Trekking in ethiopia

10/09/2024

For all our partners and friends We wish you a Happy Ethiopian New year with good health
September 11/2024

18/09/2023

ዮኔስኮ ታድሏል። የባሌ ተራሮች ብሔራዊ ፓርክን በዓለም ቅርስነት መዘገበ።
አንዱ ፓርክ ብዙው ዓለም፤
የዓለም ቅርስ ኾኗል።

01/05/2023

01/10/2022

እንኳን ለኢሬቻ በዓል በሰላም አደረሳችሁ!

የኢሬቻ በዓልን ለምታከብሩ የኦሮሞ እህት ወንድሞቻችን በሙሉ መልካም በዓል እንዲሆንላችሁ ከልብ እንመኛለን።

Visit oromya

ሰላም ለኢትዮጵያ ይሁን!

28/05/2022

28/08/2021

የሀገር ዉስጥ ጉብኝት /የዘመድ ጥየቃ መርሀ ግብር
የጉዞ አይነት ፡ የዘመድ ጥየቃ፡-
የሚጎበኟቸዉ ቦታዎች፡ ደ/ብርሃን ፤ አልዩ አምባ ፤ ቁንዲና ሰሪቲ ፤ እንቁላል ኮሶ መንደር
የቆይታ ጊዜ ፡ 2 ቀን/ 1 ምሽት
የሚጠቀሙት የትራንስፖርት አይነት ፡ 4 እግር ተሸከርካሪ / ላንድ ክሩዘር/
የተጓዦች ብዛት ፡-_____________

