Y爺扮晒嘢

22/09/2026

隔離台都有講，德國Audi想阻止國産水貨AUDI字母入德國🤔🤔。
尋晚AUDI字母負責人謝總發咗呢篇文。係咪表示AUDI字母勝利🤣🤣？ 將來會唔會上演AUDI字母呑德國Audi既戲碼👻👻？

依家應該做既係好好招乎上汽，啲靚牌喺晒佢手😏😏。

21/09/2026

傳聞又係中創新航出事😱😱😱，今次真係到小鵬，即係我地YouTube會員頻道講中創新航香蕉電池嗰集咪有提過小鵬？證明空穴來風😎😎😎。（廣告吓：想知更多秘密請subscribe我地YouTube做付費會員）

今次係車主親自放上小紅書公開件事，所以可信性高。車主無講部車用乜野電池，但係網民起底查完估計係中創新航159Ah三元鋰電池。同樣用159Ah既仲有X9😰。

今次呢單野要跟兩部份，第一，中創新航應該仲有大鑊野未爆出黎🤦🏻‍♂️；第二，我地喺Tesla嗰集講咗，買車要買自家組裝電芯既車。嗰啲成舊電買返黎裝車既唔好搞喇。

所以YouTube留言話我地條片無講過野嗰啲，我地啲片係要集集追架，每集都有關連😂😂😂。

20/09/2026

[唔講車講詞]
上星期去咗日本，好好彩睇到呢個鐵達尼號音樂表演活動，原來下年就係鐵達尼號30週年。喺呢個活動入面，有位日本女高音現場唱My Heart Will Go On，搞到我好想講呢個話題。

話說當年My Heart Will Go On係無人睇好，當時導演話唔想有歌詞，要淨音樂就得，連主唱既Celine Dion原本都話唔想唱主題曲而爭啲令到首歌胎死腹中。

但係之後既故事大家都知，首歌唱到街知巷聞，翻唱既版本基本上每種語言都有，包括廣東話版既＂繫我心弦＂。而呢首歌最感動到我既，就係佢由開頭好平淡既舒情歌去到副歌一口氣升上去嗰種盪氣迴腸既感覺。

如果要我搵一首近似既廣東歌做比較，我諗我會揀彭羚既＂讓我跟你走＂，由逃避你的眼光開始，去到來讓我跟你走，一路慢慢向上升既感覺。除了彭羚，沒有其他。

但係＂讓我跟你走＂我嫌升得太快，所以我下星期日會講另一首歌＂假如真的再有約會＂，呢首歌永遠喺我心目中佔據好大既位置。

18/09/2026

今晚住呢間五星海景房，對正港珠澳大橋，聽朝睇吓有幾塞車😂😂😂，只要你係港車薈會員，¥880就包雙人晚餐加雙人自助早餐喇😎😎👍👍👍。

18/09/2026

早兩日喺大陸電池界出咗單大新聞，寧德時代收購吉利電池廠😱😱😱。

今年寧德好大鑊，好多用開寧德🔋既車廠都轉用自家電或者其他牌子，大陸媒體預測佢會繼續跌，所以今年升既都係其他二三線品牌，包括中創新航、國軒高科同億緯鋰能。反而比亞迪既弗迪係跌既。不如我搵集講吓2026年上半年電芯品牌市佔率。

講番吉利，大家數吓吉利旗下咁多牌子，除咗吉利銀河係用番自家電之外，Smart用中創新航既，Zeekr用寧德，Volvo用欣旺達，所以吉利本身就唔需要太大既電池生產量。於是乎，寧德睇準機會收購咗一間吉利無心戀戰既電池廠，大陸車媒睇好呢個係雙贏既局面，我本人無乜意見，對大局都無乜影響。

我反而想講吓弗迪，大家真係唔使擔心佢，以前弗迪電池基本上淨係比自家車用，但係自從第二代刀片電池推出之後，大把人同佢買電，第一間同佢合作既就係一汽，仲夾份開咗一汽弗迪新能源，專門生產第二代刀片電池既，所以紅旗已經公佈咗佢既新車會用第二代刀片電池。咁所以睇黎下年弗迪既市佔率同裝車量會升番，仲可能會升得幾勁添。就睇吓黎緊有冇其他車廠埋去一齊玩，但係一玩就即刻用到閃充同佢個充電網絡，應該係幾吸引既。

