Koore Woga Tourism

20/09/2026

20/09/2026

20/09/2026

19/09/2026

YO….YO… GIFAATA!
ዮ…ዮ… ጊፋታ! ዮ… ዮ….

እንኳን ለዎላይታ ብሔር የአዲስ ዓመት ማብሰሪያ፤ የዘመን መለወጫ በዓል ''ጊፋታ'' በሰላም አደረሰን! አደረሳችሁ!

''ጊፋታ'' በብዝኃነት በተዋበው ክልላችን፤ የበርካታ ውብ ባህሎችና ድንቅ እሴቶች ባለቤት የሆነው የዎላይታ ሕዝብ በወርሃ መስከረም መባቻ በራሱ የጊዜ ቀመር የዘመን መለወጥን በማብሰር በታላቅ ድምቀት የሚያከብረው በዓል ነው፡፡

በዎላይታ ህዝብ ዘንድ ልዩ ስፍራ የሚሰጠው 'ጊፋታ' የሰላም፤ የአንድነትና የመሻገር ምልክት ነው።

ከትውልድ ትውልድ ሲሸጋገር የመጣው በዓሉ የተራራቁና የተነፋፈቁ የሚገናኙበት፤ ቂምና ቁርሾን በዕርቅና በይቅርታ በመሻገር፤ የጥላቻን ግንብ በፍቅር በማፍረስ፤ ሰላም ነግሶ በአንድነት ወደ አዲስ ዘመን መሸጋገሪያ ተደርጎ የሚወሰድ ድንቅ የክልላችን እሴት ነው፡፡

''ጊፋታ'' ከብሔሩ አልፎ የመላው የሰው ልጅ ወካይ የማይዳሰስ ባሕላዊ ቅርስ ሆኖ በዩኔስኮ መመዝገብ የቻለ፤ የክልላችንን እምቅ የባህል ሀብት እና የሀገራችንን የጥንታዊ ባህል መነሻነት በጎልህ የሚያሳይ የጋራ ሀብትም ነው፡፡

የዎላይታ ህዝብ ከሌሎች ወንድም ህዝቦች ጋር በጋራ የሚያከብረው የ 'ጊፋታ' በዓል አብሮነትና ወንድማማችነት የሚጎለብትበት፤ ኅብረ-ብሔራዊነት የሚያብብበት እና የህዝቦች ትስስር ይበልጥ የሚጠናከርበት በመሆኑ የበዓሉን እሴቶች ለሀገር ሰላምና አንድነት፤ ለህዝቦች የጋራ ልማትና ዕድገት መጠቀም ይገባል፡፡

ባህላዊ እሴቱን ጠብቆ የሚከበረው ጊፋታ፣ የህዝቦች አንድነትን ከማጠናከርና የሀገራችንን በጎ ገፅታ ለዓለም ከማስተዋወቅ ባለፈም፤ በቱሪዝም መስህብነት የጎላ ኢኮኖሚያዊ ጠቀሜታ ያለው በመሆኑ፤ በዓሉን ዋነኛ የቱሪዝም መዳረሻ እንዲሆን ለማስቻል እየተሰራ ያለዉን በማጠናከር የህዝቦችን ተጠቃሚነት ማረጋገጥ ይጠበቅብናል።

በዓሉ የሰላም፣ የፍቅር፣ የአንድነትና የአብሮነት በዓል እንዲሆንልን ከልብ እመኛለሁ!!

ፈጣሪ ሀገራችንና ሕዝቦቿን ይጠብቅ!

Yo...Yo... Gifaata!
ዮ....ዮ... ጊፋታ!
ዮ.. ዮ..

18/09/2026

18/09/2026

18/09/2026

የዘይሴ ዘመን መለወጫ “ቡዶ ኬሶ” በዓል የተጣሉ የሚታረቁበት፣ ያዘኑ የሚጽናኑበትና የተራራቁ የሚገናኙበት በዓል ነው !

የጋሞ ዞን ዋና አስተዳዳሪ ዶ/ር ደምሴ አድማሱ የዘይሴ ብሔረሰብ ዘመን መለወጫ “ቡዶ ኬሶ” በዓልን አስመልክቶ የእንኳን አደረሳችሁ መልዕክት አስተላለፉ።

ዘይሴ በጋሞ ዞን ከሚገኙ ሦስት ነባር ብሔረሰቦች መካከል አንዱ ሲሆን፣ የዘመን መለወጫ በዓሉን “ቡዶ ኬሶ” በሚል ስያሜ ለዘመናት በትውልድ ቅብብሎሽ እሴቶቹን ጠብቆ ሲያከብር ቆይቷል።

“ቡዶ ኬሶ” በዘይሴ ቋንቋ “ደመራ” ማለት ሲሆን፣ በዓሉ የደስታና የተስፋ መገለጫ ብቻ ሳይሆን፣ የማህበረሰቡን ጽኑ ማህበራዊ ትስስር፣ ህብረት፣ ፍቅርና አብሮነት የሚያጠናክር በዓል መሆኑን ዶ/ር ደምሴ ገልጸዋል።

በዓሉ የተጣሉ የሚታረቁበት፣ ያዘኑ የሚጽናኑበት፣ የተራራቁ የሚገናኙበትና ማህበረሰቡ በአንድነት ተሰብስቦ የሚያከብረው የፍቅር፣ የይቅርታና የበረከት በዓል እንደሆነም ጠቁመዋል።

“ቡዶ ኬሶ” የዘይሴ ማህበረሰብ አኗኗር፣ ቋንቋ፣ አመጋገብና ከተፈጥሮ ጋር ያለውን ጥብቅ ትስስር የሚገልጽ የባህል እሴት በመሆኑ፣ ባህሉን መጠበቅ፣ መንከባከብና ማልማት ለዘላቂ ልማትና ለጋራ እድገት አዎንታዊ አስተዋጽኦ እንዳለው ዋና አስተዳዳሪው አመልክተዋል።

የቡዶ ኬሶ በዓልን በመቻቻል፣ በመተሳሰብና በመተጋገዝ በማክበር፣ የልማት ጥረቶችን ማጠናከር፣ የህዝቡን ሁለተናዊ ተጠቃሚነት ማረጋገጥና የባህል እሴቶችን ለመጪው ትውልድ ማስተላለፍ እንደሚገባም መልዕክታቸውን አስተላልፈዋል።

አዲሱ ዓመት ይቅርታንና አንድነትን ተላብሰን፣ የብልጽግና ጉዟችንን እውን የምናደርግበት፣ ዘላቂ ሰላማችንን የምናጸናበትና ለህዝባችን የተሻለ ዘመን የምንገነባበት እንዲሆን ዶ/ር ደምሴ አድማሱ መልካም ምኞታቸውን ገልጸዋል።

18/09/2026