08/05/2025
إلا من الله☝🏻
فيه ناس بتستعجب لما بتشوف غيرهم بيعملوا في نفسهم ايه عشان يروحوا الحج 🕋 !
اللي بيصرف تحويشة عمره كلها ، أو مكافئة نهاية الخدمة ، واللي بتبيع الدهب بتاعتها وكل ما تملك من حُليّ ، واللي يسافر بدري ويفضل مستخبي شهور (ويخاطر بنفسه) عشان يقدر يحج في الدرى على قد فلوسه ! واللي يروح يشتغل في السعودية ويقبل بعرض عمل مُجحف براتب زهيد جدا - وهو بيقول في نفسه "أستحمل سنة واحدة بس لحد ما حج وأرجع" !
بصراحة حاجة مبهرة !!
كأنها تجسيد لدعوة إبراهيم عليه السلام : (فاجعل "أفئدة" من الناس تهوي إليهم)!
جاء في التفسير: أي فاجعل قلوب الناس تنزع إلى البيت شوقا وحنينا إليه !
وقيل : تهوِي - بكسر الواو - تدل على السقوط من مكان شاهق ! وكأن الشوق إلى الكعبة يجعل الانسان مقذوفا إليها !!
الواحد لما بيشوف صُور الحُجاج كل سنة قلبه بيتقطّع والله العظيم
ياليتني كنت معهم فأفوز فوزا عظيما!! 💔🥺
بس الواحد عارف إنها "دعوة" بتجيلك من ربنا سبحانه وتعالى مباشرة !! زي ما النبي صلى الله عليه وسلم قال : "الحُجـاج والعُمّـار وفـد الله ، دعاهــم فأجابــوه ، وسألــوه فأعطاهم" !! اللهم إنا نسألك حج بيتك الكريم يارب ،
