根嫂小食

根嫂小食 我哋已經喺2024年7月25號光榮引退啦！
而家留返個專頁，同大家分享一下日常生活。😊

2026-2-17 今日係大年初一 。新一年，我家伯曼貓——肥寶祝福大家 馬年橫財就手！闔家平安！人寵健康！💞根嫂字✍🏻
16/02/2026

2026-2-17

今日係大年初一 。
新一年，我家伯曼貓——肥寶

祝福大家 馬年橫財就手！闔家平安！人寵健康！💞

根嫂字✍🏻

2026-2-4 大家好呀！好耐無出post同大家吹水 。近排大家過成點？臨近年尾，特別多損傷，根嫂自己早兩日就睇咗醫生，右手食指又腫又痛、屈都屈唔埋，最終問咗保險中介幫手搵醫生+物理治療 。醫生話係彈弓指、筋膜炎⋯都係食下藥+物理治療咁啦...
03/02/2026

2026-2-4

大家好呀！好耐無出post同大家吹水 。
近排大家過成點？

臨近年尾，特別多損傷，根嫂自己早兩日就睇咗醫生，右手食指又腫又痛、屈都屈唔埋，最終問咗保險中介幫手搵醫生+物理治療 。
醫生話係彈弓指、筋膜炎⋯都係食下藥+物理治療咁啦 。

啊仔早排個嘴仔不停咁生血泡，根嫂覺得唔對路，又搵返保險中介問啦，佢好快幫我哋安排見醫生+做小手術 。

又再早早排（夏天果時），根哥（根嫂老公）喺街唔舒服call白車去咗某公立醫院急症，最後要留醫，住咗三日都話未知確實係乜事，只知有關個肝懷疑有事（又話脂肪肝又話有陰影又話乜乜乜 ），但連問醫生問多兩句都走夾唔抖咁 ⋯根嫂當然好擔心啦，連有乜會安排都唔知，一味就係等。
根嫂又係聯絡保險中介，即日幫根哥轉去私家醫院，兩日之內做哂全身檢查咁濟，乜都照齊哂 。

真係100%好感恩我自己嘅agent 同 根哥+仔女嘅agent好到加零一，有乜咁好？

無論我哋邊一個家庭成員有事，只要搵佢哋，都唔會托手踭 。

例如我份保單係w小姐簽，但近排因為啊仔嘴仔嘅問題同s先生聯絡密咗，隻手指痛就順勢問s先生點攪，我份保單有冇得claim 到錢之類，點知問完先醒起唔係佢跟開我份保單，但佢依然幫我搵醫生，幫我跟醫療文件 。
又例如我兩個仔女睇普通西醫，有時發高燒唔退、好嚴重果啲肚屙肚痛，佢哋都會幫手搵醫生，幫手登記住院，總之唔會令你喺有事嘅時候覺得無助 。

我自己印象中除咗生BB住醫院做手術，就係兩次婦科病（兩次都開刀）埋單每次大約10-12萬，一次係大約7年前中流感 （高燒唔退，成口生哂痱滋over20粒，飲水都痛到標眼水果種）埋單好似6-7萬。
根哥就好好彩，只係早前住過兩日醫院 。
啊女就好似住過兩次醫院（一次高燒唔退、一次中咗腸病毒）。
啊仔就好似住過兩次（一次係我嘅流感惹咗比佢、一次係高燒唔退）。

從第一日聯絡agent到睇醫生，做治療，再到醫療文件處理，兩位agent都係跟得勁足，亦好盡力幫我喺保單範圍內爭取最大額度理賠 。

根嫂份人本身係好少會做中間人去介紹乜乜物，因為我好怕介紹錯，我比人呃唔緊要，最怕係害到人哋 。

但今次我係全心介紹我家庭兩位保險agent比大家，如果有需要，可以pm我 「想要保險agent聯絡」，可以聯絡下佢哋（宏利）睇下有乜保險計劃岩自己 。

絕無絕無收授利益，純粹覺得真心努力負責任工作嘅人係值得介紹 。

我自己agent跟咗我份單應該差唔多有15年，仔女份單嘅agent就應該有9-10年 。


#凡事有回應
#仲要跟得勁足勁快

天氣時冷時熱，大家都保重身體啦 。🫂💞

根嫂字😊✍🏻

10/03/2025再一次證明良心唔可以當飯食。有良心嘅商家注定冇運行，唯有將良心賣咗先可以換錢。
10/03/2025

10/03/2025

再一次證明良心唔可以當飯食。
有良心嘅商家注定冇運行，
唯有將良心賣咗先可以換錢。

06/03/2025

2025-03-11 02:05

睇咗你哋回應，好在身邊都仲有一班正常人 。😆

做飲食其中一樣慘就係乜人都可以老屈投訴，唔係話怕食環/怕消防/地政嚟巡舖會見到啲乜違規嘢，而係政府部門一嚟到，循例問三又問四，我最在意係佢哋做嘢嘅時候阻到我出餐比客，小店人手就得幾隻，即叫即煮但好無奈你又明知佢哋係做功課交俾上頭 。

