بيت البنات

19/04/2026

07/03/2026

ومن قُدر عليه رزقه فلينفق مما ءاتٰه الله

الآية دي عمالة تتردد في عقلي بقالي فترة وكأنها رسالة ربانية ليا .. يمكن عشان الوضع الاقتصادي العالمي ويمكن عشان شايفة الأسعار عمالة ترتفع بشكل جنوني في مصر وتركيا والسويد وبريطانيا وكل الدول اللي ليا فيها أهل وأصحاب

الآيه دي معناها باختصار: لو الدنيا مقفلة معاك ومش لاقي فلوس تاكل وتأكل عيالك يبقى طلع فلوس لله

ولسان حال العبد: يارب انا مش معايا فلوس ازاي هتصدق! دا انا يمكن اكون محتاج الصدقة

بس حلول ربنا لا يدركها عقلنا المحدود ومش هيحس بيها ويفهمها الا اللي نفذ الأمر الالهي وشاف البركة والرزق في حياته

وانا صغيرة سمعت حوار بين مجموعة زوجات وكانت واحدة بتشكتي ان الراتب مش بيكفي ومش عارفه تجيب حاجه تطبخها فإحدى الاخوات قالتلها تصدقي! ومن قُدر عليه رزقه فلينفق مما ءاتٰه الله

فاللي بتشتكي قالتلها بقولك مش لاقيه حاجه! فسألتها: مش معاكي حتى جنيه؟ قالتلها معايا قالتلها تصدقي بيه بنية الفرج

بعد ماكبرت واتزوجت وسافرنا مرينا بفترة صعبة وكان معانا في البيت ٢٠ ليرة فقط والمفروض هنصرف منها طول الشهر… وقاعدة شايلة الهم ازاي هنعيش ونكمل لاخر الشهر ودخلت في دوامة الحسابات المنطقية اللي بتقول استحالة العشرين ليرة يكملوا يومين

في الوقت ده كان عندي جهاز غالي عليا اشترتيه وقت الزواج وسايباه في مصر .. فقدراً عرفت ان حد معذور محتاجه .. فأعطيتها الجهاز هدية بنية تفريج كرب مسلم ومساعدتها

وقتها ما اعطتهاش الجهاز عشان وضعنا الصعب .. كل اللي في بالي وقتها انها مزنوقة والجهاز ده هييسر عليها.

والله الذي لا اله الا هو اننا قعدنا بالعشرين ليرة لأخر الشهر بدون مايدخل جيبنا مليم زيادة وبدون مانشعر ان احنا ناقصنا شئ!

الفلوس مازادتش والاحتياجات ماقلتش .. بس الأمور كانت متيسرة بشكل عجيب لدرجة اني قعدت أحسبها بالورقة والقلم موصلتش لحاجه وملقتش تفسير.

بعدها بشهر اتصلت بيا الأخت اللي اخدت الجهاز بتدعيلي عليه وازاي انه خفف عنها هم كبير واتكلمنا شوية وقفلنا .. وهنا أضاءت اللمبة 💡 وعرفت سر الرزق والبركة اللي عشناهم الشهر اللي فات

هسيبلكم رابط التبرع (في أول تعليق) لافطار اخوتنا المتعففين واللي بينتظروا شهر رمضان بفارغ الصبر عشان يقدروا يأكلوا أولادهم لقمة كويسة

وشاركونا في التعليقات بتجاربكم مع بركة الصدقة خلينا نرسخ مفهومها وحلاوتها في أذهانا اكتر واكتر 😍

07/03/2026

نفسنا يا بنات نعمل في الشروق زي المطريه ايه رايكم @أبرز المعجبين

07/03/2026

المصلحة والحب
ساعات بنحس أن حد بيحبنا ونكتشف أنها كانت مصلحة
موضوع للنقاش @أبرز المعجبين

21/02/2026

❤️

اللي عنده أولاد وخايف عليهم يقرء البوست ده ويدعيلي

أبي في اخر سنوات عمره كان عنده محل أدوات منزلية وكان معظم الوقت في المحل وعنده خزنة صغيرة .. تفتح الخزنة تلاقي أكواب فيها فلوس .. مش مهم نعرف الفلوس دي بتاعت ايه لكن المهم هوه الكوباية الاستلس اللي على اليمين دي .. كلنا كنا عارفين ان دي فلوس ربنا .. اللي هوه لو بنموت ماينفعش نمد ايدينا عليها ولو من باب السلف لأنها مكنتش من فلوس أبي الشخصية .. أبي مكنش غني بس كان مستور .. بس مش عارفه ازاي بدء موضوع ان أي حد محتاج يجي لأبي وأبي مايرجعهوش خالي الوفاض .. وازاي بدءوا الناس اصلاً يعطوا لأبي فلوس زكواتهم وصدقاتهم وازاي ابي قدر يجمع مبلغ مخصص للقرض الحسن يلف ويرجع ومايخلصش..

