01/09/2026
31 ਅਗਸਤ 1994 ਵਾਲੀ ਰਾਤ ਪੰਜਾਬ ਦੇ ਤਤਕਾਲੀ ਮੁੱਖ ਮੰਤਰੀ ਅਤੇ ਸਿੱਖਾਂ ਦੇ ਕਥਿੱਤ ਕਾਤਲ ਬੇਅੰਤ ਸਿਹੁੰ ਦੇ ਪੋਤੇ ਗੁਰਕੀਰਤ ਕੋਟਲੀ ਨੇ ਕੇਤੀਆ ਡਾਰਨੰਡ ਨਾਂ ਦੀ ਇਕ ਫਰਾਸੀਸੀ ਗੋਰੀ ਲੜਕੀ ਦੀ ਨੋਚ ਨੋਚ ਕੇ ਇੱਜ਼ਤ ਲੁੱਟ ਲਈ ਪਰ ਸਿਆਸੀ ਦਬਾਅ ਹੇਠ ਨਿਆ ਵੀ ਦੱਬ ਕੇ ਰਹਿ ਗਿਆ।
31 ਅਗਸਤ 1994 ਵਾਲੀ ਅੱਧੀ ਰਾਤ ਨੂੰ ਮੋਹਾਲੀ ਵਿਖੇ ਕੋਠੀ ਨੰਬਰ 1247 ਵਿੱਚੋਂ ਕੇਤੀਆ ਡਾਰਨੰਡ ਨਾਂ ਦੀ ਇਕ ਫਰਾਸੀਸੀ ਗੋਰੀ ਲੜਕੀ ਨੂੰ 6 ਨੋਜਵਾਨਾਂ ਵਲੋਂ ਬੰਦੂਕ ਦੀ ਨੋਕ ਉਤੇ ਅਗਵਾ ਕਰ ਲਿਆ ਗਿਆ। ਜਿਸ ਵਕਤ ਕੇਤੀਆ ਨੂੰ ਇਨ੍ਹਾਂ ਗੁੰਡਿਆਂ ਵੱਲੋਂ ਅਗਵਾਹ ਕੀਤਾ ਜਾ ਰਿਹਾ ਸੀ,ਉਸ ਵੇਲੇ ਉਸ ਦੇ ਅਫਰੀਕਨ ਦੋਸਤਾਂ ਵਲੋਂ, ਅਗਵਾਕਾਰ ਬਦਮਾਸ਼ਾਂ ਦਾ ਵਿਰੋਧ ਕੀਤਾ ਗਿਆ ਤਾਂ ਉਹਨਾਂ ਨੂੰ ਬੰਦੂਕ ਦੇ ਬੱਟ ਮਾਰ-ਮਾਰ ਲਹੂ ਲੁਹਾਨ ਕਰ ਦਿਤਾ ਗਿਆ। ਇਹ ਬਦਮਾਸ਼ ਪੰਜਾਬ ਸਰਕਾਰ ਦੀ ਜਿਪਸੀ ਜੀਪ ਦੇ ਵਿੱਚ ਆਏ ਸਨ।
ਪਤਲੀ ਅਤੇ ਨਾਜ਼ੁਕ ਜੇਹੀ ਇਸ ਗੋਰੀ ਫਰਾਂਸੀਸੀ ਕੁੜੀ ਨੂੰ ਜੋ ਪੰਜਾਬ ਦੀ ਧਰਤੀ ਤੇ ਘੁੰਮਣ ਆਈ ਸੀ,ਨੂੰ ਸਰਕਾਰੀ ਜਿਪਸੀ ਵਿੱਚ ਸੁੱਟ ਲਿਆ ਗਿਆ। ਇਨ੍ਹਾਂ ਦਰਿੰਦਿਆ ਵਲੋਂ ਕੇਤੀਆ ਨੂੰ ਜਿਪਸੀ ਦੇ ਪਿੱਛੇ, ਸੀਟ ਉਤੇ ਲੰਬਿਆਂ ਪਾ ਲਿਆ ਗਿਆ ਅਤੇ ਉਸ ਦੀਆਂ ਚੀਕਾਂ ਨੂੰ ਰੋਕਣ ਲਈ ਉਸ ਦੇ ਮੁੰਹ ਵਿਚ ਕਪੜਾ ਠੂਸ ਕੇ ਉਸ ਉਪਰ ਘੁੱਟ ਕੇ ਹੱਥ ਰੱਖ ਲਿਆ।ਇੰਜ ਜਿਪਸੀ ਵਿੱਚ ਹੀ ਇਸ ਬੀਬੀ ਦੇ ਨਾਲ ਇਨ੍ਹਾ ਦਰਿੰਦਿਆ ਨੇ ਉਸ ਦੀ ਇੱਜਤ ਦੇ ਨਾਲ ਖਿਲਵਾੜ ਸ਼ੁਰੂ ਕਰ ਦਿੱਤਾ।
