جالى اسئلة كتير جدا بتستفسرعن ماقبل وبعد الجائزة فححاول اجمع كل شىء فى المقال دة سواء قبل او بعد او عن الجائزة نفسها
البداية كانت صعبة جدا لان مجال السياحة الالكترونية كان ومازال مش معترف بية رسميا حتى الان حتى بعد الجايزة
الحمد للة 15 سنة وانا هويتى الوحيدة هية السياحة الالكترونية او التسويق الالكترونى فى مجال السياحى اكتر حاجة بحبها فى حياتى فى خلال ال15 سنة كنت دايما بحاول اخلق طرق جديدة اول بيها كل اسواق العالم السياحية وكنت بجرب كل حاجة عملى وبعلم نفسى بنفسى
بحب اتعلم من خلال التجربة نفسها واقيم النتايج بنفسى
على فكرة انا كنت من اسرة بسيطة فبدات شركة السياحة فى البيت الصغير اللى كنت عايش فية انا وماما او بمعنى اصح ضحيت بالبيت الصغير اللى كنا عايشين فية وخليتة مقر شركة السياحة الالكترونية واحتفظت بغرفة واحدة نعيش فيها انا والحاجة البداية كانت صعبة جدا جدا لكن كنت مصمم وشايف ان السياحة الالكترونية هي المستقبل
والحمد للة من حوالى 10 سنين لما بدات الشركة تنجح بقى عندى شركة سياحة مصرية مرخصة من وزراة السياحة فئة الف ومقر شركتى حاليا فى جرين بلازا بالاسكندرية بجانب القطرية للطيران. تفاصيل اكتر عن الشركة:https://www.facebook.com/ramasside
حاليا عندى اكتر من 50 موقع الكترونى اغلبهم بسوق بيهم مصر وبعض المواقع لتسويق دبى وبعض الدول الاخرى كاليونان وتركيا والولايات المتحدة الامريكية
موضوع الجايزة بدا مع دعوتى للمجلس الاستشارى لوزارة السياحة . تم تكوين مجلس استشارى لوضع الخطة الاستراتيجية للسياحة فى مصر ل سنة 2020 طبعا اول ما تم دعوتى كان همى الشاغل انى اقنعهم يحطوا السياحة الالكترونية باى طريقة فى الاستراتيجية الرسمية وبدات افكر لاول مرة فى استراتيجية او خطوات تقدر تتبعها مصر بحيث ناخد حصة من سوق السياحة الالكترونية اللى هو حاليا حوالى مليار سائح
وبدات اكتب افكارى بشكل مبسط بحيث اطرحها فى المجلس الاستشارى وبساطة اوضح اية اللى المطلوب مننا نعملة خطوة خطوة مثلا المليار سايح بيستخدموا انهو مواقع للحجز بالظبط وبدات اقسمهم لفئات زى محركات البحث ومواقع السوشيال وعشر فئات اخرى وكل فئة طرق وتكنيك تسويق معينة بعضها مبتكر بحيث المقصد بتاعنا يبقى دايما اختيار امام المليار سائح فناخد نسبة محترمة من السوق دة اللى حاليا مش بنستهدفة
وخاصة انى شايف من 15 سنة ان دة حيكون المستقبل وبالفعل اصبح واقع حاليا ان 90% بيحجز اون لاين المهم طرحت الفكر بتاعى بالشكل المبسط دة ومن حسن الحظ مستر خالد رامى اللى اتعرفت علية فى المجلس الاستسارى كان مسؤل عن ملف التسويق الالكترونى و اصبح هو الوزير الجديد طبعا تحمست جدا وهو كمان بصراحة تحمس جدا واقترحت انشاء فريق سياحة الكترونى وانى اقوم بتدريبة متطوعا بدون اجر لانى كنت عايز اطبق فكرى باى طريقة
ممكن تشفوفوا هنا للوزير الاسبق بيعلن عن بدا تنفيذ موضوعى فى مؤتمر صحفى وعن حماسة لشخصى ولفكرى وانو متاكد ان حعمل حاجة كويسة قوى
https://www.facebook.com/OfficialMohamedYousef/videos/1697719073853002/
https://www.youtube.com/watch?v=MWPcPvlop3A
جواب تقدير من الوزير نفسة عن بعض مجهوداتى فى التسويق
