21/09/2026
පේරාදෙණිය විශ්වවිද්‍යාලයේ හිටපු කුලපතිවරයකු මෙන්ම කීර්තිමත් භූගෝල විද්‍යාඥයෙකු වූ මහාචාර්ය ජෙරල්ඩ් එච්. (G.H.) පීරිස් මහතා අභාවප්‍රාප්ත වී තිබේ.
එ මහතා1960 වසරේදී ප්‍රථම පන්තියේ සමාර්ථයක් සහිතව පේරාදෙණිය විශ්වවිද්‍යාලයෙන් භූගෝල විද්‍යාව පිළිබඳ උපාධිය ලබාගෙන ඇති අතර,1965 වසරේදී එක්සත් රාජධානියේ සුප්‍රකට කේම්බ්‍රිජ් විශ්වවිද්‍යාලයෙන් ආර්ථික භූගෝල විද්‍යාව පිළිබඳ ආචාර්ය උපාධිය හිමිකරගෙන ඇත.
පේරාදෙණිය විශ්වවිද්‍යාලයේ සහකාර කථිකාචාර්යවරයෙකු ලෙස සිය වෘත්තීය ජීවිතය ආරම්භ කළ එතුමා වසර 44ක දීර්ඝ කාලයක් පේරාදෙණිය විශ්වව්ද්‍යාලයේ විශ්වවිද්‍යාල කථිකාචාර්යවරයෙකු ලෙස සේවය කර තිබේ.
2022 මැයි මාසයේදී එතුමන්ව පේරාදෙණිය විශ්වවිද්‍යාලයේ කුලපතිවරයා ලෙස පත් කරනු ලැබීය.
ඔහුගේ ප්‍රධාන පර්යේෂණ ක්ෂේත්‍ර අතර,ඉඩම් ප්‍රතිසංස්කරණ සහ කෘෂිකාර්මික වෙනස්කම්,දේශපාලන ගැටුම්, ජනවාර්ගික අර්බුද සහ සාම ප්‍රයත්න (විශේෂයෙන්ම එල්.ටී.ටී.ඊ. සහ ජේ.වී.පී. සන්නද්ධ නැගිටීම් පිළිබඳ විග්‍රහයන්)දරිද්‍රතාවය සහ ආර්ථික අසමානතාවය යනාදිය ප්‍රධාන වෙයි.
පේරාදෙණිය විශ්වවිද්‍යාලයේ භූගෝල විද්‍යා මහාචාර්ය ධුරයට පත් වූ එතුමා, ශ්‍රී ලංකාවේ භූගෝල විද්‍යා ක්ෂේත්‍රයට, විශ්වවිද්‍යාල අධ්‍යාපනයට මෙන්ම ජාත්‍යන්තර දේශපාලන වෙනස්කම් පිළිබඳ පර්යේෂණයන්ට ද විශිෂ්ට දායකත්වයක් ලබාදුන් අග්‍රගණ්‍ය විද්වතෙකි.
