Abşeron Rayon İcra Hakimiyyəti yanında İctimai Şura

09/08/2025

Prezident İlham Əliyev: “Azərbaycan üçün bu, tarixi nailiyyətdir”.

22/07/2025

20/07/2025

Abşeron rayonunda Vətən Müharibəsi şəhidlərinin ailələri və qazilərlə növbəti görüş keçirilib. Rayon İcra Hakimiyyətinin inzibati binasında baş tutan görüşdə RİH başçısı Abdin Fərzəliyev, Abşeron RİH yanında İctimai Şuranın sədri, şəhid Elçin Həsənlinin anası Xatirə İsmayılova, Abşeron Ağsaqqallar Şurasının sədri, şəhid Rauf İbadovun atası Məhərrəm İbadov, “Vətən Müharibəsi Qəhrəmanı”, şəhid Rəşad Abdullayevin həyat yoldaşı Gülnar Abdullayeva, şəhid Babək Allahverdiyevin həyat yoldaşı Aygün Allahverdiyeva, şəhid Ruslan İsmayılovun həyat yoldaşı Saniyə Əliyeva, müharibə iştirakçıları, o cümlədən şəhidlərimizin bizə əmanət qalan övladları iştirak edib.

Görüşdə RİH başçısı Abdin Fərzəliyev Azərbaycanın Vətən Müharibəsində qazandığı şanlı qələbədən söz açaraq bildirib ki, Müzəffəq Ali Baş Komandan, cənab Prezident İlham Əliyevin uzaqgörənliyi, siyasi iaradəsi, ordumuzun şücaəti və şəhidlərimizin qəhrəmanlığı sayəsində düşmən tapdağından azad olunan Qarabağımıza yenidən həyat qayıdıb. Abdin Fərzəliyev qeyd edib ki, bu gün beynəlxalq aləmdə cərayan edən prosesləri izlədikdə Azərbaycanın nə qədər böyük qələbə qazandığını, regionun sumasını və siyasi gündəmini dəyişdiyinin bir daha şahidi olursan.

Ölkəmizdə, o cümlədən Abşeron rayonunda şəhid ailələri və müharibə iştirakçılarına böyük diqqət göstərildiyini vurğulayan RİH başçısı şəhid ailələrinin qayğıları ilə maraqlanıb.

Öz növbəsində şəhid ailələri də dövlətimizim onlara göstərdiyi diqqət və qayğıdan razı qaldıqlarını, həyatlarının hər bir məqamında dövlətimizi öz yanlarında hiss etdiklərini, ölkəmizin hər yerində olduğu kimi Abşeron rayonuynda da yaşayan şəhid ailələrinə mənzillərin verildiyini, sosail rifahının yüksəldilməsi istiqamətində lazimi tədbirlərin görüldüyünü qeyd edərək, bütün bunlara görə Azərbaycan Respublikasının Prezidenti cənab İlham Əliyevə və Birinci Vitse Prezident Mehriban xanım Əliyevaya minnətdarlıqlarını bildiriblər.

Şəhid ailələri və müharibə iştirakçıları işlə təmin olunmada, mənzil şəraitinin yaxşılaşdırılması istiqamətində və sair sahələrdə köməklik göstərilməsini xahiş ediblər. Görüşdə qaldırılan məsələlər yerindəcə həll olunub, müəyyən vaxt tələb edən digər məsələlər barəsində isə lazimi göstərişlər verilib.

Görüşdə, o cümlədən, Vətən Müharibəsi şəhidi Sahib Musayevin xalqımıza əmanət qalan övladı Ülvi Musazadənin doğum günü qeyd olunub, xatirə şəkili çəkilib.

Abşeron Rayon İcra Hakimiyyətinin başçısı Abdin Fərzəliyev Vətən Müharibəsi şəhidi Vidadi Zalovun anadan olmasının 40 illiyi münasibəti ilə onun ailə üzvləri ilə birgə şəhidin məzarını ziyarət edib. Şəhidimizin keçdiyi döyüş yolundan söz açılıb, göstərdiyi qəhrəmanlıqlardan danışılıb. RİH başçısı şəhidin ailəsinin qayğıları ilə maraqlanıb, dövlətimizin daima onların yanında olduğunu bir daha diqqətə çatdırıb.

