liden travel with said plaza

liden travel with said plaza الحمد لله الذي وفقنا لخدمة ضيوف الرحمن �
معنا تبدأ رحلتك إلى أطهر بقاع الأرض بكل راحة واطمئنان

21/05/2026

حاج بلا حقيبه .. حج العام الحالي
معتمر بلا حقيبه .. عمرة الموسم القادم

(نتمني نجاح التجربة )

20/01/2026

👌🏻 نصائح من خبرات سابقة
١. الذهاب للحرم المكي قبل الصلاة بساعة ونص ع الاقل لو عايزة تصلي تحت في الصحن
٢. اخد كل ادويتك من بلدك لان الادويه هناك غالية
٣. شرب ماء زمزم بكثرة هناك (عليكم بالتضلع سنة عن الرسول وله فوائد عظيمة وهو شرب ماء زمزم بكثرة حتي الارتواء التام ليصل للضلوع)
٤. بعد صلاة الفجر .. انزلوا الصحن .. نطوف حول الكعبة مع التسبيح والاستغفار ونقرأ قرآن حتي الشروق مع النظر للكعبة ( النظر للكعبة عبادة) مع عدم اللغو والحديث وطواف التطوع اجره عظيم... بعد الشروق نصلي ركعتين ونغادر الحرم
٥. التليفون معانا طول السنة لكن العمرة صعبة ... اغتنموا كل الوقت للعبادة ومتتلهوش بالتصوير والموبيل طول الوقت
٦. الصلاة في الحرم ب ١٠٠ الف صلاة ... أكثروا من النوافل وكمان اي صلاة قضا فرصة نصليها هناك
٧. احرصوا علي صلاة الجنازة بعد كل صلاة
٨. خدوا بالكم من تلاوة إمام الحرم لو التلاوة فيها سجدة ... عشان محدش يتلغبط في الصلاة ركزوا في التلاوة لو سمعتم كلمة ( يسجدون....)
عشان حصلت معايا اغلب الي حوليا سجد وانا كنت بركع وبقول سبحان ربي العظيم😃 وتفاجأت ان الإمام قال الله اكبر وكمل قراءة عادي .
لو حد حصل معه كدا يحاول يلحق السجدة مع الإمام.. لو مخدش باله يكمل صلاة عادي .
٩. احرصوا علي صلاة ركعتين في مسجد قباء بالمدينة تعادل عمرة ... عند باب ٣٠٩ في طفطف بعشرة ريال بيوديك هناك
١٠. زيارة الروضة ( قبر الرسول صلي الله عليه وسلم ) لازم عن طريق ابلكيشن نسك
١١. خلي معاكم قاعدة( cover) التوالات البلاستيك
١٢. حافظوا علي صلاة قيام الليل يوميا في الثلث الأخير قبل الفجر بساعة
١٣. الحفاظ علي سنن الصلاة ١٢ ركعة ( يبني لك بيت في الجنة) ٢ قبل الفجر ، ٤ قبل الضهر و٢ بعده ، ٢ بعد المغرب و ٢ بعد العشاء
١٤. متنساش تجيب من بلدك شوية حلويات بسكوتات وبونبوني توزعها علي اطفال الحرم
١٥. متجادلش مع عساكر الحرم لو قالك قوم تقوم .. مبيهمهمش ست ولا رجل كبير واي حاجة ... كلامهم أوامر وبتتنفذ بدون نقاش ..
١٦. يوم الجمعة الحرم بيبقي زحمة رهيبة لازم تكون هناك قبل صلاة الجمعة ب ٤ ساعات
١٧. خلي معاك فيشة ثلاثية عشان اغلب الفنادق بتستخدمها
١٨. استخدم صابون جلسرين او بدون رائحة عشان في ناس اول يوم تدخل ع الفندق بتنسي و تغسل ايديها بصابون برائحة
١٩. اطلب ميزان من الريسيبشن من الاوتال اوزن شنطتك قبل ما تروح المطار ... وياريت متكتروش لبس وانتم رايحين
٢٠. لمن يرغب في الصلاة داخل برج الساعة المسجد الدور التاسع رجال والعاشر نساء
٢١. عليكم بطواف التطوع هو طواف الكعبة ٧ مرات وهو تطوع ومش الزام وثوابه كعتق رقبة
