FIND Wayanad

18/08/2025

*വയനാട് ജില്ലയിലെ പ്രധാനപ്പെട്ട ടൂറിസ്റ്റ് കേന്ദ്രങ്ങൾ സന്ദർശിക്കാനൊരു പ്ലാൻ*

വയനാട് ജില്ലയിലെ പ്രധാനപ്പെട്ട ടൂറിസ്റ്റ് കേന്ദ്രങ്ങൾ സന്ദർശിക്കാനുള്ള പദ്ധതി ചുവടെ നൽകുന്നു. ഓരോ സ്ഥലത്തിനും സമീപത്തുള്ള പ്രധാന നഗരത്തിൽ നിന്ന് ദൂരം ഉൾപ്പെടുത്തിയിരിക്കുന്നു. ഈ യാത്രാ പദ്ധതി പ്രകാരം, ഓരോ സ്ഥലവും സന്ദർശിച്ച് അടുത്തിടെയുള്ള സ്ഥലങ്ങളിലേക്ക് സഞ്ചരിക്കാനാകും.

1. എൻ ഊര് ഗോത്ര പൈതൃക ഗ്രാമം

സ്ഥലം: ലക്കിടി, വയനാട്

കൽപ്പറ്റയിൽ നിന്ന് ദൂരം: ഏകദേശം 15 കിലോമീറ്റർ

വിവരണം: ഗോത്ര പൈതൃകവും സംസ്കാരവും അനുഭവിക്കാനാകുന്ന ഗ്രാമം.

2. പൂക്കോട് തടാകം

സ്ഥലം: വൈത്തിരി, വയനാട്

എൻ ഊരിൽ നിന്ന് ദൂരം: ഏകദേശം 2 കിലോമീറ്റർ.

വിവരണം: 13 ഏക്കറിലായി പരന്നു കിടക്കുന്ന ശുദ്ധജല തടാകം, ബോട്ട് യാത്രക്കും അനുയോജ്യം.

3. ചെമ്പ്ര കൊടുമുടി

സ്ഥലം: മേപ്പാടി, വയനാട്

പൂക്കോട് തടാകത്തിൽ നിന്ന് ദൂരം: ഏകദേശം 23 കിലോമീറ്റർ

വിവരണം: 2100 മീറ്റർ ഉയരമുള്ള മല, ട്രെക്കിങ്ങിന് അനുയോജ്യം.

4. സൂചിപ്പാറ വെള്ളച്ചാട്ടം

സ്ഥലം: ചൂരൽമല, വയനാട്

ചെമ്പ്ര കൊടുമുടിയിൽ നിന്ന് ദൂരം: 13 കിലോമീറ്റർ

വിവരണം: മൂന്നു തട്ടുകളായി ഉള്ള ഈ വെള്ളച്ചാട്ടം

5. കാന്തൻപാറ വെള്ളച്ചാട്ടം

സ്ഥലം: മേപ്പാടി, വയനാട്

സൂചിപ്പാറയിൽ നിന്ന് ദൂരം: ഏകദേശം 6 കിലോമീറ്റർ

വിവരണം: 100 മീറ്റർ ഉയരത്തിൽ നിന്നും വെള്ളം പാറക്കെട്ടുകളിലൂടെ വീഴുന്ന മനോഹര ദൃശ്യം. ആളുകൾക്ക് ഇറങ്ങിക്കുളിക്കാം. 50 രൂപയാണ് ടിക്കറ്റ് നിരക്ക്.

6. നീലിമല വ്യൂ പോയിന്റ്

സ്ഥലം: മേപ്പാടി, വയനാട്

കാന്തൻപാറയിൽ നിന്ന് ദൂരം: 10 കിലോമീറ്റർ

വിവരണം: മലനിരകളുടെ മനോഹര കാഴ്ചകൾ ആസ്വദിക്കാനാകുന്ന വ്യൂ പോയിന്റ്.

7. എടക്കൽ ഗുഹകൾ

സ്ഥലം: അമ്പുകുത്തി, വയനാട്

നീലിമലയിൽ നിന്ന് ദൂരം: 25 കിലോമീറ്റർ

വിവരണം: പുരാതന പെട്രോഗ്ലിഫുകൾ ഉള്ള ഗുഹകൾ.

8. കുറുവ ദ്വീപ്

സ്ഥലം: കൽപ്പറ്റ, വയനാട്

എടക്കൽ ഗുഹകളിൽ നിന്ന് ദൂരം: 40 കിലോമീറ്റർ

വിവരണം: 950 ഏക്കറിലായി 150 ഓളം ചെറു ദ്വീപുകൾ, പുഴയിലൂടെയുള്ള മുള ചങ്ങാട യാത്ര പ്രധാന ആകർഷണം. കനത്ത മഴയുള്ള സമയങ്ങളിൽ അടച്ചിടും.

9. ബാണാസുര സാഗർ ഡാം

സ്ഥലം: പടിഞ്ഞാറത്തറ, വയനാട്

കുറുവ ദ്വീപിൽ നിന്ന് ദൂരം: ഏകദേശം 20 കിലോമീറ്റർ

വിവരണം: മണ്ണ് കൊണ്ട് നിർമ്മിച്ച ഇന്ത്യയിലെ ഏറ്റവും വലിയ അണക്കെട്ട്. ബാണാസുര ഡാമിനടുത്താണ് മനോഹരമായ കർലാട് ലേക്ക് സ്ഥിതി ചെയ്യുന്നത്. രാവിലെ 9 മണി മുതൽ വൈകിട്ട് 5 വരെയാണ് പ്രവേശന സമയം.

