23/06/2025
رجعنا بعد غياب نحمل شغف، أمل... وحلم محتاج دعمكم إنتو يمكن بتشوفوا فيديو جاهز... بس محدش فيكم شاف الكواليس،
ما شفتوش أول لحظة خوف، ولا أول محاولة فاشلة، ولا كم المرات اللي حسيت فيها إني مش قادرة أكمل،أول تجربة كانت تقيلة، كل كلمة فيها كانت رحلة طويلة،كنت بلجأ لكتب ومصادر، أدوّر على معلومة، على حقيقة تثبتلي إن الطريق اللي ماشية فيه صح كنت لازم أعرف الدليل، المكان، تاريخه، روحه، علشان أوصله ليكم بالشكل اللي يليق بيه...
كل مرة كنت بكتب فيها، كان بيجي سؤال يخوفني:
"هل الكلام ده صح؟ هل المعلومة دي دقيقة؟ هل الكتابة دي تستحق تطلع للنور؟"
وكنت أرجع تاني... أراجع وأقارن، أترجم من كتب موثوقة، أقرأ مقالات ومصادر بلغات مختلفة، بس عشان أكون مطمئنة… إني مش بوصل لكم إلا الصدق.
الكتابة؟ مش سهلة أبداً،ده أصعب مما تتخيلوا… إنك تكتب مقال خالي من الأخطاء، متماسك، واضح، ومبني على بحث وتدقيق ومراجعة.
ومش بس كده…
إنك تكتب عن مكان عمرك ما عشت فيه، لكن بتحبه وبتحاول تتنفس تفاصيله وتعيشه بكل حواسك، علشان توصّله لقلب القارئ كأنه كان هناك،
التجربة صعبة… لكن الشغف بيهون، والدعم منكم بيقوّي، كل كلمة اتكتبت بحب، وبنية إننا نقدّم ليكم حاجة مفيدة، ممتعة، وتشرفنا وتعلمكم، انتظرونا وادعمونا لأن بدون تشجيعكم... المجهود ده بيضيع في صمت ،كل دعم بسيط منكم… هو نور في طريقنا الطويل.
هُدَى عُبَيدَة.
