Guide / mostafa mohamed

10/04/2025

ما يحدث فى الاهرامات

01/04/2025

متوفر لدينا فى اسبوع العيد
تنظيم جولات برايفت خاصة علشان الاسر والعائلات
للتواصل
012 20165551

23/03/2025

جزء من حلقتى عن المرشد السياحى

23/03/2025

25/02/2025

السلام عليكم
ورجعنا بجولة جديدة ومهمة وجولتنا المرادى هتكون فى احضان القاهرة القديمة وبالتحديد فى النصف الجنوبى من شارع المعز لدين الله الفاطمى
زيارتنا المرادى هتبقى مختلفة طب لية ؟
المرادى هنخش....................
1- مقدمة عن التاريخ الاسلامى وعواصم مصر الاسلامية
2- الجامع الحرام ( جامع المؤيد شيخ ) وهنتكلم عنة بالتفاصيل
3-السكرية سبيل نفيسة البيضا
4- باب زويلة
5-جامع الصالح طلائع ( من الخارج )
6- الخيامية.......................
التجمع الساعة 9.30 صباحا يوم الجمعة 28فبراير
امام مجموعة السلطان الغورى بشارع الازهر وهنبداء الجولة الساعة 10 تماما
طيب ازاى توصل المكان الموضوع سهل جدا
1- لو جاى مترو هتنزل محطة الشهداء او رمسيس
وهتركب العربيات الى ورا جامع الفتح الى بتقول حسين غورية ازهر
2- لو جاى من العتبة هتركب العربيات الى ناحية المترو الى بردو بتقول حسين غورية وهتنزلك ادام المكان
3- اركب من السيدة عيشة العربيات الى بتروح الازهر وهتنزلك ادام المكان
4- لو جاى من الجيزة موصلات اركب العربيات او الاتوبيسات الى بتروح العتبة او الموسكى وهتنزل عند اول الموسكى وهتتمشى 5 دقايق بالضبط
ملحوظة لو جاى بعربيتك مش هتعرف تركن من الزحمة
تعالى موصلات او اركن عربياتك فى جراج العتبة دا الحل الاسهل..............................
تكلفة اليوم
رسوم باب زويلة 10 جنية + 35 تكلفة الشرح والتنظيم والارشاد......................
عن طريق انك فقط هتبعت رسالة على الواتس
مصطفى محمد
01220165551
01006425901
وبكدا تبقى سجلت معنا مفيش اسهل من كدا

22/02/2025

السلام عليكم ورحمة الله وبركاتة
فى اليوم العالمى للمرشد السياحى حابب اقول ان المجال دا حقيقى مجال رائع جدا وفعال ومؤثر جدا فى علاقتنا مع اهل الغرب والشرق
المهنة ليها عوامل اهمها المرشد
طيب لية بقول الكلام دا
هقولكم
الحقيقة ان الواحد تعب علشان يوصل للمستوى دا خصوصا ان انا كنت او مازلت محاسب ولكن انا بغير الكارير الخاص بيا بالتدريج والحمد لله وصلت لمستوى انا راضى عنة ودايما كل مدى التطوير بيزيد علشان انا عاوز اطور المنظومة على الاحسن
...

اما عن السؤال اللى بقيت بسمعة اليومين دول
انت لية بالبس الطقم اللى فى الصورة دى كل مرة
الحقيقة انا معتز جدا بشكلى دا واللبس الرسمى اللى بيعبر عن شخصية المرشد
خصوصا الفيست الواسع والبنطلون القماش والكوتشى او السيفتى فى القدم والكاب الواسع
الحقيقة انا دايما بوصل صورة لكل الضيوف عن شخصية المرشد
بالاضافة ان بيعبر كمان عن جزء خفى من شخصيتى
بالاضافة ان الملابس دى هيا الانسب لمهنة الارشاد السياحى

15/12/2024

الصور الاول من جولتنا فى الاسكندرية الجمعة 13-12-2024
جولة مختلفة وجديدة وشيقة
أول مرة التحرك فى الاسكندرية بالانتقالات الداخلية
وايضا التحرك من القاهرة فى الذهاب والعودة الى الاسكندرية
عبر وسيلة قطار السكك الحديد
كنوع من التغييرو الابتكار فى جولاتنا كالمعتاد
كما كانت زيارتنا مليانة بالاماكن الجيددة والمختلفة
زى
المدرج الرومانى
جامع النبى دنيال
شارع فؤاد
شارع التماثيل ومحطة الرمل
وايضا جولة حرة كانت ممتعة فى اكلة سمك حلوة من مطعم شعبان
وان شاء الله انتظروا الفوج التانى لينا فى رحلة الاسكندرية قريبا
التصوير يرجع الفضل الاول / مصطفى محمد مؤسس صفحة جوتاريس
الشرح يرجع الى كلا من / الاستاذ هيثم من ابنااء الاسكندرية
ومرشدنا السياحى / مصطفى محمد
وعلشان تعرفو اكتر عن جولاتنا القادمة تابعونا على صفحتنا
ودا اللينك الخاص بينا لجروب الواتس اب
https://chat.whatsapp.com/BnN8gdVmEVwITFyTAK2FCX

https://www.facebook.com/slahaldyn406/posts/pfbid02381YcLsDork3zJFvtfHtsbN7pzD1T4YNj2LuDTFUPNCAvR9dEvZbZ7XMsxp84wRyl

