Ahmed Dahab Safari

02/01/2024

04/07/2020

دهب جميلة..

بلو لاجون عيشة تانية..

هي دي الحياة هناك.. بتصحى من النوم على الجمال ده.. ما بتفكرش في حاجة ولا في فبالك حاجة.. لو فيك هم الدنيا مش هاتعرف اصلاً تفكر في حاجة لا حلوة ولا وحشة.. بتفصل وبس.. 01023388518

قمة جمال المكان في بساطتة، وان كل شئ بسيط وجميل.. كل شئ جميل متاح ومباح.. :)

هاروح تاني بعيد عن جو الموسم وزحمتة عشان اعيش التجربة بشكل اعمق.. وآخد فكرة عن اماكن اكتر وتفاصيل اكتر..

روحوا دهب وافصلوا واتبسطوا :) ❤️
01023388518

10/12/2019

Dahab's Blue Hole
البلو هول بدهب ..موضوع غريب ..لكن ليه ﻷ خصوصا انه برضه حواليه شوية غموض جدا ..معروف طبعا جمال وسحر الطبيعة فى ذهب ..لدرجة المقولة الدارجة عنها
( من ذهب الي ذهب ..عقله ذهب ) ..ودي مش مبالغة المكان فعلا على درجة عالية من الجمال والطبيعة النقية العذراء ..لكن السؤال بقى هل عقله بس الي ذهب؟ ..للأسف لأ ..ناس كتيرة ومن مختلف دول العالم راحت المكان ده لممارسة رياضة الغطس ..وناس كتير جدا نجحت انها تنزل على عمق كبير برضه بممارسة رياضة الغطس الحر ..لكن الغريب هو ..وفاة ناس كتيرة جدا فى المكان ده .و فيه لوحة تذكارية لشهداء البلو هول مكتوبة هناك بأسمائهم وتاريخ وفاتهم ..السؤال الغريب بقى ..هل فى شغف ممكن يخلي الإنسان يخاطر بحياته بكامل إرادته علشانه ؟ وهل يستحق البلو هول التضحية كده للدرجة دي ؟ على فكرة فيه صور للضحايا عالقة بداخل البلو هول وفى ناس أطلقت عليه (مقبرة الغواصين) ..!!طيب سؤال حاولت أدور على اجابته بنفسي ليه الناس دى ما حدش أنقذها ..وليه ما حاولوش يطلعوا جثثهم من المايه ؟..من الي فهمته هو الصعوبة الشديدة جدا لإستخراج الجثث وعدم وجود معدات تصلح للمهة دي لذلك هو مقبرة حرفية لناس قتلها حبها للغطس وانجذابها للبلو هول بالتحديد ..الأغرب بقى إن ما زال محبي رياضة الغطس من كل أنحاء العالم بيروحوا هناك ويمارسوا رياضتهم المفضلة حتى لو التمن حياتهم ..
ومن وجهة نظركم هل فيه شغف يستحق الموت ؟ هل حد سمع عن حوادث البلو هول ..شاركونا بمعلوماتكم ..واى حاجة سمعتوها عن البلو هول ..واى معلومة تعرفوها عنه؟ او اي مكان تاني سمعتوا. عن حوادث مشابهة به .. ..
ودي معلومة بتوصف البلو هول( منقولة) لكن قولت يمكن تفيد الموضوع ☟
بلو هول بدهب.. ساحرة الغواصيين ونفق الغوص الأكثر جماًلا ورعبًا في العالم

موضوع متكامل عن البلو هول اجمل مكان فى دهب وصور نادره جدا

البلو هول أو الحفرة الزرقاء أو الثقب الأزرق تلك التي تعرف أيضا بحديقة العظام لكثرة من لقوا حتفهم فيها فكلها أسماء معروفة عالميا لموقع الغطس المتواجد على ساحل البحر الأحمر بمدينة دهب المصرية والتي يأتيها الغواصون من جميع أنحاء العالم ويعرفها جميع الغواصون بخطورة الغوص فيها ومع ذلك يأتونها من كل مكان لمجرد التحدي بمن يستطيع الغوص والخروج سالما.

البلو هول شارع صغير تحت الماء بين الشعاب المرجانية

البلو هول مجرى مائي عميق على شكل حفرة طوله 90 متر وعمقه 100 متر وقطره 50 متر يشبه الشارع الصغير ويوجد وسط الشعاب المرجانية المغطاة بالمياه ولا يبتعد عن الشاطئ إلا بمسافة صغير جدا حتى أن الغواصون يستطيعون الوصول إليها إما سيرا على الأقدام أو بالسباحة لمسافة قصيرة جدا وهو يحظى بشعبية كبيرة بين الغواصين نتيجة لوجود تشكيلات مرجانية رائعة به وأعداد كبيرة جدا من الأسماك والأحياء المائية.

