Kerala Homestay And Tourism Society

01/08/2026

മുസരീസ് പൈതൃക പദ്ധതിക്ക് പുതിയ ഉണർവ്… ഗ്രാമീണ ടൂറിസത്തിന് പുതിയ പ്രതീക്ഷ!

2000 വർഷങ്ങളുടെ ചരിത്രപാരമ്പര്യമുള്ള ലോകപ്രശസ്ത മുസരീസ് തുറമുഖത്തിന്റെ പൈതൃകം വീണ്ടെടുക്കാൻ ലക്ഷ്യമിടുന്ന മുസരീസ് പൈതൃക പദ്ധതി പുതിയ മാനേജിംഗ് ഡയറക്ടർ ശ്രീ കെ. എസ്. ഷൈൻ നേതൃത്വം ഏറ്റെടുത്തതോടെ കൂടുതൽ ഊർജത്തോടെ മുന്നേറുമെന്ന പ്രതീക്ഷയാണ്.....

ഇടുക്കി ജില്ലയിൽ വളരെ ചുരുങ്ങിയ കാലയളവിൽ 380 തിനുമേൽ ഹോംസ്റ്റേകൾക്ക് ക്ലാസിഫിക്കേഷൻ ലഭ്യമാക്കുന്നതിൽ ശ്രദ്ധേയമായ നേതൃത്വം നൽകിയ അദ്ദേഹത്തിന്റെ പ്രവർത്തനമികവ് ഗ്രാമീണ ടൂറിസം മേഖലയ്ക്ക് വലിയ ആത്മവിശ്വാസമാണ് നൽകുന്നത്..........
ഇന്ന് ചേന്നമംഗലം ഗ്രാമപഞ്ചായത്തിൽ നടന്ന Activity Based Rural Tourism പരിശീലന പരിപാടിയിൽ പങ്കെടുത്ത്, ഗ്രാമീണ ടൂറിസത്തിന്റെ സാധ്യതകളും ഹോംസ്റ്റേ വികസനത്തിന്റെ പ്രാധാന്യവും പങ്കുവെക്കാൻ കഴിഞ്ഞത് സന്തോഷകരമായ അനുഭവമായിരുന്നു.

ഒരു ഗ്രാമത്തിൽ കൂടുതൽ ഹോംസ്റ്റേകൾ ആരംഭിക്കുമ്പോൾ അതിന്റെ ഗുണം ഒരു സംരംഭകനു മാത്രമല്ല, മുഴുവൻ പഞ്ചായത്തിനും ലഭിക്കുന്നു. തൊഴിലും വരുമാനവും പ്രാദേശിക സംസ്കാരവും ഒരുപോലെ ശക്തിപ്പെടുന്നു.

കേരള ഹോംസ്റ്റേ & ടൂറിസം സൊസൈറ്റി (Kerala HATS) സംസ്ഥാന ചെയർമാൻ എന്ന നിലയിൽ ഈ സംരംഭത്തിന് ആവശ്യമായ എല്ലാ പിന്തുണയും നൽകുമെന്ന് ഞാൻ ഉറപ്പുനൽകുന്നു.

ചേന്നമംഗലം ഗ്രാമപഞ്ചായത്ത് പ്രസിഡന്റ് ശ്രീ ഹരിദാസ്, വൈസ് പ്രസിഡന്റ് ശ്രീമതി മെസ്സി, മുസരീസ് പൈതൃക പദ്ധതി, പ്രാദേശിക ജനങ്ങൾ എന്നിവരുടെ കൂട്ടായ പരിശ്രമത്തിലൂടെ ചേന്നമംഗലം സമീപഭാവിയിൽ ഇന്ത്യയിലെ ആദ്യ മാതൃകാ ടൂറിസം ഗ്രാമമായ കുമ്പളങ്ങിയെ പോലെ മറ്റൊരു ശ്രദ്ധേയ ഗ്രാമീണ ടൂറിസം മാതൃകയായി മാറുമെന്ന് ആത്മവിശ്വാസമുണ്ട്......

