16/03/2026
Qoraagii weynaa ee reer Masar, Yuusuf Al-Subaaci, waxa uu qoray sidatan:
((Aniga oo webiga Niil daantiisa ku lugo-baxsanaya, ayay indhahaygu qabteen dukaan albaabkiisa ay ku qoran tahay “Dukaanka Akhlaaqda lagu Iibiyo,Jumlo iyo Tafaariiq”.
Dukaankii ayaan galay, mise waaba jawaanno is dhinac yaal oo ay ku dul qoran tahay:
- [ ] Run
- [ ] Been
- [ ] Raganimo
- [ ] Geesinimo
- [ ] Munaafaqnimo iwm.
Waxa aan markaas iibsaday dhawr garaam oo raganimo ah, waxana aan ku cabay xoogaa biyo ah, markaasna guriga ayaan kusoo laabtay.
Soddohday oo inala degganayd baan guriga ka eryay, xaaskaygii ayaa arrinkaas si caro leh uga fal-celisay, markaas baan furay, carruurii ayaa go’aankayga ka hor timid, iyagana waan eryay, habeenkaasna keligay baan guriga seexday.
Subaxdii xigtay, aad baan hurdada ugu daahay, waxana aan shaqada aaday aniga oo deggan oo aanay degdegi igu jirin.
Markii aan iridka shaqada istaagay, nin aannu shaqo wadaag nahay baa igu yiri: “Xaggeed kusoo daahday, maamulaha ayaa ku doon-doonayay eh”. Maamulihii inta aan u galay baan feeray, daqiiqado keddibna shaqo la’aan baan ahaa.
Gurigii ayaan ku laabtay aniga oo shaqadii la iga soo eryay, xaas iyo carruurna aan gacan ku hayn. Maxaan sameeyaa?
Waxa aan ku laabtay ninkii dukaanka lahaa, waxana aan ka iibsaday xoogaa munaafaqnimo ah, intii aan galabtii la gaarin ba reerkii ayaan dib isugu soo celiyay.
Subaxdii dambe, aroor h**e ayaan kacay, igumana qaadan wax saacad ka badan si aan shaqadaydii dib ugu soo ceshado oo aan weliba u noqdo shaqaale kalsooni lagu qabo.
Maalintaas oo dhan dukaankii daanta webiga Niil ku yaallay baa niyadda iiga yaallay. Markii aan shaqada ka baxay, dukaankii ayaan toos u aaday, waxana aan ka iibsaday wixii munaafaqnimo tiillay oo dhan.
Buundo webiga Niil dul marta inta aan la dul istaagay baan munaafaqnimadii oo dhan webiga ku shubay. Ummaddii oo dhan baana ka cabtay. Maalintaas laga soo billaabo ilaa maalinta maanta ah xaalka ummaddu sida uu yahay waa adiga arkaya)).
Qoraga shekada
Sabriye Musse