https://www.facebook.com/1682487288709514/posts/1682593538698889/?hc_location=ufi
على فكرة دة نفس التوقيت اللى بدات اعرض فية موضوعى فى الخارج لانى كنت سعيد جدا ان اخيرا حطبق فكرى بنفسى وكنت فخور جدا وعرضت اننا بدانا تنفيذ فكر السياحة الالكترونية فى الوزارة وانى بدات بالفعل خلق فريق للمهمة دية وتدريبة من خلال المؤتمرات اللى كنت بحضرها
دة احد المؤتمرا اللى دعيت ليها لتوضيح الموضوع
https://www.youtube.com/watch?v=JeCHPpKoMDE
استقبال الخارج لموضوعى كان مشجع جدا و د فعلهم الايجابية فى طلب التطبيق سريع جدا وعايزين تطبيق فورى لتجربة كل التكنيكس اللى اتكلمت فيها ومع منظمة السياحة العالمية الموضوع بدا من فترة واتعمل فية شغل كتير جدا وكان لازم نطبق كل الخطوات حوالى سنتين كنت شغال فى الموضوع لتحضيرة وتقديمة بالشكل اللائق وهو خبرة 15 سنة فى المجال اللى بحبة
وهو منظومة كاملة تكمن اى مقصد سياحى فى العالم من استجلاب سياح عن طريق السياحة الالكترونية لغة السياحة فى العالم الان
المنظومة تمكن اى مقصد سياحى فى العالم من زيادة عدد السياح عن طريق السياحة الالكترونية _ سوق السياحة الالكترونية مليار سائح حاليا ) يعنى لو اخدد اى مقصد سياحى واحد فى المية معناة عشر مليون سايح
للاسف الوزراة اتغيرت بسرعة جدا وعرضت على الوزراء اللى بعد مستر خالد بعد كدة لكن للاسف معرفتش حتى اقابلهم.... وفى نفس الوقت كان فى اهتمام فالخارج بالموضوع ودعم كامل بصراحة لتنفيذ كل الخطوات والمنظومة اللى اتكلمت فيها وللتاكد من فاعلية كل التكنبكس اللى اتكلمت فيها فطبعا كملت لان كنت عايز فكرى يطبق وهما اهتموا لان المنظومة ممكن استخدمها لاستجلاب سياح لاى مقصد سياحى فى العالم .
الحمد للة فى نوفمبر 2016 تم ترشيح الموضوع للحصول على جائزة من جوائز منظمة السياحة العالمية للابتكار دة كان من اسعد لحظات حياتى ان مجهود 15 سنة وبداية من تحت الصفر اخيرا حيعترف بية ويتم تقديرة بالشكل اللائق ,
البيان الرسمى فى نوفمبر عن النهائيات :
http://media.unwto.org/…/unwto-announces-finalists-unwto-aw…
حتلاقو اسم موضوعى اول موضوع مرشح لنيل جائزة من جوائز المنظمة
Innovative use of e-tourism/Egypt’s strategy 2020
الابتكار فى استخدام السياحة الالكترونية
وتم الاعلان عن دة بشكل رسمى من قبل منظمة السياحة العالمية (اسم موضوعى الابتكار فى السياحة الالكترونية )
وكان معايا اسبانيا والمكسيك وتم تصنيف موضوعى للتنافس على جوائز الدول والحكومات وليس للافراد النقطة دى مهمة جدا
لانة موجة للدول والحكومات وهية اللى تقدر تستفيد منة ولانة بدا انطلاقة فى المجلس الاستشارى وبدا تنفيذ اول خطواتة فى وقت تواجد مستر خالد رامى بوزارة السياحة ورغم اخطارى الرسمى لمنظمة السياحة ان المجلس الاستشارى انتهى وانى اضطريت اكمل لوحدى وان الفكرة بدات فقط فى الوزارة مع مستر خالد لكن لم تكتمل بعد تغيير الوزير تم تصنيف الموضوع للتنافس على جوائز الدول لانة موجة وبيخدم الدول وليس للافراد ودة طبعا صعب الموضوع عليا اكتر بكتير لانى لقيت نفسى بنافس دول مش افراد زىى ووزرات سياحة كاملة وفرق ووامكانيات مادية وبدون اى دعم من وزارة السياحة المصرية او حتى لما دعيت الوزير وقتها يحضر حفل توزيع الجوائز لم يلبى الدعوة والمناظرة كانت مع وزراء سياحة المكسيك واسبانيا طبعا بقى اصعب بمراحل عليا
