22/07/2026
🇯🇵 ජපානයේ වෙසෙන ශ්රී ලාංකිකයන්ට ඉතා වැදගත් පුවතක්
ජපාන අමාත්ය මණ්ඩලය (Cabinet) විසින් ජපානයේ ඉදිරි ආර්ථික ගමන තීරණය කරන නව "Honebuto" (Basic Policy on Economic and Fiscal Management and Reform) ආර්ථික සැලැස්ම අනුමත කර තිබෙනවා.
මෙහි ඇති විශේෂම කරුණ වන්නේ, ජපාන මහ බැංකුවට (Bank of Japan - BOJ) රජයේ බලපෑමකින් තොරව ස්වාධීනව තීරණ ගැනීමට ඉඩ ලබා දී තිබීමයි.
🇱🇰 ජපානයේ ඉන්න අපේ ලාංකිකයන්ට මේක බලපාන්නේ කොහොමද කියල බැලුවොත්
ලංකාවට යවන මුදල් සහ යෙන් (Yen) අගය -
මහ බැංකුව (BOJ) ස්වාධීන වීමත් සමඟ ඉදිරියේදී ජපානයේ පොලී අනුපාත ඉහළ නැංවීමට (Interest rate hikes) ඔවුන්ට හැකියාව ලැබෙනවා.
මෙහි ප්රතිඵලයක් ලෙස පසුගිය කාලයේ දැඩි ලෙස පහළ ගිය ජපන් යෙන් (Yen) අගය ස්ථාවර වීමට හෝ ශක්තිමත් වීමට ලොකු ඉඩක් තිබෙනවා.
මෙය ලංකාවට මුදල් යවන අපේ අයට වාසිදායක තත්ත්වයක්.
වැටුප් ඉහළ යාම (Wage Growth) -
නව ආර්ථික සැලැස්මේ ප්රධාන අරමුණක් වන්නේ සේවකයන්ගේ වැටුප් වැඩි කිරීමයි.
ජපානයේ ජොබ් කරන, ශිෂ්ය වීසා (Student Visa) සහ Specified Skilled Workers (SSW / Tokutei Ginou) යටතේ සේවය කරන ලාංකිකයන්ට ඉදිරියේදී පැයක අවම වේතනය (Minimum Wage) සහ සමස්ත වැටුප් ඉහළ යාමේ වාසිය හිමිවීමට නියමිතයි.
බඩු මිල සහ ජීවන වියදම (Inflation) -
ජපානයේ පවතින බඩු මිල ඉහළ යාම (උද්ධමනය) පාලනය කිරීමට මහ බැංකුව පියවර ගන්නා නිසා, ජපානය තුළ දිනපතා එකතු වන ජීවන වියදම යම් තාක් දුරකට පාලනය වනු ඇතැයි අපේක්ෂා කෙරෙනවා.
නව රැකියා අවස්ථා (Jobs in AI & Tech) -
ඩිජිටල්කරණය, AI, සහ අර්ධ සන්නායක (Semiconductors) වැනි ක්ෂේත්ර සඳහා විශාල ආයෝජනයක් කිරීමට රජය සැලසුම් කර ඇති බැවින්, IT සහ තාක්ෂණික ක්ෂේත්රවල සේවය කරන ලාංකිකයන්ට නව රැකියා සහ ප්රවර්ධන අවස්ථා හිමිවේවි.
Copied
