07/01/2026
යාපනේ කෙලවර, ඩෙල්ෆ් දූපත 👇🐎🍇🦜🐠🐙😍
ඩෙල්ෆ් දූපත යනු ලංකාවේ යාපනය අර්ධද්වීපයේ බටහිර කෙළවරේ ඉන්දියානු ගොඩබිමට 80km දුරින් ද, තලෛමන්නාරම සහ රාමේශ්වරම් වලට 42km බැගින් දුරකින් ද, පෝක් සමුද්ර සන්ධිය මැද පිහිටා තිබෙන ශ්රී ලංකාවට අයත් දූපතකි. මෙහි වර්ග ප්රමාණය වර්ග කිලෝමීටර 43 ක් පමණ වන අතර දූපතේ වට ප්රමාණය 27km ක් පමණ වේ. මෙම දූපත තලෙයිමන්නාරම් දූපත හැරුනු කොට ලංකාවෙන් ඉන්දියාව දෙසට පිහිටා ඇති ආසන්නතම මනුෂ්ය වාසයක් සහිත ගොඩබිම වේ.
* ඩෙල්ෆ් යනවනම් ඔයාලා යාපනේ ඉදලා කුරිකඩ්ඩුවාන් ජැටියට යන්නම ඕනේ. එම 'කුරිකඩ්ඩුවාන් ජැටියේ' සිට ඩෙල්ෆ්ට් දක්වා ළඟාවන බෝට්ටු ගමන් වාර කිහිපයක් දිනකට ක්රියාත්මක වේ
* සාමාන්යයෙන් මේක විනාඩි 60 - 90ක් වගේ යන ගමනක්
* ඩෙල්ෆ් වලින් බහිනකොට නේවි එකෙන් ID විස්තර ගන්නවා.
මෙම දූපතේ සංචාරය කරන ඔබට වෙනස්ම පරිසරයක අත්දැකීමක් විඳීමට අවස්ථාව උදාවන අතර නැරඹීමට ඇති විශේෂ ස්ථාන
1. බයෝ බැබ් ගස ( Baobab Tree ).
2. ලියලන ගල ( නාග ගල / කෝවිල අසල ගල )
3. ප්රදීපාගාරය ( Queen's Tower ).
4. හිරිගල් තාප්ප නිර්මාණ
5. පරවියන් ඇති කළ ලංදේසි කුළුණ.
6. ලංදේසි කොටුව.
මීට අමතරව, පොඩි ඩීසල් විදුලි බලාගාරයක්, රෝහල, පොලීසිය, පාසල් 8 ක්, ජාතික පාසල් 1, ග්රාම සේවා වසම් 4, අධිකරනයක් , ජල පවිත්රාගාරයක් මෙහෙ තියෙනවා.
ඩෙල්ෆ්ට් දූපතට පැමිණි ලංදේසින් විසින් මෙහි ගෙන ආ අශ්වයින් ගෙන් පැවතෙන අශ්වයින් සහ පෝනියන් තවමත් දූපතේ ස්වල්ප වශයෙන් ඉතිරිව සිටියි. එම නිසා ලංකාවේදී ඩෙල්ෆ් දූපතේදී පමණක් දැකීමට අවස්ථාව උදාවෙන කෑලෑ අශ්වයන් සහ පෝනියන් නැරඹීමේ අවස්ථාව ද මේ දූපතේ සංචාරය කරන ඔබට හිමිවනු ඇත.
මුළු දූපතම පිහිටා ඇත්තේ හුණුගල් ස්ථරයක් මත ය. #දූපතේ වැට මායිම් සළකුණු තාප්ප නොමැති අතර හුණුගල් එක මත එක තබා තැනූ තාප්ප සෑම පසෙකම තිබේ. අලංකාර මුහුදු වෙරළකින් ද සමන්විත මෙම දූපත හට රූස්සව සෑදුනු තල් ගස් යායවල් එකතු කරන්නේ මනස්කාන්ත දසුනකි. එක් කලක දී සංචාරක කුරුල්ලන්ගේ නවාතැන්පොළක් වන මෙම දූපත එකලට කුරුළු පාරාදීසයක් බවටද පත් වේ. මෙම සුන්දර දූපත ජීවිතකාලය තුළ එකවරක් හෝ නැරඹිය යුතුම ස්ථානයකි.
𝐁𝐞𝐚𝐮𝐭𝐲 𝐨𝐟 𝐒𝐫𝐢 𝐋𝐚𝐧𝐤𝐚 💚
