Zambo Media

26/08/2026

26/08/2026

የጋሞ ባይራ አዳሪ 2ኛ ትምህርት ቤት በ12ኛ ክፍል ሀገር አቀፍ ፈተና 100% የማሳለፍ ታሪካዊ ስኬት አስመዘገበ

በ2018 ዓ.ም የ12ኛ ክፍል ሀገር አቀፍ መልቀቂያ ፈተና ከተፈተኑት 172 ተማሪዎቹ መካከል ሙሉ በሙሉ (100%) በማሳለፍ አስደናቂና ታሪካዊ ስኬት ማስመዝገቡን የትምህርት ቤቱ አስተዳደር አስታወቀ።

ትምህርት ቤቱ የተመዘገበው ደማቅ ድል የጋራ ጥረትና የትብብር ፍሬ መሆኑን በመጠቆም ትምህርት ቤቱን ለመሠረቱት ለባለራዕይ መሪዎች፣ ለጋሞ ልማት ማህበር፣ ለጋሞ ዞን አስተዳደር ፣ ለጋሞ ዞን ትምህርት መምሪያ፣ ለአርባምንጭ ዩኒቨርስቲ፣ ለጋሞ ዞን እና ለአርባ ምንጭ ከተማ ነዋሪዎች ላደረጉት ሁለንተናዊ ድጋፍ የላቀ ምስጋና አቅርቧል።

ትምህርት ቤቱ ቀን ከሌሊት ሳይሰለቹ ተማሪዎችን ለዚህ ማዕረግ ያበቁ መምህራን ላሳዩት ሙያዊ ብቃት፣ ትዕግስትና ቁርጠኝነት ታላቅ ክብርና ምስጋና ሰጥተዋል።

ትምህርት ቤቱ ተማሪዎች ያደረጉት ጥረትና የጸና ዓላማ ፍሬ አፍርቶ የትምህርት ቤቱንና የአካባቢውን ስም በኩራት በማስጠራታቸው እንኳን ደስ አላችሁ በማለት፣ ወደ ከፍተኛ ትምህርት ተቋማት የሚያደርጉት ጉዞ የሰመረ እንዲሆን መልካም ተመኝተዋል።

ትምህርት ቤቱ የአስተዳደር ሠራተኞችና ሥልጠና ቦርድ ለትምህርት-ማስተማሩ ሂደት ምቹ ሁኔታ በመፍጠር ከጀርባ ሆነው ላበረከቱት አስተዋጽኦ እና ለተሰጠው ስትራቴጂካዊ አመራርና ዘላቂ ክትትል የላቀ እውቅና ተሰጥቷል።

የትምህርት ቤቱ አመራሮች ይህ አስደናቂ ስኬት የመጨረሻ ሳይሆን ለቀጣይ ታላቅ ሥራ መነሻ መሆኑን በመጠቆም፣ እጅ ለእጅ ተያይዘው የትምህርት ጥራትን የማስጠበቅ ጉዞውን አጠናክረው እንደሚቀጥሉ አረጋግጠዋል።

ቅድሚያ ለጋራ ልማት!
ነሐሴ 20/2018 ዓ/ም

24/08/2026

17/05/2026