05/10/2022
രാസ ലഹരിയിൽ നിന്ന് ജീവിത ലഹരിയിലേക്ക്
ലഹരിവിരുദ്ധ ക്യാമ്പയിനുകൾ സമൂഹ രക്ഷയ്ക്ക് വേണ്ടി ചെയ്യുന്ന സേവനത്തിന് ഹൃദയം നിറഞ്ഞ ആശംസകൾ. എന്നിരുന്നാലും, അവയുടെ ഒരു ന്യൂനതയായി ഞാൻ കാണുന്നത് ജീവിതത്തിന് മറ്റെങ്ങനെ ലഹരി പകരാം എന്നതിനെ കുറിച്ച് വേണ്ടത്ര ചിന്തിക്കുന്നില്ല എന്നതിലാണ്. സന്തോഷ് ജോർജ് കുളങ്ങര പറയുമ്പോലെ സന്തോഷിക്കുന്നത് പാപമാണെന്ന് ചിന്തിക്കാൻ ഇന്നത്തെ യുവത്വത്തിന് കഴിയില്ല. അവരെ ഉൾക്കൊള്ളാൻ മതിയാവുന്ന ഹൃദയവിശാലത സമൂഹത്തിനും ഇല്ലാതെ പോകുന്നു. സ്വന്തം ഇഷ്ടങ്ങൾ എന്തെന്ന് തിരിച്ചറിയാനും സന്തോഷിക്കാനും ഇടം കൊടുക്കാത്തത് വിഷാദരോഗം പോലുള്ള അവസ്ഥകളിലേക്ക് മനസ്സിനെ നയിക്കുന്നു. കണക്കുകൾ പ്രകാരം ആയതിലേക്ക് നീങ്ങുന്ന യുവാക്കളുടെ സംഖ്യ വളരെ വലുതാണ് താനും.
എന്നാൽ യാത്രകളുടെ/ വിനോദസഞ്ചാരമേഖലയുടേത് വളരെ വിശാലമായ ക്യാൻവാസ് ആണ്. സ്വന്തം ഇഷ്ടമനുസരിച്ച് ചരിത്രസ്മാരകങ്ങളിലേക്കോ, രുചി വൈവിധ്യങ്ങ ളിലേക്കോ, അഡ്രിനാലിൻ റഷ് ഉണ്ടാക്കുന്ന അഡ്വഞ്ചർ പരിപാടികളിലേക്കോ നിങ്ങൾക്ക് എത്തുകയും, അവിടെ സമാനമനസ്കരായ വരെ കണ്ടെത്തുകയും ചെയ്യാം. ഇത്തരം കൂട്ടായ്മകൾ ഏവരുടെയും വളർച്ചയ്ക്ക് നിദാനം ആകുന്നു. അത്തരമൊരു കൂട്ടായ്മയിലേക്ക് ഹുറേ വൊയേജർ നിങ്ങളെ ക്ഷണിക്കുന്നു .
ഈ വരുന്ന ഞായർ (09/10/22) രാവിലെ പത്തരയ്ക്ക് കണ്ണൂരിലെ നെടുംപൊയിൽ നിന്ന് തുടങ്ങുന്ന യാത്ര ഏലപ്പീടികയും, പാലുകാച്ചി മലയും പോകുന്നു. കൂടാതെ വളഞ്ഞുപുളഞ്ഞ റോഡുകളിലൂടെയുള്ള യാത്ര നിങ്ങളിലെ യൗവനത്തെ
ദീപ്തം ആക്കുന്നു. കണ്ണൂരിലെ റെസ്പോൺസിബിൾ ടൂറിസം മിഷൻറെ പിന്തുണയും സഹകരണവും ഇതിനുണ്ട് കൂടാതെ ഏലപ്പീടിക യിലെ വാർഡ് മെമ്പറായ ജിമ്മി അബ്രാഹം സാറിൻറെ അകമഴിഞ്ഞ സഹകരണവും ഈ ഉദ്യമത്തിന് ഉണ്ട് .നിങ്ങളെ ഏവരെയും ഈയൊരു പരിപാടിയിലേക്ക് ഹാർദ്ദവമായി സ്വാഗതം ചെയ്യുന്നു .