ਕੇਤੀਆ ਨੂੰ ਇਕ ਵੱਡੀ ਕੋਠੀ ਵਿੱਚ ਲਿਜਾਂਦਾ ਗਿਆ ਜਿਥੇ ਕੁਝ ਹੋਰ ਵੀ ਹਥਿਆਰਬੰਦ ਬਾਵਰਦੀ ਲੋਕ ਮੌਜੂਦ ਸਨ। ਅਸਲ ਦੇ ਵਿੱਚ ਇਹ ਪੰਜਾਬ ਦੇ ਮੁੱਖ ਮੰਤਰੀ ਦੀ ਰਿਹਾਇਸ਼ ਸੀ। ਉਹਨਾਂ ਹਥਿਆਰਬੰਦ ਬਾਵਰਦੀ ਲੋਕਾਂ ਦੀ ਹਾਜ਼ਰੀ ਵਿੱਚ ਕੇਤਿਆ ਨੂੰ ਉਸ ਕੋਠੀ ਦੇ ਵੱਡੇ ਕਮਰੇ ਵਿੱਚ ਲਜਾ ਕੇ ਉਸ ਦੀ ਦੀ ਇਜ਼ਤ ਨੂੰ ਸਾਰੀ ਰਾਤ ਰੋਲਿਆ ਗਿਆ।
ਇਹ ਕੋਠੀ ਉਸ ਵਕਤ ਦੇ ਪੰਜਾਬ ਦੇ ਮੁੱਖਮੰਤਰੀ ਬੇਅੰਤ ਸਿੰਹੁ ਨੂੰ ਸਰਕਾਰੀ ਤੌਰ ਉਪਰ ਐਲਾਟ ਕੀਤੀ ਗਈ ਸੀ।ਅਤੇ ਕੇਤਿਆ ਦੀ ਇੱਜ਼ਤ ਨਾਲ ਖਿਲਵਾੜ ਕਰਣ ਵਾਲੇ ਕੋਈ ਹੋਰ ਨਹੀਂ ਸਗੋ ਤਤਕਾਲੀ ਮੁੱਖ ਮੰਤਰੀ ਬੇਅੰਤ ਸਿੰਹੁ ਦੇ ਪੋਤੇ ਗੁਰਕੀਰਤ ਕੋਟਲੀ ਅਤੇ ਉਸ ਦਾ ਭਰਾ ਅਤੇ ਬੇਅੰਤ ਸਿਹੁੰ ਦੇ ਭਤੀਜੇ ਸਨ। ਜਿਹੜੇ ਪਾਇਲ ਲਾਗੇ ਕੋਟਲੀ ਪਿੰਡ ਵਿੱਚ ਰਹਿੰਦੇ ਸਨ । ਸਦਕੇ ਜਾਣਾ ਬਣਦਾ ਹੈ ਪੰਜਾਬ ਦੇ ਉਨ੍ਹਾਂ ਲੋਕਾਂ' ਤੇ, ਜਿਨ੍ਹਾਂ ਨੇ ਗੁਰਕੀਰਤ ਕੋਟਲੀ ਨੂੰ ਵਿਧਾਇਕ ਬਣਾਇਆ ਤੇ ਇਕ ਨੂੰ ਮੈਂਬਰ ਪਾਰਲੀਮੈਂਟ ਬਣਾਇਆ।
ਕੇਤੀਆ ਦੇ ਨਾਲ ਹੋਈ ਛੇੜਖਾਨੀ ਦੇ ਮਾਮਲੇ ਵਾਲੇ ਇਸ ਕੇਸ ਨੂੰ 23 ਵਰ੍ਹਿਆਂ ਮਗਰੋਂ 15 ਸਤੰਬਰ 2017 ਵਾਲੇ ਦਿਨ ਦੁਬਾਰਾ ਖੋਲ੍ਹਿਆ ਗਿਆ ਅਤੇ ਕੌਮੀ ਮਹਿਲਾ ਕਮਿਸ਼ਨ ਨੇ ਪੰਜਾਬ ਸਰਕਾਰ ਨੂੰ ਨੋਟਿਸ ਜਾਰੀ ਕੀਤਾ।
