Every Mood Travel Company

27/11/2025

بإسم حملة الدكتور طلعت العريان

نُعلن بكل وضوح وبكل احترام دعمنا الكامل لإخوتنا من دكرنس وبني عبيد الذين وصلوا لجولة الإعادة
{م.أحمد السنجيدي ، أ.سامي المرسي ، د.مكرم رضوان}
وصولكم لم يكن صدفة بل نتيجة إحترام الناس لكم وثقتهم في قدرتكم على تمثيلهم بالشكل اللائق

ونؤكد أن حملة الدكتور طلعت ستكون حاضرة بقوتها وثِقلها
دعمًا ومساندة ووقوفًا صادقًا بجوار كل ابن من أبناء بلدنا يحمل نية صافية لخدمة أهله

دكرنس وبني عبيد أكبر من المنافسة وأكبر من أي ظرف
وإحنا موجودين دايمًا في المكان اللي يليق بكم ويُظهر قيمتكم

كل التوفيق لإخوتنا ومن نجاح لنجاح بإذن الله

14/11/2025

25/09/2025

الشباب مش المستقبل وبس…
الشباب هو الحاضر وصانعي التغيير.
أنا مؤمن أن قوتي الحقيقية بيكم،
إن أي إنجاز مش هيتم غير بجيل الشباب الواعي مع خبرة الأجيال السابقة.
معكم ومع طموحكم نقدر نتخطى أي قيود،
ونفتح أبواب جديدة لشبابنا وبلدنا بوعي وسواعد الشباب الصاعد.

أنا مش براهن عليكم… أنا قوتي بيكم

19/09/2025

📣 أهلنا بــ دكرنس، وشربين، وبني عبيد •
ــ بـسـم الله نـبـدأ ــ
ــ بدء العمل بالمقر الإنتخابي لدكتور طلعت العريان مرشحكم لمجلس النواب من الغد السبت ٩/٢١ ، لمشاركة الحماس ودعم مستقبل دائرتنا 🇪🇬✨
••مكان المقر : دكرنس، منشية عبدالصمد، بجوار شوكة وسكينة
••الموعد : اليوم السبت الساعة 6 مساءً
تعالوا شاركوا بكلمة ، بحماس ، وبوجودكم القوي لتكونوا جزء من حركة التغيير والدعم لمرشحنا الموثوق به، الصادق، والمحترم 💪

كل صوت مهم… وكل حضور يحدث فرق!

#دكرنس #شربين #معاً_للتغيير

29/05/2025

د.طلعت العريان

شاب، بس داخل المجلس بعقل دولة.

في وقت ناس بتفتكر إن الشباب مكانهم برّه اللعبة… إحنا شايفين العكس.
البرلمان محتاج دم جديد، محتاج حد يطرح أسئلة مختلفة، ويقدم إجابات حقيقية.
وطلعت من النوع اللي مش داخل يقول شعارات… داخل يقول أرقام وخطط:

🔹 عايز يعيد هيكلة القطاع العام بدل ما يبقى عبء على الدولة
🔹 وبيقول إن خدمة الدين لازم تقل علشان نقدر نصرف على التعليم والصحة
🔹 ورافض إن تمويل الدولة يفضل معتمد على جيب المواطن

هو مش مرشح بيكلم عن “خدمات” وبس… ده راجل اقتصادي بيفكر في إن الدولة نفسها تتظبط.
شايف إن مشكلتنا مش بس في البرلمان… لكن كمان في الفجوة بين النائب والناس.
وعلشان كده، هو شايف إن:

“النائب مش بس صوته عالي في البرلمان… لازم يكون رجله في الشارع، وصوته بيعبّر عن الناس بجد.”

أهم حاجة؟
إن طلعت مش مرشح مال سياسي، ولا ابن سلطة…
هو شاب من الطبقة المتوسطة، وصوت حقيقي ليها… بيدافع عنها، وبيفهم أوجاعها، وبيشتغل على حلول ليها.

و شايف إن البرلمان مش مسرح للخطابة، لكنه معمل قرارات، وإن السياسي الحقيقي بيواجه المال السياسي مش بيشتغل لحسابه.

طلعت مش جاي يعمل شو…
طلعت جاي يبني معانا مصر اللي تستحقها كناخب.

في وقت الناس فقدت فيه الثقة في السياسيين، طلعت العريان داخل المعركة عشان يرجّع صوت المواطن
Talaat Elerian , أحمد العفيفي

12/01/2025

02/12/2024

(أستوصوا بالشباب خيرا ، فإنهم أرق أفئدة ، وإن الله بعثني بالحنيفية السمحة ، فحالفني الشباب ، وخالفني الشيوخ ) ..
نعم الشباب نصف الحاضر ، وكل المستقبل .
دعونا نقول بسم الله وتوكلنا علي الله