18/02/2024
هقولك حااجه .. مفيش حاجه اسمها انك وصلت لأهم مرحله ف بند الدهانات فتسئل عن سعر المتر وتفضل تفاصل بين الفنين. كارخص سعر من غير ما الفني يشوف بعينه حاله السطح عندك 🤌 .. بصو يمكن الي بقوله دا بيحصل بنسبه كبيره بس خلينا متفقين انو مش اصح حااجه لان بالمنطق والعقل كدا السعر دا بيتحدد بناء علي المواصفه .. بناء علي التعب
بلبلدي كدا انا هحرق في الشقه دي قد ايه وقت ويوميات ومصاريف عشان احط رقم من غير ما اشوف الشغل 🤷
كلمه لفني الدهانات . 🤝
انت شغلك شغله فن مش عتاله يعني دكتور بيوصف ويشرح وبناء عليه بيضع قيمه توازي مجهوده . فمتقولش للعميل انت عايز انهي مستوي من التشطيب ونسعر علي اساسه . مع احترامي للعميل هوه مش هيقدر يجيب خبايا الشغلانه زيك فخلي شغلك برقم ثابت بجوده ثابته هوه دا سعرك في السوق وده محتاج فني عارف قيمه الجوده ف أهم بند ف مراحل التشطيب ✨💯
كلمه للعميل .
خلي عندك وعي ان النتيجه مقابل السعر فمش بلفلوس
يعني متفرحش برقم قليل جبته ارخص هوه مش ارخص هوه هيبقي مقابل النتيجه الي هتشوفها . عشان بلمختصر كدا محدش هيتاجر ف الخساره مش هاخد منك 30ج في المتر واديك شغل ب 80 مثلا .
لان الفنش العالي الي حضرتك مستنيه دا بيضيع قصاده يوميات اكتر وتشطيب ومصاريف وتعب .
تحياتي..