ਇਸ ਮਾਮਲੇ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਮਹੇਸ਼ਇੰਦਰ ਸਿੰਘ ਗਰੇਵਾਲ ਨੇ ਪਟੀਸ਼ਨ ਦਾਇਰ ਕੀਤੀ ਸੀ। ਕੌਮੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਲਲਿਤਾ ਕੁਮਾਰ ਮੰਗਲਮ ਨੇ ਇਸ ਮਾਮਲੇ ਵਿਚ, ਮੁੜ ਦਾਇਰ ਕੀਤੀ ਗਈ ਸ਼ਿਕਾਇਤ ਦਾ ਗੰਭੀਰ ਨੋਟਿਸ ਲਿਆ ਸੀ। 31 ਅਗਸਤ 1994 ਵਾਲੇ ਦਿਨ ਕੇਤੀਆ ਡਾਰਨੰਡ ਉੱਤੇ ਹਮਲਾ ਕਰਨ, ਉਸ ਨੂੰ ਪੀੜਤ ਅਤੇ ਅਗਵਾ ਕਰਨ, ਛੇੜਖਾਨੀ ਕਰਨ ਅਤੇ ਸੰਭਾਵਿਤ ਤੌਰ ਉਤੇ ਬਲਾਤਕਾਰ ਕਰਨ ਵਾਲੇ ਦੋਸ਼ੀ ਅਤੇ ਸਾਬਕਾ ਮੁੱਖ ਮੰਤਰੀ, ਸਿਖਾਂ ਦੇ ਕਥਿੱਤ ਕਤਲ ਬੇਅੰਤ ਸਿੰਘ ਦੇ ਪੋਤੇ ਗੁਰਕੀਰਤ ਕੋਟਲੀ ਦੇ ਖ਼ਿਲਾਫ ਦਰਜ ਕੀਤੇ ਮਾਮਲੇ ਵਿਚ ਭਾਰਤੀ ਦੰਡਵਾਲੀ ਦੀਆਂ ਧਾਰਾਂਵਾਂ ਨਹੀਂ ਸ਼ਾਮਿਲ ਕੀਤੀਆਂ ਗਈਆਂ ਸਨ।ਜਿਸ ਕਾਰਣ ਇਹ ਕੇਸ ਸ਼ੁਰੂ ਤੋਂ ਹੀ ਕਮਜ਼ੋਰ ਬਣਾਇਆ ਗਿਆ ਸੀ।
ਵਿਦੇਸ਼ੀ ਨਾਗਰਿਕ ਕੇਤੀਆ ਡਾਰਨੰਡ ਦੀ ਇਕ ਚਿੱਠੀ ਦਾ ਦਿੱਲੀ ਦੀ ਕੌਂਸਲਰ ਗੁਰਜੀਤ ਕੌਰ ਨੇ ਮਹਿਲਾ ਕਮਿਸ਼ਨ ਅੱਗੇ ਜ਼ਿਕਰ ਕੀਤਾ ਸੀ ਜਿਸ ਵਿਚ ਕੇਤਿਆ ਨੇ ਕਿਹਾ ਸੀ ਕਿ ਉਸ ਨੇ ਗੁਰਕੀਰਤ ਕੋਟਲੀ ਖਿਲਾਫ ਸ਼ਿਕਾਇਤ ਕੀਤੀ ਸੀ ਅਤੇ ਪਹਿਚਾਣ ਪਰੇਡ ਦੌਰਾਨ ਉਸ ਦੀ ਸ਼ਨਾਖਤ ਵੀ ਕਰ ਲਈ ਸੀ। ਪਰ ਇਸ ਤੋਂ ਇਲਾਵਾ ਉਸ ਨੇ ਮੈਜਿਸਟਰੇਟ ਅੱਗੇ ਭਾਰਤ ਦੇ ਸੰਵਿਧਾਨ ਦੀ ਧਾਰਾ 164 ਦੇ ਤਹਿਤ ਆਪਣਾ ਬਿਆਨ ਵੀ ਦਰਜ ਕਰਵਾਇਆ ਸੀ। ਜਿਸ ਵਿੱਚ ਉਸ ਨੇ ਕਿਹਾ ਸੀ ਕਿ ਇਸ ਸਭ ਦੇ ਬਾਵਜੂਦ ਉਸ ਨੂੰ ਇਨਸਾਫ ਨਹੀਂ ਮਿਲਿਆ ਅਤੇ ਉਸ ਨੂੰ ਮਜ਼ਬੂਰੀ ਵੱਸ ਆਪਣੀ ਜ਼ਿੰਦਗੀ ਬਚਾਉਣ ਦੀ ਲਈ ਆਪਣੀ ਇੱਜ਼ਤ ਨੂੰ ਲੈ ਕੇ ਸਬਰ ਦਾ ਘੁੱਟ ਭਰਨਾ ਪਿਆ।ਉਸ ਨੇ ਇਹ ਵੀ ਕਿਹਾ ਸੀ ਕਿ ਉਹ ਭਾਰਤ ਵਿਚ ਜਾ ਕੇ ਬਹੁਤ ਪਛਤਾ ਰਹੀ ਹੈ।