10. മുത്തങ്ങ വന്യജീവി സങ്കേതം

സ്ഥലം: സുൽത്താൻ ബത്തേരി, വയനാട്

ബാണാസുര സാഗർ ഡാമിൽ നിന്ന് ദൂരം: 50 കിലോമീറ്റർ

വിവരണം: വന്യജീവികളെ സമീപത്തിൽ കാണാൻ കഴിയുന്ന സങ്കേതം. രാവിലെയും ഉച്ചയ്ക്കുമാണ് ട്രക്കിംഗ് ഉള്ളത്. ഇവിടെ നിന്ന് ബന്ദിപ്പൂർ കാട് വഴി ഗുണ്ടൽപെട്ടിലേക്കും ഗോപാൽ സ്വാമി ഹിൽസിലേക്കും പോകാം.

*ഇനിയുമുണ്ട് വിനോദ കേന്ദ്രങ്ങൾ*

* വൈത്തിരി പാർക്ക്
* കൂടൽ കടവ്
* വൈത്തിരി അൾട്രാ പാർക്ക്
* ഹണി മ്യൂസിയം
* അരണമല
* തിരുനെല്ലി ക്ഷേത്രം
* 900 കണ്ടി
* സൂചിപ്പാറ വെള്ളച്ചാട്ടം.
* കരാപ്പുഴ പാർക്ക്
➖➖️➖️➖️➖➖➖➖➖

29/06/2025

29/06/2025

ബാണാസുര ഡാം ഒരു ഷട്ടർ കൂടി ഇന്ന് (29-6-2025) രാവിലെ 10.30 ന് 10 സെ.മീ. ഉയർത്തും; പൊതുജനങ്ങൾ ജാഗ്രത പാലിക്കണം

ബാണാസുര സാഗര്‍ ഡാമിലെ
സ്‌പിൽവെയുടെ ഒരു ഷട്ടർ (Radial Gate No. 2) നിലവിൽ 10 സെന്റീ മീറ്റർ ഉയർത്തിട്ടുള്ളതാണ്. ഒരു ഷട്ടർ (Radial Gate No. 3) കൂടി ഇന്ന് (29-6-2025) രാവിലെ 10.30 മണിക്ക് 10 സെൻ്റീ മീറ്റർ ഉയർത്തും.

കരമാൻ തോട്, പനമരം പുഴ തീരങ്ങളിലും താഴ്ന്ന പ്രദേശങ്ങളിലും താമസിക്കുന്നവര്‍ ജാഗ്രത പാലിക്കണം. പുഴയിലെ വെള്ളം 5 സെൻ്റീ മീറ്റർ മുതൽ 10 സെന്റീ മീറ്റർ വരെ ഉയരാനുള്ള സാധ്യതയാണുള്ളത്.

വൈകുന്നേരം 6 മണി മുതൽ രാവിലെ 6 മണി വരെയുള്ള സമയത്ത്‌ യാതൊരു കാരണവശാലും അണക്കെട്ടിൽ നിന്നും വെള്ളം തുറന്ന് വിടുന്നതിന്റെ അളവ്‌ വർദ്ധിപ്പിക്കുകയില്ല.

ഏതൊരു അടിയന്തിര സാഹചര്യത്തിലും ജില്ലാ എമർജൻസി ഓപ്പറേറ്റിംഗ്‌ സെന്ററിൽ വിളിക്കാം, നമ്പർ 1077.

പരിഭ്രാന്തരാവേണ്ട യാതൊരു സാഹചര്യവും നിലവിലില്ല. എല്ലാ മുൻ കരുതലുകളും കൈക്കൊണ്ടിട്ടുണ്ട്‌.

കരുതലോടെയിരിക്കാം. നമുക്ക്‌ സുരക്ഷിതരായിരിക്കാം

29/06/2025

17/10/2024

വയനാട് ജില്ലയിലെ ഇക്കോടൂറിസം കേന്ദ്രങ്ങൾ തുറക്കുന്നു

21/09/2024

16/09/2024

Habeebi come to Wayanad
حبيبي يأتي إلى واياناد

16/09/2024

16/09/2024

ഞങ്ങൾ വയനാട് പോകുന്നുണ്ട്..
നിങ്ങളെല്ലാവരും വയനാട് പോകണം.

വയനാടൻ ജനതയുടെ പ്രധാന വരുമാന മാർഗമായിരുന്ന വിനോദ സഞ്ചാര മേഖലയെ നമുക്ക് തിരികെ കൊണ്ടുവരണം.

ചുരമൊന്ന് കയറാം.
കോടമഞ്ഞിൻ്റെ തഴുകലിൽ
ഒരു ചായ കുടിക്കാം.
നമ്മുടെ വയനാടിനെ
തിരിച്ചുപിടിക്കാം..



#എൻറെകേരളംഎന്നുംസുന്ദരം
P A Muhammad Riyas