مذنب اصطدم بالأرض سبب تكون البلو هول

يشاع أن هذه الحفرة قد تكونت منذ زمن بعيد نتيجة اصطدام احدي المذنبات بالأرض فحدثت تلك الفجوة التي على مر الزمن وتكونت بها أجمل وأروع المناظر الطبيعية من الشعب المرجانية والكائنات البحرية التي شجعت على الغوص فيها.

تشتهر الحفرة عالميا بأنها أروع مكان للغوص إلا أنه زادت شهرتها وأصبحت معروفة بكونها الأكثر خطورة حيث أنه فقد فيها نحو 130 شخص على مدار ال15 سنة الماضية في محاولة استكشاف الحفرة حتى أن البعض يسميها مقبرة الغواصين. ومن الذين فقدوا بها بعض رواد الغوص العميق (ديف شو – تشيك اكسلي) وغيرهم الكثير ممن ألفوا كتبا ومراجع في الغوص العميق وغوص الكهوف وتوجد بالقرب من الحفرة مجموعة من الشواهد بأسماء هؤلاء.

الحفرة تمتلئ بالإحياء المائية وبما فيها من روعة الشعب المرجانية وبأشكالها المروحية والأسماك الملونة وأسماك الإنكليس الجميلة والعشرات والعشرات من أنواع الأسماك التي تتكاثر فيها و الرائعة الجمال ويتصل بها نفق يرتبط بالبحر يعرف بالقوس هو ما يشجع الغواصون على التنقيب فيها والبحث داخلها لاكتشاف الغموض الذي يحيط بها.

رغم كل شيء الغواصون مازالوا يذهبون هناك

ومن أسباب إقبال الغواصون من جميع أنحاء العالم على الحفرة رغم خطورتها كون المنطقة هادئة وغير مزدحمة ولها طبيعة خلابة وغريبة ومياه البحر فيها زرقاء نقية، مليئة بالأحياء البحرية المتنوعة علاوة على النفق أو القوس الذي بها والذي عمقه 60 متر ويجذب الغواصين للدخول فيه والخروج من الجهة الأخرى على البحر المفتوح للبحث عن المغامرة رغم أنها محاطة بالمخاطر وتسبب الوفاة للكثيرين الذين يحاولون اكتشاف المزيد والتمتع بغموض المغامرة.

وينبغي على زائر هذا المكان أخذ الاحتياطات اللازمـة والتخطيط السليم للغوص مع دليل يعرف الحفرة جيداً هذا بالإضافة إلى حمله مخزونا كافيا من الهواء أو غازات التنفس.
شاركونا

26/05/2019

(دهب)
البوست دا لشركات السياحة والمندوبين والأفراد.. علشان احنا يعتبر داخلين علي موسم عيد و صيف .وبالاخص الناس الي شغلها علي دهب.. قبل ما تزور دهب أو أي مكان لازم تقرأ وتبحث في جوجل مثلا عن الأماكن الي موجوده وتشوف ليه اتسمت بالاسامي دي،
ولازم دي الإرشادات بتاعتك ومش الإرشادات الي هيا يلا يا جماعة هي دي البلو هول مثلا وهننزل من هنا وهنطلع من هنا لا مش كدا خااالص الإرشادات دي عبارة عن عمق المكان دا وايه الأسماك الي هتشوفوها تحت الميه وايه الأنواع السامه منها وايه الي مش سام ومتدوسوش علي ايه وانك مترميش حاجه عالارض وحاجات كتير جدا من الإرشادات المهمه جدا لسلامة الزائر الي معاك.. وعلشان ترجعوا كلوا بسلام...
لازم جدا تبحث وتدور وتقرأ عن طبيعة الأماكن الي هتزورها
وشكرا #احمد جميع دهب
01023388518

18/05/2019

😉 معلومه ع ماشي 🤗
الكانيونز...
الكانيون هو صدع حصل في جبل فانشق فعمل وادي ضيق و بتشوف شكل بطن الجبل عاملة ازاي و بتختلف من مكان لمكان تبعا لطبيعة الحجارة و الصخر المكونة للجبل
من الاماكن اللي بحبها جدا في مصر
من فترة مش كبيرة مكنش كتير يعرفوها اصلا
و لحد دلوقتي المشهور الكانيون الملون و الكانيون الابيض و الكانيون الاحمر و بيسموه كانيون سلامة "اللي في دهب للاسف بيخدعوا الناس و يقولوا لهم الكولورد كانيون"
في كذا واحد تانيين و بعتبرهم احلى و اجمل من الاحمر و الابيض اللي هم بقى تريند بقالهم فترة...
في كانيون ابو حماطة و الزجزاج و ام احمد و المسكر "closed" و عرادة...
اكتر اتنين بحبهم عشان المغامرة الحقيقية اللي فيهم و جمال تكويناتهم فالمسكر هو الاحلى بلا منازع و بعد كدا عرادة قوي جدا و ممتع و يعتبر كمان اصعبهم...بس يستاهل