Abşeron Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Gülnar Rəhimova şəhid Ülvi Rəhimovun anadan olmasının 23-cü illiyi münasibəti ilə onun ailə üzvləri ilə görüşüb, onlarla birgə şəhidimizin məzarını ziyarət edərək qəhrəmanımızın əziz xatirəsini anıblar.

Abşeron rayonunda növbəti səyyar vətəndaş qəbulları keçirilib. Vətəndaşların müraciətlərinin yerində və operativ həlli ilə əlaqədar olaraq Abşeron Rayon İcra Hakimiyyətinin inzibati binasında, o cümlədən Güzdək, Qobu, Saray və Ceyranbatan qəsəbələrində baş tutan qəbullarda qəbullarda RİH başçısı Abdin Fərzəliyev, rayonun hüquq-mühafizə orqanlarının rəhbərləri, Abşeron RİH yanında İctimai Şuranın sədri Xatirə İsmayılova, Abşeron Ağsaqqallar Şurasının sədri Məhərrəm İbadov, şəhid ailələri, Vətən Müharibəsi iştirakçıları və sakinlər iştirak edib.

Səyyar qəbul və görüşlərdə RİH başçısı Abdin Fərzəliyev Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə xalqımızın qələbə qazandığı Vətən Müharibəsindən, qısa zaman keçməsinə baxmayaraq keçmiş məcburi köçkünlərin işğaldan azad olunmuş torpaqlara qayıdışından, soydaşlarımız uzun müddət həsrətində olduqları öz dədə-baba yurdlarına qovuşmasından danışıb. Abdin Fərzəliyev ordumuzun gücündən danışarkən bildirib ki, Silahlı Qüvvələrimiz bundan sonra da düşmənin törədə biləcəyi bütün hərbi təxribatların qarşısını vaxtında almağa və layiqincə cavablandırmağa qadirdir.

Qəbullarda sakinlər tərəfindən qaldırılan məsələlərin əksəriyyəti yerində həll olunub, digərlərinin həlli istiqamətində isə müvafiq tapşırıqlar verilib.

20/07/2025

Prezident İlham Əliyev: “Şuşa Media Forumu artıq ənənəvi xarakter alıb”.

14/07/2025

Abşeron rayonunda “14 iyul 1969-cu il - Azərbaycan tarixinin yeni səhifəsi - Qüdrətli dövrün başlanğıcı” mövzusunda tədbir keçirilib



