06/06/2026
ريفيو بيكالباتروس اكوابلو
دخول ٢يونيو مغادرة السبت ان شاء الله ٦ يونيو
غرفة رقم ٥٢٤٤
تجربة ممتازة الحمد لله
اولا حابب اشكر استاذ محمد دويدار حجزنا من خلاله بخصم محترم الحمد لله
وصلنا الساعة ٨ الصبح قالولنا ندخل للفطار ع م يتم تجهيز الغرف
الساعة تسعة ونص اتصلوا بينا ان الغرفة جاهزة وعملوا ابجرادينج من جاردن فيو ل بول فيو وطلبنا سرير زيادة للطفل التاني طلعوه وكانوا ذوق جدا
الغرفة نضيفة جدا والهاوس كيبنج بينضفوا يوميا و تاني يوم لقيناهم سايبين مشروبات وحلويات للولاد داخل الغرفة
الاثاث نضيف ومتجدد ماعدا الحمام الحوض شكله قديم شوية لكن نضيف جدا
حمامات السباحة نضيفة جدا جدا والايف جارد كتير جدا ومنتشرين ومحترمين جدا ف التعامل وطول الوقت ع حمام السباحة حد يسالك تشرب حاجة او محتاج حاجة وذوق جدا مع الاطفال
سناكس بار ع حمام السباحة متميز برجر وبيتزا واول يوم كان جمبري
الاكل ف المطاعم حلو جدا البروتين ممتاز والخضار طازة و الفواكه متنوعة وكلها طازة و طعمها ممتاز
الستاف بشوش واي طلب بيلبوه بسهولة وذوق شديد
الاكوا بارك حلوة وممتعة للاطفال والكبار
فيه العاب كهربية جديدة للولاد برة الفندق ف المدخل حلوة اوي وبالاخص عربيات التصادم استمتعنا بيها كلنا
الشاطي جميل ف الباتروس بيتش فيه باص كل ربع ساعة روحناه مرة واحدة لان الولاد بيحبوا حمامات السباحة اكتر
الصورة من فيو الغرفة ده حمام السباحة الامواج الصناعية لطيف وهادي
