02/02/2025
تحديث بخصوص تأشيرة تركيا الإلكترونية للمصريين
قبل كده، كانت التأشيرة الإلكترونية لتركيا متاحة للمصريين اللي سنهم أقل من 20 سنة أو فوق 45 سنة، لكن مؤخرًا حصل تعديل، وبقت متاحة بس للي سنهم أقل من 15 سنة أو فوق 45.
كمان، النظام بقى يشترط إن اللي بيقدم يكون معاه تأشيرة سارية لأمريكا، أو شنجن، أو إنجلترا، أو أيرلندا. وده خلا التأشيرة الإلكترونية حاليًا واقفة لكتير من المصريين، إلا لو معاهم واحدة من التأشيرات دي.
أما اللي مش معاهم التأشيرات المطلوبة، فلازم يقدموا على الفيزا من خلال مكتب Voya في الدقي، ويدفعوا 208 دولار، مع تقديم كشف حساب بنكي وإثبات وظيفة، زي أي تأشيرة عادية.
الاحتمال الأكبر إن ده يكون مشكلة في السيستم، وممكن يرجعوا التأشيرة للفئات العمرية القديمة (تحت 20 وفوق 45) لفترة مؤقتة، لكن لحد دلوقتي مفيش تأكيد رسمي، فالأفضل تتابعوا التحديثات قبل ما تخططوا للسفر.
