عارفين دة الوقت المثالى بتاع أيه ؟؟
عارفين دة الوقت المثالى بتاع أيه ؟؟ أنك تطلع على السخنة وتأجر اليخت اللى فى الصور ده انت واللى معاك سواء أصحاب أو تاخد والدك ووالدتك وولادك وتطلعوا تقضوا يوم ميتنسيش بعيد عن جو البيوت والكافيهات ده مثلا تخليهم يجربوا حاجة جديدة فى الشمس او حتى تجمع أصحاب شغل ..ودى لازم تتعمل كل شهرين تلاته والله بتفرق جامد فى فك ضغط الشغل وقت مثالى ان الواحد يقرر أنه يبسط نفسة و لو حسبتها مش هتدفع كتير واللى متوقع ان الجو بيبقى وحش نحب نقولة أن ساحل البحر الاحمر مشتى أكتر منه مصيف يعنى على الساعه 10 الصبح تلاقى الشمس طلعت والجو أبتدى يدفى وانت فى نص المياة هتلاقى نفسك سخنت أنك هوب تنط من المركب غطس فى البحر واللى مبيعرفش يعوم ميقلقش ممكن تلبس لايف جاكيت وتنزل تتعامل ( أحنا اخر مرة كنا هناك كان جنبنا دولفين بس ملحقناش نصورة ) الحكاية بتبدى أنك بتركب عربيتك ( أو تتفق مع عربية توديك ) وتبقى مجهز أكلك معاك على التسوية فى المركب وبيطلع معاك طباخ يعنى متشيلش هم الاكل والاختيار الامثل فى الأكل أنك تجيب يا اما تبقى مجهز مشويات متتبلة او سمك ع الشولى والقلى ( لو عاوز شواية ممكن تقولهم يجوبهالك وتأجير ب60 جنية بس هات الفحم معاك ) .. يا أما بقى الاختيار الاصعب تطلع بالصنارة وتستنى رزق فى الصيد بس ملناش دعوه بقى لو مت من الجوع 😊 😊 توصل الميناء تدفع 20 جنية تذكرة الدخول وتشوف اليخت اللى أنت حاجزة وتطلع حاجتك وتبقى جاهز للرحلة والاستجمام وترييح الدماغ من كل حاجة وانت جوة المياة ( الرحلة بتبدأ من 6 الصبح ل 5 المغرب حاول تبقى هناك بالكتير اى 7 علشان تستمتع باليوم كامل الن الوقت بيعدى هوا ) لو عايز تصطاد حضرتك بتأجر السنارة ب ٢٥ جنية .. و طبق طعم ( جمبري او كاليماري ) ١/٢ كيلو ب ٥٠ جنية اليخت فيه تلاجة و تلفزيون و وصلة AUX و سماعات عشان لو عايز تشغل اغاني من الموبيل على ذوقك 🎵🎶 ، في قعدة عاليخت من فوق المنظر بيكون فوق تحفة، اليخوت أحجامها مختلفة يخت بياخد 10 افراد او 20 فرد او 30 فرد وكل يخت بيختلف عدده وايام الحجز والويك اند بيبقى أرخص شويتين بيختلف سعره لو رضيع يعتبر فرد سعر ال١٠ افراد في وسط الإسبوع ب2000 جمعة او سبت ب 2700 وباقى الاعداد والأسعار مع الصور التليفون للإتصال و الإستفسار: (01111831219) وطبعا لازم بتسيب مقدم حجز علشان متضربلوهمش اليوم بحجزك ومترحش