所以有時對住啲好無理嘅客（極少數但亦最最最麻煩），真係唯有硬食 。

最慘係你「唔博佢嘴」，佢以為你真係有錯 。😮‍💨

有時啲客問我點解咁好脾氣，其實我只係唔想佢哋搞到間鋪，唔想佢哋搞到啲同事，唯有忍咗佢就算 。

好啦，呻完！大家早抖！💤

2025-03-06

‼️呢個post 可能會引起你嘅唔同意‼️

關於廚房整野食帶唔帶手套呢個問題 ，我哋曾經比一位女食客間接投訴過 。

話說，某年8月中嘅下午，我哋同事如常準備串燒檔嘅串燒食物，雞串、豬串、牛串咁啦 。

然後夜晚，收到一位NGO嘅飯券項目社工嘅信息，內容大致上就係講佢哋其中一位受助者，嚟到買嘢食，見到我哋同事無帶手套，直接用手接觸生肉去串支竹籤，無帶口罩講嘢，又話可以報食環，又話叫NGO唔好再同我哋合作 ，話見到都想作嘔 。

當時我都解釋，8月中大熱天，你哋喺出邊體感溫度都30+幾度，我哋喺廚房做嘢，室內溫度真係好熱好熱，除口罩透透氣，傾計，真係無可厚非 。

而唔帶手套串肉，係因為肉有油份，用手套串肉會好易跣手，我哋就係因為有同事試過跣手，比支籤篤到手流血 。

當然，客人有客人擔憂，我係理解，但無法同意 。

試問，角飾倒轉，要你返工喺熱辣辣嘅廚房，帶住口罩做嘢，期間要行嚟行去，要埋爐煮嘢，要備貨，啲汗已經濕到一日要換兩件工衣，洗面飲嘢降溫 。當你有得稍為離開個熱爐，備食物，會唔會都想除口罩透下氣？

我話你知，帶手套只係你見到感覺良好咋，我哋喺廚房做嘢，直接接觸食物好、直接接觸乜都好，就係第一手感，有乜立痴痴、油淋淋、污糟咗，一定係即刻洗手，我哋喺廚房一日做嘢洗手次數肯定多過你一星期洗手嘅次數 。

帶咗手套，只係我哋隻手乾淨咋，而隻手套呀🤭⋯明就明，唔明再講都係多餘 。

同埋，呢句真係想講好耐好耐！
真係咁怕人哋對手唔乾淨，唔好出街食啦，返屋企自己煮啦！





根嫂字

2024-12-24平安夜開心笑一笑😆今日晏晝去茶記食lunch ，見識到「漢堡 和 牛」個friend …. 「叉燒 炒蛋 飯」😂 🤣 😂 👌
24/12/2024

2024-12-24

平安夜開心笑一笑😆

今日晏晝去茶記食lunch ，見識到「漢堡 和 牛」個friend …. 「叉燒 炒蛋 飯」😂

🤣

😂

👌

2024-12-10 16:05🚁🚁🚁中伏中到一個點！🚁🚁🚁🚁所謂油飯⋯無味！衰過白飯！雞肉薄薄一層⋯大風啲都吹走！海南雞飯，嚟到乜醬汁都冇，我問老闆係咪要自己拎汁？佢比呢兩支汁我（比我嘅時候話要汁要出聲，我真係唔知乜玩法！？ ），左邊嗰支...
10/12/2024

2024-12-10 16:05

🚁🚁🚁中伏中到一個點！🚁🚁🚁🚁

所謂油飯⋯無味！衰過白飯！

雞肉薄薄一層⋯大風啲都吹走！

海南雞飯，嚟到乜醬汁都冇，我問老闆係咪要自己拎汁？
佢比呢兩支汁我（比我嘅時候話要汁要出聲，我真係唔知乜玩法！？ ），左邊嗰支係懷疑泰式辣汁，食落去係得個辣字，乜香味都無！
右邊嗰支就係豉油 ！無錯係豉油！

我第一次食海南雞飯，係咁樣嘅醬汁配搭，仲要係冇碟仔俾你裝，叫你用匙羹裝 。

我真係O晒嘴！

檸檬，無檸檬味，連酸味都無！茶底係苦！

CLS 點解可以做得咁L 差！

話說我都好耐未中過伏！今日中咗 。🤬

#九龍灣劣食

後記：
1. 我不嬲唔中意浪費，所以都有食落肚 。

2. 因為今日要幫阿仔攞件劍擊電衣印字，要等30分鐘，我又未食飯先至搵間近近地食 。

2024-12-05 19:15最初係同左上角隻寶貝玩，點知比其他貓發現佢玩緊，其他貓就埋嚟一齊玩 。🤣然後，佢就唔玩嚕 。（佢由細到大都唔同其他貓一齊玩 。如果有其他貓玩，佢會自己走開 。）一堆寶貝sss…. 佢哋好專心咁𥄫緊我手上支貓棒...
05/12/2024

2024-12-05 19:15

最初係同左上角隻寶貝玩，點知比其他貓發現佢玩緊，其他貓就埋嚟一齊玩 。🤣

然後，佢就唔玩嚕 。（佢由細到大都唔同其他貓一齊玩 。如果有其他貓玩，佢會自己走開 。）

一堆寶貝sss…. 佢哋好專心咁𥄫緊我手上支貓棒 。🤭

#仲有其他寶貝訓緊

2024-11-19 #其實唔止今日 🫂
19/11/2024

2024-11-19

#其實唔止今日

🫂

Address

旺角水渠道3-11號長寧大廈地下F2號鋪
Hong Kong

Opening Hours

Monday 11:00 - 23:00
Tuesday 11:00 - 23:00
Wednesday 11:00 - 23:00
Thursday 11:00 - 23:00
Friday 11:00 - 23:00
Saturday 11:00 - 23:00
Sunday 11:00 - 23:00

Telephone

+85255364575

Website

Alerts

Be the first to know and let us send you an email when 根嫂小食 posts news and promotions. Your email address will not be used for any other purpose, and you can unsubscribe at any time.

Shortcuts

Share