06/03/2025
.කාලයාගේ ඇවෑමෙන් නටඹුන් වන සද්ධාතිස්ස රජු අතහැර දැමූ නටඹුන් නගරය - නුවරගල ⛰️ | Nuwaragala ⛰️🇱🇰
කැලයෙන් වැසීගිය නුවරගල ⛰️ තියෙන්නේ අම්පාර දිස්ත්‍රික්කයේ මහඔය ප්‍රාදේශිය ලේඛම් කොට්ඨාසයේ බොරපොල ගම්මානයට හා පොල්ලේබැද්ද ගම්මානයට යාබදවයි.දැනට නම් මේ භූමිය අයිති වනසංරක්ෂණ දෙපාර්ත්මේන්තුවට ඊට කලින් නම් ආදීවාසී ජනතාවට. කොහොම උනත් අතීතයේදී නම් මේ බිම ජනාවාස වෙච්ච භූමියක් කියලා කියන්න පුලුවන් ඒ මොකද පැරණි වැව් බැමි, පන්සල්වල නටඹුන්, ලෙන් විහාර විශාල ප්‍රමාණයක් මේ ආශ්‍රිතව තියෙනවා ඒ ගොඩක් ඒවා විධිමත් පර්යේෂණයකට ලක්වෙලා නෑ තවමත්. ඒ නිසාම ගොඩක් තැන් විනාශයට පත්වේගෙන යනවා කියලා කිවුවොත් හරි.
මේතන ඉතිහාසය ගැන කියනවා නම්, තවමත් හරියටම හොයාගෙන නෑ කියලා තමා කියන්න පුලුවන්. හැබැයි මත කිහිපයක්ම තියෙනවා එකක් තමා සද්ධාතිස්ස රජතුමා 👑️මේ ගොඩනැගිලි ඉදිකර බවත් සම්පූර්ණයෙන්ම ඉදිකිරීමට නොහැකිව අතරමග දමාගියා කියලා අනෙක් කාරනාව තමා සද්ධාතිස්ස රජුගේ👑️ පුත් ලජ්ජතිස්ස රජතුමා 👑️මේ ආශ්‍රිතව විහාර ඉදිකළා කියලා එල්ලාවල මේදානන්ද හාමුදුරුවො කියලා තියෙනවා. ඒවගේම තමා කාවන්තිස්ස රජතුමාගේ👑️ සොහොයුරිය වූ සෝමා කුමරියගේ සහකරු වූ ගිරි අබය කුමාරයා ගොඩනගපු ගිරි නුවර මේ ආශ්‍රිතව ගොඩනැගුණු බවට මේ මත තුන තමා ප්‍රධාන වශයෙන් තියෙන්නේ.😐
කොහොම උනත් මේ කදු සහිත භූමිය පුරාම විවිධ නටඹුන් විශාල ප්‍රමාණයක් තියේනවා. මම හිතන විදියට තවමත් හමු නොවුණු ස්ථානත් ගොඩක් ඇති. ගම්වාසීන් නම් කියන්නේ ඔය කැලේ පන්සල් ගොඩක් තියෙනවා කියලා. අවාසනාවකට නිධන් හොරුන්ගෙ ඇහැ ගැටිලා ගොඩක් තැන්වලට. ප්‍රධාන වශයෙන් පොකුණු, ලෙන් ලිපි සහිත ලෙන්, පසුකාලිනව ආදිවාසින් චිත්‍ර ඇන්ද ලෙන්, ගල් පඩිපෙළව( කන්ද පුරාවටම තැනින් තැන තියෙනවා) ගල් කණු, පන්සල්වලට අයත් නටඹුන් ගොඩක් මේ කදු සහිත කැළේ හැම තැනකම තියෙනව.
විශේෂයෙන්ම කියන්න ඕන මේ කන්ද උඩ තියෙන පොකුණ අදටත් කවදාකවත් හිදෙන්නේ නෑ කියල තමා ගම්වාසින් කියන්නේ. මේ අවට ඉන්න ගොඩක් සත්තු මෙතනින් තමා වතුර බොන්නේ. සාමාන්‍යයෙන් අඩි තිහ තිහ විතර විශාලයි මේ පොකුණ. මේක සම්පූර්ණයෙන්ම ඉදිකරලා නෑ කියල කියන්න පුලුවන් සාදක ගොඩක් දකින්න පුලුවන්. මේ අසලම ලෙන් ලිපියක් සහිත කටාරම් සහිත විශාල ලෙනක් දකින්න පුලුවන්. අනෙක් කාරනාව තමා මේ පොකුණ අවට බිම ගල් කණු විශාල ප්‍රමාණයක් තියෙනවා. කොහොම උනත් මේ අවට භූමිය කැලයෙන් වැසීගිය පුරාවිද්‍යානූකූලව සෑහෙන්න වැදගත් භූමියක් කිවුවොත් හරි.⛰️
නුවරගල මුදුනට ගොස් බලනවිට අවටින් කදු පංති රැසක් දැකගත හැක.ඒ අතරින් දර් ශණියම කන්ද වාලිම්බ හෙළයි. එය තරණය කදු නගින්නෙකුගේ තවත් එක් හීනයකි.ගොරිකාන, ඇත්බැද්දේ හෙළ,මැදගොඩ,එක් හස්ස කන්ද,තිඹුලාදේවි ගොඩගන්ද,දේව හෙළ කන්ද, ආදි කදු පංතියක් පිරිවරාගෙන නුවරගල පිහිටා තිබෙි.