መርሀ ግብር 1
የመጀመያ ቀን ፡መነሻ አዲስ አበባ ከጠዋቱ 12፡00 ሰዐት ሲሆን ከ 2፡00 ጉዞ በኋላ ደ/ብርሀን ቁርስ በልተን ጉዞ ወደ አልዩ አምባ እናደርጋለን ፡፡
አልዩ አምባ ታዳጊ ከተማ የምትገኘው የሰ/ሸዋ/ዞን በአንኮበር ወረዳ ውስጥ ነው፡፡ ይች በስምጥ ሸለቆ ውስጥ የምትገኘው የታሪክ መሠረት የጉምሩክ መስራች የሆነችው ሞቃታማ የወረዳችን ፈርጥ ከተማ በአገራችን የጉሙሩክ ታሪክ ሲነሣ በግንባር ቀደምትነት ትነሣለች፡፡
አልዩ አምባ የሚለውን ስያሜ ያገኘችው አለዩ ከሚባል እንድ የሐደፊሠው ከሆነ እና በንግድ ስራ የተሠማራ የግለሠብ ስም ሲሆን ግለሠቡም አሁን ታዳጊ ከተማዋ ባለችበት አምባ ላይ የሚኖር በመሆኑ የአልዩ አምባ ከሚለው አልዩ አምባ የሚለውን ስያሜ እንዳገኘች አንዳንድ አባቶች ይናገራሉ፡፡
አልዩ አምባ 2 ብሔረሰቦች አማራና አርጎባ በፍቅር ተሳስበውና ተደጋግፈው የሚኖሩበት እንደሁም አልፎ አልፎ ከአጎራባች ወረዳ ከአፋር ክልል የአፋር ብሄር መጥተው ከእነርሱ ጋር አብረው የሚኖሩበት ስትሆን ከተማው በተለያዩ አቅጣጫዎች በ19ኛው ክ/ዘመን በስራና ንግድ /long distance trade/የነበረበት ወቅት 4 በሮች እንደ ነበራት አንዳንድ ታላላቅ አባቶች ይናገራሉ፡፡ ከተማዋ በአገራችን ታላላቅና የመጀመሪያ የንግድ እና የጉምሩክ ማእከል የነበሩበት ከተማዎች በግንባረ ቀደምነት የምትጠቀሰ ነች፡፡ ለዚህም ምክንያት ከ1912—192ዐ ዓ/ም በቅርቡ በአገራችን የባሪያ ንግድ በተባበሩት መንግስታት/league of nation/ እስከ ቆመበት ድረስ ያለው ትኬት በግለሰቦች አጅ ዋናው ቅጅ መገኘቱ መስክር ነው፡፡ከላይእንደተጠቀሰው 4 በሮች የነበረ ሲሆን 2 መግቢያ 2 መውጫ ከነዚህ ውስጥ አዋሽና ጨኖ በር መግቢያ እነዚህ የተለያዩ እንደ ጨው፣ሻይ የተለያዩ ሸቀጣሸቀጦች በእነዚህ በሮች በሀይል ወደብ በኩል የሚገባበት 2 መውጫዎች አንኮበር እና ምንጀር በር የሚባሉት ሲሆኑ ከመሐል አገር እሰከ የአገራችን የሰሜኑ ክፍለ የሚለከው በአንኮበር በር ሲሆን ምንጃር በር ወደ የአገራችን ክፍል ደቡቡ አካባቢ የተለያዩ ምርቶች የሚወጡበት ከተማዋ በአገራችን የመጀመሪያዋ የጉምሩክ ከተማ ከመሆነዋ አንፃር በወቅቱ የነበረው የባሪያ ንግድም ቁርጥ መቁረጫ ነበረች፡፡ የባሪያው በአብዱልረሱል ከተገባያዩ በኋላ ወደ አልዩ አምባ በመውሰድ ባሪያው የተከለሰው 12ዐ ብር ያልተኮለሰው በ6ዐ ብር እንደሚሸጥና ቀረጥም 1 ብር በመክፈል በጨኖበት ወደ ተለያዩ የአረብ አገሮች እየወሰዱ ይሸጡ ነበር ባርያው ስቀረጥ መልሱ ቀመነው የማንም አገልጋይ እንዲሆነ በአሁኑ ወቅት በአንድ ግለሰብ እጅ ያለ የባሪያና የግብር መቅረጫው ይገኛል፡፡ ጉብኝት ከጨረስን በኋላ ምሳ በ አገልግል ይዘን አንኮበር እንበላለን በዚያዉም የ አንኮበር ቤተ መንግስት እንጎበኛለን፡፡ ከስኣት ወደ ቁንዲ በመንዳት የግማሽ ሰአት የእግር ጉዞ አድርገን በመቀጠል ወደ ደብረብርሀን በመሄድ አዳራችንን ደ/ብርሀን ይሆናል ፡፡
ሁለተኛ ቀን ፡ በጠዋት በመነሳት ከ ቁርስ በኋላ ከደ/ብርሀን ወደ እንቁላል ኮሶ ጉዞ እናደርጋለን፡፡ እንቁላል ኮሶ በአለም ላይ የጥቁር ህዝቦች ኩራት የአፍሪካ የድል አባት የሆኑት የንጉሰ ነገስት እምየ ምኒሊክ ዘኢትዮጵያ የተወለዱበት ቦታ ነዉ ፡፡ ይህን ከጎበኘን በኋላ ጉዟችንን በመቀጠል የጦር ሜዳው ጀግናው ፊትአውራሪ ገበየሁ ታሪክና ጀግንነት እንዲሁም አጽማቸዉን የተቀመጠበትን እንጎበኛለን፡
ጀግንነት ሲባል ፈጥኖ ወደ አምሮአችን የሚመጣው ጦር ሜዳ ነው፡፡ ጀግና ማለትም ውጊያ ወረዳ ውስጥ ዘልቆ ጠላትን ድል በመንሳት ግዳጁን በብቃትና በቁርጠኝነት የተወጣ ማለታችን ነው፡፡ ታዲያ ዛሬ የወረዳችን ተወላጅ ስለሆኑት ስለ ጀግናው ፊታውራሪ ገበየሁ /ጐራው ገበየሁ/ ታሪክ እናስታዋውቃችኋለን፡፡
ፊታውራሪ ገበየሁ በባሶና ወራና ወረዳ በአንጐለላ ቀበሌ አስተዳደር ገጠር በምትባል ጐጥ ውስጥ እንደተወለዱ ይነገራል፡፡ ኢጣሊያ ኢትዮጵያን ቅኝ ግዛት ለመግዛት የነበረው ህልም እንዲሳካ በማሰብ በተለያዩ ወቅቶች ሃገራችንን የማዳከም ስራ አካሂዷል፡፡ በዚህም ጊዜ በወቅቱ ሃገሪቱን ያስተዳድሯት የነበሩት አፄ ምኒልክ እና ባለቤታቸው እቴጌ ጣይቱ እንዲሁም መኳንንቶቹ ኢትዮጵያ ሉአላዊነቷን ጠብቃ እንዳትኖር በአካባቢው የሚነቀሳቀሱ ቅኝ ገዥዎች የነበራቸውን ህልም በንቃት የሚጠባበቁበት ወቅት ነበር፡፡
በዚህ ወቅት አፄ ምኒልክ ለመጀመሪያው ግንባር ቀደም ወታደር ስማቸው በጀግንነት የተጠራውን ፊታውራሪ ገበየሁን የጠቅላይ የጦር አዛዥ አድርገው በ1888 ዓ.ም እሁድ ቀን ጦርነቱ እንደተጀመረ ወዲያው የኢጣሊያ ጦር አዛዥ ያገር ተወላጁን /ባንዳውን/ ጦር እፊት አስቀድመው ሲዋጉ የራስ መንገሻና የራስ ሚካኤል እንዲሁም የዋና ስዮም ጓንጉል ወታደሮች በጥይት ስለቆሏቸው አብዛኞቹ አለቁ፡፡ የተወሰኑት እጃቸውን ሲሰጡ ጥቂቶቹ ደግሞ ያልተነካውን የጄኔራል አርምንዴን ሰራዊት እየሄዱ ተቀላቀሉ፡፡
የኢትዮጵያ የጦር ሰራዊትም በነፊታውራሪ ገበየሁ /በጐራው ገበየሁ/ እየተመራ እየፎከረና እያቅራራ ወደ ፊት አልፎ ጐስሶ ከሚባለው ጉብታ ላይ በመድረስ እንደገና ገጠማቸው፡፡ በዚህ ጊዜ ባንደኛው ወገን ለመሸሽ እንኳን የማይመች ሆኖ በሌላው ወገን ደገመ ስለተከበቡ የሚሄዱበት አጥተው ተስፋ በቆረጡ ጊዜ እንደገና ውጊያው ተጀምሮ በርካታ ወታደሮች እንደሞቱም ይነገራል፡፡ በዚህ ጊዜ ነበር ጀግናው ፊታውራሪ ገበየሁ ከሰራዊታቸው ተለይተው እጠላት መሃል ገብተው ከቀኝ አዝማች ታፈስ ጋር እየፎከሩ የጠላትን አንገት በጐራዴ እየቆረጡ በጥይት እየተመተሙ ወደቁ፡፡ በወቅቱ የፊታውራሪ ገበየሁን ጀግንነት የሚገልፅ ግጥም እንደሚከተለው ተገጥሞ ነበር፡፡
“ የአደዋ ስለሴን ጠላት አረከሰው
ገበየሁ በሞቴ ግባና ቀድሰው” ተብሎላቸዋል ፡፡

