Սևան արշավականների ակումբ/ Sevan hiking club

29/05/2025

Sentiers d'Arménie - Arahet Arménia -ի հետ համատեղ իրականացված արշավի ընթացքում երեխաները բնության գրկում քայլարշավեցին և ունեցան յուրահատուկ աշխատարան, որտեղ երեխաները սովորեցին՝
⛺ ինչպես վրանել,
🔥 ինչպես խարույկ վառել ու
🏕️ ինչպես ճամբարել բնության մեջ՝ հարգելով և պահպանելով այն։

29/05/2025

Ամփոփելով Մայիսի 24ի արշավը🍀 Կրթական արշավ Սևանի Երազանքի արահետով

29/05/2025

Սևանի Երազանքի Արահետի ցուցանակները փոխարինվել են նորերով մեր սիրելի Trails For Change NGO թիմի և National park ''Sevan''-ի օգնությամբ։ Տեղադրված ցուցանակները ծառայում են համայնքին, և դրանց պահպանությունը մեր բոլորիս պատասխանատվությունն է։ Հուսով ենք ,որ շատ երկար կանգուն և անվնաս կման:

07/01/2025

Սևան արշավականների ակումբը սովորության համաձայն տարին սկսել է քայլարշավով: Սևանը թերակղզուն կապող արահետով քայլելիս հանդիպեցինք օտարերկրացի զբոսաշրջիկների, ովքեր Ավստրալիայից էին եկել,տոներն անցկացրել էին Սևան քաղաքում և որոշել էին մեր արահետով քայլել դեպի թերակղզի, նրանց հիացմունքը և ոգևորությունը շատ մեծ էր․ ձյուն առաջին անգամ էին տեսնում, իսկ ամեն քայլափոխի հրաշալի տեսարան էր բացվում դեպի Սևանա լիճ և շրջակա ձյունապատ լեռներ։
Ամեն անգամ Երազանքի արահետով քայլելիս հպարտությամբ ենք լցվում, երբ տեսնում ենք զբոսաշրջիկների, ում ևս հետաքրքրել է այս արահետը․ հասկանում ենք, որ մեր տարածաշրջանում շատ գործ ունենք անելու, կան արահետներ, որոնք սպասում են իրենց հերթին։
Մեր փոքրիկ խնդրանքը տեղացիներին և քաղաքի հյուրերին, հարգել մեր աշխատանքը․ արահետի կառուցումը, գծանշումը և ցուցանակների տեղադրումը ահռելի աշխատանք է, որն արվում է մեր թիմի, ընկերների և գործընկերների շնորհիվ։
Հարգելի հրացանակիրներ ակնհայտ է, որ ջանք չեք խնայել ցուցանակը ծակոտկեն դարձնելու համար, խոստանում ենք առաջին իսկ հնարավորության դեպքում, երբ կարողանանք նորով փոխարինել ցուցանակը ձեր համար ևս հրաձգային նշանակետ տեղադրել։
Մաշտոցների հսկայական ցուցանակը ընդամենը 3 ամիս գոյատևեց, հուսով ենք անզգուշության արդյունքում է հողին հավասարեցվել։
Բույսերի փոքրիկ ցուցանակը նույնպես տուժածների ցանկում է, շնորհակալ ենք, որ վնասելուց հետո այն թողել եք տեղում, դա նույնպես կփորձենք վերականգնել:
Ոչ ոք չի չեղարկել պատասխանատվությունը հանրային գույքի ու ուրիշի աշխատանքի նկատմամբ։ Գոնե կարելի էր տեղեկացնել և միասին հասկանայինք, թե ինչպես կարելի էր վերականգնել վնասը ՝ նվազագույնը մեր քաղաքի հյուրերին այսպիսի անմխիթար տեսքով չներկայանալու համար։

16/10/2024

2024 թվականի վերջին քայլարշավներն են Հայաստանի արահետներով` Գեղարքունիքի, Սյունիքի և Լոռու արշավական ակումբների ներկայացուցիչների համար, որն իրականացվում էր ԱՖՐԱՏ֊ի մեր սիրելի կամավորների հետ։🇫🇷
Մեծ շնորհակալություն AFRAT֊ի կամավորներին, ովքեր այս տարի ևս լուսավորեցին Հայաստանի արահետները։ 🌿 Ձեր ոգևորությունը, փորձառությունն ու նվիրվածությունը յուրաքանչյուր արշավ դարձրել են եզակի փորձառություն՝ հագեցած հայտնագործություններով և գաղափարների փոխանակումներով։
Ձեր օգնության շնորհիվ մեր երիտասարդ հայ արշավականները ոչ միայն բացահայտեցի մեր երկրի գեղեցկությունն, այլև ձեռք բերեցին արժեքավոր սկզբունքներ՝ շրջակա միջավայրի և տեղական ժառանգության նկատմամբ հարգալից արշավներ կազմակերպելու համար։ 🌍
Մենք անկեղծորեն շնորհակալ ենք մեր մարզերի, համայնքի երիտասարդների հետ կապ հաստատելու համար։ Հույս ունենք շուտով նորից հանդիպել ձեզ՝ նոր արկածների որոնելու նպատակով։
Եվս մեկ անգամ՝ ՇՆՈՐՀԱԿԱԼՈՒԹՅՈՒՆ այն ամենի համար, ինչ փոխանցել եք մեզ։
Մենք ձեզ միշտ սպասում ենք Հայաստանի արահետներում։