ഗ്രാമം വളരട്ടെ… ഹോംസ്റ്റേകൾ വളരട്ടെ… ഗ്രാമീണ ടൂറിസം കേരളത്തിന്റെ വികസനത്തിന് പുതിയ കരുത്താകട്ടെ......

26/07/2026

"മുൻകൂട്ടി നിശ്ചയിക്കാത്ത ഒരു നിമിഷം… എന്നാൽ ജീവിതത്തിൽ എന്നും ഓർമ്മിക്കപ്പെടുന്ന ഒരു ആദരം. കേരള HATS ചെയർമാൻ എന്ന നിലയിൽ ബഹുമാനപ്പെട്ട ടൂറിസം വകുപ്പ് മന്ത്രി ശ്രീ പി. സി. വിഷ്ണുനാഥിൽ നിന്ന് ലഭിച്ച ഈ അംഗീകാരം കൂടുതൽ ആത്മവിശ്വാസത്തോടെയും ഉത്തരവാദിത്തത്തോടെയും കേരളത്തിലെ ഹോംസ്റ്റേ, ഗ്രാമീണ ടൂറിസം മേഖലകളുടെ വികസനത്തിനായി പ്രവർത്തിക്കാൻ പ്രചോദനമാകുന്നു. എല്ലാവർക്കും ഹൃദയം നിറഞ്ഞ നന്ദി

24/07/2026

ബഹുമാനപ്പെട്ട ടൂറിസം വകുപ്പ് മന്ത്രി ശ്രീ പി സി വിഷ്ണുനാഥിന് kerala Hats നൽകിയ സ്വീകരണം.....

13/07/2026

*ഗ്രാമവിഹാർ – കണയങ്കാവിലേക്ക് ഗ്രാമീണ ടൂറിസത്തിന്റെ പുതിയ വഴിത്തിരിവ്*

ഇടുക്കി ജില്ലയിലെ പെരുവന്താനം ഗ്രാമപഞ്ചായത്തിലെ 5, 6, 10 വാർഡുകൾ ഉൾപ്പെടുന്ന മനോഹരമായ കണയങ്കാവ് പ്രദേശം, NABARD-ന്റെ രണ്ടാം ഘട്ട "*ഗ്രാമവിഹാർ*" ഗ്രാമീണ ടൂറിസം വികസന പദ്ധതിക്കായി തിരഞ്ഞെടുക്കപ്പെട്ടിരിക്കുകയാണ്.

കേരള ഹോംസ്റ്റേ ആൻഡ് ടൂറിസം സൊസൈറ്റി (Kerala HATS), NABARD, പെരുവന്താനം ഗ്രാമപഞ്ചായത്ത്, ടൂറിസം വകുപ്പ് കണയങ്കാവയൽ ഫാർമേഴ്സ് ക്ലബ്ബ് എന്നിവയുടെ സംയുക്ത നേതൃത്വത്തിൽ നടപ്പാക്കുന്ന ഈ സമഗ്ര പദ്ധതിയിലൂടെ ഗ്രാമീണ ടൂറിസം, ജൈവകൃഷി, പ്രാദേശിക സംരംഭകത്വം എന്നിവയെ ഒരുമിപ്പിച്ചുള്ള മാതൃകാ വികസനമാണ് ലക്ഷ്യമിടുന്നത്.

2026 ജൂലൈ 9-ന് പെരുവന്താനം ഗ്രാമപഞ്ചായത്ത് പ്രസിഡന്റ് ശ്രീ വിജയൻ അധ്യക്ഷനായ യോഗത്തിൽ പദ്ധതിയുടെ പ്രാരംഭ ചർച്ചകളും പ്രദേശ സന്ദർശനവും നടന്നു.