03/12/2024

رمسيس مش فرعون موسى
طيب لية بنقول الكلام دا
الواحد مع الاسف بقى يشوف الساحة مليانة هبد وكلام كتير عن الموضوع دا واراء من وحى الخيال ودرب العقل
ولكن انا هقول تحليلى بشكل مبسط علشان الدااااااارس تاريخ واثار يفهم ويحلل الكلام دا ويحاول يفتح الكتب معايا
واللى مش دارس بردو هيفتح المراجع وهيدور ورايا بالعفل والمنطق
تعالو كدا نحسبها ونملكها وكل واحد لية عقل هيحكم وهيرجع لية .................................................................................
1-طبقا للترتيب الى اتكلمت علية فى بوست قديم عن ترتيب الاسر المصرية القديمة ودا اللينك بتاعة جايز ترجع لية وتفهم الى هقولة
https://www.facebook.com/slahaldyn406/posts/3105026596400937
2-رمسيس التانى المعروف عنة حكم فى فترة الاسرة ال19 عصر دولة حديثة
3- رمسيس التانى حكم مصر لفترة 67 سنة
4- رمسيس التانى يبقى ابن الملك سيتى الاول اللى لية معبد خاص بية فى مدينة سوهاج
وخلى بالكم من النقطة دى ان ابو رمسيس كان بيحكم ولية معبد فى صعيد مصر
5-رمسيس التانى كان لية عدة زوجات وخلف ابناء وبنات كتير وصلوا ل 100 ابن وابنة
اشهر بناتة ميريت امون وليها تمثال شهير فى مدينة اخميم فى الصعيد وخلو بالكو بردو من النقطة دى
6- رمسيس التانى لية زوجات كتير ولكن اشهر زوجاتة هيا الملكة نفرتارى اللى ليها معبد خاص بيها فى ابو سمبل لدرجة انو الراجل ما كان واقع فى غرامها قال ( هيا التى تشرق الشمس من اجلها )
7- رمسيس التانى الاثار الخاصة بية والتماثيل والمعابد من اسوان وحتى السلوم فى كل حتة ضفاف نهر النيل العظيم
8- رمسيس التانى لية اولاد حكمو مصر من بعدة واشهرهم مرنبتاح وفى ابناء ماتو فى حياتة دا غير قائمة كاملة من ابنائة اسمهم بردو رمسيس ولية موميات وجثامين موجودة حتى الان فى متحف الحضارة القومى بالفسطاط
9- رمسيس التانى العاصمة الى كان عاملها وعاش فيها هيا حاليا مدينة الشرقية بالتحديد صان الحجر او كما كان يطلق عليها ( بر رعمسيس)
دا غير مقر الحكم الاصلى فى طيبة كمان
10- رمسيس التانى توفى عن عمر 93 عام وكان عندو خشونة فى الركبة وسرطان فى العظام
وعدم المقدرة الكاملة على ركوب الخيل نهائيا وكان علية اعراض شيخوخة كبيرة ودا الى اثبتة الفحص لما المومياء كانت فى فرنسا قبل كدا
11- الفحص كمان اثبت لما راحت المومياء فرنسا انها انو الملح اللى موجود فى الئة كان من ملح وادى النطرون الى بيستخدم فى التحنيط مع الخلط بزيت بذرة الكتان الحار ودا موجود فى كل الموميات
12- مملكة رمسيس التانى كانت ممتدة من النوبة فى الشلال التالت وحتى شمال سوريا مرورا بفلسطين ولبنان ورفح وسيناء وكل ما حوالها
13-رمسيس التانى كان بيسجل كل المعارك والحروب الى دخلها على جدران المعابد ومسجلش اى حروب دخلها فى وقتة مع اليهود نهائيا او اتكلم عنهم اصلا
14- رمسيس التانى فى عصرة مصر كانت فى ازهى عصورها من قوة اقتصادية وعسكرية كبيرة جدا وكمان التشيد المعمارى فى عصرة كان كتير جدا من معابد ومسلات ومقابر واساطيل بحرية وبرية على مستوى رفيع جدا
دا باختصار شديد عن رمسيس التانى
___________________________________________________________
فرعون موسى
1- اولا فرعون هو اسم شخص وليس لقب ملكى
واللينك دا فى وجهة نظر كاملة عن الموضوع دا
https://www.facebook.com/slahaldyn406/posts/pfbid02XbNQUMcr6QmNYmNvMTLSaZqD4UcNYWpAwyHPeeyDbc5JCyJxAkHKYYgYrYMmUWXdl
