MAZAR مزار

07/11/2017

فريق مزار

موعد تحت الشمس
جزيرة المنيل ٥ /١١/ ٢٠١٧

جوله جميله في اثار القاهره الخديويه والعباسيه
مع طلاب كلية اداب قسم فرنسي - جامعة القاهره

و استاذتهم
د.اماني مصطفى

01/05/2017

يهود مصر عموما ويهود اسكندرية خصوصا.. حدوتة لا نعرف عنها الكثير .. لكن فريق مزار دعبس فيها ونكش حواليها وطلع المستخبي وحكاه لضيوفنا في أحضان شارع النبي دانيال.. الشارع اللي كان شاهد عيان على طائفة من المصريين عاشت ف البلد دي سنين ومافضلش من تاريخهم غير حبة حكاوي منسيين

01/05/2017

و آدي كمان كام صورة حلوين مع عامود السواري 😀

01/05/2017

متابعة بشغف لشرح زميلنا خالد تركي عضو فريق مزار لعمود السواري ومعبد السيرابيوم مع حكي مثير عن الإغريق والرومان وسنينهم 😀

30/04/2017

يومنا امبارح ف اسكندرية كان يوم حقيقي مختلف .. يوم جمع التاريخ والحواديت والفن والمزيكا والصحبة الجميلة.. استمتعنا مع ناس حلوة بتمارس الحياة بحب وشغف وبتحب تشوف بلدها وتتفسح فيها وتسمع حكاويها.. بجد فرحنا بيكم جدا ويارب تكونوا اتبسطوا معانا وعقبال كل مرة واحنا دايما مع بعض بإذن الله

25/04/2017

بكرة آخر يوم للحجز في رحلتنا يوم السبت القادم 29/4/2017 "حكاوي اسكندرانية من العطاريين للمنشية"
للحجز برجاء التواصل معنا على الصفحة أو التعليق عىلى هذا البوست أو ملأ الاستمارة
https://goo.gl/forms/CIdnGEYKSu5N38NT2
ولمزيد من المعلومات عن برنامج الرحلة
https://www.facebook.com/events/283432045437310/

14/03/2017

"مصر القديمة ..مصر عتيقة ..محطة ماري جرجس ..حصن بابليون ..قصر الشمع ..الفسطاط ..منطقة جامع عمرو ..كلها أسماء متعددة لنفس المكان ..و ده مش غريب على أي مكان في مصر فيه الجامع و الكنيسة و الأثر سواء كان فرعوني أو روماني ..قبطي أو إسلامي أو حتى يهودي متلاصقين جنب بعض ...بيعكس حقيقة الهوية المصرية المتنوعة ثقافيا .."
ده مش كلام جرايد و لا توك شوز .. ده واقع هنشوفه ونحسه ونعيشه كمان في جولة فريق مزار في مجمع الأديان يوم الجمعة ١٧ مارس.
للتسجيل في الجولة
https://goo.gl/forms/7HD2FW3gIM9WAH9J3
لمزيد من المعلومات عن الجولة
https://www.facebook.com/events/398171090561576/

مكان التجمع: أمام مركز الحرف التقليدية بالفسطاط الساعة 8:30 صباحاً تبدأ الجولة الساعة: 9:00 صباحاً إلى 2:00 ظهراً للاستفسار عن أي معلومات أخرى: 01003937134

06/02/2017

نظم فريق مزار جولة حكي للبيوت التاريخية بالسيدة زينب من القرن ال16 للقرن ال20. تناولت الرحلة أربع موضوعات مختلفة ولكنها مترابطة وهي: حواديت البيوت التاريخية، حواديت الشوارع المحيطة بتلك البيوت، حواديت معمار المباني المميزة بتلك الشوارع وأخيرا حواديت الفن المرتبط بتلك البيوت.
بدأ اليوم في متحف جاير أندرسون ( بيت الكريتلية) حيث تضمنت الزيارة حكي لتاريخ منطقة الخليفة وشوارعها وربط ذلك بقصة وتاريخ المتحف وأساطيره تبع بجولة إرشادية داخل بيتي آمنة بنت سالم والكريتلية. تلى ذلك جولة حكي لحواديت الشوارع وتاريخ ومعمار مبانيها، بدأت من شارع الصليبة ثم شارع مراسينا وشارع بورسعيد وصولا إلى بيت السناري. بدأ بعد ذلك الجزء الثاني في بيت السناري حيث تضمنت الأنشطة جلسة حكي عن إبراهيم كتخدا السناري وقصه بناءه للبيت تبعت بجولة إرشادية للتعرف على الفراغات المختلفة بالبيت. تلى ذلك الجزء الثاني من جولة الحكي حواديت الشوارع وتاريخ ومعمار مبانيها التي بدأت من مدرسة السنية بشارع الناصرية ثم شارع المبدتيان وصولا إلى ضريح سعد باشا زغلول وبيت إسماعيل المفتش بشارع منصور ثم متحف سعد زغلول (بيت الأمة) بشارع سعد غلول. بدأ بعد ذلك الجزء الثالث من اليوم في متحف سعد زغلول (بيت الأمة) حيث تضمنت الأنشطة جلسة حكي عن سعد باشا زغلول وأيامه تبعت بجولة إرشادية داخل المتحف. وانتهى اليوم بجلسة حواديت الفن التي مزجت بين الطرب والغناء لأغاني ثورة 1919 على أنغام الجيتار وقصص ظهور تأليف تلك الأغاني.
لمزيد من المعلومات عن برامج مزار برجاء متابعة صفحتنا على الفيس بوك
https://www.facebook.com/egy.mond.tours/

05/02/2017

كان ياما كان أساطير وحواديت زمان.. وضحك وظأططة وتاريخ وعمارة ومزيكا كمان.. كل ده حدث بالفعل النهاردة في جولتنا .. جولة حكاوي بيوت وشوارع السيدة زينب.. فرحنا بوجودكم معانا ويارب نكون فرحناكم كمان

05/02/2017

مزار عند فول وفلافل الجحش