യോഗത്തിൽ മുൻ ഗ്രാമപഞ്ചായത്ത് പ്രസിഡന്റ്, ഡോമിനോ പഞ്ചായത്തംഗങ്ങളായ ടോമി തോമസ്, ലിസി ജോസഫ്, സംഗീത, ഫാർമേഴ്സ് ക്ലബ്ബ് പ്രസിഡണ്ട് ജോൺ ജോസഫ് , ഇടുക്കി ജില്ലാ ടൂറിസം ഇൻഫർമേഷൻ ഓഫീസർ ശ്രീ ഗിരീഷ്, കേരള HATS ഡെസ്റ്റിനേഷൻ കൺവീനർ ഡോ. ബേബി, കേരള HATS സംസ്ഥാന ചെയർമാനും സംസ്ഥാന ടൂറിസം അഡ്വൈസറി കമ്മിറ്റി അംഗവുമായ എം. പി. ശിവദത്തൻ, സംസ്ഥാന കമ്മിറ്റി അംഗങ്ങളായ വിനായകൻ രാമക്കൽമേട്, രാജേഷ് കൊല്ലാപ്പറമ്പിൽ എന്നിവരും സജീവമായി പങ്കെടുത്തു.

ഈ പദ്ധതിയുടെ പ്രധാന ലക്ഷ്യങ്ങൾ: കുറഞ്ഞത് 50 പുതിയ ഹോംസ്റ്റേ സംരംഭങ്ങൾ ആരംഭിക്കുക. ജൈവകൃഷി ഉൽപ്പന്നങ്ങൾക്ക് നേരിട്ടുള്ള വിപണി സൃഷ്ടിക്കുക. പ്രദേശത്തെ കർഷകർക്ക് അധിക വരുമാനം ഉറപ്പാക്കുക. സ്ത്രീകൾക്കും യുവജനങ്ങൾക്കും സ്വയംതൊഴിൽ അവസരങ്ങൾ ഒരുക്കുക. ഗ്രാമീണ ജീവിതം, കൃഷി, പ്രകൃതി, സംസ്കാരം എന്നിവയെ അടിസ്ഥാനമാക്കിയുള്ള അനുഭവ ടൂറിസം വികസിപ്പിക്കുക

പ്രശസ്തമായ പാഞ്ചാലിമേട് ടൂറിസം കേന്ദ്രം ഈ പ്രദേശത്തിന്റെ ഏറ്റവും വലിയ കരുത്താണ്. ഡിടിപിസിയുടെ കീഴിൽ പ്രവർത്തിക്കുന്ന ഈ കേന്ദ്രത്തിലേക്ക് ദിവസേന നൂറുകണക്കിന് സന്ദർശകരാണ് എത്തിച്ചേരുന്നത്.

നിലവിൽ പ്രവർത്തിക്കുന്ന റിസോർട്ടുകൾക്കും സർവീസ് വില്ലകൾക്കും പ്രാദേശിക ജൈവ ഉൽപ്പന്നങ്ങൾ എത്തിക്കുന്നതിലൂടെ കർഷകർക്ക് സ്ഥിരമായ വിപണി ലഭ്യമാക്കാനും ഈ പദ്ധതി സഹായകരമാകും.

രണ്ടുവർഷം കൊണ്ട് പൂർത്തിയാകുന്ന ഈ പദ്ധതി കണയങ്കാവിനെ കേരളത്തിലെ മികച്ച ഗ്രാമീണ ടൂറിസം മാതൃകകളിൽ ഒന്നാക്കി മാറ്റുമെന്ന ആത്മവിശ്വാസത്തിലാണ് കേരള HATS.

ടൂറിസം മേഖലയോട് ദീർഘവീക്ഷണവും വികസന കാഴ്ചപ്പാടും പുലർത്തുന്ന പെരുവന്താനം ഗ്രാമപഞ്ചായത്ത് പ്രസിഡന്റ് ശ്രീ വിജയൻയുടെ നേതൃത്വവും, NABARD ഇടുക്കി ജില്ലാ മാനേജർ ശ്രീ അരുൺയുടെ ശക്തമായ പിന്തുണയും

08/07/2026

സാംസ്കാരിക തനിമയും പ്രകൃതി സൗന്ദര്യവും ഒത്തുചേർന്ന തൃശ്ശൂർ – ഗ്രാമീണ ടൂറിസത്തിന്റെ തലസ്ഥാനമാകാൻ എല്ലാ സാധ്യതകളുമുള്ള നാട്........

