ඇවිදින්නො - Walkers

26/09/2024

04/06/2021

අැවිදින්නෝ අප සමාජිකයින් ශ්‍රී පාද කරුණාවේ දී කැමරා කාචයට හසු කරගත් දසුන් පෙළක්.

25/09/2020

#

31/07/2020

සුබ දවසක් යාලුවනේ... නොයෙක් නොයෙක් වැඩ රාජකාරි නිසා වැඩිය එන්නත් බැරි වුනා. මාතෘකාවට එමු. අද අපි ගෙන එන්නේ මීට පෙර සඳහන් කළ අාරුගම්බේ සංචාරයේ මතක සටහන්ය. අැත්තට ම එම සංචාරය ද ඉතාමත් සුන්දර අත්දැකීම් වලින් යුතු වූ සංචාරයකි. උදේ 06.00 ට පමණ අවදි වී සියලුම දේවල් ලක ලැහැස්ති කර මඩකලපුව බස් නැවතුම්පොළ වෙතට පැමිණියෙමු. එහිදී උදේ 07.30 ට පමණ පොතුවිල් දක්වා ගමන් ගන්නා බස් රථයක ට නැග ගත්තෙමු. මඩකළපුව සිට පොතුවිල් දක්වා ගමන් මාර්ගයේ අවට අසිරිය ද විඳිමින් ගිය අතර එහිදී ද අපට නොයෙක් දෑ නෙත ගැටුනි. එලෙසින් පැය 3ක් 4ක් පමණ අප බස් එකේ ගිය අතර උදේ 11.30 පමණ වන විට පොතුවිල් නගරයට පැමිණියෙමු. නමුත් එතැන් සිට අපට අාරුගම්බේ යාම සඳහා ත්‍රී රෝද රථයක් ගැනීමට සිදුවිය. ඉන්පසු එලෙසින් ප්‍රවාහන පහසුකම් සලසා ගනිමින් මගදී Surfing Board දෙකකුත් රැගෙන වෙරළ තීරය බලා ගමන් අාරම්භ කළහ. ඉන්පසු අප එම ස්ථානයට ගිය අතර එහිදී අප සුන්දරත්වය දැකගත් අතර එහි භයානක බවකුත් දැක ගත්හ. අපට වැඩි වශයෙන් දක්නට ලැබුනේ විදෙස් සංචාරකයින්ය. අැත්තෙන්ම පාසිකුඩා වලට වඩා මෙහි මුහුදු රැලි ඉතාමත් සැඩ පරුෂ ය. එහෙත් අපි ඉතාමත් ප්‍රවේශමෙන් මුහුදේ Surfing කළහ. එය භයානක වුවත් අපි සියල්ල ම ප්‍රවේශමෙන් කළ නිසා අපට සුන්දරත්වය විඳගැනීමට එය බාධාවක් නොවුනි. පැයක් පමණ මුහුදේ සිටි අතර එතැනින් පිට ව ගොස් නැවත ත් වෙරළ වෙතට ගියහ. එහි ගිය විට අපට දක්නට ලැබුනේ වලට වඩා එම වෙරළ අාශ්‍රිත ව සංචාරකයින් බහුල වීම ය. දෙස් විදෙස් සංචාරකයින් බහුල ම කලාපයකි. එම වෙරළ තීරයත් ඉතාම සුන්දර වෙරළ තීරයකි. එමෙන්ම එය ඉතාමත් විනෝදජනක එකක් ද විය. මුහුදු රැලි වේගවත්ය. Surfing කිරීමට බෙහෙවින් ම ගැළපෙන මුහුදු තීරයක් ය. එමෙන් ම රැලි වල සාමාන්‍ය උසක් ද අැත. පැය දෙක තුනක් පමණ මුහුදේ ගත කර නැවත මුහුදෙන් ගොඩට විත් Surfing Board ද නැවත භාර දී පිටත් වීමට කටයුතු කළහ. ඉන්පසු අප පයින් යන විට දැඩි පිපාසයකින් සිටි අතර ටිකක් අෑතින් Cool දොඩම් සාදන තැනක් දුටුවෙමු. ඒ වේලාවේ දී අප එය පානය කළේ අමෘතය වැනි ය. ඒ තරමට පිපාසයක් තිබුනි. ඉන්පසු නැවතත් පොතුවිල් නගරය දෙසට පියමං කළ අතර ප.ව. 05.00 ට පමණ මඩකළපුව බලා ගමන් ගන්නා බස් රථයකට නැග ගත්හ. රාත්‍රී 08.00 ට පමණ මඩකළපුව නගරයට පැමිණියහ. පසු දා මඩකළපුව දුම්රිය ස්ථානයෙන් පෙ.ව. 06.10 ට කොළඹ කොටුව බලා ගමන් ගන්නා උදය දේවී ශීඝ්‍රගාමී දුම්රියෙන් නැවත් ගම්බිම් බලා පිටත් වූ අතර මෙම චාරිකාවේ අවසානය මෙසේ සනිටුහන් විය.මෙම සමස්ත චාරිකාවේ දී අපට සුන්දර මෙන් ම කටුක අත්දැකීම් වලට ද මුහුණ පෑමට සිදුවිය. ඉතින් ඔබ මේ අාශ්‍රිත ව සංචාරය කිරීමට බලාපොරොත්තු වන අයෙක් නම් මෙය ඉතාමත් වැදගත් වනු අැත. ඉතිං මේ පිළිබඳ ව පොඩි අවවාදයකුත් දෙන්න තිබෙනවා. සුන්දරත්වය අතින් කොපමණ දුරකට තිබුණත් පළමුව අාරක්ෂාව හා සැළකිලිමත් ව කටයුතු කිරීම අනිවාර්යයෙන් තිබිය යුතු අංගයක් වේ. එමෙන් ම ඔබ මෙවැනි චාරිකාවන් වල දී ත්‍රී රෝද රථ කුලියට රැගෙන යාමට අවස්ථාවන් උදා වේ. එවිට ඔබ ඉතාමත් සැළකිල්ලෙන් සොයා බලා කටයුතු කිරීමට වග බලා ගන්න. එය ඔබේ Budget එකට තර්ජනයක් විය හැකි දෙයක් ය.අපට එසේ අත්දැකීම් වලට මුහුණ පෑමට සිදු වූ අවස්ථා ද අැත. ඉතිං අපි මීළඟට අැවිදින්නෝ තුළින් බලාපොරොත්තු වන්නේ මඩොල්සිම, උඩ දියලුම හා අැල්ල අාශ්‍රිත සංචාරයේ මතක සටහන් ය. එහෙනම් අපි ඒ සමගින් නැවත හමුවෙමු. ඒ වගේම අපේ යහළුවන්ගෙන් පුංචි ඉල්ලීමකුත් කරන්න තිබෙනවා. Page එකට Like කරල Share කරන්නත් අමතක කරන්න එපා.. එහෙනම් අදට සමුගනිමි. තෙරුවන් සරණයි...!