بل ان ابي الجميل كان دايماً بيلبس جلابية فيها ٣ جيوب .. جيب منهم كان مخصص لفلوس الصدقات ومايخلطوش ابداً مع فلوس البيت او الشغل.

فاكرين لما قلتلكم في فيديو قبل كده اني كرهت الزواج بسبب ان ابي كانوا بيعتبروه عمدة الحي وكل واحدة عندها مشكلة تيجي تحكي لأبي واغلب المشاكل ان مكنتش كلها كانت بسبب أشباه رجال بيضربوا نساءهم ويشغلوهم في خدمة البيوت وياخدوا فلوسهم واللي يرميها في الشارع مع العيال وأشياء يندى لها الجبين .. وكنا كتير بنشهد هذه الجلسات .. وكان أبي شاطر اوي في السماع والتسكين .. تدخل الواحدة من هنا شايلة طاجن ست ستها وتطلع من عنده بتشكر ربنا على هذا الابتلاء .. أبي كان يستمع ليهم ويتعاطف معاهم ويقعد يحكيلهم حكايات واقعية لناس مروا بمثل هذا الابتلاء وازاي تجاوزوه .. وكيف تلجأ الى الله رب العباد ليخلصها من ظلم العباد .. ويعطيها ما يكفيها لبعض الوقت فتخرج من عنده وكأنها رمت الحمولة اللي على كتفها وخفت شويتين

أنا بقى كواحدة فتحت عيني على الدنيا شفت الحركات دي ألفتها وعمري ماحسيت ان ابي بيعمل حاجة عظيمة الا لما نشرت فيديو "نجوان" و "هبه" وازاي ربنا كرمني باللي يعملي اكل في الغربة بعد ماطلعت من العمليات رغم بعد المسافات .. شوفوا الفيديو هيعجبكم وهتحسوا قد ايه الدنيا لسه بخير وهتلمسوا بنفسكم رحمة الله بعباده .. في الفيديو كنت بتساءل: انا عملت ايه حلو ياربي عشان تبهرني كده؟ فواحدة من المتابعين كتبتلي: ده بعمل والدك عليه رحمة الله وكتبت قوله تعالى “وكان أبوهما صالحاً”

مرة واحدة اللمبة نورت! ولأول مرة اتدبر معنى جديد من سورة الكهف اللي بنقرءها كل جمعة.. تعالوا نرجع للقصة من اولها؟ سيدنا موسى لما راح للخضر وقاله علمني مما عُلمت رشداً .. فخرجوا مع بعض ومروا ببعض الاحداث .. من ضمنها لما دخلوا على قرية وطلبوا طعام من اهل القرية فرفضوا يضيفوهم بخلاً ولؤماً .. واذا بالخضر يتجه لجدار مائل قارب على السقوط فأقامه وعدله وظبطه فسيدنا موسى قاله: مش كنت تاخد على الشغل ده اجر بدل ماهمه بخلاء ورفضوا يضيفونا؟

فالخضر بعد ذلك فسرله الموقف بان الجدار ده كان تحته كنز لولدين يتامى في المدينة وواضح انهم صغيرين لانه لا يتم بعد البلوغ .. واليتيمين دول ابوهما كان صالحاً .. فربنا أمرني اني ابني الجدار عشان احافظ لهم على الكنز لحد مايبلغوا ويقدروا يتصرفوا في مالهم بعيداً عن أهل القرية اللي نفسهم وحشة

وشوفوا كده القصة من زاوية تانيه وهيه ان الغلامين دول كانوا عايشين في مجتمع سئ وحقود وكله فتن فيُرسل الله لهما في وسط هذا القاع المظلم ومن مكان بعيد من يساعدهم على حفظ حقوقهم فقط لان اهلهم كانوا ناس صالحة

انا كنت عارفه الحكاية بس أول مرة أخد بالي من نقطة اني ربنا حفظ مال الاولاد دي كرمة لابوهم وامهم لانهم كانوا صالحين! يعني الصلاح ممكن يمتد أثره لأولادنا؟ اه

