25/09/2024
كيفية الحجز عبر تطبيق Booking.com ؟
🚨اول شي نزلو تطبيق "Booking.com"على التلفون عن طريق (Google Play أو App Store) حسب جهازكم ولان دائما اكو خصم للي يتستخدمون التلفون.
🚨ثاني شي افتحو التطبيق واختارو المدينة التي تريدون تروحون الها حددو التواريخ (من يوم الوصل الى يوم المغادرة) و عدد الاشخاص و عدد الاطفال و عدد الغرف الي تريدوها بعدين ضغطو على كلمة بحث (search).
🚨ثالث شي ورة مضغطون على كلمة بحث رح تطلعلكم خيارات هواية لمجموعة من الفنادق والموتيلات والهوستلات وبهاي الحالة انتو تكدرون تحددون الفئة والسعر الي تريدو مثل مموضح بالصور .
🚨رابع شي ورة متختارون الفندق اضغطو عليه رح تطلع الكم تفاصيل الحجز الخاصة بهذا الفندق ونوع الغرفة وشنو تشمل حجمها وكلشي يهمكم طبعا قبل الحجز والتثبيت انصحكم تقرون التقييمات والتعليقات المكتوبة عن هذا الفندق داخل الكروب وأيضا جيكوها عن طريق الكوكل بس كتبو اسم الفندق ورح تطلع الكم.
🚨خامس شي ورة متجيكون الغرفة وتختاروها اضغطو على تثبيت الحجز رح ينقلكم مباشرة الى فقرة ادخال المعلومات الشخصية الي هي (الاسم والايميل ورقم الهاتف) ولازم الايميل الي تنطوه يكون يمكم مفتوح حتى توصلكم رسالة تثبيت الحجز عليه.
🚨سادس شي هو اختياركم لطريقة الدفع بعض الفنادق تقبل بالدفع عند الوصول هاي من تبحثون عن الفندق شوفوها وانتبهو عليها او عن طريق بطاقات الدفع المسبق وعادي الموقع امن من ناحية اعطاءه للمعلومات الي يطلبها منكم بخصوص البطاقة.
🚨سابع شي واهم شي السعر من تختاروه ويكون مكتوب شامل الضرائب هذا يكون السعر الكلي بس منو يكون جوة السعر مكتوب + ورقم هذا السعر لازم تضيفوه وية سعر الغرفة.
❌️اخر شي تأكدو من الحجز وتفاصيلة ركزو بالتواريخ وسفرة سعيدة للجميع❌️
اذا عدكم اي معلومة اضافية شاركوها ويانا🌏✈️