14/05/2020

ඔන්න අපි අද අැවිදින්නෝ තුළින් ඔබ වෙත ගෙන එන්නේ පෙර සඳහන් කළ පරිදි අප සාමාජිකයිනගේ් පාසිකුඩා සංචාරයේ මතක සටහන් කිහිපයක් ය. අපි අලුයම 04.30 ට පමණ අවදි වී ගමන සඳහා ලක ලැහැස්ති වුණෙමු. උදේ 06.00 ට පමණ නවාතැනෙන් පිට වී උදේ අාහාරයත් ගෙන බස් නැවතුම්පොළ වෙත පිය නැගුවෙමු. ඉන්පසු උදේ 08.15 ට පමණ මඩකළපුවෙන් වාලච්චේන බලා ගමන් ගන්නා බස් රථයකට නැගගත් අතර උදේ 09.30 ට පමණ වාලච්චේන නගරයට පැමිණියහ. ඉන්පසු ත්‍රී රෝද රථ දෙකක නැග පාසිකුඩා වෙරළ දෙසට ගියහ. ඉන්පසු අපි මද වේලාවක් වෙරළේ අැවිද්දෙමු. ඉන්පසු මුහුද ට බැස පැය කිහිපයක් පමණ එහි ගත කළහ. එය ඉතාමත් අමුතු විනෝදජනක අත්දැකීමක් විය. එහිදී අප කාටත් මුහුදෙන් ගොඩට ඒමට සිත දුන්නේ නැත. සවස 02,00 ට පමණ ඉන් පිට ව ගොස් "මචං Restaurant" එකෙන් දවල් අාහාරය ද ගෙන සවස 05.00 පමණ වන විට මඩකළපුව නගරයට පැමිණියෙමු. ඉන්පසු අප පසු දින යාමට නියමිත අාරුගම්බේ ගමන සඳහා බස් යන එන වේලාවන් බැලුවෙමු. ඒ සඳහා සූදනම් වීමට අප නැවත අපගේ නවාතැන වෙතට ගියෙමු. ඉතින අද අැවිදින්නෝ තුළින් අප ගෙන එන්නේ් මෙම සංචාරයේ සුන්දර මතක සටහන් කිහිපයක්ය. එමෙන් ම අාරුගම්බේ සංචාරයේ ද මතක සටහන් තව නොබෝ දිනකින් ඔබ වෙත ගෙන එ්මට බලාපොරොත්තු වෙන අතර අදට සමුගනිමි.. Page එකට Like කරල Share කරන්නත් අමතක කරන්න එපා.. තෙරුවන් සරණයි...!