يوم 16 يناير2017 تم تحديدة للمناقشة و المناظرة وشرح الموضوعات المرشحة بمدريد وذلك لتحديد المراكز والجوائز دة بصراحة كان اصعب يوم لان حضر حوالى 75 وزير سياحة للمشاهدة (مصر - المكسيك- اسبانيا) بحيث يشوفو يقدروا يستفيدوا ازاى والمناظرة كانت مع وزير السياحة بالمكسيك واسبانيا طبعا كان صعب جدا ولكن عملت اللى اقدر علية والحمد للة ربنا وفقنى اليوم دة وتم اعلان حصولى على المركز التانى مناصفة مع اسبانيا وتقدروا تشوفو جزء من المناقشة وانا بطرح الموضوه هنا :
https://www.youtube.com/watch?v=um3eWUEVCtg
وبصراحة بعد المناقشة العديد من وزراء السياحة تحمسوا جدا وتم دعوتى للاشراف على تطبيقة عندهم فى بلادهم
يوم 18 يناير كان يوم الحفل النهائى اهم يوم والحمد للة تم اعلان حصولى على المركز التانى مناصفة مع اسبانيا فى الحفل النهائى كاول عربى او مصرى يحصل على هذة الجائزة من المنظمة والمركز الاول كان من نصيب المكسيك .
ممكن تشوفو فيديو لحظة استلام الجايزة ودة اهم فيديو لازم تشوفوا لانة اهم لحظة واسعد لحظة فى حياتى :
https://www.youtube.com/watch?v=hEYnXahk8-M&list=PLaQnqk7NOkQAfdVHbTwaO5BzJn7DC3u83&index=8
البيان الرسمى من الموقع الرسمى لمنظمة السياحة العالمية :
http://know.unwto.org/…/13th-unwto-awards-winners-and-final…
اول بوست نزلتة بخصوص بيان الجايزة حصل على ربع مليون لايك وشير
https://www.facebook.com/OfficialMohamedYousef/posts/1692440314380878
صورة الجايزة ,وحفل الجوائزفى الصور
https://www.facebook.com/moyousefofficial/media_set?set=a.1389553527763966.1073741857.100001279974428&type=3
تقرير مفصل من الهيئة العامة للاستعلامات للحكومة المصرية عن بورصة مدريد والجائزة
http://sis.gov.eg/Story/133617?lang=ar
اليوم صور حفل الجوائز وتسليم الجوائز
https://www.facebook.com/moyousefofficial/media_set?set=a.1389553527763966.1073741857.100001279974428&type=3
طبعا دة كانت اسعد لحظة فى حياتى خاصة انى عملت الموضوع كلو لوحدى وطبعا المنافسين سواء استراتيجية دولة اسبانيا او المكسيك تم إعدادهم فنيا و ماديا بواسطة فرق و وزرات وحكومات كاملة و خبراء السياحة في الدولتين لهما ثقل و مكانة سياحية و إعلامية عريقة و تساعدهم في ذلك الدبلوماسية الوطنية و ممثلو هذة الدول لدي الامم المتحدة منظمة السياحة العالمية فطبعا بالنسبالى انى احقق المركز التانى مناصفة مع اسبانيا الدولة المقر لمنظمة السياحة العالمية دة كان حلم لايصدق باالنسبالى
وصولى للنهائيات نفسها كان شرف كبير ليا مع اسبانيا والمكسيك بعد تصفيتنا من بين 125 دولة على مستوى العالم النقطة دى مش واضحة احنا كنا 125 دولة تم تصفيتهم فى عدة مراحل حتى اصبح فى النهائيات مصر اسبانيا المكسيك فوصولى للنهائيات نفسها بالنسبالى كان شبة مستحيل وخاصة انهم صنفوا موضوعى لجوائز الدول فالمنافسين كانو وزراء سياحة ووزارت كاملة بفرقبميزانيات ضخمة لكن الحمد للة كنت واثق انى اقدر والحمد للة حصلت على الجايزة التانية.