ਕੌਮੀ ਮਹਿਲਾ ਕਮਿਸ਼ਨ ਦੇ ਅੱਗੇ ਪੇਸ਼ ਕੀਤੇ ਗਏ ਇਸ ਕੇਸ ਬਾਰੇ ਦਸਿਆ ਗਿਆ ਸੀ ਕਿ ਜਦੋਂ ਕੇਤੀਆ ਡਾਰਨੰਡ, ਚੰਡੀਗੜ੍ਹ ਦੇ ਇੱਕ ਹੋਟਲ ਦੇ ਬਾਰ ਵਿਚ ਬੈਠੀ ਸੀ ਤਾਂ ਗੁਰਕੀਰਤ ਕੋਟਲੀ ਨੇ ਉਸ ਨੂੰ ਆਪਣੇ ਨਾਲ ਸ਼ਰਾਬ ਪੀਣ ਦੀ ਪੇਸ਼ਕਸ਼ ਕੀਤੀ ਸੀ। ਕੇਤੀਆ ਨੇ ਉਸ ਦੀ ਪੇਸਕਸ਼ ਨੂੰ ਠੁਕਰਾ ਦਿੱਤਾ ਸੀ।ਇਸ ਗੱਲ ਨੂੰ ਲੈਕੇ ਗੁਰਕੀਰਤ ਗੁੱਸੇ ਵਿੱਚ ਆ ਗਿਆ ਸੀ। ਫੇਰ ਕੇਤੀਆ ਨੇ ਜਦੋਂ ਮੋਹਾਲੀ ਵਿਖ਼ੇ ਆਪਣੇ ਦੋਸਤ ਦੇ ਘਰ ਜਾਣ ਦੇ ਲਈ ਹੋਟਲ ਛੱਡਿਆ ਤਾਂ ਗੁਰਕੀਰਤ ਅਤੇ ਉਸ ਦੇ ਪੰਜ ਹੋਰ ਦੋਸਤਾਂ ਨੇ ਕੇਤੀਆ ਦਾ ਪਿੱਛਾ ਕੀਤਾ ਅਤੇ ਉਸ ਨੂੰ ਅਗਵਾ ਕਰ ਲਿਆ। ਕੌਂਸਲਰ ਗੁਰਜੀਤ ਕੌਰ ਨੇ ਦੱਸਿਆ ਕਿ ਉਸ ਵਕਤ ਉਸਦਾ ਦਾਦਾ ਪੰਜਾਬ ਦਾ ਮੁੱਖ ਮੰਤਰੀ ਸੀ ਅਤੇ ਸਿਆਸਤ ਦੇ ਪ੍ਰਭਾਵ ਕਰਕੇ ਅਦਾਲਤ ਵਿਚ ਇਸ ਮਾਮਲੇ ਨੂੰ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਪੇਸ਼ ਨਹੀਂ ਕੀਤਾ ਗਿਆ ਸੀ। ਇਸ ਮੌਕੇ ਗੁਰਜੀਤ ਕੌਰ ਨਾਲ ਕੌਮੀ ਮਹਿਲਾ ਕਮਿਸ਼ਨ ਦੇ ਦਫਤਰ ਵਿਚ ਜਾਣ ਵਾਲਿਆਂ ਵਿਚ ਸਰਦਾਰ ਮਨਜਿੰਦਰ ਸਿੰਘ ਸਿਰਸਾ ਅਤੇ ਪਰਮਿੰਦਰ ਸਿੰਘ ਬਰਾੜ ਵੀ ਸ਼ਾਮਿਲ ਸਨ।
ਧੰਨਵਾਦ ਸਹਿਤ
Gurdeepsingh Jagbir
ਜੀ ਦੀ ਫੇਸਬੁੱਕ ਪੋਸਟ ਤੋਂ ਕਾਪੀ