14/10/2024

Մեր տարածաշրջանի երկրորդ գծանշված արահետը: Շարունակելի🥰

13/10/2024

Երեկ ունեցել ենք աշնանային գեղեցիկ արշավ դեպի Տավուշի մարզի Այրիքար լեռը, 2610մ☀️
12․10․2024🍂

11/07/2024

⏱🎤Հուլիսի 12ին, ժամը 19:00-ին տեղի կունենա «Սևան երազանքի արահետ»-ի պաշտոնական բացման արարողությունը:

🛣Արահետաշինության աշխատանքները մեկնարկել են 2023թ-ին «Սևան արշավականների ակումբ»-ի նախաձեռնությամբ, համագործակցությամբ` «Արահետներ հանուն փոփոխության» ՀԿ-ի, ֆրանսիական ԱՖՐԱՏ-ի և «Հայք Արմենիա»-ի:

🏞Երազանքի արահետը սկսվում է Սևանի բուսաբանական այգուց, անցնում է Արջանոցի լեռներով և ավարտվում Սևանի թերակղզում։ Արահետի ընդհանուր երկարությունը 8կմ է, հարաբերական բարձությունը՝ 350մ։ Ամենաբարձր կետը՝ Երազանքի գագաթը, գտնվում է 2255մ բարձրության վրա։

📌Արահետի մասին ավելի մանրամասն կարող եք տեղեկանալ Hike Armenia-ի հավելվածից կամ կայքից ՝ https://hikearmenia.org/all-trails/trail/sevan-dream-trail

⏱🎤On July 12th at 7:00 PM join the official opening ceremony of the “Sevan Dream Trail”.

🛣This exciting new trail, a collaborative effort between the “Sevan Hikers Club,” “Trails for Change” NGO, French AFRAT, and “Hayk Armenia,” began construction in 2023.

🏞The trail offers breathtaking views as it winds its way from the Sevan Botanical Garden, through the Arjanats Mountains, and concludes on the Sevan Peninsula. It spans a total of 8 kilometers with a relative altitude gain of 350 meters. The highest point, “Dream Peak,” reaches an elevation of 2255 meters.

📌Discover more about the “Sevan Dream Trail” on the Hike Armenia app or website:
https://hikearmenia.org/all-trails/trail/sevan-dream-trail

24/06/2024

📣 Սիրով տեղեկացնում ենք, որ Հայաստանում Լեհաստանի դեսպանատան ֆինանսավորմամբ և Սևան արշավականների ակումբի հետ համագործակցության շրջանակում մեկնարկում ենք «Սևան ազգային պարկի տարածքում արահետների գծանշում և դիտակետի կահավորում» կրթական ծրագիրը:

📆 Ծրագիրը տեղի կունենա հուլիսի 12-ից 21-ը Գեղարքունիքի մարզի Սևան համայնքում վրանային ճամբարի ֆորմատով:

🎯Ծրագրի նպատակն է համայնքի երիտասարդների ներգրավմամբ բարեկարգել Սևանում հանգստի ենթակառուցվածքներն ու արահետները:

💡 Ճամբարի ընթացքում կիրականացվեն հետևյալ դասընթացները․

Արահետաշինություն
Ճամբարների կառավարում
Առաջնորդությունը արահետաշինության ոլորտում

🧍‍♂️ Եթե դու

- 18-35 տարեկան երիտասարդ ես (նախապատվությունը կտրվի Սևան համայնքի բնակիչներին),
- ցանկանում ես քո ներդրումն ունենալ Հայաստանում տուրիզմի զարգացման գործում,
- պատրաստ ես ներգրավվել նոր քայլարշավային արահետի կառուցման, վրանային ճամբարների կազմակերպչական աշխատանքներում,
- ցանկանում ես վայելել Սևանի հրաշք բնության գրկում վրանային գիշերակացն ու ճամբարային առօրյան,
- սիրում ես երեկոյան խարույկի շուրջ զրույցներն ու ուրախ ժամանցը,

🔗 ապա անցիր հղումով և շտապիր գրանցվել 👇
https://forms.gle/pruARX4EV1fLc9wd6

⌛ Հայտերի ընդունման վերջնաժամկետը հուլիսի 2-ն է:

🎉 Ճամբարին մասնակցությունն անվճար է: Կազմակերպությունը կհոգա մասնակիցների տեղափոխության, սննդի, գիշերակացի ծախսերը:

____________________

«Սևան ազգային պարկի տարածքում արահետների գծանշում և դիտակետի կահավորում» ծրագիրը համաֆինանսավորվում է Լեհաստանի Հանրապետության արտաքին գործերի նախարարության Լեհաստանի զարգացման համագործակցության շրջանակներում:

13/12/2023

Սևան արշավականների ակումբի ամենասիրելի արահետներից մեկը արդեն կարող եք գտնել HIKEArmenia -ի կայքում և բջջային հավելվածում։ Արահետը Սևան քաղաքը կապում է թերակղզուն՝ գեղեցիկ լեռնային արահետով և դեպի Ծովը բացվող անմոռանալի տեսարաններով։
Հ․Գ․ Արահետի ստեղծման պատմության, մեր ընկերների և գործընկերների մասին ավելի ուշ կպատմենք 💙

Enjoy the dreaminess of Sevan Lake from the mountain tops on this easily accessible trail. Beginning at the Sevan Botanical Garden and climbing up through the Arjanots mountains, ending at the Sevan Peninsula.