Abşeron rayonunda Ümummilli Lider Heydər Əliyevin ölkəmizdə siyasi hakimiyyətə gəlməsinin 56-cı illiyi qeyd edilib. Abşeron Rayon İcra Hakimiyyətinin təşkilatçılığı ilə Xırdalan şəhərindəki Heydər Əliyev Mərkəzində baş tutan tədbirdə RİH başçısı Abdin Fərzəliyev, YAP Abşeron rayon təşkilatının sədri Abbas Əliyev, Mühəndislik Universitetinin rektoru Yaqub Piriyev, Abşeron RİH yanında İctimai Şuranın sədri, şəhid Elçin Həsənlinin anası Xatirə İsmayılova, və RİH yanında İctimai Şuranın digər üzvləri , Abşeron Ağsaqqallar Şurasının sədri, şəhid Rauf İbadovun atası Məhərrəm İbadov, hüquq-mühafizə orqanlarının, idarə və təşkilat rəhbərləri, şəhid ailələri, müharibə iştirakçıları və rayon ictimaiyyəti iştirak edib.
İştirakçılar əvvəlcə Ümummilli Lider Heydər Əliyevin abidəsi önünə çiçəklər düzüb, Ulu Öndərin əziz xatirəsini dərin ehtiramla yad ediblər.
Tədbirdə Ulu Öndər Heydər Əliyevin və şəhidlərimizin əziz xatirələri bir dəqiqəlik sükutla yad edilib.
Abşeron Rayon İcra Hakimiyyətinin başçısı Abdin Fərzəliyev çıxış edərək Ümummilli Lider Heydər Əliyevin respublikamızın inkişafındakı və bir dövlət kimi məhv olmaq təhlükəsinin aradan qaldırılmasındakı misilsiz xidmətlərindən ətraflı danışıb. RİH başçısı Ulu Öndərin Azərbaycanda birinci dəfə siyasi hakimiyyətə gəldiyi 1969-cu ilin 14 iyul tarixindən başlayaraq ölkəmizdə yaşanan intibahdan, respublikamızda geniş vüsət alan hərtərəfli inkişafdan danışıb, dahi şəxsiyyətin hər zaman qürur və iftixar hissi ilə xatırlandığını və yad edildiyini tədbir iştirakçılarının diqqətinə çatdırıb.
Sonra Yeni Azərbaycan Partiyasının Abşeron Rayon Təşkilatının sədri Abbas Əliyev Ümummilli Lider Heydər Əliyevin ölkəmizdə siyasi rəhbərliyə gəlməsinin mühüm tarixi hadisə olduğunu qeyd edərək vurğulayıb ki, Ulu Öndər ömrünü dövlətimizin çiçəklənməsinə və rifahına, xalqımızın inkişafına həsr edib.
Sonra Abşeron RİH yanında İctimai Şuranın sədri, Vətən Müharibəsi şəhidi Elçin Həsənlinin anası Xatirə İsmayılova çıxış edərək bildirib ki, dahi şəxsiyyət Heydər Əliyev bütün ideoloji-siyasi maneələrə sinə gərərək Azərbaycan xalqının milli inkişaf konsepsiyasını irəli sürüb, cəmiyyəti bütün sahələr üzrə gələcək mənəvi və iqtisadi yüksəlişlərə ruhlandırıb.
Daha sonra Vətən Müharibəsi şəhidi İlqar Vəliyevin oğlu Vəli Vəlizadə çıxış edərək xalqımızın xilaskarı, dahi şəxsiyyət Heydər Əliyevin xidmətlərindən danışıb, müdrik siyasətçinin hakimiyyətə gəldiyi gündən etibarən Azərbaycanda iqtisadi, siyasi, mədəni, aqrar, elm, təhsil sahələrində yüksək uğurlar əldə olunduğunu qeyd edib.

14/07/2025

Abşeron rayonunda “Qərbi Azərbaycan İrsi” kitabının təqdimetmə mərasimi keçirilib

Abşeron rayonunda “Qərbi Azərbaycan İrsi: Ermənistanda azərbaycanlılara məxsus qəbiristanlıqların sistemli qaydada dağıdılmasının nəticələri və beynəlxalq hüquqi məsuliyyətə dair hesabat və materiallar” kitabının I cildinin təqdimetmə mərasimi keçirilib. Xırdalan şəhərindəki Heydər Əliyev Mərkəzində baş tutan tədbirdə Qərbi Azərbaycan İcmasının İdarə Heyətinin üzvü, Azərbaycan Dövlət Pedaqoji Universitetinin prorektoru, filologiya elmləri doktoru, professor Mahirə Hüseynova, Rayon İcra Hakimiyyətinin başçısı Abdin Fərzəliyev, Milli Məclisin deputatı Nigar Məmmədova, Mühəndislik Universitetinin rektoru Yaqub Piriyev, YAP Abşeron rayon təşkilatının sədri Abbas Əliyev, Abşeron RİH yanında İctimai Şuranın və Abşeron Ağsaqqallar Şurasının sədrləri, idarə və təşkilat rəhbərləri, şəhid ailələri, müharibə iştirakçıları və rayon ictimaiyyəti iştirak edib.

İştirakçılar əvvəlcə Ümummilli Lider Heydər Əliyevin abidəsi önünə güllər düzərək Ulu Öndərin əziz xatirəsini dərin ehtiramla yad ediblər.

Tədbirdə Dövlət Himni oxunub, Ulu Öndər Heydər Əliyevin, vətənimizin ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Daha sonra azərbaycanlıların deportasiyasına həsr olunmuş “Qərbi Azərbaycan İrsi” tədqiqatlar seriyasından sənədli videoçarx nümayiş olunub.