17/09/2026

BYD首個歐標閃充站來了😍😍，同大陸一樣，其實任何車都可以去充既，所以800V車既朋友可以去玩吓🔌，睇吓食到幾多A。官方話盡雞係1500A，即係全港最高，其他我記得都係1000A，就連愉翠個PIT 600kW，都係900A啫。

講完BYD閃充，我想再一次點名鬧吓小鵬，我唔係第一次話佢，早幾日出個POST講自己個小鵬閃充，POST入面可以連地址都無寫既，唔係我屈佢，你地去睇吓佢個POST下面既留言就知。另外，好夾唔夾，同Halo夾，大家拎個Halo Apps出黎望吓，我就見唔到新蒲崗有充電站喇，無錯呀，出咗兩日都仲未update到呀。呢間野廢到自己啲點又睇唔到，個點幾錢充電又睇唔到。小鵬偏要搵呢間做既。我之前講過，依家賣國產車唔該企番正，唔好又驚客人唔高興又要扮鬼佬。你望吓BYD同華潤合作呢啲先正根正苗紅，至少即日已經有黃金海岸個點同埋有埋收費。

【全港首座BYD閃充站來了✨5分鐘充好 9分鐘充飽 ‼️🚗⚡】各位車主有福了！信和、比亞迪（BYD）、華潤充美好同愛車集團四大巨頭合力，係屯門黃金海岸商場開咗全港首座歐標（CCS2）閃充站，今日正式有得用！技術直接突破電網限制，充電速度快到媲美去油站入油，真係去個洗手間就充完可以即走！

⚡ 極速充電｜快過去入油
採用全球最快量產全液冷閃充，單槍輸出高達 1500A：
▪️ 5 分鐘：電量由 10% 充到 70%
▪️ 9 分鐘：電量由 10% 充到 97%（買杯咖啡就充滿！）

🌟 車主必睇四大精華：
▪️ 安全歐標 CCS2：符合 IEC 國際電氣安全認證，全液冷系統唔怕過熱。
▪️ 支援刀片電池：配備比亞迪第二代刀片電池車款，直接發揮極速閃充實力。
▪️ 強大網絡後盾：信和全港已有逾 2,200 個充電點，夥拍充美好打造超充網絡。
▪️ 黑科技陸續有嚟：未來仲會引入無人充電、上門充電同無線遠程充電！

想體驗全港最極速嘅「即充即走」？今個週末揸車去黃金海岸試充，順便食飯行街啦！

9 分鐘充飽 97%，快到咁會唔會太誇張？大家覺得閃充普及之後，可唔可以徹底解決排隊等位充電嘅噩夢？ 💬 快啲留言一齊傾下你點睇！

#泊邊好 #比亞迪 #閃充站 #電動車充電

追蹤『泊邊好』，揸車無煩惱🚗✨
Webpage➤ https://parkbin.hk
YouTube➤ https://youtube.com/
Facebook➤ https://facebook.com/parkbin.hk
Instagram➤ https://instagram.com/parkbin.hk
Threads➤ https://threads.com/parkbin.hk

17/09/2026

極氪件事依家🔥燒到去澳門，之前講過，由於澳門可以出左軚車，所以有啲車主諗住買左軚可以用到大陸既功能，點知原來交車時cut咗😂。

原來仲大既花生🥜係，澳門買左軚合約寫住有三地聯保。唔通三地既意思係澳門本島、氹仔同路環三地🤣🤣🤣？

香港既故事就仲有下文既，留意10月大結局😎😎。

- 極氪再被澳門車主爆料
- 三地聯保無效 + 智駕功能內地無效

此前據香港車媒報導，有多位車主反映於香港購買 ZEEKR 極氪品牌的汽車後於內地被 4S 店拒絕維修，今日收到車主爆料表示澳門亦有同一樣的情況，多位車主甚至包括左駕車主在內地均無法得到有效售後支援。而有車主亦表示購買左駕車時因為貪圖智駕功能，但無法想像交車後才發現此功能在內地根本無法啟動。