رجعت مصر يوم 19 يناير ومقدرش انسى وانا داخل طيارة مصر للطيران وماسك الجايزة فى ايديى مدى فرحتهم واحتفالهم بصراحة كانت حاجة فى قمة الاحراج والطيارة كلها والكابتن بيحتفلو بيا شكرا جدا لمصر للطيران
وحسيت ان فى بداية جديدة فى حياتى
اول ما نزلت مطار القاهرة لقيت ارقام غير ظاهرة حاولت تكلمنى وفوجئت بمكاملمة من رئاسة الجمهمورية تهنئة ودعوة لحضورموءتمر الشباب بأسوان والصورة فى الالبوم
https://www.facebook.com/photo.php?fbid=1405412279511424&set=a.1389553527763966&type=3&theater
اول لقاء لى مع قناة دريم بعد الاعلان على حصولى الجائزة
https://www.facebook.com/moyousefofficial/videos/1370044129714906/
وتوالت التكريمات والجوائز
تكريم من رجل الاعمال الملياردير المصرى سميح ساويرس على حصولى كاول مصرى على جائزة الابتكار من منظمة السياحة العالمية
https://www.facebook.com/photo.php?fbid=2898946420157995&set=picfp.100001279974428&type=3&theater
تكريم بالمملكة العربية السعودية
https://www.facebook.com/moyousefofficial/posts/1809770775742237
طبعل الاعلام بصراحة من اول لحظة كان اول من تواصل واهتم وحاجة اكثر من رائعة وخاصة الاستاذ احمد عبد المقصود من صفحة السياحة بالاهرام كان اول المهتمين
http://www.ahram.org.eg/NewsQ/574823.aspx
تكريم مكتبة الاسكندرية
https://www.facebook.com/photo.php?fbid=1464411133611538&set=a.575784192474241&type=3&theater
تكريم السفارة الامريكية والسفير الامريكى لحصلولى على الجائزة لمصر والعالم العربى
https://www.facebook.com/photo.php?fbid=2625628107489829&set=picfp.100001279974428&type=3&theater
https://www.dostor.org/1353381
تكريم الاكاديمية العربية للعلوم والتكنولوجيا -درع جامعة الدول العربية
https://www.facebook.com/moyousefofficial/posts/1424222320963753
لقب زويل السياحة من صحيفة الاهرام
http://www.ahram.org.eg/NewsQ/586096.aspx
أسعدني جدا اهتمام وتهنئة العديد من الشخصيات العامة فى مصر والخارج وخاصة الاستاذ عمرو خالد وعصام حجى بوكالة ناسا والبروفيسور المصرى صلاح حسن و دونالد هاوكنز بجامعة جورج واشنطن وجامعة اكسفورد وواتر لوو بانجلترا ودعواتهم الكريمة
والكثير وخاصة الشباب من أعضاء مجلس الشعب وعدد من السفراء بمصر وخاصة السفارة الامريكية والسفير الأمريكى بالإسكندرية على الاهتمام والتهنئة والدعوة بصراحة حاجة محترمة جدا
وعدد من الجامعات المصرية والأوربية وخاصة كليات السياحة وأسعدنى جدا اهتمامهم بفكر السياحة الالكترونية والبدء قريبا فى تدريسها ودى اهم حاجة بحيث يبقى عندنا جيل يقدر يتعامل مع واقع السياحة فى العالم وطبعا غرفة شركات السياحة بالاسكندرية ونقابة المرشدين
دة ملف جمعت فية تهانى ودعوات الشخصيات العامة عشان احتفظ بيها ممكن تشوفوا هنا :
https://www.facebook.com/moyousefofficial/posts/1398044716914847?pnref=story
مؤخرا عملت لقاء مع اون تى فى وضحت فية كل التفاصيل ورؤية لقطاع السياحة فى مصر وعرض لأجزاء كاملة من الحفل النهائى وتسليم الجوائز والمناظرات
ممكن تشوفو هنا
https://www.facebook.com/moyousefofficial/posts/1396242577095061
وأحب أوضح نقطة مهمة جدا لانى لاحظت وانا بتكلم معاكم كتير بيتكلمو معايا على اساس انى عايش برة المعلومة دة مش صح انا عايش طول عمرى فى الاسكندرية وشركتى كمان (www.RamassideTours.com )
شكرا جدا جدا ليكم