കേരളത്തിന്റെ സാംസ്കാരിക തലസ്ഥാനമായ തൃശ്ശൂർ ചരിത്രവും പൈതൃകവും ആത്മീയതയും പ്രകൃതി സൗന്ദര്യവും ഒത്തുചേർന്ന അപൂർവ ഭൂമികയാണ്.

ലോകപ്രശസ്തമായ തൃശ്ശൂർ പൂരം, വടക്കുംനാഥ ക്ഷേത്രം, ഗുരുവായൂർ ശ്രീകൃഷ്ണക്ഷേത്രം, കൊടുങ്ങല്ലൂർ ഭഗവതി ക്ഷേത്രം, അതിരപ്പിള്ളി–വാഴച്ചാൽ വെള്ളച്ചാട്ടങ്ങൾ, കേരള കലാമണ്ഡലം, വള്ളത്തോളിന്റെ ജന്മനാട്, സമ്പന്നമായ കലാ-സാംസ്കാരിക പാരമ്പര്യം, നദികൾ, പുഴകൾ, വയലുകൾ, ഗ്രാമീണ ജീവിതം എന്നിവ തൃശ്ശൂരിനെ ലോകോത്തര ടൂറിസം കേന്ദ്രമാക്കി ഉയർത്താൻ കഴിയുന്ന അനന്തസാധ്യതകളാണ്.

എന്നാൽ ഈ സാധ്യതകളെ പൂർണമായി പ്രയോജനപ്പെടുത്തി ഗ്രാമീണ ടൂറിസത്തിനും ഹോംസ്റ്റേ മേഖലയ്ക്കും കൂടുതൽ വളർച്ച കൈവരിക്കേണ്ടതിന്റെ ആവശ്യകത ഇന്ന് ഏവരും ചൂണ്ടിക്കാട്ടുകയാണ്.

ഈ ലക്ഷ്യത്തോടെ കേരള ഹോംസ്റ്റേ ആൻഡ് ടൂറിസം സൊസൈറ്റി (Kerala HATS)യുടെ നേതൃത്വത്തിൽ 2026 ജൂലൈ 7-ന് തൃശ്ശൂർ ജില്ലാ കളക്ടറേറ്റ് അനക്സ് കോൺഫറൻസ് ഹാളിൽ, പുതിയതായി ഹോംസ്റ്റേ സംരംഭം ആരംഭിക്കാൻ ആഗ്രഹിക്കുന്നവർക്കായി ഏകദിന ടൂറിസം ശില്പശാല സംഘടിപ്പിച്ചു.

കേരള HATS തൃശ്ശൂർ ജില്ലാ പ്രസിഡന്റ് ശ്രീ പി. എം. പുഷ്പാംഗദൻ അധ്യക്ഷത വഹിച്ച ചടങ്ങ് രാജൻ ജെ. പല്ലൻ MLA ഉദ്ഘാടനം ചെയ്തു. മുഖ്യാതിഥിയായി പങ്കെടുത്ത സംസ്ഥാന മുൻ ടൂറിസം ഡയറക്ടറും തൃശ്ശൂർ ജില്ലാ കളക്ടറുമായ ശ്രീമതി ശിക്കാ സുരേന്ദ്രൻ IAS ടൂറിസം മേഖലയിലെ പുതിയ സാധ്യതകളും സർക്കാർ പിന്തുണയും വിശദീകരിച്ചു.