23/03/2020

ඔන්න අපි අැවිදින්නෝ වෙතින් මීළඟට ගෙන එන්නේ අප සාමාජිකයින්ගේ දෙවැනි ගමන යි. අපි මෙවර තෝරාගනු ලැබුවේ පාසිකුඩා සහ අාරුගම්බේ වෙරළ තීරයන් අාශ්‍රිත සංචාරක ප්‍රදේශයන් ය. මෙය ද ඉතාමත් සුන්දර මතකයන් හා අත්දැකීම් වලින් සපිරි ගමනකි. මෙම ගමන අපි යන්නේ 2018 සැප්තැම්බර් වලදී ය. මෙහි දී අප සාමාජිකයින් සිව්දෙනෙකුගෙන් යුතුව අැත. මෙහිදීත් අපි දුම්රියෙන් ගමන අාරම්භ කළහ. අපි අළුයම 05.30 ට පමණ කොළඹ කොටුව දුම්රිය ස්ථානයට ගොස් කොළඹ කොටුවෙන් උදේ 06.05 ට මඩකළපුව බලා පිටත් වන උදය දේවි ශීඝ්‍රගාමී දුම්රියෙන් අප ගමන අාරම්භ කළෙමු. ඉන්පසු ප.ව. 02.45 පමණ වන විට අපි මඩකළපුව දුම්රිය ස්ථානයට පැමිණියහ. ඉන්පසු දුම්රිය ස්ථානයෙන් පිටත් වී නවාතැන් පහසුකම් සොයාගැනීම සඳහා නගරය වෙත පියමං කළෙමු. එහි දී වැඩි වශයෙන් අපට දක්නට ලැබුණේ දමිළ හා මුස්ලිම් මිනිසුන් ය. නමුත් අප බලාපොරොත්තු නොවූ ලෙස අඳුරන කෙනෙක් අපට හමු වූ අතර ඔහු නවාතැන් සඳහා ස්ථානයක් නගරයෙන් ම සොයාදීමට කටයුතු කළේය. ඉන්පසු අප එහි නැවතී විඩා නිවාගත්තෙමු. ඉන්පසු සවස අපි මඩකළපුව නගරයේ අැවිදීමට ගියහ. එහිදී අපට ඉතාමත් ලස්සන නගරයක් ලෙස දැන්නේ එහි අැවිදින විට දී ය. ඒ අතරින් ගාන්ධි පාර්ක් එක, ලන්දේසි කොටුව, කල්ලඩි පාලම, කළපුව මෙන් ම හිරුගේ බැසයාම අප නෙත් පැහැරගන්නා අංගයන් විය. මෙම නගරය ප්‍රෞඩ ඉතිහාසයක් අැති නගරයකි. ඉන්පසු අපි පැය කිහිපයක් නගරය තුළ ගත කළ අතර නැවත බස් නැවතුම් පොළ වෙත පිය නැගුවෙමු. මන්ද පසුදින අප පාසිකුඩා සංචාරය කිරීම සඳහා බස් යන එන වේලාවන් ගැන දැන ගැනීමටය. පසුව අපි එතැනින් නැවතත් අපගේ නවාතැන වෙත පියමං කළහ. Sunshine Restaurant එකෙන් රාත්‍රී අාහාරය ගෙන නවාතැන ට ගොස් නිදාගත් අතර පසුදින පාසිකුඩා යාම සඳහා සූදානම් විය. ඉතිං අද අපි ගෙන එන්නේ දුම්රියේ එන විට නැගෙනහිර දුම්රිය මාර්ගයේ හමු වූ සුන්දර ස්ථාන හා මඩකළපුව නගරයේ සංචාරයේ සුන්දර දසුන් කිහිපයක් ය. පාසිකුඩා සහ අාරුගම්බේ සංචාරයන් වල මතක සටහන් ඉදිරියේ දී ඉතා ඉක්මණින් ම ඔබ වෙත ගෙන ඒමට බලාපොරොත්තු වෙමු. තවද අපගේ මෙම Page එකට Like කරල Share කරන්නත් අමතක කරනනත් එපා.. අදට සමුගනිමි.. තෙරුවන් සරණයි...!