08/08/2024
პრაღა ჩეხეთის დედაქალაქი და ევროპის ერთ-ერთი ულამაზესი ქალაქია. ის ძალზე პოპულარულია ტურისტებს შორის, რომლებიც აქ მოდიან უნიკალური არქიტექტურის, კულტურისა და ტრადიციების გასაცნობად, ადგილობრივი სამზარეულოს გემრიელი კერძების გასასინჯად და, ცხადია, სახელგანთქმული ლუდის დასალევად.
პრაღა ისტორიული ოლქის, ბოჰემიის, ცენტრში მდებარეობს. საუკუნეების განმავლობაში მას "ოქროს პრაღას", "ქალაქ-მარგალიტს", "ჩეხეთის მბრძანებელს", "ქვის ოცნებას", "ევროპის გულს" უწოდებდნენ.
პრაღა ერთ-ერთია ევროპის ცხრა ქალაქთაგან, რომლებიც "ევროპული კულტურის დედაქალაქის" საპატიო ტიტულს ატარებენ. ამის მიზეზია მრავალი მუზეუმი და გალერეა უნიკალური კოლექციებით, ათობით თეატრალური სცენა და საკონცერტო დარბაზი, სადაც გასტროლებზე მსოფლიო დონის ვარსკვლავები ჩამოდიან.
პირველი დასახლებები თანამედროვე პრაღის ადგილას VI საუკუნეში ჩნდება. ქალაქის უძველესი ნაწილი მდინარე ვლტავას მარცხენა ნაპირზე განთავსებული პრაღის გრადია. მისი მშენებლობა VIII საუკუნეში დაიწყეს, X საუკუნეში კი პრაღა ჩეხეთის დედაქალაქი გახდა.
პრაღა ჩეხეთის პოლიტიკური, ეკონომიკური და კულტურული ცენტრია. მისი ისტორიული ნაწილი იუნესკოს მსოფლიოს კულტურული მემკვიდრეობის სიაშია შეტანილი.
პრაღას უამრავი ტურისტი სტუმრობს. მათ მაგნიტივით იზიდავს ულამაზესი ქუჩები, ძველებური მოედნები, უნიკალური არქიტექტურა, მდიდარი ისტორია, დიდებული ჩეხური ლუდი, ფრანც კაფკა და "ყოჩაღი ჯარისკაცი შვეიკი" - პრაღის სიმბოლოები.
პრაღაში თქვენს ბიუჯეტურ და კომფორტულ მოგზაურობას ვუზრუნველყოფთ ჩვენ. (როგორც ინდივიდუალუ ანევე ჯგუფურ მოგზაურობას)
ჩვენს ონლაინ კავშირს ევროპაში უზრუნველყოფს mobineX Travel SIM • მობინექსი სამოგზაურო SIM ბარათი
დაგეგმე მოგზაურობა ჩვენტან ერთად.
