Oromia Tour Guides Association - OTGA

25/06/2026

10/12/2025

YAADANNOO IMALAA KABAJA AYYAANA TURIZIMII ADDUNYAA BARA 2018 (A. L. I) Kutaa 1ffaa:

Bakki kun, Pilaatoo sannateetti, haroo Gabra Gurraachaati. Haroon kun haroowwan baddaa paarkii biyyoolessaa Baalee keessa jiran keessaa isa tokkoo fi guddaa ta'edha. Haroowwan waggaa guutuu paarkicha keessa jiraatan baay'inaan 53 hanga 56 gahu. Isaan keessaas inni guddaan haroo Gabra Gurraachaati.

Bu'aaleen haroolee kanaa baal'ina isaanii waliin wal biratti yoo ilaalamu gar malee hedduudha. Keessattuu, shimbirroolee gosoota hedduu Ardiilee Awurooppaa fi Eeshiyaa irraa baqatanii kiloomeetiroota 8000 ol balali'anii dhufaniif madda caba dheebuu isaanii fi dawoo aara galfii isaanii ta'uu irra darbee, bakkee mijataa wal-hormaataa ta'ee tajaajilaaf.

Shimbirrooleen gosaan Dhibba Sadiif Kudhan (310) ta'an Paarkii biyyoolessaa Baalee kana dawoo fi mana taasifatanii akka jiraatan qorannoolee yeroo gara garaatti adeemsifamaniin adda bahaniiru. Akka argama qorannoolee kanaattis, shimbirrooleen gosaan Jaha (6) ta'an marartee (kanneen biyya keenya keessatti qofa argamanidha).

Haroon kun jiraachuu shimbirroolee baddaa kanaatiif murteessaa yemmuu ta'u, turiizimiin baddaa kanaas daran kan guddachaa jiru keessattuu, jiraachuu qaama bishaanii fi shimbirroolee kanaan wal-qabateetu.

Haroowwan diriiranii fi miidhaga uumamaa addaa gonfatanii argaman kunneen dabalataanis, burqaa lageen Afurtamaa (40) olii wabii jireenya jiraattota miiliyoona Soddomaa hanga Afurtamaa naannoo paarkichaatti argamaniif madda bishaanii fi wabii jireenyaati. Keessattuu, Lageen gurguddoo Shanan, Gannaalee, Walmeel, Dumaal, Waabee Shabalee, fi Wuweeb tajaajila madda humna elektiriikii fi jal'isii darbees, madda bishaan dhugaatii uummatichaa ta'anii kan tajaajilan haroowwan kanneen irraa maddaniitu.

Muummeen bishaanii baddaa Baalee kunneen, murteessitoota jireenya namoota miiliyoona hedduu fi shimbirroolee kumaatamaati.

Kan har'aa asumarratti goolabnee, waa'ee teessuma lafaa baddaa kanaa yeroo dhufuuf haa bulfannu.

Ammoo, nama borii nu ha taasisu.

Yaada keessan mee itti nuuf dabalaa.

HORAA BULAA; DEEBANAA‼

GADAAN QUUFAA GABBINA‼

Waldaa Daawwachiiftotaa fi Tuur Oppireetaroota Oromiyaa

02/12/2025

Ergaa jabduu Kabajamoo Pirezedaantii keenyaa

05/11/2025

Kabajamoo Koomishinar, Lalisee Dhugaa,

Hundeessituu fi Hooggantuu Turiizimii Oromiyaa, Hoggantuu jaalalaa, beekumsaa fi murannoo; fakkeenya jabinaa, mallattoo ofitti amantummaa; mul'anni keessan ifa jijjiiramaa fi abdii jiraataadha. Shoorri isin Tuuriizimii Oromiyaa Addunyaaf beeksisuu keessatti taphattan olaanaadha; Dhaloota har'aa fi boruutiif fakkeenya gaarii ta'edha.

Akka Waldaa Daawwachiistotaa fi Tuur Oppireetaroota Oromiyaatti, oolmaan keessan nuuf guddaadha; Deeggarsa keessan dhiheenyatti argachuun keenya Jabina, wal-hubannaa fi fayyadamummaa miseensota keenyaa mirkaneessuuf kaka'umsa nuuf ta'ee, nu jajjabeesseera. Yeroo dhiyoo keessatti, fayyaan keessan guutummaan guutuutti deebi'ee akka deebitan, waliin ta'uunis galma keenya akka dhugoomsinu abdiin keenya olaanaadha.

Waaqni guddaan fayyaa keessan akka isiniif deebisuu fi gaarummaa isaatiin akka isin eebbisuu, fayyiinsa isaatiinis akka isin daawwatu onnee irraa isiniif hawwina. Hawwiin faayyina keessan dhagahuuf qabnu olaanaadha. Waaqni seeqa keessan barre waliin maatii, jaalleewwanii fi hawaasa keessanitti akka isin deebisu ni hawwina; nii kadhannas.

Maatiin Tuuriizimii Oromiyaa isin jaallattan fi isin jaallatu marti hawwii olaanaa fi jaalalaaf kabajaa guddaa waliin isin eega.

Miirri injifannoo fi dandeettiin raawwachiisummaa keessan onnnachiistuu keenya waan ta'eef, dhugaatti isin yaanneerra.