Tədbirdə çıxış edən Azərbaycan Dövlət Pedaqoji Universitetinin prorektoru, Qərbi Azərbaycan İcmasının İdarə Heyətinin üzvü, filologiya elmləri doktoru, professor Mahirə Hüseynova bildirib ki, azərbaycanlıların Qərbi Azərbaycandan kütləvi deportasiyasına hüquqi-siyasi qiymət Ümummilli Lider Heydər Əliyev tərəfindən verilib. Qeyd edilib ki, Ulu Öndərin “1948-1953-cü illərdə azərbaycanlıların Ermənistan SSRİ ərazisindən, tarixi-etnik torpaqlarından kütləvi surətdə deportasiyası haqqında” 1997-ci il 18 dekabr tarixli Fərmanı böyük elmi-siyasi, tarixi əhəmiyyətə malik sənəddir. Burada haqlı olaraq qeyd edilir ki, keçmiş SSRİ Nazirlər Sovetinin müvafiq qərarlarına əsasən Azərbaycan xalqına qarşı növbəti tarixi cinayət aktı olub. Təkcə bu cinayət aktının həyata keçirilməsi nəticəsində 150 mindən çox azərbaycanlı kütləvi şəkildə və zorakılıqla sürgünə məruz qalıb.

Sonra Milli Məclisin deputatı Nigar Məmmədova Azərbayvan Respublikasının Prezidenti cənab İlham Əliyevin 2022-ci ildə Qərbi Azərbaycandan olan bir qrup ziyalı ilə keçirdiyi görüşü xatırladıb. Bu görüşdə dövlətimizin başçısı bildirib ki, Vətən Müharibəsindəki tarixi qələbəmizdən sonra yaranan yeni reallıqda ən mühüm vəzifələrdən biri məhz Qərbi Azərbaycandan qaçqın düşmüş vətəndaşlarımızın öz yurdlarına qayıtması məsələsidir. Çünki Qərbi azərbaycanlılar qanunsuz olaraq dəfələrlə deportasiyaya məruz qalıblar. Onların hüquqları bərpa edilməli və onlar öz torpaqlarına qayıtmalıdırlar.

Sonra Vətən Müharibəsi şəhidi İlqar Vəliyevin həyat yoldaşı, Abşeron Rayon Mərkəzi Xəstəxanasının əməkdaşı Təhminə Vəliyeva çıxış edərək bildirib ki, özü və həyat yoldaşı Qərbi Azərbaycandandırlar. Atasının və həyat yoldaşının sözügedən deportasiyadan əziyyət çəkdiklərini vurğulayan T.Vəliyeva qeyd edib ki, onların həmişə ən böyük arzuları həm Qarabağı azad görmək, həm də Qərbi Azərbaycana qayıtmaq, oraları yenidən görmək olub.

Daha sonra Abşeron Rayon İcra Hakimiyyətinin başçısı Abdin Fərzəliyev bildirib ki, Müzəffər Ali Baş Komandan, Azərbaycan Respublikasının Prezidenti cənab İlham Əliyevin siyasi iradəsi, diplomatik gücü və hərbi səfərbərlik bacarığı, o cümlədən ordumuzun şücaəti, şəhidlərimizin qəhrəmanlığı nəticəsində 44 günlük Vərtən Müharibəsində xalqımız şanlı qələbə qazandı. Qeyd edilib ki, Azərbaycanın tarixi ədaləti bərpa etdikdən sonra respublikamızın ərazi bütövlüyü və suverenliyi tam bərpa olundu. Bundan sonra xalqımızın yeganə problemi öz əzəli və əbədi torpaqları olan Qərbi Azərbaycanın həqiqi sahiblərinin ata-baba yurdlarına qaytarılması, onların hüquqlarının bərpasıdır.

Tədbirdə Azərbaycan Dövlət Pedaqoji Universitetinin prorektoru, Qərbi Azərbaycan İcmasının İdarə Heyətinin üzvü, filologiya elmləri doktoru, professor Mahirə Hüseynovaya Abşeron RİH-nin Fəxri Fərmanı təqdim edilib. O cümlədən, Vətən Müharibəsi şəhidi Xəqani Əsgərovun övladı Ahu Əsgərova doğum günü ilə əlaqədar təbrik edilib.

07/07/2025

Prezident İlham Əliyev: “2026-cı ilin Şuşa şəhərinin ECO-nun Turizm paytaxtı elan edilməsinə görə təşəkkürümü bildirirəm”.

