𝐕𝐢𝐬𝐢𝐭 𝐆𝐞𝐝𝐞𝐨

21/05/2026

ቲክቶከር ዲላን ፔጅ ወደ ምድረ ቀደምት ኢትዮጵያ መጥቶ የይርጋጨፌ ቡናን እያጣጣመ ይገኛል!!

21/05/2026

አሻማ (Ashshama)፡ የጌዴኦ ህዝብ የፍቅር፣ የክብር እና የሰላምታ መክፈቻ ቃል ነው።

በለምለም ኮረብታዎቿ፣ በእንሴትና በቡና ዛፎቿ ጥላ ስር የምትጠለለው የጌዴኦ ምድር ልዩ መስተንግዶና ባህል ባለቤት ናት። በዚህች ምድር ላይ የአንድነት፣ የክብር እና የሰላም ሁሉ መጀመሪያ የሆነች አንዲት ድንቅ ቃል አለች “አሻማ!”

ይህች ቃል ተራ የሰላምታ መለዋወጫ ብቻ አይደለችም፤ የጌዴኦን ህዝብ ማንነት፣ የልብ ስፋት እና ጥልቅ የሰው ልጅ አክብሮት የምታሳይ ህያው የባህል መስኮት ናት።

የጌዴኦ ሰው እንግዳ ሲቀበል “አሻማ(Ashshama)” የሚለው በቃላት ብቻ አይደለም፤ መላው አካሉ አብሮ ይናገራል።

ለትህትና፦ ወገቡን አነስ አድርጎ ጎንበስ ይላል።
ለአክብሮት፦ በራሱ ላይ የደፋውን ኮፍያ ያነሳል።
ለፍቅር፦ እጅን በቅንነት ጨብጦ፣ ጉንጭን ስሞ በውስጣዊ ደስታ ይቀበላል።

ይህ አይነቱ አቀባበል የመጣህበትን ስፍራ ወይም ማንነትህን ሳይጠይቅ፣ በሰውነትህ ብቻ ከፍ ያለ ክብር የሚሰጥህ የጌዴኦ ህዝብ ቀዳሚ መገለጫ ነው።

''አሻማ (Ashshama)''የተጣላም የማይከለክለው የሰላም ድልድይ ነው።

በሰውኛ ህይወት ውስጥ መኳረፍና መጣላት ባይቀርም፣ በጌዴኦ ባህል ግን ቅያሜ “አሻማ”ን የመከልከል አቅም የለውም። የቱንም ያህል የተጣሉ ሰዎች ቢገናኙ “አሻማ” መባባል ግዴታቸው ነው። ይህ ሰላምታ በጥል የተዘጋውን የልብ በር በፈገግታ የሚከፍት፣ ቂምን አሟልቶ ፍቅርን የሚዘራ መለኮታዊ ኃይል አለው። አሻማ ባለበት ምድር ቁርሾ ቦታ የለውም፤ ይልቁንም እርቅና ሰላም ቀድመው ይረማመዳሉ።

የጌዴኦ ህዝብ ፍቅርና አብሮነት ልክ እንደ ስንዴ ነዶ ነው።

አንድ የስንዴ ነዶ ብዙ ነጠላ የስንዴ እሽቶች በጥንካሬ ተለክመውና ተሳስረው የሚቆሙበት ነው። የጌዴኦም ህዝብ በባህሉ፣ በማህበራዊ ትስስሩና በጋራ እሴቱ ልክ እንደዚሁ የተሳሰረ ነው። “አሻማ” እየተባባለ ፍቅርን የሚዘራው ይህ ህዝብ፣ ልክ እንደ ስንዴ ነዶ በአንድነት ቆሞ አንዱ ለሌላው ዋስትና ይሆናል። የስንዴ ነዶ የበረከትና የጥጋብ ምልክት እንደሆነ ሁሉ፣ በአሻማ የሚቀሰቀሰው የጌዴኦ ፍቅርም የማህበረሰቡን ሰላምና በረከት አዝምሮ የሚያሳድር የጥጋብ ምንጭ ነው።

“አሻማ(Ashshama)” ፍቅርን የምትዘራ፣ ክብርን የምታጭድ፣ ልዩነቶችን አጥፍታ ሰዎችን እንደ ስንዴ ነዶ በአንድነት የምታስር ውብ ቃል ናት። ወደ ጌዴኦ ምድር ሲገቡ ወገቡን ጎንበስ አድርጎ፣ ኮፍያውን አንስቶና ጉንጭዎን ስሞ “አሻማ” የሚልዎትን ህዝብ ሲያገኙ፣ እውነተኛውን የኢትዮጵያዊነት የፍቅርና የሰላም ጥምረት እያዩ መሆንዎን ያስታውሱ።

አሻማ(Ashshama) ለጌዴኦ ህዝብ! አሻማ(Ashshama) ለፍቅርና ለሰላም!

