ضيوف الرحمن للحج والعمرة

27/11/2025

جميييييل جدا

المشهد الناقص من مسلسل كارثة طبيعية

يلا بينا نتخيل ايه اللي حصل بعد ما مكي لقي السيناريو بتاع محمد شعبان

في الوقت الذي فقد محمد وشروق الأمل الأخير لإنقاذهم من جميع مشاكلهم كان مكي يقرأ سيناريو محمد شعبان، ودخل المعد ليخبره انهم في انتظاره ليجده مندمج في القراءة ولا يسمعه فيقرر كلامه وينتبه مكي

مكي : سوري حبيبي مخدتش بالي

المعد : بقول لحضرتك أحنا في انتظارك في الاستديو

مكي يستعد للنهوض : تمام وأنا جاهز

يقترب منه مكي ليسأله : بقولك ايه يا حبيبي ،أنا لقيت الفيلم ده محطوط هنا وسط المجلات ،بتاع مين ده

المعد يمسك الورق ويحاول يتذكر : لا مش عارف أصل احنا كل يوم بيجيلنا ناس كتير ،ممكن حد نسيه بالغلط

يتعجب مكي : بالغلط ده فيلم كامل حد معقول ينساه بالغلط، ركز يا حبيبي هو بتاع واحد اسمه محمد شعبان

المعد : اااااه محمد شعبان

مكي : الحمد لله أن الذاكرة رجعتلك

المعد : ده واحد غلبان كان ضيف الأستاذة هو ومراته وولاده السبعة

مكي : ولاده السبعة ،وايه المميز عشان الأستاذة تستضيف واحد ومراته وولاده السبعة .

المعد : أصلهم توأم وحضرتك عارف دي حالة نادرة

مكي : سبع توائم، كتير أوي سبعة ،طب أنا عاوز رقم تليفون محمد ده

المعد : من عينيا يا أستاذ ده انا لسه كنت بكلمهم امبارح عشان يتفرجوا على الحلقة

مكي : تمام أخلص الحلقة مع الأستاذة تكون لقيت الرقم وبعتهولي تمام حبيبي

المعد : تمام يا أستاذنا

في الوقت نفسه كانت هناك مشاجرة بين فراج والمؤلف بعد أن تأكد انه يسرق أفكار الشباب وينسبها لنفسه

طارق محاولا الدفاع عن نفسه : انت ناوي تصدق الجربوع ده وتكذبني

فراج : الجربوع ده انت سارق أفكاره يا بني آدم ومحاولتش حتي تعوضه ،لا ورايح تعمله محضر تعدي كمان عشان ضربك ،ده أقل واجب ،ده أنا لو مكانه معرفش ممكن اعمل فيك ايه بس أقل حاجة كنت كلتك بسناني

طارق : يا فراج أفهم بس ،الفيلم بينجح بإسم الممثل والمؤلف والمخرج ،تخيل لو حطينا اسم محمد ده حد حيدخلك الفيلم لا

فراج محاولا الهدوء : انت غلطان يا طارق ،الفيلم بينجح بالقصة الحلوة والممثل الكويس والمخرج الشاطر مشهورين مش مشهورين ملهاش دخل والأمثلة كتير

طارق : طيب دلوقتي حنعمل ايه والواد ده مصمم يرفع قضية والفيلم حيقع بسببه .

فراج : هي كده كده بايظة يا طارق ،أنا مطلوب مني أسجل حلقة عن الفيلم ولو سألوني حاقول اللي حصل بالضبط ،ولو محمد ده رفع قضية حاشهد معاه

طارق : انت كده بتضيعني

فراج : انت اللي ضيعت نفسك لما استحليت شغل غيرك ،ودلوقتي أنا بقولك انت ما قدمكش غير حل واحد

طارق : الحقني بيه

فراج : تروح تتنازل عن المحضر اللي عملته وتدي محمد الفلوس اللي خدتها من الفيلم وفوقيها تعويض مليون جنيه

طارق : انت بتقول ايه ده خراب بيوت مستعجل

فراج : يا عم طارق ما تمثلش بقي ،دي نقطة في بحر من اللي عندك ،وأنا حاروح لمحمد ده واخليه ما يرفعش قضية

طارق : وافرض رفض

فراج : لو شفت حلقته امبارح مع مراته وولاده حتعرف أن الغلبان اللي زيه معندوش فرصة للرفض

كان محمد يفكر أن يتصل بالجزار مرة أخري ويتمم العملية في الوقت الذي رن تليفونه وكان رقم غريب