وحتى شوفوا في سورة النساء قوله تعالى: وليخش الذين لو تركوا من خلفهم ذرية ضعافاً خافوا عليهم.. يعني اللي خايف على ولاده يحصلهم حاجه من بعده يعمل ايه يارب؟ فليتقوا الله !! تقوتك وصلاحك سبب في حفظ الذرية وذرية الذرية كمان

فاكرين لما كنت بهزر مع الولاد مرة في استوري الانستغرام والولاد بيتعلموا الورث وبيسألوا يعني لما تموتوا هنتحكم احنا في الفلوس؟ فقلتلهم انا مش هسيبلكم فلوس .. هسيبلكم السيرة الطيبة .. ضحكنا وقتها بس تصدقوا ان ده شئ عظيم! يافرحتي اني عملت لولادي قد كده وعماله اقولهم انا سبتلكم ارض وبيت وسيارات وحساب بنكي وانا عشان اعمل كل ده دوست على مبادئ وتجاهلت شرع ربي وماعملتش حاجه يدعيلي عليها حد من ورايا

طبعاً جميل اننا نسيب لولادنا ارث مادي .. الفكرة اننا مانعتقدش ان الارث المادي هوه الحاجه الوحيدة اللي نقدر نسيبها لولادنا ونفضل مهمومين وتعساء .. أبي ماسابلناش ارث ضخم .. بس سابلنا العمل الصالح اللي قعدلي دلوقتي في غربتي .. مش بس موضوع الاكل اللي وصلني.. لما بفكر كده في شريط حياتي بلاقي ان ربنا كرمني أوي انا واخواتي الحمد لله ورزقنا الصحبة الصالحة واتعلمنا كلنا وكل واحدة فينا بقت مميزة في حاجة وحتى اكتر واحدة فينا مبتلاه ربنا ساترها اوي معاها وكذا مرة نشهد بنفسنا ازاي ربنا نجدها من مواقف وأشخاص مريضة حقيرة .. أهي حكايات اختي دي محتاجة سلسلة بوستات كاملة ومش هتكفي برده كل حكاياتها 😂😂

فيا اللي عايز تسيب لاولادك ارث لا يفنى .. سيبلهم كنز الصلاح اللي هينفعهم دنيا واخرة باذن الله.. وهشارك معاكم طريق خير حلو أوي

فاقرءوا التعليقات فضلا 😍



#صدقة #تربية

14/02/2026

من تعلّم الاكتفاء بالله..
لم تملكه يدٌ في الأرض..
فهو يسير إلى الخلق اختيارًا.. لا افتقارًا..
والوِصال عنده محبّة.. لا حاجةُ نجاة..
فإن اقترب.. اقترب لأنّ القلب مال برضا..
وإن ابتعد.. ابتعد لأنّ الروح عرفت طريق سكينتها..
فالحرية مقامٌ لا يُؤخَذ.. بل يُوهَب لمن عرف الله في وحدته ❤️‍🩹

14/02/2026

لية ربنا طلب مننا التسامح والعفو عشان مصلحتنا احنا الاول التسامح بيخلى روحك عاليه وهادئة ومتوازنة بيخليك تشوف الحلو دائما بيخلى قلبك حلو دائما لما بقرأ فى اى علوم نفسية يلاقى مراجعتها القراءن سبحان الله القراءن منهج حياة
«اغفر للجميع الذين أذوك. لا يهم إن كان طفولتك قاسية، أو تعرضت للإيذاء والضرب... دعها تذهب. هذا هو الأمر المهم.»
– دولوريس كانون
التسامح ليس ضعفًا، بل مفتاح التحرر من عجلة الكارما.
عندما نحمل الغضب أو الاستياء، نبقى مرتبطين بتلك الطاقات القديمة، نعيد إنتاج الألم نفسه مرة بعد مرة.
لكن عندما نختار المسامحة – لأنفسنا أولاً، ثم للآخرين – نرفع ترددنا، نطلق سراح العقود الروحية التي لم تعد تخدمنا، ونفتح الباب نحو الأرض الجديدة: مكان السلام، الحب، والوحدة.
لا تحتاج أن تقولها وجهًا لوجه... فقط في قلبك:
«أفهم دوري ودورك في هذا الموقف. أسامحك، وأختار طريقًا مختلفًا. أطلق سراح أي عقد روحي لم يعد يخدمني الأعلى.»
التسامح يحررك أنت، يجعلك أخف، أقرب إلى نورك الحقيقي.

