01/11/2023
तनहु देबघाट
१५ कार्तिक २०८०
बिकास पान्डे श्री गाउँ सुधार समिती देबघाट ५ तनहु देबपुरको आयोजनामा नेपालिहरुको महान चाड दिपावली को पावन अबसरमा आगामी कार्तिक २५ गते बिहान ११ बजे देवपुर सास्कृतिक महोत्सब हुने भएको छ । "लोक संस्कृती संरक्षणणमा हाम्रो अभियान " भन्ने मुल नारालाइ आत्मसाथ गर्दै देवपुर डबली पार्क मा ७ औं संस्करण को रुप मा देवपुर सास्कृतिक महोत्सब आयोजना गर्न लागिएको हो । महोत्सब प्रत्यक बर्ष आयोजना गर्ने भए पनि कोरोना भाइरस पछि कार्यक्रम गर्न सकिएको थियन । देवपुर खेलकुद संघ सह आयोजक रहने महोत्सब को चक्रवर्ती सामुदायिक बन उपभोक्ता समूह सह प्रायोजक रहेको छ भने महोत्सबको संरक्षक देबघाट गाउपालिकाले गर्ने भएको छ । महोत्सबमा देबघाट गाउपालिका भित्र रहेका कला संस्कृति र जातिय भेषभुसाहरु जगेर्ना गर्ने उदेश्य साथै पर्यटन बर्ष २०२४ लाई मद्दत र टेवा पुग्ने हिसाब ले , विभिन्न लोप हुन लागेको कौराहा नाच , सोरठी , विभिन्न जातजातिको नृत्य , स्थानिय तथा रास्टृय स्तरका कलाकारहरुको प्रस्तुती साथै गायन प्रतियोगिता समेत हुने गाउँ सुधार समितिका अध्यक्ष सुकु गुरुङ ले जानकारी दिनुभयो । साथै गुरुङ ले छिमेकी जिल्ला चितवनको भरतपुर महानगरपालिकाले पर्यटन बर्ष २०२४ भब्यताका साथ मनाउने उद्घोष गरिरहदा यस देबघाट गाउपालिका भित्र पनि विभिन्न कला संस्कृति प्रदर्शन गरि देबघाट क्षेत्र लाई पर्यटनहरुको आकर्षण को क्षेत्र बनाउने उदेश्य का साथ महोत्सब आयोजना गर्न लागिएको जानकारी दिनुभयो । कार्यक्रम मा रास्टृय स्तरमा ख्याती प्राप्त लोक दोहोरी गायिका ज्योती मगर ,निर्जला गुरुङ, लोक दोहोरी गायक राजन गुरुङ, लोक दोहोरी गायक कुशल बेलबासे, जादुगर बलराम सरकार का साथै स्थानिय कलाकारहरु को बेजोड प्रस्तुती रहने गुरुङ ले जानकारी दिनुभयो साथै वहाले कार्यक्रम लाई सभ्य र भब्य बनाउन को लागि सबै मा अनुरोध समेत गर्नुभएको छ ।