አፄ ምኒልክ እና የጦር አበጋዙ ፊታውራራ ገበየሁ ጦርነት ከመሄዳቸው በፊት ግንባሬን ከተመታሁ አገሬ ወስዳችሁ እንድትቀብሩኝ ጀርባዬን ከተመታሁ ግን የሃገሬ አሞራ ይብላኝ ብለው በተናገሩት መሰረት ጦርነቱ ካበቃ በኋላ ከ7 ዓመት በኋላ ከአደዋ ስላሴ ቤተክርስቲያን አስወጥተው ወደ ትውልድ ሃገራቸው ባሶና ወራና ወረዳ በአንጐለላ ኪዳነ ምህረት ቤተክርስቲያን እንዲያርፍ አድርገዋል፡፡ ከብዙ ዓመታት በኋላ አቶ አብርሃም ደምሴ የተባሉ ሃገር ወዳድ አፅሙን አስወጥተው በክብር በመስተዋት ፍሬም አሰርተው አስቀምጠውታል፡፡ እኚህ ጀግና በአድዋ ጦርነት በሰሩት የጀግንነት ስራም ስማቸው በክብር ሲዘከር ይኖራል፡፡
በመቀጠል የዘመድ ጥየቃ ጉብኝት የምናድርግበትን የ ሰርቲ መንደርን እንጎበኛለን ፡፡ ሰርቲ የአርሶ አደር መንደር ሲሆን የገጠሩን ህይወት ምን እንደሚመስል ከመማር አልፎ ገብኝዎች ሊያከናዉኑት የሚችሉት ስራዎች ና እንቅስቃሴዎች ማለትም ፈረስ መጋለበ፤ እርሻ ማረስ፤ ማጨድና መዉቃት ፤ አንጀራ መጋገር ፤ እህል መዉቃጥ ፤
የዘመድ ጥየቃ ጉብኝት ከጨረስን በኋላ ጉዟችንን ወደ አዲስ አበባ በማድረግ የመርሀ ግብራችን መጨረሻ ይሆናል ፡፡
www.balehagerutoursethiopia.com
[email protected]
Mob:0987868686/0911434066