🔥 想留意更多澳門車壇消息，揭秘奇聞？
🔥 立即 Follow 我地 Page 啦！

#澳門做駕輛

16/09/2026

好耐無去太古城囉，終於可以出席零跑活動，呢啲應該叫破冰定喺雪櫃走番出黎🤣🤣🤣？講番部車，今日係零跑B03X既發佈會，即係我地之前喺北京車展介紹過既A10右軚版，早島優惠價係$189,900😍😍。呢個價好進取，起碼做到20萬樓下。零跑既車就唔差既，大家有興趣可以多啲試吓👍👍👍。

去完發佈會，就到我地之前預告過既事，香港電車維修中心開幕喇🥳🥳，呢間係全港唯一做中港連線既維修中心，如果你撞咗車但係又未做港車北上好後悔，唔使驚，去我地葵涌店，會幫你部車化粧，幫你揸埋去驗車，包合格，仲有港車薈幫你埋港車北上代辦，一條龍咁安排好晒👍👍，再拖番上大陸我間4S店慢慢整🔧。整完如果有問題要執漏既，唔使上珠海，我地葵涌店有中港連線服務，大陸整車香港執漏。夠晒方便。

16/09/2026

呢個星期大陸好多車邊新聞：

1️⃣ 一汽同廣汽....既豐田應該入併。因為一汽入股廣汽，成為廣汽第二大股東。但係當中傳聞話係豐田主導成件事，以後唔會再分一汽豐田同廣汽豐田，主打做國際版既豐田。

2️⃣ 問界涼了。其實好似年頭開始，賽力斯已經用番自己個品牌去出有華為系統既車。已經為咗去華為化而鋪路，到呢兩日終於出聲名，問界會由以往華為主導改由賽力斯主導。對我黎講無乜分別，買得問界既，都唔使問佢，晒氣。

3️⃣ N8L又出新車，今次係第二代刀片電池閃充版騰勢N8L。最利害既地方，係佢有齊所有BYD最頂尖既技術，首先放咗130kWh第二代刀片電池入去，所以續航CLTL可以去到960公里，我任你打折，都有600幾700公里。仲有我成日提既 "迪迪蝦" 智能AI系統，呢個真係有以前極越嗰隻咁勁，可以同你對答又可以操控到部車既AI系統，遲吓香港有既時候我再介紹，依家應該無人知我講乜。而最過份既係，普通版只售29.98萬人仔。大陸媒體話，呢部車一出直接可以打低吉利。所以吉利嗰邊要再努力，明明收購咗魅族咁多年，個Flyme Auto到依家都Fly唔起。

15/09/2026

睇到尋晚嗰集沖繩730左軚改右軚駕駛特輯既收視，真係喊咗出黎😭😭😭

話說今年年頭我地泊邊好開節目會既時候，我同李大導講，我想拍新聞。佢即刻笑咗出黎🤣🤣🤣，話咪L玩啦，你正經唔到架，無人會鍾意睇新聞架🧑‍🏫。

但係我話，我就係想比人知其實我地係可以有能力拍到啲有實力既節目出黎，唔好比人覺得我地係玩玩吓既Channel，而直係有能力做製作既💪。

而當時，我地正諗緊有咩提材可以用黎打響第一炮🧨，於是乎就揀咗沖繩730呢個咁特別既題黎做。只不過由於一啲原因，低地台小巴變咗第一集，沖繩730反而係第二集。

又講番沖繩730，由籌備到拍攝，應該用咗幾個月時間，淨係電郵聯絡📨都來回咗好多次。跟住仲要睇天做人，我記得我地當時話，如果睇沖繩九日天氣預報☀️，未來9日都好天既就即刻訂機票，所以當時差不多係話飛就飛，好彩最後順利拍攝，成功將呢個咁特別既歷史故事帶比香港觀眾👏👏👏。

希望大家喜歡呢個咁正經既交通新聞系列，之後仲會有唔同既內容推出，敬請留意，亦多謝大家支持🙏🙏，我希望我地用心既拍攝，大家係會睇到既👍👍。