04/07/2025

Xankəndi sammiti-Azərbaycanın diplomatik zəfərinin növbəti mərhələsi

Bu gün Azərbaycan tarixinin daha bir şanlı səhifəsi yazıldı. İllərlə nisgillə baxdığımız,qəlbimizdə yara kimi daşıdığımız Xankəndi şəhəri artıq yalnız xəritə üzərində yox, gerçəkliyin içində- müstəqil Azərbaycanın tərkibində, bayrağımızın kölgəsində , beynəlxalq siyasi həyatın mərkəzindədir.
2025 - ci ilin 4 iyul tarixində Xankəndində keçirilən İqtisadi Əməkdaşlıq Təşkilatının 17-ci Zirvə Sammiti təkcə diplomatik bir hadisə deyil ,- bu Azərbaycanın siyasi iradəsinin, beynəlxalq nüfuzunun, dövlət suverenliyinin parlaq təcəssümüdür.
Mən bir şəhid anası ,oğlunu bu torpaq uğrunda şəhid vermiş bir ana kimi bu mənzərə qarşısında həm kövrəlir ,həm də qürur duyuram. Can atıb ,amma çata bilmədiyi ,uğrunda canını verdiyi , son baxışını zillədiyi Xankəndi bu gün ən əziz insanları qəbul edir. Bəli bu torpaqlarda , Xankəndinə gedən yollarda oğlum Elçinin və onunla birgə şəhid olan qardaşlarının qanı var .Amma bu gün onların qanı tökülmüş torpaqlarımızda arzularımız çiçək açır. Bu gün Xankəndində keçirilən sammit onun ruhunun dincliyi , mənim isə qürurumdur.
Fəxrlə deyirəm ki , dövlətimiz bu möhtəşəmliyə layiqdir.
Azərbaycan dövləti dünyaya sübut edir ki , biz azad etdiyimiz torpaqları- inkişafa , sülhə və əməkdaşlığa açıq bir məkana çevirməyi də bacarırıq.
Dövlət başçımızın qətiyyəti,ordumuzun rəşadəti və xalqımızın birliyi bu nəticəni mümkün etdi. Bu gün Xankəndidə dost ölkələrin liderləri, qardaş xalqların nümayəndələri Azərbaycanın möhkəm iradəsi ilə fəxr edir.
Bu sammit təkcə beynəlxalq əməkdaşlığın deyil,milli əzmin ,şəhid qanı ilə qazanılmış zəfərin diplomatik təsdiqidir.

04/07/2025

Prezident İlham Əliyev: “Şuşada ECO-nun Biznes Forumu, Ağdamda Gənclər Forumu, Laçında isə Qadınlar Forumu təşkil edilmişdir”.

03/07/2025

❇️ 3 iyul Heydər Əliyev Fondunun vitse-prezidenti, İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru, Rusiyadakı Azərbaycanlı Gənclər Təşkilatının (AMOR) sədri, Bakı Beynəlxalq Multikulturalizm Mərkəzinin Himayəçilik Şurası üzvü, Ətraf mühitin mühafizəsi naminə beynəlxalq dialoq ictimai birliyinin (IDEA) təsisçisi və sədri Leyla xanım Əliyevanın doğum günüdür.

Gördüyü işlər, həyata keçirdiyi layihələr və xeyirxah əməlləri ilə milyonların sevgisini qazanan, bütün fəaliyyətini ölkəsinə və xalqına həsr edən gözəl qəlbli , xalqımızın dəyərli xanımı, xeyirxahlığı, təmənnasız dəstəyi, humanizmi, yardımsevərliyi, şəfqəti, mərhəməti təbliğ və təşviq edən təşəbbüslərin müəllifi
hörmətli Leyla xanımı ad günü münasibətilə səmimi qəlbdən təbrik edirik .

Leyla xanıma uzun ömür, can sağlığı , dövlətimiz və xalqımız üçün səmərəli fəaliyyətinizdə uğurlar arzulayırıq!

