Busy Holiday - 悠忙假期

17/12/2022

對上一次出國係三年前帶大仔去台灣，最近終於可以帶埋細女出關去大阪玩喇。

今次在大阪安排了大半親子行程，以前最愛的其中一個景點天神橋商店街，原來還存在一個叫Kids Plaza的Children Museum必殺兒童勝地⋯

睇YouTube成日睇Blippi去美國既Children museum就玩得多，阿仔好期待可以親身玩一次，每日都問幾時會去⋯ 簡單黎講就係佔地三層既大型Plan room 😂😂

每個section 都有主題， 好似科學，創意，社會，文化咁⋯ 不過都係玩玩玩同玩。 細女一歲半都周圍跑跑跳跳玩得好開心。

不知不覺就玩左兩個幾鐘，放電好去處 （不過睇住兩個細路仔自己都冇埋電）

地點好易找，大阪地鐵扇町站2號出口附近就到～

官網：
https://www.kidsplaza.or.jp/sp/
大阪市北区扇町2-1-7

15/05/2020

Hello, 大家好嗎? 不知不覺這個PAGE已經超過一年沒零一個月多沒更新了.

生了小孩之後還是去過幾次旅行的, 不過都把更新丟在一旁.

疫情來了, 連去旅行的機會都沒了.

今天跟朋友聊起旅行往事, 想起了這裡, 找回以往的POST和相片, 不停的重溫, 不停的貼...

好想放假, 好想去旅行!!


#2019四月的福岡之旅
#重遊太宰府

25/04/2019

湊仔福岡初旅遊 其之一

2019年4月，阿仔14個月大，第一次一齊一家人去旅行。自從老婆陀住粒蝦米到依家都有兩年冇去旅行了！

有人話帶小朋友去旅行係辛苦同難受，的確要準備佢既飲食同生活所需係要花少少心機，行程都變得不再自由任性 - 起碼，冇得朝朝食個拉麵。

不過每一個見到佢去到新地方可以落地行既興奮，由BB車同孭帶解放所得到自由空氣既表情，都令我諗返起第一次去旅行見到個樣野既驚嘆之感同滿足。

對住阿仔，令到本身不同既性質既旅程都變得有趣起來。

因為第二日落雨去既景點唔多，而本身呢個旅程都唔係想睇景點同食好西（有就最好⋯），有點係試驗性，結果係其實同阿仔去旅行，其實都好開心呀！

22/04/2019

事隔兩年，悠忙假期又可以再去旅行了。
今次帶埋新成員，我個仔Jaden做特派專員同大家分享。 🤘

帶住小朋友既旅行，變得不再一樣～
本身的悠忙變得更忙了 😂

16/04/2019

本Page的Cover Page就是攝自巴黎聖母院⋯ 😢😢😢

法國巴黎聖母院大教堂頂部濃煙密布，熊熊火焰在教堂兩座鐘樓間竄出。夜幕降臨，大火仍未撲滅。

20/06/2017

想學鼓? 流行鼓課程 (大角咀,太子, 旺角區)

鼓樂導師擁有英國倫敦Trinity College(聖三一音樂學院) 八級優異証書，並擁有多年私人教鼓經驗。為不同程度的學生提供全面的鼓樂知識，練習方法和自製教學素材。私人授課時間彈性，方便學生和在職人仕上課。

歡迎初學者或有興趣朋友免費試堂。

有興趣的朋友可以whatsapp 97123256或到FB PAGE https://www.facebook.com/busyholiday/
或電郵至[email protected]查詢 :)

課程內容：
流行鼓部件介紹
正確坐姿和持棍技巧
樂理認識
各種基礎和進階手法(多達48種Rudiments)
節奏訓練
四肢獨立/協調訓練
過門技巧
各種音樂風格分析
歌曲練習（練習曲和自選歌曲）
認識世界著名鼓手的技巧和經典樂曲研究分享
Rock school考試課程
…還有更多

22/04/2017

介紹一間巴黎食過想推介既餐廳 Bourgogne Sud.
餐廳的招牌菜Boeuf Bourguignon（紅酒燉牛肉）非常超級無敵勁好味，成個鑄鐵鍋上菜充滿濃郁既牛味，配上香滑既薯蓉⋯真係好回味。