Jaalalaa olaanaa fi kabaja guddaa waliin;
Waldaa Daawwachiistota Tuuristii fi Tuur Oppireetaroota Oromiyaa

02/09/2025

Waldaan Ogeessota Hoteelaa fi Turiizimii Finfinnee hundeeffama isaa waggaa lammaffaa Hagayya 24, bara 2017 Finfinnee, Godaambaa Yaadannoo Adwaa keessatti kabajeera. Sagantaa iana irrattis Waldaa Daawwachiistota Tuuristii fi Tuur Oppireetaroota Oromiyaatiif beekamtii olaanaa kennuun, waraqa ragaa gumaacha waldichi turiizimii biyya keenyaa dadammaqsuu keessatti gumaacheef galata guddaa galcheera. Prezidaantii Waldaa keenyaa, Obbo Yittaayoo Taarikuufis badhaasa kabajaa Champion of Domestic Tourism & Cultural Heritages 2025 gumaacheera.

Koree Maanajimantii Waldichaa hundaaf galata keenya qofa osoo hin taane, kabaja keenyaas ibsuun barbaanna.

16/08/2025

Obbo Tsaggayee Charuu – Gahee olaanaa fi tumsa hin irraanfatamne

Obbo Tsaggayee Charuu, abbaan qabeenyaa Konistiraakshinii fi bakka bu’aa imalaa Seef Jooyiz, hundeeffama isaa irraa eegalee waldaa keenya cimsuu fi jajjabeessuuf shoora olaanaa taphachaa jiru. Guddina fi jabina waldaa keenyaa mirkaneessuuf yeroo hundaa tumsa, gargaarsa fi kutannoo isaanii argachuun keenya kabaja guddaadha.

Sagantaa waldaan keenya “Turizimii Kibba Lixaa Shawaa” dadammaqsuuf qindeessuun gaggeesse irratti, deeggarsa fi walta’iinsa isaan taasisaniif galata ol’aanaa galchineerra. Hojii isaanii irraa ka’uun, waldaan keenya milkaa’ina guddaa argateera.

Kanaan alattiis, Abbaan qabeenyaa kun waldaan keenya bara kana Ayyaana Irreechaa sababeeffachuun, leenjii addaa tajaajiltoota turizimii fi qooda fudhattoota magaalaa Bishooftuu keessatti qindeessuuf karoorfate irratti gahee isaanii bahachuuf waadaa seenaniiru. Waadaa kanaan, dandeettii fi beekumsa hojjattootaa cimsuudhaan, tajaajila qulqullina qabu babal’isuuf gumaacha olaanaa ni taasisu. Ayyaana Ireechaas kallattii hedduu fi bifa qulqullina qabuun beeksisuu keessatti gahee sabummaa isaanii ni bahatu jennees ni amanna.

Galanni fi kabajni Obbo Tsaggayee Charuuf qabnu, dhugumatti olaanaa fi seenaa keessatti bakka ol’aanaa qabaata.

13/08/2025

Waldaan Ogeessota Hoteelaa fi Turiizimii Finfinnee hundeeffama isaa waggaa lammaffaa Hagayya 24, bara 2017 Godaambaa Yaadannoo Adwaa keessatti kabaja. Sagantaa kana irratti, Prezidaantii Waldaa keenyaa, Obbo Yittaayoo Taarikuu, badhaasa kabajaa Champion of Domestic Tourism & Cultural Heritages 2025 argachuuf kaadhimamtoota filataman keessaa tokkoo akka ta’an beeksiseera.

Damee badhaasaa kana keessatti ogeessonni Afur kaadhimamaniiru. Akka ibsa waldichaatti, kaadhimamtoonni kunneen tajaajila turiizimii Itoophiyaa jijjiiruu fi fooyyessuuf shoora olaanaa kanneen taphatan, akkasumas egeree turiizimii biyyaa ifa taasisuu keessatti kanneen hedduu gumaachanidha. Obbo Yittaayoonis, Waldaa Daawwachiistota Tuuristii fi Tuur Oppireetaroota Oromiyaa gurmeessuu, ijaaruu fi hoogganuu keessatti gumaacha olaanaa godhaniiru. Ka'umsi kaadhimamuu isaaniis kana akka ta'e odeeffanneerra.

Kanaaf, beekamtiin kun waldaa keenyaafis kabaja guddaa akka ta’u nii amanna. Obbo Yittaayoof gammachuu keenya ibsaa; carraa gaariis hawwinaaf.

01/08/2025

Obbo Daawud Mummee I/A/Komishinara Komishinii Turiizimii Oromiyaa hojii biyyaafi ummataatiif maatiif jaalleewwan isaanii waliin gara magaalaa Adaamaatti osoo imalaa jiranii balaa konkolaataa mudateen lubbuun isaanii darbuutti Waldaan Daawwachiistota fi Tuur Oppireetaroota Naannoo Oromiyaa gadda isatti dhagahame ibsuu barbaada. Miseensota maatii isaanii fi jaallewwan hojii isaanii miidhamanii hospitaalatti yaalamaa jiraniif fayyiinsa; maatiif firoottan isaaniif jajjabiinsa; lubbuu isaaniitiifis raahmata hawwinaaf.

NAGAAN BOQODHAA; OOLMAA KEESSAN YOOMUU HIN DAGANNU!!😭😭😭

23/06/2025

FAM TRIP