محمد يرد : ايوه

الصوت : محمد شعبان

محمد : ايوه

الصوت : معاك مدير أعمال الفنان احمد مكي

محمد وقد صمت فترة من هول المفاجأة

المتصل : الو أستاذ محمد حضرتك معايا

محمد : ايوه معاك ،حضرتك قولت أحمد مكي

المتصل : ايه مش عارفه

محمد : حد ما يعرفش الكبير

المتصل : طيب هو مكي منتظر يشوفك ،تحب تيجي امتي

محمد : هو فيه حاجة طيب يعني أنا متهم في حاجة ولا ايه

المتصل : متهم ايه ،مكي عاوزك في شغل ،عندك ميعاد فاضي امتي

محمد : أنا فاضي عموما تحب اجي دلوقتي

المتصل : لا بكره الساعة 11 حابعتلك العنوان علي الواتس

محمد : ماشي ماشي اوعي تنسي والنبي

المتصل يضحك : لا ما تخافش

يغلق محمد الخط ويجد شروق وشوقي وحماه يقتربوا منه

حماه : هو ده مكي بتاع الكبير اوي

محمد : هو ،المدير بتاعه بيقول انه عاوزني في شغل بس هو عرف شغلي منين

شوقي : ممكن حد قاله عليك

محمد : والله انا حاسس انه كان قاصد يكلم محمد رمضان وغلط

شروق : لا أكيد يقصدك انت يا محمد تفاءل

محمد : بطلت اتفائل من يوم ما شيلتي اللولب واستريحتي يا شروق وتعبتيني أنا

شروق : خلاص يا محمد تفائل المرة دي وأنا حاسة أن الدنيا حتضحك لينا

والد شروق : بقولك ايه يا شروق اياكي بعد كده تكلمي محمد وحش أو حتي تضايقيه انتي فاهمة

محمد متعجب : ده من أمتي يا عمي

والد شروق : من زمان يا محمد ،ده انت ما تعرفش معزتك فى قلبي قد ايه والله ،انت ابني اللي ما خلفتوش

محمد : وبعدين

والد شروق يقترب منه : اسمع يا محمد المشوار ده محتاجني فيه ونسيب شروق مع العيال

محمد : ازاي بس يا عمي ،حادخل علي الراجل ومعايا حمايا يقول ايه

والد شروق : مش حيقول حاجة ده حيحبك اكتر ويعرف انك عندك ولاء لمراتك وابوها

محمد : مش عارف برضه يا عمي نبقي نشوف

والد شروق : ايه نشوف دي ،طب أقسم بالله أقسم بالله يا محمد لو مخدتنيش اشوف مكي لأخلي أيامك اسود من قرن الخروب

شوقي : يا عمي جوز بنتك عايش في قرن الخروب نفسه ،حيحصله ايه أكتر من كده

محمد : خلاص يا عمي حأخدك معايا

يقبله سعيد لأول مرة : انت حبيبي يا محمد

محمد يقترب من شروق ويهمس لها : يموت في مصلحته

وجاء اليوم المنتظر وذهب محمد مع حماه وصديقه شوقي ليستقبلهم مدير مكتب مكي ويخبرهم انه في انتظاره

والد شروق : وأنا حادخل معاه ،معندناش رجالة تدخل مكتب حد ما تعرفوش

المدير متعجب : افندم

محمد : ما تشغلش بالك ده حمايا ودمه خفيف

المدير : طيب حضرتك حتقعد معايا لغاية لما مكي يخلص كلامه مع محمد وبعد كده تدخل اتفقنا

محمد : خلاص بقي يا عمي

والد شروق : ماشي بس لو ما خرجش خلال ربع ساعة انا حادخل

ينظر محمد إلي مدير مكتب مكي في نظرة رجاء أن يتحمله

مدير المكتب : ماشي

يدخل محمد ويجد مكي في استقباله : ااااهلا يا محمد

محمد يقترب ويسلم عليه

محمد : ده انت طلعت أحمد مكي بجد

مكي : أمال كنت فاكرني مين

محمد : والله يا استاذ مكي انا بقيت اتوقع أي حاجة ،أنا آخر توقع أنه ده برنامج رامز جلال وانا اللي حيتعمل فيا المقلب

يضحك مكي : للدرجة دي

محمد : واكتر والله ،حضرتك ما تعرفش انا شفت ايه في حياتي

مكي : أنا عارف كل حاجة وعشان كده أنا حادخل في الموضوع على طول ،شوف يا حبيبي ،أنا قريت الفيلم اللي كنت سبته يوم البرنامج في المكتب والصراحة شدني جدا وعاوز من الآخر كده اعمله

محمد : حضرتك بتتكلم جد

مكي : أمال بهزر حتي عاوز اخد رأيك نجيب مين بطلة قصادي وبما انك الكاتب ليك حق الإختيار معايا

محمد متحمس : أنا بحب دنيا اوي وشايف انكو حلوين مع بعض

مكي : حلوة دنيا طب والمخرج

محمد : والله انا بحبذ أحمد الجندي بس معتز التوني حبيبي برضه

مكي : خلاص انا حاكلمهم النهاردة وانت تروح تستريح عشان تيجي تاني بكره وتقابلهم معايا