20/05/2026

የስንዴው ነዶ የድካም ውጤትን፣ የተትረፈረፈ ምርትን እና የሕዝባችንን የጋራ ዕድገትና አንድነት የሚያበስር ተስፋ ሰጪ ምልክት ነው።

ለሀገር አንድነት ጠንካራ ሀገረመንግስት ግንባታ ለማረጋገጥ የስንዴ ነዶ ይመረጡ።

19/05/2026

በየቋንቋችሁ ይህ ጨዋታ ምን ተብሎ ይጠራል?

16/05/2026

በዲላ ዩኒቨርሲቲ ከፍልንትስቶን ኢንጂነሪንግ ጋር በመሆን በሃሮሬሳ 1ኛ ደረጃ ትምህርት ቤት 2 ቢሎክ ባለ 8 ክፍል የተገነቡ ዘመናዊ የመማሪያ ክፍሎች ተመረቀ

ግንባታውን ፍልንትስቶን ኢንጂነሪንግ ዲላ ዩንቨርስቲ ሆስፒታል እየገነባ የሚገኘው ከ20 ሚሊዮን ብር በላይ ወጭ በማውጣት በመገንባት አስረክበዋል።

12/05/2026

ዲላ፡ የደቡብ ኢትዮጵያ ህያው ዕንቁ

ዲላ ከተማ በስሟ ፊደላት ውስጥ የታመቁ በርካታ ውበቶችን የያዘች ድንቅ ከተማ ናት። ይህቺ ከተማ እጅግ Diverse (ባለብዙ ዘርፍ) በሆኑ ባህሎችና ታሪኮች የተሞላች የሰላም መድረክ ናት። ወደ ከተማዋ የሚገባ ማንኛውም ሰው ገና ከጅምሩ Invigorating (መንፈስን የሚያድስ) የሆነ የቡና መዓዛና ንጹህ አየር ይቀበለዋል።

የከተማዋን ዳርቻዎች ስንመለከት ደግሞ Lush (ለምለም) በሆነ አረንጓዴ ተፈጥሮና በቡና ተክሎች የተሸፈኑ ተራራዎችን እናገኛለን። ይህ ተፈጥሯዊ ውበት በከተማዋ ውስጥ ካለው Lively (ደመቅ ያለ) እንቅስቃሴና የነዋሪዎቿ እንግዳ ተቀባይነት ጋር ተዳምሮ ልዩ ድምቀትን ይሰጣታል። በመጨረሻም፣ ዲላ Ancient (ጥንታዊ) የሆኑ የቱትፌላ ድንጋይ ትክሎች (Stelae) ባለቤት በመሆኗ፣ የጥንት ስልጣኔና የታሪክ አሻራ በክብር ጠብቃ የያዘች የኢትዮጵያ ኩራት ናት።

ባጠቃላይ ዲላ ተፈጥሮ፣ ታሪክና ሰው በፍቅር የተሰናሰሉባት ውብ መገኛ ናት።

የደግነት እና የለምለም ተፈጥሮ ጥምረት ውጤት የሆነች፣ በታሪክና በባህል የደመቀች የደቡብ ዕንቁ ናት።

12/05/2026

የድምፅ መስጫ ወረቀት ላይ እንዴት ምልክት ማድረግ ይችላሉ?

08/05/2026

ከጌዴኦ ዞን እስከ አዲስ አበባ በእግሩ የተጓዘው ወጣት ኢያሱ ክፍሌ ወደ ዞኑ ስመለስ አቀባበል በፎቶ

07/05/2026

07/05/2026

በዲላ ከተማ በተሽከርካሪ የታጀበ ታላቅ የድጋፍ ሰልፍና ቅስቀሳ ተካሄደ

በዲላ ከተማ የብልጽግና ፓርቲን ዓላማና የልማት ስራዎችን የሚደግፍ እንዲሁም ለቀጣይ ስራዎች መነቃቃትን የሚፈጥር በታላቅ ተሽከርካሪ ሰልፍ የታጀበ የቅስቀሳ መርሃ-ግብር ተካሂዷል።