28/04/2017
***** رحلة جديدة لأول مرة في مصر *****
جميع شركات السياحة الي بتعمل رحلات الى تركيا غالبا بتعملها لمدة اسبوع الى اسطنبول لزيارة معالمها الاساسية والمدن الي حولها وخلاص. بالرغم من ان المدن والمزارات السياحية في تركيا كتيرة ومتنوعة جدا، الا ان المشكلة ان المسافات فيها شاسعة. علشان كدة كان تحدي حقيقي اني احاول اعمل رحلة مختلفة وغير تقليدية عن الرحلات الروتينية الي اتهرست مليون مرة قبل كدة. حاولت جاهدا اني الاقي حاجات كتير حلوة ومتميزة يتشافوا في وقت قصير وبسعر مناسب.
***** الرحلة في سطور *****
المدة: ١٠ ايام/٩ ليالي
الميعاد: ٥ يوليو - ١٤ يوليو
مدن الزيارة: ٥ مدن
(كبادوكيا/باموكالي/اولودونيز/مرماريس/اسطنبول)
السعر:
٧٩٠٠ جنية مصري - هوستل
٩٩٠٠ جنية مصري - فندق
السعر يشمل الآتي:
١- الطيران: ٤ تذاكر طيران
القاهرة - اسطنبول
اسطنبول - قيصرية
دالامان - اسطنبول
اسطنبول - القاهرة
٢- الاقامة:
سرير في هوستلز (غرف بنات وغرف ولاد)
او سرير في فنادق ٣ و ٤ نجوم
الاقامة في الهوستلز والفنادق شاملة وجبة الافطار
٣- الانتقالات الداخلية: اتوبيس مرافق من اول الرحلة للتنقل:
- من المطارات الى الفنادق/الهوستل
- تنقلات داخلية بين المزارات
- تنقلات خارجية بين المدن
السعر لا يشمل:
- تاشيرة تركيا - تكلفتها ٦٠ دولار
- الوجبات الآخرى - متوسط تكلفة وجبة خفيفة + عشاء = ٧ دولار في اليوم (٧٠ دولار في الرحلة)
- مزارات ومتاحف (التي تحتاج تذاكر) وانشطة - متوسط تكلفة من ٧٠ الى ١٠٠ دولار في الرحلة
***** نشترك ازاي *****
العدد المقترح للرحلة هيكون ٤٨ فرد والاولولية لاسبقية الحجز ودفع ٥٠٪ مقدم.
***** تفاصيل برنامج الرحلة *****
اليوم الاول/ ٥ يوليو
السفر من القاهرة الى اسطنبول على شركة نايل آير. هنوصل المطار وهننتظر في المطار ٣ ساعات علشان نستعد لرحلة طيران داخلي من اسطنبول الى قيصرية في وسط تركيا. مطار قيصرية هو اقرب المطارات الى منطقة كابادوكيا - واحدة من عجائب الطبيعة في تركيا والعالم. هيكون في انتظارنا اتوبيس الرحلة والي هياخدنا الى مدينة جورميه - قلب منطقة كابادوكيا. استلام الغرف في الفندق والسراير في الهوستل للمبيت والاستراحة من يوم الوصول.
اليوم الثاني/ ٦ يوليو
اكتشاف مدينة جوروميه وما حولها من جبال وسهول وروائع طبيعية - مبيت الليلة في الفندق/الهوستل.
اليوم الثالث/ ٧ يوليو
اكتشاف مناطق اخرى من كابادوكيا وعمل رحلات في باقي مزاراتها.
مغادرة كابادوكيا ليلا بعد انتهاء اليوم والعشاء للتوجه الى مدينة “باموكاليه” غربا. المشوار هيكون طويل (٦٥٠ كم) وهنام في الاتوبيس طول الليل علشان نوصل نبدأ يوم جديد في باموكاليه.
اليوم الرابع/ ٨ يوليو
وصول باموكاليه صباحا - الوصول الى الفندق/الهوستل للراحة والمبيت لمدة ليلة واحدة. الانطلاق ظهرا لاكتشاف اهم مزار في المدينة … مزار واحد فقط ولكن غير طبيعي، لا يوجد مثله في العالم كله. جبل مكون من “تكلسات كربونية” وعيون مية سخنة. شوفوا الصور في الكومنتات لان المكان تعجز الكلمات عن وصفه. الي عايز يعوم في البانيوهات المتشعلقة في الهواء دي يجيب معاه المايوة.
