19/12/2025
أنواع السيدات المعتمرات وقت التحضيرات لرحلة العمرة 😂🩷
أنتي بقا اي وحدة منهم ؟
المعتمرة الموسوسة :
مش مخلية علبة معقم ، كمامات
شنطة أدوية، مراهم، فيتامينات وكله عندها للاحتياط
المعتمرة الفاشينيستا :
مجهزة ١٠ عبايات و8 شالات و ٤ شنط و المشكلة أن العمرة اسبوع
المعتمرة المنظمة بزيادة:
كاتبة كل حاجة ببوك نوت النية، الأدعية، ميعاد الطيارة .
معها كام ريال ، موعد الروضة ،هتجيب هدايا ايه ، هنروح امتي
المعتمرة العاطفية :
بتعيط من اول ما سمعت كلمة عمرة و حافظة كل اناشيد العمرة و بتشغلهم و ب تعيط و بس
تودع اهلها تعيط و بس
تروح تعيط و بس
تدخل الحرم تعيط
المعتمرة الاقتصادية :
ليه نشتري؟ عندي وحدة قديمة بتفي بالغرض
ليه نطلع برج الساعة! ماله ابو ريالين
عندنا أرخص
ليه ١٥ ريال!!! غالي اوي
هو الريال بكام يبقي كده عاملة كام بالمصري 😂
المعتمرة اللي خايفة تجوع :
عاملة قرص عجوة وملبن وسادة وجميع انواع المخبوزات
٦ علب تونة وزيهم فول
١٠ اكياس اندومي
١٠علب جبن متنوعة وحلاوة طحنية كمان وشيبسي وعصير ومش مخلية
المعتمرة المتوترة :
كل خمس دقايق
الطيارة؟ الباسبور؟ الفيزا؟ متأكدين؟
المعتمرة اللي مستلمة أمور
الحجوزات:
كل ساعة بترن على الشركة
الفندق قريب ؟
التأشيرة طلعت ؟
مين هيقعد جمب الشوباك
يعني ايه مركزية
الاتوبيس هيجي امتي ؟
هننزل الحرم امتي
بصراحة بقا انتي مين فيهم 😂