02/07/2025

Abşeron rayonunda “2 iyul – Azərbaycan Polisi Günü” qeyd edilib

Abşeron rayonunda polis işçilərinin peşə bayramı qeyd edilib. Xırdalan şəhərində yerləşən Heydər Əliyev Mərkəzində baş tutan tədbirdə Rayon İcra Hakimiyyətinin başçısı Abdin Fərzəliyev, Abşeron Rayon Polis İdarəsinin rəisi Musa Musayev, YAP Abşeron rayon təşkilatının sədri Abbas Əliyev, Abşeron RİH yanında İctimai Şuranın sədri, Vətən Müharibəsi şəhidi Elçin Həsənlinin anası Xatirə İsmayılova, Abşeron Ağsaqqallar Şurasının sədri, şəhid Rauf İbadovun atası Məhərrəm İbadov, hüquq mühafizə orqanlarının, regional idarə və təşkilat rəhbərləri, şəhid ailələri, Abşeron polisinin şəxsi heyəti və rayon ictimaiyyəti iştirak edib.

İştirakçılar əvvəlcə Ümummilli Lider Heydər Əliyevin abidəsi önünə güllər düzərək Ulu Öndərin əziz xatirəsini dərin ehtiramla yad ediblər.

Tədbirdə Dövlət Himni oxunub, Ulu Öndər Heydər Əliyevin, vətənimizin ərazi bütövlüyü uğrunda canından keçmiş şəhidlərimizin və xidmət zamanı həlak olmuş polislərimizin əziz xatirəsi bir dəqiqəlik sükutla yad edilib.

Daha sonra Azərbaycan polisinin şərəfli tarixinə və əzmkar fəaliyyətinə həsr olunmuş sənədli videoçarx nümayiş olunub.

Tədbirdə çıxış edən Abşeron Rayon İcra Hakimiyyətinin başçısı Abdin Fərzəliyev polis əməkdaşlarını peşə bayramı münasibəti ilə təbrik edərək onlara gələcək fəaliyyətlərində uğurlar arzulayıb. Ölkəmizin ictimai-siyasi həyatında sabitliyin təmin olunmasında polisin xüsusi rolunun olduğunu vurğulayan RİH başçısı bildirib ki, hava durumundan, günün saatından asılı olmayaraq asayiş keşikçiləri daima məslək başındadırlar və vətəndaşların xidmətindədirlər.

Azərbaycan polisinin inkişafı və bugünki nailiyyətləri məhz Ulu Öndər Heydər Əliyevin adı ilə bağlı olduğunu tədbir iştirakçılarının diqqətinə çatdıran RİH başçısı vurğulayıb ki, Ümummilli Liderin siyasətinin layiqli davamçısı, Azərbaycan Respublikasının Prezidenti cənab İlham Əliyev polis strukturuna daim diqqət və qayğı göstərib. Azərbaycan polisi hazırda güclü maddi-texniki bazaya malik olmaqla yanaşı ölkəmizdə ictimai asayişin qorunmasında xüsusi rol oynayan hüquq-mühafizə strukturlarından birinə çevrilib. Əldə olunan bu inkişafın nəticəsidir ki, respublikamızda kriminaloji durum nəzarət altında saxlanılır, cinayətkarlığa, onun transmilli mütəşəkkil növlərinə qarşı mübarizədə adekvat cavab tədbirləri həyata keçirilir.

Sonra Abşeron RPİ rəisinin şəxsi heyətlə iş üzrə köməkçisi, polis mayoru Elnur Rəşidov hesabat xarakterli çıxış edib. Azərbaycan polisinin şərəfli tarixindən, o cümlədən Abşeron polisinin fəaliyətindən və gördüyü işlərdən söz açıb.

Vətən Müharibəsi şəhidi Rəşad Mehdiyevin atası, Birinci Qarabağ Müharibəsi qazisi, keçmiş polis üzvü Rəhman Mehdiyev də çıxış edərək Azərbaycvan polisinin göstərdiyi xidmətlərdən, vətənimizin azadlığı uğrunda gedən döyüşlərdə polis nəfərlərinin göstərdiyi şücaətlərdən danışıb.

Tədbirin sonunda xidməti fəaliyyətdə fərqlənən bir qrup polis əməkdaşı Abşeron Rayon İcra Hakimiyyəti tərəfindən fəxri fərmanla təltif olunub, gələcək fəaliyyətlərində uğurlar arzu edilib.

Daha sonra respublikamızın xalq artistlərinin və sevilən incəsənət xadimlərinin iştirakı ilə bədii hissə təqdim edilib.