მთიულეთი • Mtiuleti

მთიულეთი • Mtiuleti Contact information, map and directions, contact form, opening hours, services, ratings, photos, videos and announcements from მთიულეთი • Mtiuleti, მთიულეთი, Pasanaur.

ციხოსძირის შუა საუკუნეების ციხე.არაგვის ხეობის თავდამყურე 💚⛰️📷 გიორგი მაღრაძე #ციხისძირი #მთა #მთიულეთი ⛰️
27/05/2026

ციხოსძირის შუა საუკუნეების ციხე.
არაგვის ხეობის თავდამყურე 💚⛰️

📷 გიორგი მაღრაძე

#ციხისძირი #მთა #მთიულეთი ⛰️

😂😂🐻
26/05/2026

😂😂🐻

მლეთა 💚⛰️
26/05/2026

მლეთა 💚⛰️

ორი არაგვი - ფასანაური 🩶🤍 #ფასანაური #ორიარაგვი #მთა #მთიულეთი ⛰️
26/05/2026

ორი არაგვი - ფასანაური 🩶🤍

#ფასანაური #ორიარაგვი #მთა #მთიულეთი ⛰️

26/05/2026

როგორც უკვე იცით, 3 ივნისს ლომისობის დღესასწაული აღინიშნება მთიულეთში.

ლომისობა ერთ-ერთი უდიდესი დღესასწაულია ქართველებისთვის, მის დაარსებას კი ასეთი ლეგენდა აქვს:
თამარ მეფის გარდაცვალების შემდეგ საქართველო დასუსტდა, სულთანმა ჯალალ-ედ-დინმა ჩვენი ქვეყანა ააოხრა. არაგვის ხეობიდან 7000 არაგველი ტყვედ წაიყვანა. გადმოცემის მიხედვით, მათ მთიულეთის მთავარი სიწმინდე – გზოვანის წმინდა გიორგის ხატიც წაიღეს. ხატმა მტრის ქვეყანა გააუბედურა – აღარც მოსავალი მოდიოდა და აღარც საქონელი და ადამიანები იყო კარგ დღეში, რის გამოც სულთანმა მკითხავები დაიბარა. მათი თქმით, უბედურების მთავარი მიზეზი გურჯისტანის ხატი იყო. სულთანმა მისი საკირეში ჩაგდება ბრძანა, მაგრამ ხატი საკირიდან უვნებელი ამოფრინდა და იქვე მყოფი თეთრი ხარის რქაზე დაბრძანდა. ხარი და ხატი მანამდე არ წავიდნენ, სანამ სულთანმა ყველა ტყვე არ გაათავისუფლა. აღმოჩნდა, რომ ტყვეთა შორის არ იმყოფებოდა კოჭლი დედაკაცი, რომელიც ერთ-ერთ ხორასნელს მოახლედ ჰყავდა წაყვანილი. საბოლოოდ ის ქალიც მოძებნეს და ხარი ხატის თანხლებით და 7000 არაგველით საქართველოსკენ გამოემართა.
გადმოცემის მიხედვით, ხარი ქსნისა და არაგვის ხეობათა წყალგამყოფ ქედამდე მივიდა და იქ უსულოდ დაეცა. ხატიც იქვე დაფრინდა. მთის წვერიდან არაგვამდე ხალხი ჯაჭვად გაება და ტაძარი ააშენა. ხარს ლომა ერქვა, ამიტომ სალოცავსაც ლომისას წმინდა გიორგი ეწოდა. 7000 არაგველი მშობლიურ ხეობაში გაიფანტა და მადლიერების ნიშნად წმინდა გიორგის სახელზე საყდრები ააშენა.
ამის შემდგომ, უკვე 8 საუკუნეა, სულთმოფენობის შემდგომ ოთხშაბათს ტაძარში მლოცველები ადიან და ასე ილოცებიან:
„ღმერთო, გაუმარჯვე დიდ ლომისას წმინდა გიორგის, ხორეშანით მობრძანებულს, შვიდი ათასი ტყვის მხსნელს, ქსნისა და არაგვის თავდამყუდებელს.”
რაც შეეხება რკინის ჯაჭვს, რომელიც ეკლესიაშია, ხალხური გადმოცემით, ლომისის ჯაჭვი ბარიდან კისრით ამოიტანა დადიანის ქალმა. მეორე ვერსიით, წმინდა გიორგიმ სასწაულებრივად იხსნა ერთი ქართველი ტყვე და მანაც ჯაჭვი, რომელიც ტყვეობაში კისერზე ედო, მადლობის ნიშნად ლომისის მთაზე ამოიტანა.
ვისაც აღთქმა აქვს დადებული, ან აღთქმის დადება უნდა, ან წმინდანს რაიმეს ევედრება, ამ ჯაჭვს კისერზე დაიდებს და ტაძარს სამგზის ლოცვით შემოუვლის:
“ლომისას ჯაჭვი ჰკიდია, არავინ იცის ვისია;
მოვიდა, ქალმა შესტირა: ეგ ჯაჭვი ჩემი ძმისია,
ლაშქრიდან გამოტანილი, შავგრემანაის ყმისია. დეეხსენ, ჟანგმა შეჭამოს, ლომისას საკადრისია,“ – ეს არის სიმღერა, რომელსაც ჯაჭვს უმღეროდნენ.

