02/05/2025
Հարգելի ՀՀ տարածքային կառավարման և ենթակառուցվածքների նախարարություն / Ministry of Territorial Administration and Infrastructure of Armenia
Հարգելի ՀՀ պետական եկամուտների կոմիտե / State Revenue Committee of Armenia
Հարգելի Վարչապետ Nikol Pashinyan / Նիկոլ Փաշինյան
Հոդվածի հարգելի հեղինակ Nune Arevshatyan Նունե Արևշատյան
Հարգելի հասարակություն,
Նախ շատ լավ է, որ այս հարցը բարձրաձայնում եք, քանի որ այն մեր կողմից ստանալու է շատ մեծ հանրային հնչեղություն։ Խնդրում ենք ուշադիր կարդալ սույն հոդվածը, քանի որ այստեղ կան ձեր կողմից բարձրացված հարցերի պատասխաններ, մի շարք պարզաբանումներ հասարակության համար և նոր հետաքննության պատվեր։
Խոսենք փաստերով. Ամենաառաջինը, որ պետք է նշենք, այն է, որ ԱՁ Սերգեյ Դալլաքյանը (նույն Էժան Տրանսպորտը) ծավալում է օնլայն հարթակում ոչ կանոնավոր ուղևորափոխադրման ծառայություն թեթև մարդատար ավտոմոբիլներով բացառապես Poputi հարթակի միջոցով, որը 2024թ. սեպտեմբեր ամսին ստացել է օնլայն հարթակում մարդատար տաքսի ավտոմոբիլներով ուղևորափոխադրումների իրականացման լիցենզիա։ Սա նշանակում է, որ Poputi հարթակի միջոցով ԱՁ Սերգեյ Դալլաքյանը տրամադրում է օնլայն ՀԴՄ բոլոր ուղևորներին, հետևաբար՝ վճարում է դրանցից գոյացած ԲՈԼՈՐ հարկերը, ավելին՝ վճարվում են անհատապես յուրաքանչյուր վարորդի ուղևորների վճարներից գենարացված պետական տուրքերը։ Իսկ քանի որ Poputi հարթակը ինտեգրված է ՊԵԿ-ի հետ (որը այս օրենքի պահանջ է), նշանակում է, որ ՊԵԿ-ը ունի հասանելիություն այս բոլոր տվյալներին և կարող է վերահսկել ու տեսնել ամբողջ շարժը։ Իսկ սա ինքնին նշանակում է, որ Poputi-ի լիցենզիան տարածվում է նաև ԱՁ Սերգեյ Դալլաքյանի վրա և ԱՁ-ն ոչ մի անօրինական գործունեություն չի իրականացնում։
Ձեր կողմից հրապարակված փաստաթղթում նշված 500,000 դրամի վարչական վարույթը հարուցվել է 2024 թվականի ամռանը, երբ դեռ չկար օնլայն հարթակում գործող մարդատար տաքսի ավտոմոբիլներով ուղևորափոխադրումների իրականացման լիցենզիայի պահանջ, իսկ վարույթը հարուցվել էր ոչ պարտադիր և գոյություն չունեցող լիցենզիան չունենալու համար։ Չեք կարծու՞մ, որ զավեշտալի է։ Ինչևէ։ Ձեզ մոտ հարց չի առաջանու՞մ, թե ինչու՞ ՀՀ-ում օնլայն հարթակում գործող մոտ 100 կազմակերպություններից հենց ԱՁ Սերգեյ Դալլաքյանի մոտ և վերջինիս անվան հետ ժամանակին կապված այլ կազմակերպությունում են սկսվել ստուգումները։
Կամ հիմա, երբ արդեն օրենքը գործում է, հարց չի առաջանու՞մ, թե ինչու՞ այդ 100 կազմակերպություններից ոչ մեկի մոտ ստուգումներ չեն անցկացվում, ոչ մեկի նկատմամբ վարույթ չի հարուցվում անօրինական գործունեություն ծավալելու համար, և հենց թիրախավորվում է Էժան Տրանսպորտ կազմակերպությունը, որը գործունեություն է ծավալում վերոնշյալ օրենքի սահմաններում։ Մենք անուններ չենք հրապարակում, սակայն այս հարցի պատասխանը և հրապարակված հոդվածի պատվիրատուի ինքնությունը կարող եք գտնել հոդվածի հեղինակ Նունե Արևշատյանի ֆեյսբուքյան էջը ուսումնասիրելիս։
Հոդվածի հարգելի հեղինակ, լավ հարց եք տալիս, ինչու՞ է ՊԵԿ-ը աչք փակում։ Օգտվելով ձեր ընձեռած առիթից՝ մենք հորդորում ենք ՊԵԿ-ին գնալ հոդվածի պատվիրատուի հետքերով, ու պարզել, թե ինչ տեսակի գործունեություն է վերջինս ծավալում, ինչ մեքենաներով, տրամադրվու՞մ են արդյոք ՀԴՄ կտրոններ, եթե կանոնավոր ուղևորափոխադրում է իրականացնում, ապա համապատասխանու՞մ է լիցենզիան իրականությանը, վճարվու՞մ են հարկեր թե ոչ, քանի ուղևոր է տեղափոխում մինչև 8 տեղանոց թեթև մարդատար մեքենաներով և այլն։ Ինչու՞ է ԱՁ Սերգեյ Դալլաքյանը վճարում մոտ 1,000,000 ՀՀ դրամ հարկ, իսկ մյուսները կամ չեն վճարում, կամ էլ չնչին ձևական գումար են մուտք անում ՀՀ պետական բյուջե։ Հայաստանում օնլայն հարթակում գործող խոշոր տաքսիներն են Yandex-ն ու GG-ն, որոնք բնականաբար ամենաշատն են հարկեր վճարում, որոնցից հետո վստահ ենք ԱՁ Սերգեյ Դալլաքյանն է հարկեր վճարում պետությանը Poputi հարթակի-ի միջոցով։ Կարող եք ստուգել կա՞ արդյոք այլ ուղևորափոխադրում իրականացնող կազմակերպություն, որ ավելի շատ է հարկ վճարում քան մենք։