٢٢. لا تضيع وقتك في التسوق .
٢٣. الي هيركب قطار الحرمين يكون في المحطة قبل ميعاد رحلته بساعة ع الاقل .. هناك بوردينج اكنك في المطار والمحطة كبيرة جدا عشان القطار ميفوتكش
٢٤. عند التحلل من العمرة .. بلاش علي باب الحرم تقصي شعرك روحي الفندق او اي توالات قصاد الحرم
٢٥. لو عايزة اي فتوي .. بعد صلاة الفجر عند باب ٧٩ هتلاقي الشيوخ قاعدين او من باب ٨٥ ل ٩٠ هتلاقي تليفونات كلميهم تقولي السؤال هيردوا في نفس الوقت
٢٦. للمصاحف مجانية اطلعي برج الساعة الدور التاني في جمعية حفاوة
٢٧. لو عايزة خط سعودي .. من عند فندق الصفوه خط stc بيدي ١٢٠ دقيقه و٢٠ جيجا نت ب٤٠ ريال.
٢٨. لو هيصادف ويبقي عندك العذر الشرعي استخدمي دواء سيترونات نور ٥ ملج قرصين كل ١٢ ساعة . اوعي تفوتي جرعة وبيتاخد قبل الميعاد بخمس ايام. دة الي الدكتور قاله
٢٩. السيدات متتهاونش في قصة الزينة ممنوع ( الكحل . المسكرة . ولبس الذهب كزينة ملفتة .. ) تجنبي لفت الانظار
٣٠. محدش يزاحم عند الحجر الاسعد من المكروهات مضيعش عمرتك . الحجر إما تقبيله او لمسه او الإشارة اليه . التلاتة نفس الثواب لا ضرر ولا ضرار
٣١. خد معاك اكل .ندمت اني مخدتش
٣٢. خد معاك مركر تكتب بيه اسمك علي كرتونة زمزم
٣٣. خدي معاكي فوط صحية يومية
٣٤. عشان تحرم من التنعيم، بعد حمامات رقم ٩ ف للمواصلات
لو انتو كذا حد من قدام الفندق عربيه أجره ب ٣٠ ريال
٣٥. متنزلش بفلوسك كلها في ناس كتير اتسرقت.
٣٦. السيدات لازم شراب في رجلك طويل
٣٧. أكثروا من الصدقات ( إطعام ، مصاحف بس لازم تتجاب من هناك ، كراسي ، سبحة، طرح صلاة ، تمر، ..)
٣٨. أقرب باب لصحن الكعبة باب ٧٩ او باب السلام وباب ٩١ و ٩٢ و ٨٤ للصعود للسطح
٣٩. من ارخص التسوق سوق جبل عرفات و العتيبية
٤٠. لو حد تعب هناك عند حمام رقم ٣ جنب ابراج الصفوة مستشفي اجياد للطوارئ مجانا بتأشيرة العمرة
٤١. لو عايزة تقعدي في الصحن من غير ما حد يقومك خالص روحي عند باب الملك عبدالله مخصص للنساء.
٤٢. التطعيم مهم جدا . الناس كلها عيانين وبنتعدي بسهولة
٤٣. لابد من القراءة كثير عن كيفية العمرة ومعرفة محظوراتها
⭕⭕ملحوظة هامة جدا
لو لقيتم اي حاجة مرمية ع الارض فلوس ، سبحة ، ساعة .. اوعوا تخدوها )
⭕⭕ في المطار مترغيش مع حد متعرفوش . اوعى حد يقولك
معيش وزن ممكن تاخد دة معاك . غلط تندم عليه

عمرة مقبولة يارب ❤️
ادعولي بها مرارا وتكرار 🤲

09/01/2026

باقي اعداد محدوده جدا ✨من رحله ٢٥يناير
سارع بالحجز 📞
عُمرتك.. رحلتك نحو السكينة والمغفرة! 🕋✨

Address

شارع المحكمه برج الحرمين فوق كافيه المشربيه الدور الثاني علوي امام بنك القاهره
Kafr Al-Dawar

Website

Alerts

Be the first to know and let us send you an email when liden travel with said plaza posts news and promotions. Your email address will not be used for any other purpose, and you can unsubscribe at any time.

Shortcuts

Share

Category