https://www.facebook.com/102043941980895/

أحلي فسح في مصر

Home
Egypt
Cairo
أحلي فسح في مصر

احلي فسح في مصر هتساعدك تعرف اماكن جديدة متعرفهاش بشكل جديد من وجة نظرنا احنا

24/07/2025

المكان لسه فاتح من قريب بس لسه مخدتش حقه 🤩

المكان إسمه 3and Ahmed - عند أحمد

المكان مليان راحة نفسيه المكان شكل الزرع من حواليك بيدي للمكان بهجه وطلاقة إيجابية

من الحاجات الحلوه في المكان إنهم عاملين kids area لطيفة اوي ده هيخليكم تتبسطو بالقعده اكتر

عندهم منيو متنوع للمشروبات والمأكولات والأسعار كمان مناسبه جداً

لو قعدت اليوم كله مش هتزهق فجربنا الغدا هناك وعايزين نقولكم انهم عاملين عرض حلو جداً 10% خصم علي المنيو كلة

وجوده السندوتشات حقيقي كويسه جداً مقارنه بالسعر والقعدة هناك

وعاملين ركنات مختلفه تختار المكان اللي يناسبك أكتر ركن حلو اوي للصحاب الخيم كانت قعدتها لطيفة جداً ومناسبه للأسره او شله صحاب

والحقيقه إن المكان شكلة لطيف جداً وهتحب تاخد صور هناك 😍

العنوان:
📍 عند أحمد _ السبتية – جنب أركاديا مول - كورنيش النيل

📞 للحجز: 01065869558

21/07/2025

فطار مصري أصيل في أروق بلكونه في وسط البلد 😍

الكوخ - alku5

هتفطر في بلكونه رايقه وبراد الشاي وتتفرج علي عمارات وسط البلد بتصميمها المعماري الرائع اللي مهما عدي عليه الزمن لسه محتفظ بجماله ورونقة

وده الفرع الجديد للكوخ في وسط البلد ما نقلو من الفرع القديم والأول ليهم

المكان جميل وراقي جداً كل أنتيكه في المكان مختاره بعنايه عشان تضيف لمسه جميله وتحسسك بالزمن الجميل

جربنا طبيله الكوخ وهما مشهورين بيها جداً عندك يا سيدي بينزلك فول وفلافل وبيض مدحرج في السمنه البلدي وبصاره وجبنه وفطير وعسل حاجه كده تخليك تفتح النفس

تخلص تاخد براد الشاي وعود النعناع واسمع صوت ام كلثوم الصبح علي روقان

رقم التليفون:
01033093036

العنوان:
عمارة رقم ١ شارع البورصة الجديدة
متفرع من شارع قصر النيل، عمارة الصالون الاخضر - قريب جدا من فرع الكوخ الاولاني في وسط البلد
وليهم فرع ف الزمالك ومصر الجديدة

19/07/2025

ده ده مكان لسه فاتح جديد علي النيل 💙😍 بس هيتشهر اوي الفتره الجايه

Stage Bakery

دي أجمل قعده علي النيل ممكن تقعدها في الفتره دي بجد

المكان شكله راقي جداً وكله بهجه 🌸 كل ركن فيه عباره عن لوحه مرسومه

المكان ده بيقدم الكرواسون المورق 🥐 اللي بنقعد ندور علي مكان بيعمله بجوده عاليه والحقيقه إن المكان ده بيقدملك أجود أنوع الكرواسون مع مكان شيك وجميل

وعايزين نقولكم إنهم اللي بيخبزوه بنفسهم ف هتلاقي الحاجه عندهم طازة والطعم الزبده فيه غير

وكل كرواسون بيتقدم معاه اسبرسو أو عصير برتقال 🍹
الحقيقه من أفضل الأماكن اللي جربناها ف الكرواسون حقيقه

وبالنسبه لمحبين القهوه عندهم كل أنواع القهوه اللي ممكن تتخيلوها☕️

وعندهم منيو متنوع للمشروبات

القعده هناك جميلة ورايقه لأقصي حد ومكناش عايزين نمشي وخدنا أحلي وألطف صور مع ڤيو النيل بجد كانت شكلها تحفه علي الطبيعه أحلي كتير

وطول ما انت قاعد هتشوف المراكب وهي ماشيه حقيقي أتبسطنا بالقعده هناك اوي

رقم التليفون:
01016030207

العنوان:
Stage Bakery
الدقي، كورنيش العجوزة، بجوار نادي اليخت ..

17/07/2025

الحديقه دي جوا النيل ب٢٠ج 💦🍀⛵

🌳 حديقه العبور في الزمالك 🌳

مفيش أحلي من قعدتك علي ڤيو النيل بجماله وهواه اللي بيغير الموود🤩

الحديقه مش كبيرة هي صغننه في نفسها كدة بس هتاخد نفس القعدة ونفس الڤيو لأماكن تانيه بأسعار اغلي 😉😉

هناك بيعملوا ساندوتشات ( جبنه ، برجر ، فراخ ، بطاطس ، كفته وغيرها) الأسعار كويسه 🥪🥖🧀

أسعار المشروبات هناك بتبدأ من ٢٠ج وأغلي حاجه ب ٤٠ج

وعايزين نقولكم إن الحديقه واحدة من ضمن مشروع الحدائق المتخصصة 🍀

سعر دخول الحديقه ٢٠ج 😍😍

المواعيد من ٨ ونص صباحا ل١٢ بعد منتصف الليل 🌠

العنوان 📍
الزمالك الجبلاية امام بوابه حديقه الأسماك مباشرة

T.b: Khadija A jabbar 📸

Instagram: https://www.instagram.com/beautiful__places_in_egypt?igsh=MTN5NmZ3d3lvMmIxcQ%3D%3D&utm_source=qr

11/07/2025

مينفعش تروح إسكندريه ومتروحش المكان ده 🌊 🎡🎠

"ملاهي المعمورة Kouta Park"

المكان مبهج لأقصي درجه هتحس بسعاده وفرحه من اول دخولك من البوابه 😍

فيها ألعاب كتير جداً جداً ومناسبه لكل الأعمار وكمان ألعاب مخصصه للأطفال

اسعار الألعاب من أول ٤٠ و ٦٠ جنيه 😍و لعبه واحده ب ١٠٠ جنيه🥰

مواعيدهم كل يوم من 12 ظهراً ل ١ بليل 🕐
سعر تذكرة دخول بوابة الملاهي ١٠ جنيه 🎫

العنوان:المعمورةالشاطئ🌊 ، الاسكندرية

T.b: Khadija A Jabbar 📸

05/07/2025

إسكندريه صد رد في القطار اللي شبه الطياره ده😂♥️
الحقيقه من أحلي وأجمل التجارب اللي جربتها
هتصدقوني لو قولتلك اني وصلت مسافه ما شربت النسكافيه ☕️😃

هتوصل اسكندريه في ساعتين و ربع♥️🤸‍♀️
قطار تالجو الحديث من القاهرة للاسكندرية
صراحة قمة في الرقي والنظاقة والراحة
وخلال ساعتين او اقل بيكون واصل والاكل حلو وفي تواليت صغير شويه بس نظيف
جربوه مش هتندموا😍🚆

T.b: Khadija A jabbar 📸

Instagram: https://www.instagram.com/beautiful__places_in_egypt?igsh=MTN5NmZ3d3lvMmIxcQ%3D%3D&utm_source=qr

Address

Cairo

Website

facebook.com

Alerts

Be the first to know and let us send you an email when أحلي فسح في مصر posts news and promotions. Your email address will not be used for any other purpose, and you can unsubscribe at any time.