الكانيون الملون بقى دا حوار لوحده...اكبرهم و الوحيد المصنف كموقع جيولوجي على مستوى العالم
مش هتعرف تستمتع بجماله زي بعد نزول المطرة فبيتغسل و الالوان بتبقى زاهية و واضحة و مبهجة

كل الكانيونز اللي فوق موجودة حوالين طريق وادي سعال اللي بيودي لكاترين من طريق دهب و نويبع ما عدا الكانيون الملون موجود في منطقة وادي وتير بين نويبع و طابا

في كانيونز تانية برده في كذا مكن زي كانيون وادي اسلا اللي في اخر هايك كاترين الطور...صحيح مش طويل لكن حلو جدا و الهايك كله حلو جدا

الهايك في الكانيون تجربة حلوة جدا...اللي مجربهاش فايته كتير
01023388518

The Canyons...is a narrow valley through a mountain where you can find different geological formations

There are many in Egypt specially in the area of Wadi So'al where you can find the white, the red, the closed, the zigzag, Abu Hamata canyons
Also in Wadi wateer area there are Om Ahmed canyon and the Colored Canyon

There many others in different places such Wadi Esla canyon on the trail of Wadi Esla which connect Catherine to El Tur...

Hiking through the Canyons is really a unique experience...you can never miss it...

18/05/2019

واحة عين خضرة

العين الخضراء واحة في صحراء جنوب سيناء التي تتميز بكنوزها التي لا تنتهي وهذه الواحة التي تقع في الطريق مابين سانت كاترين ونويبع بمسافة 70 كيلو متر تعتبر احد كنوز سيناء الرائعة فهي واحة جميلة متفردة في موقعها ما بين الجبال والبحر بها تكوينات رائعة من الصخور على شكل بانوراما وتتقابل في قمتها الجبال مع الأشجار والصخور الجرانيتية في منظر رائع جميل يبهر الأنظار
01023388518

07/04/2019

Dahab 💞💞💞
دهب بلد السحر والجمال

مصر كلها كوم و"دهب" دي كوووووووووووووووم تاني
مش عارف🤗 ابدأ منين بصراحه, "دهب" من ابسط الاماكن الي ممكن تروحها و احلي مكان علي كوكب الارض

مع ان دهب علي بعد ساعه واحده من شرم الشيخ ولكنها العكس تماما ودي "دهب" في كام نقطه

1) دهب مش صاخبه زي شرم الشيخ ولو لسه مروحتش اعرف ان فايتك نص عمرك او اكتر 😊
2) دهب فيها هدوء اعصاب وراحه نفسيه ملهاش مثيل.
🚵‍♀️🚵‍♂️ ممكن تأجر عجلة وتتحرك فيها بحرية تامة هتشوف هناك اجانب كبار فى السن عايشين و كل تحركاتهم بالعجلة🚵‍♂️🚵‍♀️🚵‍♂️🚵‍♀️
3) دهب مناسبه لكل الناااااااااااااااس, فيها غطس وسنوركلينج🏊‍♂️ وانتخه وجبال وقريبه من سانت كاترين و من الWhite Canyon والColored Canyon.والوشواش🏊‍♀️🏊‍♀️
4) الي هتدفعه في شرم الشيخ, هتدفع نصه في دهب وهتنبسط اكتر في دهب.
5) اعمل حسابك ان دهب بسيطه جدا في كل حاجه من فنادق لمحلات بس ده احلي حاجه فيها: اختلافها.
6) وانت/انتي رايحين اعملوا حسابكوا ان دي مش اخر مره هتروحوا, دي بس بدايه علاقه طويلة المدي بدهب, عشان دهب بتتدخل وتربع فالقلب.
7) دهب مش البلو هول بس !!! دهب هي وادي جني, اللايت هاوس, الممشي, العصلة , المشربه, الكانيون والمسبط و3 pools وجبر البنت وأبو جلوم وبلو لاجون
🤓مش هتفكر كتير هتقعد فين لانك مش هتقعد فالفندق غير عشان النوم وبس.
🤓فيه مطاعم اشكال والالوان بطول الممشي ومطاعم على البحر
9) دهب الحقيقيه عباره عن ممشي طووووووووووووويل علي البحر, موازي ليه فنادق و مراكز غطس و بعدين موازي ليه محلات كتير اشكال والوان و بيبيعوا كل حاجه و بعدين هتلاقي فنادق و مراكز غطس ... الممشي بيمتد من الLagouna الى الEel Garden الى العصلة
10) متفكرش تشتري حاجه من القاهره وانت رايحه عشان فيه سوبر ماركتس بعدد شعر الراس, وعندهم كل حاجة وبنفس اسعار القاهرة.