而其他菜式如焗雞牛扒都好高水準，價錢係中等唔會超貴，CP值很高的一餐～ 正正！

地址：（老佛爺百貨向北行幾個街口）
14 rue de Clichy, 75009 Paris France

https://www.tripadvisor.co.uk/Restaurant_Review-g187147-d2308085-Reviews-Bourgogne_Sud-Paris_Ile_de_France.html?m=19904

22/04/2017

第三個去既Day trip係去香檳區既小鎮Reims （漢斯/蘭斯）。由巴黎坐TGV（高鐵之類）只要50分鐘車程。

當地有很多香檳酒莊，參觀了其中一家叫Tattinger的酒莊，正確來說是酒窖。這酒莊的香檳的加工過程全人手操作，放在地下室全年都是12度左右的溫度去釀製。

介紹返，根據法律，只有在法國香檳區，選用指定的葡萄品種，根據指定的生產方法流程所釀造的氣泡酒，才可標註為香檳（Champagne）。

另外還有一個著名景點漢斯大教堂，是哥德式建築風格。之前去聖米歇爾山的導遊介紹如何分別教堂建堂風格可以活用了：圓圓的拱頂是羅馬式，尖尖交叠頂是哥德式。我喜歡哥德式的氣勢！

22/04/2017

第二個比較易的巴黎近郊景點凡爾塞宮，只要在市中心坐RER C線就可以到達。

路易十四把皇宮由巴黎搬來這裡，個宮雖然好奢華。不過我覺得間格真係麻麻地好用⋯ 😂😂
唔怪宿旦維基都有咁寫：
「凡爾賽宮過度追求宏大、奢華，居住功能卻不方便。宮中沒有一處廁所或盥洗設備，連王太子都不得不在臥室的壁爐內便溺。路易十五極端厭惡寢宮，認為它雖然寬敞、豪華，卻不保暖。」

不過後花園真係好大好靚好壯觀。十幾年前黎過一次，今次再黎依然保養得好好，仲多左d方便遊客的設施如代步小火車。

19/04/2017

每次去旅行都總有個「悲願達成」的景點，今次法國之旅最wow的應該就是到達聖米歇爾山了！

今次行程除了巴黎市中心之外還有三個Day Trip，最遠的可算是這一趟！ 早上七點十五分坐旅遊巴出發，要十二點才到達聖山的外圍吃午飯～ 雖然是坐很遠但還是覺得很值得。

這坐圍山而建的山城其實是座修道院，山道和山腳下的是村莊（現在都是餐廳和手信店⋯），這次參加了Guided Tour由一位會說國語的法國導遊全程講解，聽多了資料和觀賞得更仔細。

走在山城的街道中，很有回到中世紀的感覺～

18/04/2017

巴黎有名的淡菜連鎖店 - Leon De Bruxelles

其實在找這間店之前我一直未聽過「淡菜」呢個字，只係識得英文叫Mussel或以為叫青口。問過經驗者話淡菜同青口唔同，淡菜係細隻D同殼顏色唔同。其實⋯ 呢個係台灣/國內用語，定係香港用語都叫淡菜？

ANYWAY, 呢間在香榭麗舍大道的淡菜好得，點了原味的淡菜鍋和焗芝士蕃茄淡菜，原味的超好吃！那湯汁好鮮甜，我見隔離枱洋人的用來撈薯條，照跟果然不錯！

地址：香榭麗舍大道一定找得到⋯

18/04/2017

因乜解咁多人o係羅浮宮會揸住部3DS...? (我都好想拿部機出黎屠下龍⋯） 原來羅浮宮和任天堂合伯，場內的導覽系統都以租借的3DS顯示，有聲有畫都Ok，不過⋯ 成班人揸住3DS行博物館既感覺真係好奇怪 😂😂😂

Mona Lisa當然是眾人狩獵的目標，不過本身幅畫唔太大，又要隔住一段距離欣賞，唔可好好咁同佢對望一下。 都係近距離睇下其他作品好～

帶住疲弱的身子走過杜樂麗公園，香榭麗舍大道，一路走到凱薩門。 原本這段路邊走邊休息，休閒地漫遊應該是很浪漫的，奈何⋯ 身子不聽使，步行變成了負累～ :(

最後登上凱旋門完成了今天的行程。
早早回巢休息去。