18/04/2020
❗️ ❗️ ციფრული მარკეტინგის კრიზისის შემდგომი ტოპ 3 სამოქმედო გეგმა
COVID 19-ით გამოწვეულ მიმდინარე პერიოდში, ტურიზმის სექტორისათვის, ციფრული მარკეტინგი ერთ-ერთი მთავარი საშუალება ხდება გადარჩენისა და პოსტ პანდემიური გაყიდვების სწორად დაგეგმვისათვის. გთავაზობთ რამდენიმე საერთაშორისო ექსპერტის მოსაზრებას, თუ როგორ უნდა მოხდეს ტურიზმის სექტორის ადაპტირება არსებულ რეალობასთან და როგორ უნდა დავჭიროთ თადარიგი წარმატებული დაბრუნებისათვის პოსტ პანდემიურ პერიოდში
✅ფრედერიკ გონსალო - ტურიზმის ექსპერტი. ციფრული მარკეტინგისა და სტრატეგიის კონსულტანტი.
“ მაგალითისთვის, კვებეკში (კანადა), ვირუსის პიკი აპრილის შუა რიცხვებშია მოსალოდნელი. ანუ, პირველი ნაბიჯი, რომელიც უნდა გადაიდგას, არის ამ ფაქტის გათავისება და კრიზისის შემდგომი მოქმედებების გეგმის შედგენა, რომელიც, სავარაუდოდ, უნდა დაიწყოს ივნისში.
მსურს, გამოვყო სამი სამოქმედო პუნქტი:
1) ახალი ფოტოები - არ აქვს მნიშვნელობა როდის გქონდათ თქვენი ტურისტული ბრენდების ბოლო ფოტოსესია - კრიზისის დროს მომხმარებელთა ქცევა და დამოკიდებულება იცვლება. მაგალითად, ისინი მოერიდებიან ხალხისგან გადაჭედილი რესტორნების, შეკრებების, ან თუნდაც აუზთან მყოფი მეგობრების სურათებს. ამიტომ, ვირუსის საფრთხის საბოლოო გაქრობამდე, უმჯობესია ამ ტიპის სურათების გამოქვეყნებისგან თავი შეიკავოთ.
2) ვებგვერდის განახლება - ტექსტებისა და სამომხმარებლო გამოცდილების გადახედვა. თამამად შეიძლება ითქვას, რომ მოგზაურები დიდ მნიშვნელობას მიანიჭებენ ჰიგიენისა და სისუფთავის დაცვას, ამიტომ მნიშვნელოვანია, რომ ამ ფაქტს ხაზი გაესვას თქვენს ვებ-გვერდზე და ციფრულ პლატფორმებზე (სოციალურ ქსელებში, ბროშურებში და ა.შ.)
3) მიზნობრივი ბაზარი - არ იფიქროთ, რომ კრიზისიდან გამოსული თქვენი სამიზნე აუდიტორია ისეთივე იქნება, როგორც კრიზისამდე. დიდი შანსია, ქალაქგარეთ ჩასატარებელი საქმიანი შეხვედრები, როგორც მოვლენა, გაურკვეველი პერიოდით გაქრეს, ვინაიდან ადამიანები იზოლირებული მუშაობისა და ზუმ-კონფერენციების ტალღაზე გადავლენ. კონცენტრირდით რეზინის საბურავების ბაზრებზე და ადგილობრივ ძალისხმევაზე, რათა ბორბლები აღდგენის ადრეულ ეტაპზევე დაატრიალოთ.
❗️რაც შეეხება არასდანდარტულ იდეას, შეიძლება აქციის ან ღონისძიების წამოწყება - "მხოლოდ ადგილობრივთათვის", რომელიც ორიენტირებული იქნება იმ ქალაქის მაცხოვრებლებზე, სადაც თქვენ მუშაობთ და ცხოვრობთ. სასურველია, ეს აქცია იმგვარად შეფუთოთ, რომ მოიცავდეს სხვადასხვა სახის აქტივობებს სუფთა ჰაერზე, შოუსა და გართობის ელემენტებს, რომელიც აკრძალული იყო ვირუსის პერიოდში.”
✅ტიმ პიტერი - Tim Peter & Associates დამფუძნებელი და პრეზიდენტი
“ რთული სათქმელია, როდის დასრულდება ამჟამინდელი კრიზისი, მაგრამ მნიშვნელოვანია, რომ ის დასრულებადია. აქ მოცემულია რამდენიმე ფასეული იდეა, რაც დაგეხმარებათ კრიზის შემდგომ პერიოდში.