ചടങ്ങിൽ കേരള HATS ചെയർമാനും സംസ്ഥാന ടൂറിസം അഡ്വൈസറി കമ്മിറ്റി മെമ്പറും കൂടിയായ എം. പി. ശിവദത്തൻ, ശ്രീ പി. ഡി. ഷാജൻ, ശ്രീ ബേബി ജേക്കബ് എന്നിവർ സംസാരിച്ചു.
ഹോംസ്റ്റേ ക്ലാസിഫിക്കേഷൻ, ഹോസ്പിറ്റാലിറ്റി, ശുചിത്വവും ഭക്ഷ്യസുരക്ഷയും, വിദേശ സഞ്ചാരികളുമായി ബന്ധപ്പെട്ട FRRO നടപടിക്രമങ്ങൾ, ബാങ്ക് വായ്പാ പദ്ധതികൾ തുടങ്ങി സംരംഭകർക്ക് പ്രയോജനകരമായ വിവിധ വിഷയങ്ങളിൽ വിദഗ്ധർ ക്ലാസുകൾ നയിച്ചു.
ഇമിഗ്രേഷൻ ഓഫീസർ ശ്രീ അഖിൽ വിക്രം, ടൂറിസം ഇൻഫർമേഷൻ ഓഫീസർ പി ആർ റെജി,കേരള ഗ്രാമീൺ ബാങ്ക് ചീഫ് മാനേജർ ശ്രീമതി അഖില പി. ഗോപി, ഗുരുവായൂർ ഗസ്റ്റ് ഹൗസ് മാനേജർ ശ്രീ എൻ കെ ബിജു ഫുഡ് ക്രാഫ്റ്റ് ഇൻസ്റ്റിറ്റ്യൂട്ട് പ്രിൻസിപ്പൾ ശ്രീ ശ്രീജിത്ത് എസ് ഉൾപ്പെടെയുള്ള വിദഗ്ധരുടെ ക്ലാസുകൾ പങ്കെടുത്തവർക്ക് ഏറെ ഉപകാരപ്രദമായി.

ഉദ്ഘാടന പ്രസംഗത്തിൽ എംഎൽഎ ശ്രീ രാജൻ ജെ. പല്ലൻ അഭിപ്രായപ്പെട്ടത്, തൃശ്ശൂരിന് ലഭിച്ചിരിക്കുന്ന സമ്പന്നമായ ടൂറിസം വിഭവങ്ങളെ ഗ്രാമീണ ടൂറിസവും ഹോംസ്റ്റേ സംരംഭങ്ങളും വഴി ഫലപ്രദമായി വിനിയോഗിക്കാൻ കഴിഞ്ഞാൽ ജില്ലയി

