Laxá á Keldum

11/04/2026

Fallega Laxá á Keldum

08/04/2026

08/04/2026

Laxá á Keldum & Keldnalækur

06/04/2026

Efsta svæði Laxár á Keldum

03/04/2026

Laxá á Keldum

18/03/2026

Fallegur veiðistaður í Laxá á Keldum
Guðmundur Ingi Hjartarson

17/11/2025

Tuddinn undan Tungufossi

Í haust, þegar veiðimenn voru að safna laxi til klaks í Eystri-Rangá, veiddist rétt neðan við Tungufoss kröftugur hængur, yfir 100 cm af hreinum gæðum. Sannkallaður höfðingi árinnar.

Eftir stutta viðdvöl í höndum veiðimanna var risanum sleppt aftur vel fyrir ofan Tungufoss ásamt 84 cm hrygnu og tveimur smærri hængum til að fullkomna náttúrulega hrygningu.

Markmiðið er að afkvæmi þessarar náttúrulegu hrygningar fái tækifæri til að ganga upp fyrir Tungufoss þegar fiskvegurinn rís og að tryggja að þessi stórbrotna erfðalína haldi áfram í Laxá á Keldum.

Nýlega tókst að festa höfðingjann á mynd, glitrandi og tignarlegan í straumnum. Sterk áminning um hvers vegna við vinnum að því að endurreisa Norður-Atlantshafslaxastofninn.

Þetta er aðeins upphafið.

Enjoy the videos and music you love, upload original content, and share it all with friends, family, and the world on YouTube.

26/10/2025

Ánægjulegt að sjá veiðitölur sumarsins og 30% aukningu miðað við veiði síðasta árs, töluvert sást af laxi fyrir neðan Tungufoss sem bendir til að fiskiræktin í Laxá á Keldum sé farin að skila sér í ána. Næst er að klára að opna upp fyrir Tungufoss svo veiðin verði einnig möguleg í Laxá á Keldum.

Takk fyrir tímabilið. Frétt í athugasemd.

20/09/2025

Efsti hluti Laxár á Keldum í kvöldsólinni

Síðastliðin fjögur ár höfum við sleppt hundruðum laxaseiða, grafið frjóvguð hrogn víðsvegar í ánni og sleppt fullorðnum löxum fyrir hrygningartímann svo þeir hefðu tækifæri til að hrygna á náttúrulegan hátt í ánni.

Mælingar, eftirlit og rannsóknir vísindamanna sem starfa með okkur að verkefninu sýna að árangurinn er mjög góður. Hrognin klekjast út og seiðin sem við höfum rafveitt og greint, bæði þau sem hafa verið sleppt og þau sem hafa klakist út í ánni, sýna góðan vöxt og magafylli.

Náttúruleg hrygning með árangri er ekki möguleg fyrir neðan Tungufoss en ofan Tungufoss, á svæði Laxár á Keldum, hefur verið sannað að náttúruleg og sjálfbær lífskeðja laxins er raunhæf.

Fiskivegurinn við Tungufoss er næsti fasi verkefnisins. Hönnun hans er nú í gangi eftir nákvæmar mælingar og vangaveltur um hvernig lega vegarins verði best. Stefnt er að því að hann verði lagður á næsta ári sem mun gera laxinum kleift að komast á sínar heimslóðir.

Þá fer líka að styttast í að hægt verði að kanna veiðistaði, uppgötva hvar laxinn helst tekur, nefna veiðistaði og upplifa ævintýri landnemans við árbakka Laxár á Keldum.

05/08/2025

Verndum konung íslenskra áa

Atlantshafslaxinn er tákn hreinnar náttúru og heilbrigðs vistkerfis. Lífsferill hans spannar bæði ferskvatn og sjó, og hann snýr aftur í sína heimaá til hrygningar eftir sjávardvöl.

Laxinn er viðkvæmur mælikvarði á ástand náttúrunnar. Til að styðja við vöxt stofnsins þarf að vernda vatnsföll og skapa ný búsvæði þar sem hann getur hrygnt á náttúrulegan hátt.

Við Laxá á Keldum, ofan Tungufoss í Eystri Rangá, gefst nú einstakt tækifæri til að styrkja íslenska laxastofninn með uppbyggingu fiskvegar og endurheimt búsvæða. Slík verkefni skipta máli.