10/02/2026

دة نوع من أنواع الامتنان إلى الله بنيه انك اتخلقت جميل بفضل الله
كمان نوع من انواع الحمد والشكر على هيئتك اللى انت عليها
قول كدة بنيه الامتنان لله والحمد والشكر للعظيم الواهب تتجلى فى حياتك الايه الكريمه
ولأن شكرتم لأزيدنكم
الحياة هتبقي مريحة وسهله اكتر بكثرة الحمد والشكر لله
"الله يحبك. أول خطوة لحب عطايا الله هي أن تحب نفسك أولاً!"
جرب هذا التمرين اليومي (يفضل في الصباح أمام مرآة كبيرة):
قف أمام المرآة بهدوء تام.
انظر مباشرة في عينيك (لا تنظر إلى الجسم أو المظهر الخارجي، بل إلى عينيك كما لو كنت تتحدث إلى شخص عزيز عليك).
ابتسم بلطف، ثم قل بصوت مسموع أو في قلبك (كرر كل عبارة 3–5 مرات ببطء، واشعر بها بعمق):
💖 أنا أحبك تمامًا كما أنت الآن.
💖 أنا أقبل نفسي قبولًا كاملاً.
💖 أنا أستحق كل خير وسعادة في الحياة.
💖 الله يحبني ويدعمني في كل خطوة أخطوها.
💖 أنا آمن، وكل ما يحدث يصب في مصلحتي.
💖 أغفر لنفسي كل ما مضى، وأختار السعادة

20/11/2024

بووووم 💥💥💥💥
عشان احنا شقيانين وتعبانين محتاجين نفصل 🤪
نقعد قاعدة رايقة 😍
المكان في الشروق
نغني وندندن مع بعض 🎤🎻🎹🎷
نهيص ونسقف 🥳🥳
نغير المووووود 💃💃
حفلة بنااات ساعتين في مكان رايق لواحدنا وبراحتنا🤩🤩
السبت ٣٠ نوفمبر ٢.٢٤
للاستفسار
01060928094

24/10/2024

رحلة الاستجمام والفصلان🥰🥰🥰🥰🥰🥰رحلة بورسعيد ببرنامج متكامل وبسعر تحفة 💥💥💥
بس بوووووم 💣💣💣
لاول مره في الجروب رحلة بيات يومين باليلة
ايوه حنسهر براحتنا 🤩
البرنـــــــــــــامج
حننزل في احلي فنادق بورسعيد ♥️
نوصل بالسلامه ونستلم الغرف نحط الشنط وننزل 🥳
⬅️حنلف نروح أماكن كتيييييير 👀👀

⬅️حديقة فريال ومنصات افتتاح قناة السويس واحلى اماكن نتصور فيها واللي تعتبر من معالم بورسعيد ❤️
وهناك في أحسن عربية بتعمل قهوة بالمكسرات ☕☕☕
⬅️نعدي على المسلة ونتصور مع الحمام كأننا فى باريس اة والله زى ما بقولك كدة 🤩🤩🤩
⬅️عبور قناة السويس وركوب معدية بورفؤاد ونشوف مبنى هيئة قناة السويس ونشوف طيور النورس ياللى مقبلنى 🤹
⬅️وقت الغدا اللي حابب يروح سوق السمك وينقي احلى سمك طازة ويسويه ويخش علوش واحلى شوكلاته ( اختياري)
⬅️ حنروح على منطقة الشواطئ ونخش احلى كافية ع البحر ( اختياري)
احلى حاجه بقى ف الشاطى الاستجمام وتحسي انك سافرتي دهب كدا واحلى صور هناك المكان تحفة حقيقي ❤️‍🔥❤️‍🔥
○تفــــــــاصيــــــل
* الفندق يطل مباشرة علي قناة السويس وسيتم تسكين الغرف ثلاثية وشاملة الفطار
*يوجد حمام سباحة
*جميع الانتقالات الداخلية خارج تكلفة الرحلة
* التحرك من القاهرة ٨ صباحا يوم الجمعة
*العودة من بورسعيد ٧ مساء يوم السبت
تأكيد الحجز عن طريق الدفع 😍😍

*سياسة الالغاء
- استرداد كامل المبلغ في حالة الالغاء حتى باسبوع قبل الرحلة
التفاصيل 👇
الحجز بدفع كامل قيمة الرحلة
التواصل 01060928094
السعر شامل الباص ذهاب وعودة من القاهرة والاقامة بالفطار
اخر ميعاد للحجز ١٤ نوفمبر ٢٠٢٤