16/06/2018
(English Below) - Ásgeir lokar Eldur 2018 í Ásbyrgi 29. júlí.
Það er okkur sönn ánægja að tilkynna að Ásgeir Trausti verður með tónleika í heimabæ sínum, Laugarbakka, á Eldi í Húnaþingi, en þetta verður jafnframt lokaatburður hátíðarinnar þann 29. júlí. Miðar fara í sölu kl. 10:00!! Ekki missa af tækifærinu til að sjá þennan magnaða listamann á innilegum tónleikum í Ásbyrgi.
Ásgeir heldur í fyrsta skipti í tónleikaferðalag um Ísland þar sem hann kemur fram á alls 14 tónleikum dagana 17. júlí til 1. ágúst. Á tónleikunum frumflytur hann m.a. glænýtt efni sem mun prýða hans þriðju plötu sem væntanleg er í upphafi næsta árs. Um lágstemmda og hlýlega tónleika er að ræða þar sem rödd Ásgeirs fær að njóta sín en Ásgeir kemur fram ásamt Júlíusi Róbertssyni félaga sínum. Forsala er hafin á tónleikana á Miði.is. Miðaverð er krónur 4.500.
Ásgeir gaf út sína aðra plötu, Afterglow, í maí á síðasta ári og hélt í kjölfarið í stíft tónleikaferðalag um Evrópu, Asíu og Norður-Ameríku. Því tónleikaferðalagi lauk um páskana í Ástralíu. Nú er hann mættur aftur í hljóðver til að taka upp sína þriðju plötu fullur af orku. Þá kviknaði löngun til þess að ferðast um Ísland að sumri til með gítarinn einan að vopni til að prufukeyra hið nýja efni í bland við eldri lög. Einfalt skyldi það vera, rétt eins og við upphaf ferils Ásgeirs árið 2012 þegar hann og Júlíus vinur hans léku á fjölmörgum tónleikum við hin ýmsu tækifæri. Það fer nefnilega allt í hringi og stundum er gott að leita aftur í ræturnar, í upphafið, áður en næsti hringur hefst, samanber Hringsól.
Velkominn aftur á Eldinn, Ásgeir Trausti!
***
Ásgeir to close Eldur 2018 with intimate acoustic concert at Ásbyrgi on 29. July.
We are over the moon to announce that Ásgeir will be playing in his home town Laugarbakki, as the closing act of this years festival on 29. July. Tickets go on sale at 10am! Don't miss your chance to see this amazing artist in an intimate concert at Ásbyrgi.
For the first time Ásgeir will take a tour of Iceland, where he presents a total of 14 concertsbetween July 17 to August 1st. He will present brand new material that will be on his third album, which will be available at the beginning of next year, promising to be a memorable and warm concert. The ticket price is ISK 4,500.
Ásgeir released his second album, Afterglow, in May last year, followed by a rigid tour of Europe, Asia and North America. Now he is back to the studio to record his third album full of energy. He wanted to travel around Iceland this summer to try the new stuff together with older songs. A simple acoustic concert, just as at the beginning of Ásgeir's career in 2012 when he and Julius played numerous small scale concerts, including at our very own Eldur! It's all about circles and sometimes it's good to look back to the beginning before the next ring begins. Welcome back to Eldur Ásgeir. :)
https://midi.is/tonleikar/1/10497/Asgeir-Hringsol