اليوم الخامس/ ٩ يوليو
مغادرة باموكالي بالاتوبيس صباحا والتوجه الى الساحل التركوازي الجنوبي لتركيا - محافظة “فتحية” - ايوة اسمها فتحية. هنوصل اشهر شاطئ فيها اسمه “ ولودونيز". هنتوجه على الفندق/الهوستل لاستلام الغرف والسراير.
هنقضي اليوم في اولودونيز. من احلى الشواطئ في تركيا على الاطلاق والي لسه بخيرها فعلا. الميزة التانية هنا ان في انشطة بحرية وجوية كتير ممكن تتعمل في المكان ده. sky diving - paraglliding .
اليوم السادس/ ١٠ يوليو
قضاء يوم كمان في اولودونيز للانتخة والانشطة البحرية. ومبيت في الفندق/الهوستل.
اليوم السابع/ ١١ يوليو
مغادرة الفندق/الهوستل صباحا وزيارة مدينة مرماريس - عاصمة الاسطول البحري للسلطان سليمان القانوني - زيارة شواطئها واهم معالمها. التوجه ليلا الى مطار دلامان - للطيران الى اسطنبول مرة اخرى. ركوب الاتوبيس والتوجه الى الفندق/الهوستل للمبيت
اليوم الثامن/ ١٢ يوليو
اكتشاف اهم مزارات وشوارع اسطنبول نهارا - شوبينج ونايت لايف ليلا.
اليوم التاسع/ ١٣ يوليو
اكتشاف المزيد من اسطنبول نهارا - والمزيد من الشوبينج والنايت لايف ليلا.
اليوم العاشر/ ١٤ يوليو
مغادرة الفندق الى المطار ورحلة العودة الى القاهرة
***** التاشيرة والتصريح الامني *****
شركة انجاز للسياحة - فرع القاهرة - هتساعدك تجيب ميعاد في السفارة التركية وكمان في اجرائات تاشيرة تركيا بدون. الاوراق المطلوبة: جواز سفر صالح لاكتر من ٦ شهور - ٤ صور شخصية - كشف حساب بنكي فيه ٢٠ الف جنية - سجل تجاري وبطاقة ضريبية - الموظفين HR Letter - الطلبة اثبات قيد جامعي - تامين صحي - حجز طيران وفنادق
مصاريف اصدار التاشيرة ال٦٠ دولار بتدفعهم في السفارة ومصاريف التامين الصحي.
بالنسبة للتصريح الامني - يفضل وجود مهنة في جواز السفر علشان ال عنده مهنة بياخد التصريح علطول - بس لو مكتوب طالب او حاصل علي ف لازم دعوة من مواطن تركي - شركة انجاز بيساعدوا برضه في عمل الدعوة .
***** شروط اخرى *****
- الشنطة المسموحة على الطيران الداخلي بتكون شنطة وزنها ١٥ كيلو وهاند باج ٨ كيلو - علشان كده احنا خلينا اسطنبول في اخر الرحلة علشان تعملوا شوبينج براحتكم في الاخر. لو حد عايز وزن شنطة اكبر هيبلغنا وهيدفع رسوم شنطة اثقل.
- الرحلة مناسبة لجميع الاعمار للاشتراك ولكن لازم تعملوا حسابكم ان الرحلة هتحتاج مجهود في بعض الاوقات لكثرة التنقل من مدنية الى الاخرى ولكثرة التنقل من فندق او هوستل الى الآخر. محدش يشتكي يعني ويقولي تعبنا :)
***** برنامج رحلة مختلف *****
لو حد عايز رحلته تكون اطول من ١٠ ايام ويقضي ايام زيادة في اسطنبول او اي مدينة او دولة اخرى، ممكن يطلب تغيير ميعاد تذكرة الرجوع للوقت الي يناسبه (مع اعتبار ان السعر ممكن يختلف شوية). الاختيار ده هيكون لطيف للناس الي عندها وقت تقعد اكتر من ١٠ ايام، علشان تكلفة الاقامة هتقتصر على الاقامة والمعيشة. ممكن المساعدة ايضا في ترتيبات خاصة لما بعد انتهاء الرحلة.
***** الاشتراك من خارج مصر *****
الاخوة الاعزاء الغير مصريين او المصريين المقيمين خارج مصر، بالامكان الاشتراك في الرحلة مع استبدال تذكرة الطيران الدولية. يعني لو هتسافر من جدة او عمان او الجزائر، ممكن حجز تذكرة الطيران الدولية الى اسطنبول - ودفع الفرق اذا كان سعرها اغلى من نظيرتها من القاهرة.