06/07/2026

*ബഹുമാനപ്പെട്ട കേരള മുഖ്യമന്ത്രി ശ്രീ വി. ഡി. സതീശൻ അവരുടെ നിയോജക മണ്ഡലമായ ചേന്നമംഗലം ഗ്രാമപഞ്ചായത്തിൽ, "*ചേന്നമംഗലം മോഡൽ ടൂറിസം വില്ലേജ്*" പദ്ധതിക്ക് തുടക്കമിടുന്ന ആദ്യ ചുവടുവെപ്പായി ഗ്രാമപഞ്ചായത്തിന്റെ നേതൃത്വത്തിൽ ടൂറിസം സെമിനാർ സംഘടിപ്പിച്ചു.
ഗ്രാമപഞ്ചായത്തിന്റെ ചരിത്രത്തിൽ ആദ്യമായാണ് ടൂറിസം വികസനത്തെ ആസ്പദമാക്കി ഇത്തരമൊരു സെമിനാർ സംഘടിപ്പിക്കുന്നത്. ഹോംസ്റ്റേ സംരംഭകരും യുവജനങ്ങളും ജനപ്രതിനിധികളും പൊതുജനങ്ങളും ആവേശപൂർവം പങ്കെടുത്തത് ഈ പദ്ധതിയോടുള്ള ജനപിന്തുണയുടെ തെളിവാണ്.
കേരള ഹോംസ്റ്റേ ആൻഡ് ടൂറിസം സൊസൈറ്റി (Kerala HATS)യുടെ ചെയർമാൻ എന്ന നിലയിൽ, കേരളത്തിലെ ഗ്രാമീണ ടൂറിസം, ഹോംസ്റ്റേ വികസനം, കുമ്പളങ്ങി ഉൾപ്പെടെയുള്ള വിവിധ പദ്ധതികളിൽ നിന്നുള്ള അനുഭവങ്ങൾ പങ്കുവയ്ക്കാൻ എനിക്ക് അവസരം ലഭിച്ചു.
അതിനൊപ്പം, കേരള HATS-ന്റെ ജോയിന്റ് ഡയറക്ടറും ഫോർട്ട് കൊച്ചിക്ക് സമീപമുള്ള 500 വർഷത്തിലേറെ പഴക്കമുള്ള വാസ്കോ ഹോംസ്റ്റേയുടെ ഉടമയുമായ ശ്രീ സന്തോഷ്, തന്റെ 25 വർഷത്തെ ഹോംസ്റ്റേ അനുഭവങ്ങൾ പങ്കുവെച്ചത് സെമിനാറിന് കൂടുതൽ മൂല്യം നൽകി.
ഈ സെമിനാർ ഇടുക്കി ടൂറിസം ഡെപ്യൂട്ടി ഡയറക്ടർ ഇപ്പോൾ പുതിയതായിട്ട് നിയമിതനായ മുസരീസ് പ്രോജക്ടിന്റെ എംഡിയും കൂടിയായ ശ്രീ കെ എസ് സൈനാണ് ഉദ്ഘാടനം ചെയ്തത് 10 വർഷത്തിനു മുൻപ് മുസരീസ് പ്രോജക്ടിന്റെ പ്രവർത്തനങ്ങൾക്ക് വലിയ നേതൃത്വം കൊടുത്ത ഉദ്യോഗസ്ഥൻ ആയിരുന്നു ശ്രീ ഷൈൻ അവർകൾ അദ്ദേഹത്തിന്റെ പുതിയ പോസ്റ്റ് ചേന്നമംഗലം ഉൾപ്പെടുന്ന ഈ മുസ് പദ്ധതിക്ക് വലിയ ഊർജ്ജം പകരുമെന്ന് ഞങ്ങൾ വിശ്വസിക്കുന്നു
ഗ്രാമപഞ്ചായത്ത് പ്രസിഡന്റ് ശ്രീ പി. എ. ഹരിദാസ്, വൈസ് പ്രസിഡന്റ് ശ്രീമതി ബെസ്സി സെബാസ്റ്റ്യൻ, മറ്റ് ജനപ്രതിനിധികൾ എന്നിവർ പരിപാടിക്ക് നേതൃത്വം നൽകി.
എന്തുകൊണ്ട് ചേന്നമംഗലം?
ചരിത്രവും പൈതൃകവും പ്രകൃതിയും കൈത്തറി പാരമ്പര്യവും മതസൗഹാർദ്ദവും ഒത്തുചേരുന്ന അപൂർവ ഗ്രാമമാണ് ചേന്നമംഗലം.
പ്രധാന ആകർഷണങ്ങൾ: ലോകപ്രശസ്തമായ ചേന്നമംഗലം കൈത്തറി
പാലിയത്ത് കൊട്ടാരം
1615-ൽ സ്ഥാപിതമായ ചേന്നമംഗലം ജൂത സിനഗോഗ്
കേരളത്തിലെ ആദ്യ വൈദിക സെമിനാരി
കോട്ടയിൽ കോവിലകം
നദികൾ, ഇടത്തോടുകൾ, ചെറുതുരുത്തുകൾ, കായലുകൾ എന്നിവ ചേർന്ന മനോഹരമായ പ്രകൃതി
കുമ്പളങ്ങി പോലെ, ജനപങ്കാളിത്തത്തോടെ വികസിപ്പിക്കാവുന്ന ഒരു മാതൃകാ ഗ്രാമീണ ടൂറിസം കേന്ദ്രമാകാനുള്ള എല്ലാ സാധ്യതകളും ചേന്നമംഗലത്തിനുണ്ട്.
ഈ പദ്ധതി യാഥാർത്ഥ്യമായാൽ, കേരളത്തിലെ മറ്റ് പഞ്ചായത്തുകൾക്കും സമാനമായ ഗ്രാമീണ ടൂറിസം പദ്ധതികൾ നടപ്പാക്കാൻ പ്രചോദനമാകുമെന്ന് ഞങ്ങൾ വിശ്വസിക്കുന്നു. ഏറ്റവും സന്തോഷകരമായ കാര്യം, ഗ്രാമപഞ്ചായത്തും ജനങ്ങളും ഈ സംരംഭത്തിന് പൂർണ പിന്തുണ പ്രഖ്യാപിച