11) للبنات انسي الميك اب, ده اختراع تاني فاشل لا يتماشي مع جو دهب البسيط الجميل.😀
12) طبعا من اجمل شط فى دهب اللاجونا الشاطئ الرملى الوحيد و اشتروا جزمه البحر من هناك عشان البحر مش رمله علي قد ما هو صخور.
13) الغطس هناك اسلوب حياه, الناس هناك بتاكل و تنام وتغطس عشان هناك فيه احلي مواقع غطس فالعالم ولو منفعش تغطسوا, اعملوا سنوركلينج و فيه طبعا Surfing ومدارس بتعلم هناك كتير.
14) المواصله الرسميه في دهب هي العربيه النص نقل وده العادي و مش هتلاقي اوبر ولا كريم 😎😎 و بتدفعله علي حسب المشوار.

15)العشا او السهره الحلوه هتلاقيها فجبل الطويلات بالليل
16) اعمل حسابك ان نظرتك اشرم الشيخ هتتدمر تماما و احتمال تكرها.
17) لو قعدت طوووووووووووول اليوم في دهب مبتعملش حاجه, هتنبسط جدااا.
18) الناس الي عايشه في دهب بشوشه جدا و مبتسمين دايما مع ان السياحه مأثره عليهم بس الجو هناك يغلب اي حاله نفسيه.
19) هتلاقي اجانب كتيررررررررررررررررر عايشه هناك من سنين وشايفين ان دهب احلي من امريكا و اوروبا. ( المانى جنب روسى جنب انجليزى جنب أوكراني.... كله متجانس مع الحياه هناك )
حتى الحيوانات عايشة فى سلام و القطط والكلاب بيلعبوا مع بعض
وعايشين فى سلام وأمان مع بعض .
20) اهم حاجه في كل ده, انك تعمل حسابك انك هترجع من دهب مبسوط جدااااااااااااااااا وشخص تاني خالص,
يا حاجه عاوزينه من دهب علي رقم ده حجز كل حاجه رحلات و فندق
01023388518

07/04/2019

معلومه ع ماشي 😉

محميه ابو جالوم او راس ابو جالوم ❤️

محمية " ابو جالوم " الطبيعية, جنوب سيناء.
بترجع تسميتها لنوع من النباتات النادرة " القالوم " اللي بينتشر في المنطقة و بيستخدمه البدو كاعشاب علاجية للجروح ده غير 165 نوع من النباتات النادرة منها 44 مش موجودين غير في المحمية .
و بتتميز المحمية بطبوغرافية مميزة جدا لاقتراب الجبال من شاطئ خليج العقبة لدرجة صعوبة الوصول للمحمية الا عن طريق المشي او بالجِمَال لمسافة 7 كم شمال منطقة البلوهول بالقرب من دهب في مدق ضيق بين الجبل و البحر و ممكن الوصول لها من الجهة الشمالية بسيارات الدفع الرباعي خلال الوديان الجبلية بالقرب من نويبع .
وانعزالها ده حافظ على طبيعة الحياة البحرية و الشعب المرجانية في المنطقة اللي يتتميز بكثرة الكهوف المرجانية اللي لسة بكر اللي بيدي متعة كبيرة في السنوركلينج و الغطس في اكتر من مكان في المحمية .
01023388518

19/11/2018

أهلا نوفمبر 😁
بتسمع كلام كتير عن الجو في دهب فى شهر نوفمبر؟؟🤔🤔🤔 احنا من أهل البلد وبنقولك اجمل شهر فى السنة 😀🏊🏊🏊
أيوة بجد اجمل شهر فى السنة يعنى مافيش حر نار ولعة زى الصيف وخصوصا الزحمه 💥⁦🏖️⁩ وبرضوا برد الشتاء مافيش يعنى بحر وهدوء وجمال وباليل البس جاكت خفيف او هتقعد علي البحر 🌅 يالة كلمونا دلوقت واحجز مكانك.
01023388518

17/04/2018

ان الأوان ان نقضى وقت جميل ..بعيد عن الشغل والحياة الممله ومشاكل البلد ...لازم تضحك من جواك ..لازم تريح أعصابك فى أحضان الطبيعة. ...لازم تفكك من الفنادق والروتين ..لازم تيجي معانا ..
اي استفسار كلمني في اي وقت 01023388518

14/04/2018

أهلاً وسهلاً بكم في رأس أبو جالوم
Welcome to ras abu galume
01017882293 @ 01023388518

10/04/2018

احلي عشاء ولا ايه العشاء البدوي عندنا وبس الي عاوز يطلع معانا ينور في اي وقت يا جماعه