uu labada dhinac ee dagaalamaya ugu baaqay, inay is xakameeyaan, una hogaansamaan waxa uu ugu yeeray sharciga caalamiga ah ee Qaramada Midoobay.

04/06/2026

Duulaan Shisheeye ee AUSSOM ayaa la Sheegay, inuu Marayo Marxaladdii ugu Liifatay, Caqabafo Badan oo Isku Biirsaday Awgeed.

Hey'adda Cilmi-baarista Nabadda ee Stockholm (SIPRI) ayaa ka digtay in duulaanka Shisheeye ee AUSSOM uu wajahayo qalalaase aan horay loo arag, kuwaas oo ay sabab u yihiin loollanka quwadaha waaweyn, ismari-waaga siyaasadeed iyo dhaqaale yari baahsan.

Warbixin cusub oo hey’addani ay soo saartay ayaa muujisay in tirada ciidamada iyo shaqaalaha ku jira waxa loogu yeero howlgalada nabad ilaalinta ay hoos ugu dhacday 78,633 dhammaadka sanadkii 2025, taasoo ah hoos u dhac dhan 17% marka loo eego sanadkii ka horreeyay, isla markaana ah heerkii ugu hooseeyay ee la diiwaangeliyo muddo ka badan rubuc qarni.

Hey’adda Cilmi-baarista Nabadda ee Stockholm waxay ka digtay in haddii isbeddelladan ay sii socdaan, hay’adaha caalamiga ah sida Qaramada Midoobay ay wajihi karaan in si weyn looga saaro doorkooda ku aaddan maaraynta colaadaha caalamka.

Address

Km5
Kabul

Website

Alerts

Be the first to know and let us send you an email when Abuu muscab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category