1) იმისდა მიუხედავად, რომ დიდი ეკონომიკური ეფექტისა და მომხმარებელთა მოსალოდნელი შეშფოთების გამო ეკონომიკა შეიძლება გაიზარდოს, სავსებით მოსალოდნელია, რომ მათ მოუნდეთ საკუთარი სახლების სიახლოვეს დარჩენა, უფრო ნაკლების დახარჯვა ან უბრალოდ, მომავალი პოტენციური კრიზისების შიშით - ფულის დაზოგვა. თქვენი პროდუქტის გაიაფება არ არის კარგი მოვლენა. მაგრამ თქვენ ასევე უნდა მოიფიქროთ და შესთავაზოთ პაკეტები ან სარეკლამო აქციები, რომლებიც სტუმრებს საშუალებას მისცემს, გაღებული თანხისგან მაქსიმუმი მიიღონ, განსაკუთრებით მძღოლებთან და ადგილობრივ მომხმარებლებთან მიმართებაში. თქვენს აქციებსა და შეთავაზებებში, ყურადღება გაამახვილეთ დამატებით ღირებულებებზე , რომლებიც დაგეხმარებათ შეინარჩუნოთ ტარიფი, მაგრამ ამასთანავე, აშკარა სარგებელს მოუტანს სტუმარსაც. უპირველეს ყოვლისა, ისეთ ადამიანებზე მოახდინეთ აქცენტირება, ვისთვისაც თქვენი საკუთრება ყველაზე ახლოსაა საცხოვრებელ მდებარეობასთან. ასევე სავარაუდოა, რომ სტუმრები მოისურვებენ თავიანთ ოჯახებთან და მეგობრებთან ერთად გაატარონ დრო, რომელთა უმეტესობაც იზოლირებული იყვნენ კრიზისის პერიოდში. განიხილეთ შეთავაზებები, რომლებიც მოიცავს სხვადასხვა თაობების მოგზაურობებს, მეგობრების ჯგუფურ გამგზავრებებს და ა.შ. ასევე დროა, მოხდეს "გეო-ტარგეტინგის" მობილური შეთავაზებების გააქტიურება, რათა გაიზარდოს ბაზარზე უკვე მყოფი ადამიანების დანახარჯები.
2) ჯერ გაყიდეთ თქვენი დანიშნულების ადგილი-თქვენ უნდა გააბათ უფრო ფართო ქსელი. ეს ცოტათი "ძველი სკოლის" მეთოდია, მაგრამ სანამ სტუმრები სასტუმროს შეარჩევენ, ჯერ უნდა აირჩიონ დანიშნულების ადგილი. ითანამშრომლეთ სხვა ადგილობრივ კომპანიებთან, რომლებიც, თქვენს მსგავსად, იქნებიან ვიდეოებისა და კონტენტების შემუშავების ძიებაში, ეს ძლიერ დაგეხმარებათ თქვენი დანიშნულების მიმართულებით მოგზაურების მოსაზიდად. ბოლო რამდენიმე წლის განმავლობაში, OTA მნიშვნელოვან ინვესტიციებს დებს კონტენტში. ნუ მისცემთ მათ საშუალებას, ამით სარგებელი მიიღონ. ამის ნაცვლად, პირდაპირ აჩვენეთ, რატომ არის თქვენი დანიშნულების ადგილი განსაკუთრებული და სწორი არჩევანი სტუმრებისთვის.
3) გააგრძელეთ ე.წ. "მეტა" და ფასიანი ძებნის სისტემა - მოთხოვნილების შემცირება ავტომატურად უარყოფით გავლენას ახდენს "მეტა" და ფასიანი ძებნის სისტემაზე. ამ ფუნქციის გამორთვა ისეთი ადამიანების ყურადღების მიღმაც კი დაგტოვებთ, ვინც მოგზაურობაზე უბრალოდ ფიქრობს, არათუ ისეთების, ვინც მომავალი მოგზაურობებისთვის წინასწარვე იჭერს თადარიგს. ამასთანავე, სავსებით შესაძლებელია, ამ პროცესმა მნიშვნელოვნად დაწიოს თქვენი რეიტინგი იმ კომპანიებთან მიმართებაში, რომლებიც თავიანთ მედია-ფაილებს მუდმივ სამუშაო რეჟიმში ამყოფებენ, თუნდაც ეს ხდებოდეს მხოლოდ მიმდინარე მოთხოვნილებების შესაბამისად. სხვანაირად რომ ვთქვათ, რეცესიის დასრულების მოლოდინმა შეიძლება არახელსაყრელ მადგომარეობაში ჩაგაყენოთ იმათთან შედარებით, ვინც მიმდინარე პერიოდში,თქვენგან განსხვავებით, შუქი ანთებული დატოვა ... და რაც მთავარია, აღმოჩნდებით ისეთი პოტენციური მომხმარებლის ყურადღების მიღმა, ვისაც მოგზაურობა ესაჭიროება პოსტ-პანდემიურ პერიოდში.