06/07/2026

കേരള ഹോം സ്റ്റേ ആൻഡ്ടൂറിസം സൊസൈറ്റി (kerala Hats) നോഷൻ പബ്ലിക്കേഷൻ മുഖാന്തിരം 175 രാജ്യങ്ങളിൽ പ്രസിദ്ധപ്പെടുത്തിയ Directory Best Homestays പ്രസിദ്ധീകരണത്തിന്റെ കോപ്പി കേരളത്തിന്റെ പുതിയ ടൂറിസം വകുപ്പ് മന്ത്രി ശ്രീ പി സി വിഷ്ണുനാഥന് കൈമാറുന്നു

31/05/2026

18/05/2026

നീതി ആയോഗിന്റെ 2025 റിപ്പോർട്ടിൽ അംഗീകാരം നേടിയ സ്ഥാപനം
ഗ്രാമീണ സമൂഹങ്ങളുടെ ശാക്തീകരണത്തിനായി സുസ്ഥിര ടൂറിസം പ്രവർത്തനങ്ങളുമായി കേരള ഹാറ്റ്സ് മുന്നോട്ട്
കേരളത്തിലെ ഗ്രാമീണ ടൂറിസം, ഹോംസ്റ്റേ & ഫാംസ്റ്റേ വികസനം, പ്രാദേശിക സംരംഭകത്വം എന്നിവ ശക്തിപ്പെടുത്തുന്നതിനായി കേരള ഹാറ്റ്സ് വിവിധ ശേഷിവികസന പരിശീലനങ്ങൾ, ബോധവത്കരണ പരിപാടികൾ, വ്യക്തിത്വ വികസന ക്ലാസുകൾ, ടൂറിസം റിസോഴ്‌സ് മാപ്പിംഗ് പ്രവർത്തനങ്ങൾ എന്നിവ സംഘടിപ്പിച്ചു വരുന്നു.
ഞങ്ങളുടെ പ്രധാന പ്രവർത്തന മേഖലകൾ:
ഹോംസ്റ്റേ & ഫാംസ്റ്റേ വികസനം
ഗ്രാമീണ ടൂറിസം പ്രോത്സാഹനം
വനിത SHG & FPO രൂപീകരണം
ഡിജിറ്റൽ മാർക്കറ്റിംഗ് & സോഷ്യൽ മീഡിയ പരിശീലനം
പ്രാദേശിക ഉൽപ്പന്നങ്ങളുടെ ബ്രാൻഡിംഗ് & മൂല്യവർധിത ഉൽപ്പന്ന നിർമാണം
ഉത്തരവാദിത്വപരവും സമൂഹ അധിഷ്ഠിതവുമായ ടൂറിസം
NABARD, കേരള ടൂറിസം വകുപ്പ്, പഞ്ചായത്ത് ഭരണസമിതികൾ, വിവിധ സാമൂഹിക സംഘടനകൾ എന്നിവരുടെ സഹകരണത്തോടെ ഗ്രാമങ്ങളെ സ്വയംപര്യാപ്ത ടൂറിസം കേന്ദ്രങ്ങളാക്കി മാറ്റുകയാണ് ലക്ഷ്യം. പ്രകൃതിയും സംസ്കാരവും സംരക്ഷിച്ച് നാട്ടുകാരുടെ ജീവിതോപാധി മെച്ചപ്പെടുത്തുന്ന വികസന മാതൃകയിലേക്ക് ഒരുമിച്ച് മുന്നേറാം.
Empowering rural communities through sustainable tourism
Kerala HATS continues its mission of strengthening rural tourism, homestay development, and community-based entrepreneurship across Kerala. Through capacity-building programmes, awareness workshops, personality development sessions, and tourism resource mapping, we are supporting farmers, women, youth, and local communities to create sustainable livelihood opportunities.
Special focus is being given to: Homestay & Farmstay Development , Rural Tourism Promotion
Women SHG & FPO Formation , Digital Marketing & Social Media Training , Local Product Branding & Value Addition
Responsible & Community Tourism
Together with support from organizations like NABARD, Panchayaths, Kerala Tourism, and local stakeholders, we aim to transform villages into self-sustainable tourism destinations while preserving culture, nature, and local traditions.
#ഗ്രാമീണടൂറിസം