محمد : أستاذ أحمد هو أنا خلاص كده بقيت المؤلف بتاع فيلمك الجديد

مكي : تحب احلفلك

محمد : لا أنا مصدقك بس ليا طلب

مكي : ايه فلوس ،ما تقلقش من الناحية دي خالص

محمد : لا فلوس ايه ،ده كفاية اسمك والله ، أنا كان طلبي انكو تشغلو حمايا معاكم في أي دور هو مدرس جغرافيا بس حاسس انه حيبقي أجمد في الكوميدي

مكي : دمه خفيف

محمد : بالنسبة للناس أه ،أنا لا بستتقل دمه العمر كله

يضحك مكي : لا كده طمنتني، ماشي خليه ييجي معاك بكره

محمد : ما هو معايا بره، أدخله

مكي : لا أنا اللي خارجله

يخرج مكي ليقترب منه والد شروق ويحتضنه : حبيبي يا ولد يا مكي ،انت ما تعرفش عمك سعيد فخور بيك قد ايه

مكي : هو ابتدا يمثل

محمد : لا دي حياته العادية

مكي : علي خيرة الله

يخرج محمد وشوقي ووالد شروق وضحكات القلب صوتها عالي ومسموع بعد أن انتصر محمد في معركته وعرف أن الحياة لم تحلو له إلا بعد أن شالت شروق اللولب ورزقه الله بسبع توائم

21/11/2025

21/11/2025

اللهم امين يارب العالمين

🧡🧡🧡
•..
نجيب محفوظ"❤️🕊️
•
•
•
•
•
•
•
•
•
نجيب محفوظ هو واحد من أعظم الأدباء في تاريخ مصر والعالم العربي..
1/الاسم الكامل: نجيب محفوظ عبد العزيز إبراهيم أحمد الباشا.
2/تاريخ الميلاد: 11 ديسمبر 1911.
3/مكان الميلاد: حي الجمالية، القاهرة، مصر.
4/الوفاة: 30 أغسطس 2006.
5/أهم أعماله:
6/الثلاثية الشهيرة: بين القصرين، قصر الشوق، السكرية
7/زقاق المدق
8/اللص والكلاب
9/أولاد حارتنا (عمل مثير للجدل)
10/ثرثرة فوق النيل
11/الجوائز:
12/حصل على جائزة نوبل في الأدب سنة 1988، وهو أول أديب عربي يفوز بها.
13/أسلوبه:
ركز على تصوير الحياة المصرية، وأبدع في رواياته الواقعية اللي ناقشت قضايا المجتمع والدين والسياسة والفقر.

18/11/2025

🌙✨ استعد لرحلة روحانية لا تُنسى مع برامج العمرة المميزة ✨🌙
نقدّم لكم أفضل الباقات بتجربة عالية الجودة وخدمات متكاملة لضمان راحة وطمأنينة كل معتمر.

🕋 برنامج عمرة يبدأ من 31,500 جنيه
✈️ رحلة لمدة 15 يوم – طيران ذهاب وعودة
🏨 إقامة فندقية راقية – خدمات ميدانية واستقبال متواصل – هدايا للمعتمرين

🌙 برنامج عمرة رمضان يبدأ من 55,000 جنيه
⏳ مدة الرحلة: 45 يوم من شعبان حتى شوال
استمتع بأجواء الشهر المبارك وخُشوعه في أطول البرامج الروحانية المميزة.

📞 للحجوزات والاستفسار:
01099077030 – 01099100575 – 01062992920

✨ احجز الآن وابدأ رحلتك الإيمانية بثقة وراحة.

27/09/2025

اللهم امين يارب العالمين

🕊️🤍

ْ
نجيب محفوظ"❤️🕊️

نجيب محفوظ هو واحد من أعظم الأدباء في تاريخ مصر والعالم العربي..

الاسم الكامل: نجيب محفوظ عبد العزيز إبراهيم أحمد الباشا.

تاريخ الميلاد: 11 ديسمبر 1911.

مكان الميلاد: حي الجمالية، القاهرة، مصر.

الوفاة: 30 أغسطس 2006.

أهم أعماله:

الثلاثية الشهيرة: بين القصرين، قصر الشوق، السكرية

زقاق المدق

اللص والكلاب

أولاد حارتنا (عمل مثير للجدل)

ثرثرة فوق النيل

الجوائز:

حصل على جائزة نوبل في الأدب سنة 1988، وهو أول أديب عربي يفوز بها.

أسلوبه:

ركز على تصوير الحياة المصرية، وأبدع في رواياته الواقعية اللي ناقشت قضايا المجتمع والدين والسياسة والفقر.

26/09/2025

ما شاء الله ولا قوه الا بالله اللهم ثبتك يا بنتي