სეფე - წმ.მარინეს ეკლესია 💛📷 გიორგი მაღრაძე #მთა #მთიულეთი ⛰️
26/05/2026

სეფე - წმ.მარინეს ეკლესია 💛

📷 გიორგი მაღრაძე

#მთა #მთიულეთი ⛰️

ლომისის ნიში ❤️🇬🇪📷 მოგზაურთა კლუბი ,,Travel house” #მლეთა #ლომისა #მთა #მთიულეთი ⛰️
26/05/2026

ლომისის ნიში ❤️🇬🇪

📷 მოგზაურთა კლუბი ,,Travel house”

#მლეთა #ლომისა #მთა #მთიულეთი ⛰️

25/05/2026

ლომისის მონასტერი ❤️

©️მთიულეთი - ლომისა

#მლეთა #ლომისა #მთა #მთიულეთი ⛰️

თეთრი არაგვის ხეობაში, იქ, სადაც მთები ცას ებჯინება და ისტორია ცოცხლდება, მდებარეობს მთიულეთის ერთ-ერთი უმთავრესი, თუმცა...
25/05/2026

თეთრი არაგვის ხეობაში, იქ, სადაც მთები ცას ებჯინება და ისტორია ცოცხლდება, მდებარეობს მთიულეთის ერთ-ერთი უმთავრესი, თუმცა ბევრისთვის უცნობი სალოცავი — ღუდას ყოვლადწმინდა.

ხალხური გადმოცემით, მას ადგილობრივები განსაკუთრებით შვილიერებას, ბავშვების ჯანმრთელობასა და ოჯახების კეთილდღეობას შესთხოვდნენ. საუკუნეების მანძილზე მასზე ლოცულობდნენ, როგორც მთელი მხარის მფარველზე: „ღუდას ყველა წმინდას ქვის წულად მქცეველსა...“

მის შესახებ ასეთ ლეგენდას ყვებიან: ღუდას სალოცავში დღეობა იყო. ხატის კარზე უამრავმა ხალხმა მოიყარა თავი. დაიკლა საკლავები, გაისერა ქადა-საწირავები... დასტურებმა დაიწყეს ხორცის წილობების ჩამორიგება ვაჟებზე. ერთ მარტოხელა უშვილო ქალს ქვა გაუხვევია კალთაში და მორიგეებისათვის უთქვამს: „თქვენი ჭირიმე, ამასაც არ დამიკლოთ წილიო“. ეს უთქვამს და ბალღსაც დაუჩხავლია ქალის კალთაში. ღუდას ყოვლადწმინდამ რიყის ქვა წულად უქცია თურმე.
მას მერე დეკანოზები ასე ახსენებენ:
„დიდება ღუდას ყოვლაწმინდას, ქვის წულად მქცეველსა!“

მთაში სჯეროდათ, რომ ამ სალოცავის ძალას იმდენად დიდი სასწაულის მოხდენა შეეძლო, რომ უშვილო, უმემკვიდრო ოჯახს თუ გულწრფელად შესთხოვდა, სალოცავი „ქვასაც კი შვილად (წულად) აქცევდა“ და მათ ვაჟს აჩუქებდა. მთიულები ამით ხაზს უსვამდნენ სალოცავის ყოვლისშემძლეობას, რომ მას შეუძლებელის შესაძლებლად ქცევა და უნაყოფო ბუნების გაცოცხლება შეეძლო.

ამ სალოცავის დღესასწაული განსაკუთრებული კალენდრით გამოირჩევა — ტრადიციისამებრ, ღუდას ყველაწმინდის დღეობა ლომისობის წინა დღეს აღინიშნება, რაც ამ ადგილის სულიერ კავშირს მთელი მხარის უმთავრეს დღესასწაულთან კიდევ უფრო თვალსაჩინოს ხდის.

თუ ოდესმე თეთრი არაგვის ხეობას ესტუმრებით, იცოდეთ, რომ ამ მთებში, გარდა ულამაზესი ბუნებისა, საუკუნოვანი სულიერი სიწმინდეები და საოცარი ეთნოგრაფიული მემკვიდრეობა სათუთად ინახება.

©️არაგველი / Aragveli

#მთა #მთიულეთი #არაგვისხეობა #ღუდა #საქართველოსმთიანეთი #ტრადიციები #კულტურულიმემკვიდრეობა ⛰️

Address

მთიულეთი
Pasanaur

Website

Alerts

Be the first to know and let us send you an email when მთიულეთი • Mtiuleti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to მთიულეთი • Mtiuleti:

Shortcuts

Share