وتقتنع او تقتنع بالكلام دا انت حر طبعا ولكن ارجع لتفسير القراءان الكريم والعلماء واللينك دا انا موضح فية رمسيس اسم مش لقب
2- فترة وجود فرعون كانت ايام حكم الهكسوس فى الفترة من الاسرة ال15 والى الاسرة ال17 يعنى ملهاش علاقة بفترة حكم رمسيس التانى فى الاسرة ال19
و غيرمحدد بتاريخ اى ملك من ملوك الهكسوس الى احتلوا مصر وبالتحديد ليس مصر كلها بل جزء بسيط فى الشمال الشرقى بالتحديد مدينة ( تل الضبعة )
3- فرعون موسى تزوج من اسيا بنت مزاحم وهيا زوجتة الوحيدة
وكانت عاقر
4- فرحة اسيا لما شافت سيدنا موسى اول مرة وكان فرعون هيرفض دخولة القصر يأمر بقتلة
بيدل على انهم مكنش عندهم ولد
وربنا فى كتابة العزيز قال عن القصة دى
بسم الله الرحمن الرحيم
(وَقَالَتِ ٱمْرَأَتُ فِرْعَوْنَ قُرَّتُ عَيْنٍۢ لِّى وَلَكَ ۖ لَا تَقْتُلُوهُ عَسَىٰٓ أَن يَنفَعَنَآ أَوْ نَتَّخِذَهُۥ وَلَدًا وَهُمْ لَا يَشْعُرُونَ)
5- فرعون وهامان وموسى وهارون وقارون ويوكايد ام موسى واسيا بنت مزاحم
كل دى اسماء اعجمية لا تمت بالاسماء امصرية القديمة ونسبها الالهى والملكى بصلة
6- فرعون موسى
فى عصرة ربنا انزل علية الغضب
وتمثل فى الطوفان والجراد والقمل والضفادع والدم والبق على الرغم انو الموضوع دا مفيش تاريخ مصرى فى ولا عصر اتكلم عنة الا فى برديات من نهاية العصر الدولة الوسطى يعنى بعيد عن رمسيس التانى
7- ربنا لما ذكر فرعون عن حياتة وعن اثارة قال فى كتابة العزيز
بسم الله الرحمن الرحيم
الكريم "ودمرنا ما كان يصنع فرعون وقومه وما كانوا يعرشون" الأعراف الآية 137
يعنى اى شئ يخص مملكة فرعون دمرت على عكس مملكة سيتى الاول ورمسيس التانى حتى الان ليهم معابد واثار كاملة وليهم جثامين
8- فى وقت مطاردة سيدنا موسى وعبورة البحيرة او البحر او اليم
لو حسبتها هتلاقى انو ازاى فرعون يطلع بكل جنودة ويغرق فى البحر على الرغم انو لية مملكة على الجانب التانى يعنى كد كدا موسى هيحاصر وهيقع بردو ولكن دا محصلش وموسى استمر فى رحلتة ونزل على سيناء وفضل فى التية 40 عام ومات ولم يدخل فلسطين لا هو ولا الجيل الى امن من قومة
9- هل رمسيس التانى لو هو فرعون موسى يا سيدى
هيجرى ورا سيدنا موسى اكتر من 100 كيلو من العاصمة فى الشرقية لحد حدود السويس وهو فى سن الشيخوخة دا وهل صحتة كانت حلوة فى التوقيت دا ؟ وسنة كبر ؟
10- مفيش ولا خرطوش ملكى اكتشف بيؤكد انو فرعون موسى هو رمسيس التانى
ولا قصة وفارق السنوات والفترات ما بين الهكسوس والاسرة ال19 كبير جدا
11- فى البند رقم 7 واطلع فوق كدا
ربنا مش هيضحك علينا ربنا بيقول انو دمر كل ما يمتلك فرعون واثارة وجنودة
طيب لو فرعون موسى هو رمسيس ازاى رمسيس التانى لية اثار فى اسوان والاقصر والمنيا وسوهاج وسقارة وميت رهينة والاسكندرية والشرقية كل الاماكن دى اماكن خاصة برمسيس يبقى ازاى بتقنع نفسك بالموضوع دا
فى النهاية دور واقرى كتير وانت وعقلك وانت وقرارك فى النهاية تصدق او تكدب انت حر\
واسف انو انا طولت عليكم كل الكلام دا

24/11/2024

18/11/2024

من جديد انتظرونا على راديو اذاعة القاهرة الكبرى 102.2
برنامج حواديت اله الزمن
تقديم الاستاذة حنان سالم
و3 حلقات مهمة عن نساء فى حياة مصر
الحلقة الاولى والتانى عن شخصية ( دورثى ام سيتى )
الحلقة التالت عن شخصية وحكاية ( قطر الندى )
ايام
السبت 23-11-2024
الاحد 24-11-2024
الاتنين 25-11-2024
الساعة 7 مساء على راديو القاهرة
وعلشان تتابعوا الحلقات السابقة تقدروا تتابعوها على قناة اليو تيوب الخاصة بينا ( اعرف اثار بلدك )