Հաջորդ կարևոր նկատառումը. Էժան Տրանսպորտը ծավալում է ոչ թե կանոնավոր ուղևորափոխադրում, ինչպես դուք եք նշում, այլ օնլայն հարթակով ոչ կանոնավոր ուղևորափոխադրում, կամ ինչպես ասում են shuttle / carsharing / ridesharing։ Հայաստանում այսպիտի ուղևորափոխադրում հնարավոր է իրականացնել Poputi հարթակի միջոցով։ Նման, բայց ոչ միևնույն ուղևորափոխադրում է առաջարկում GG-ն իր shuttle-ի միջոցով, և մեր տեղեկություններով նման ծառայություն շուտով ունենալու է նաև Yandex-ը, ու մենք շատ ուրախ ենք դրա համար։ Եթե չգիտեք, ասենք, որ Poputi-ն կառուցում է Հայաստանում ազգային բրենդ, որի նմանը կա Եվրոպայում և ԱՊՀ մի շարք երկրներում (BlaBla), կա ԱՄՆ-ում (Uber), որոնք առաջարկում են shuttle տեսակի ծառայություններ։ Դրսից նման կազմակերպություն բերելու փոխարեն Poputi-ն կառուցում է հայկական բրենդ, իսկ դուք փոխանակ աջակցեք ազգային բրենդի կայացմանը, խանգարում եք դրան։ Բերենք Իտալիայի օրինակը, որտեղ ճիշտ է գործում է ամերիկյան Uber-ը սակայն առաջատարն է իրենց ազգային օնլայն տաքսին։ Ավելին ասենք, ամբողջ Եվրոպայում և Ռուսաստանում պետական երթուղիները նույնպես ինտեգրված են նման օնլայն հարթակներում, որպեսզի տեղի հասարակությունը և տուրիստները օգտվեն մեկ հարթակից։ Իսկ Հայաստանում նախկին մոնոպոլիստները ամեն ինչ անում են նման հարթակների չկայացման համար։
Համաձայն ենք, որ օնլայն հարթակում մարդատար տաքսի ավտոմոբիլներով ուղևորափոխադրումների իրականացման լիցենզիայի ձեռք բերելը հեշտ գործ չէ, և ոչ կանոնավոր ուղևորափոխադրում իրականացնող փոքր կազմակերպությունները չունեն բավարար ռեսուրսներ դրա համար։ Poputi-ի միջոցով նրանք կարող են ինտեգրվել ՊԵԿ-ին և գործել լիզենցիայի սահմաններում, ինչպես արել ենք մենք։ Ինչու՞ ենք մենք այս ամենն ասում, քանի որ հոդվածում հրապարակված սքրինները արված են հենց Poputi հարթակից։
Տասնյակ տարիներ մենաշնորհ ունեցող այսպես ասած «գծատերերը» չդիմանալով ազատ շուկայական մրցակցությանը, փորձում են դեռ չսկսած խեղդել ժամանակին համահունչ և նորարարական լուծումներ առաջարկող բիզնեսին՝ գործի դնելով պետական միջին օղակում իրենց ծանոթ բարեկամներին և իրենց ձեռքի տակ եղած լրատվամիջոցներին։ Մենք վստահ ենք, որ պետությունը չի հետևի նման մանիպուլյացիոն հոդվածներին, քանի որ մենք որոշ չափով տեսել ենք պետական աջակցություն։ Մենք վստահ ենք, որ պետության կողմից օնլայն հարթակում մարդատար տաքսի ավտոմոբիլներով ուղևորափոխադրումների իրականացման օրենքի պահանջների նկատմամբ մի փոքր հետևողական լինելու շնորհիվ և հետևանքով ՀՀ պետական բյուջեի միլիարդավոր չհավաքագրվող հարկերի մի մասը կհավաքագրվի նաև այս ոլորտից։
Հոդվածը, որին ի պատասխան գրվել է այս հրապարակումը, այս հղումով է՝ https://www.aravot.am/2025/05/01/1485143/?fbclid=IwY2xjawKBm_pleHRuA2FlbQIxMABicmlkETF0SzFsUERrVE94ZEhVNmFkAR4HTwyIuWZg6A0pao8hk3jGotifVcvyai8rbJnIoIvzbXXJPyz_eJrl26z8ig_aem_2sKdlzm-xXWiyjrjOgWfNg
«Էժան տրանսպորտ»-ը հիմնադրվել է 2015 թ․
Կատարում ենք
- Ուղևորափոխադրում
- Ուղևորափոխադրում