❗️რაც შეეხება იდეას: არსებობს ორი ძირითადი გაკვეთილი, რომლის გამოტანაც COVID-19– დან შეგიძლიათ.
პირველ რიგში, კრიზისის დროს, სტუმრები დიდ მნიშვნელობას ანიჭებენ მოქნილობას თავიანთ გეგმებში. მეორე, სასტუმროები დიდად არიან დამოკიდებულნი შემოსავალზე, რაც მხოლოდ მათ შენობაში ხალხის მისვლით ხდება არსებითი. როგორ შეგიძლიათ გამოიყენოთ ციფრული ტექნოლოგია ამ ორი რეალობის გასაერთიანებლად და რისკების აღმოსაფხვრელად, როგორც მოგზაურთათვის, ასევე თქვენი შემოსავლისთვის? შეგიძლიათ გადახედოთ ხელმოწერის მოდელებს თქვენი ოთახებისთვის, ან შეხვედრების ჩასატარებელი სივრცეებისთვის, რათა შესთავაზოთ სტუმრებს მოქნილი სისტემა და ხარჯების კონტროლი, ასევე მიიღოთ სტაბილური შემოსავალი თქვენი ქონებისთვის? Amazon Prime, Stitch Fix, Fabletics და მრავალი სხვა ინოვატორები იყენებენ ციფრულ გამოწერებს შემოსავლისა და მომხმარებლის ერთგულების უზრუნველსაყოფად. არ არის დრო, სასტუმროებმა კორონავირუსისგან სათანადო დასკვნა გამოიტანონ და იგივე გააკეთონ სტუმრებისთვის? ასევე, არ არის დრო, რომ სასტუმროებმა ვირტუალური ღონისძიებებისა და ტურებისთვის საზოგადოებრივი სივრცეების მონეტირება მოახდინონ? როგორ შეგიძლიათ გამოიყენოთ ციფრული ტექნოლოგია სტუმრებისათვის დაუვიწყარი გამოცდილების უზრუნველსაყოფად, თუნდაც ისინი სასტუმროში არ იმყოფებოდნენ?
COVID-19 დიდხანს არ გაგრძელდება. ხოლო სასტუმროებს, რომლებიც ახლა მოქმედებენ და დგამენ ნაბიჯებს, უფრო მეტი შესაძლებლობა აქვთ წარმატებას მიაღწიონ, როცა სიტუაცია ჩაწყნარდება. არ დაელოდოთ ამ მომენტს, ისარგებლეთ დროის უპირატესობით და იმოქმედეთ ახლავე, გადახედეთ იმას,თუ როგორ ურთიერთობთ კლიენტებთან და მოახდინეთ თქვენი სწორი პოზიციონირება პოსტკორონარულ ბაზარზე უფრო დიდი წარმატებისთვის.
✅ჩედ ჰოლერტი - ნევადის უნივერსიტეტის მარკეტინგის ინსტრუქტორი
“ საჭიროა, ფოკუსირება მოვახდინოთ სტრატეგიულ პროექტებზე.
ეს ყველასთვის განსხვავებული პროცესია, მაგრამ ზოგიერთი აქტივობა, რომელზეც მომხმარებელთან ვმუშაობთ, მოიცავს:
1) ელექტრონული საფოსტო პროგრამის გადახედვას მოწინავე სეგმენტაციისა და პერსონალიზაციის მიზნით.
2) ვებ–გვერდ(ებ)ის გაუმჯობესებას, რომელიც მიზნად ისახავს მომხმარებელთან ურთიერთქმედების დახვეწას (განსაკუთრებით მობილური მოწყობილობებისთვის).
3) ლოიალურობის პროგრამების, ონლაინ მარკეტინგისა და ამ პროგრამების რეალიზაციის სიღრმისეულ ანალიზს.
დ) სარეკონსტრუქციო კამპანიის სტრატეგიების შემუშავებას, რაც ხელს შეუწყობს ბიზნესის ეფექტურ და საპასუხისმგებლო პროგრესირებას.”
#ტურიზმი #დარჩისახლში #ტურიზმი2020
The global hospitality industry has been through every perceivable calamity over the past decades: earthquakes, tsunamis, tornados, major floods, terrorist attracts like 9/11, SARS, global recessions, epidemics and pandemics like SARS, MERSA, ZIKA, swine flu and now COVID-19.
