SS TOURS

15/09/2026

ගාල්ලට නාවික සැතපුම් 15ක් ඔබ්බෙන් වූ මුහුදු තීරයේදී අගෝස්තු 15 වැනිදා උදෑසන ධීවරයින් පිරිසක් හෙළූ දැලකට ලොව විශාලතම මත්ස්‍ය විශේෂය වන මිනි මුතු මෝරෙකු අහම්බෙන් පැටලී ඇත.

බෝට්ටුවේ දිගට සමාන අඩි 20ක් පමණ දිගැති, ටොන් 2කට වඩා බරැති මෙම මෝරා තවමත් කුඩා පැටවකු වන අතර, වැඩුණු මිනි මුතු මෝරෙකු අඩි 59ක් දක්වා දිගට සහ ටොන් 20-30ක් දක්වා බරින් වැඩිවිය හැක.

මිරිස්ස ධීවර වරායෙන් පිටත්වූ මිරිස්සේ අශාන් ඇතුළු පිරිස, දැල බේරාගැනීම වෙනුවට රුපියල් 25,000කට වඩා වටිනා දැල කපා දමා මෙම අහිංසක සත්වයා නිදහස් කිරීමට කිසිදු පැකිලීමකින් තොරව කටයුතු කළහ.

අශාන් මෙලෙස මිනි මුතු මෝරෙකු බේරාගත් 4 වැනි අවස්ථාව මෙය වන අතර, 2023 වසරේදී රුපියල් ලක්ෂයකට වඩා වටිනා දැලක් කපා දැවැන්ත මෝරෙකු බේරාගෙන තිබේ.

තවත් අවස්ථාවක පැටවකු බේරාගන්නා තෙක් උගේ මව් මෝරා බෝට්ටුව අසලම රැඳී සිට ඇති අතර, උන් නිදහස් වූ පසු බෝට්ටුව වටා පිහිනමින් වතුර විද ස්තූති කර පලාගිය බව අශාන් සිහිපත් කරයි.

සාගර ජීවීන් පිළිබඳ ජනතාව දැනුවත් කිරීමට අශාන් ආරම්භ කළ යූටියුබ් සහ ෆේස්බුක් පිටුවලට මේ වන විට 100,000කට අධික පිරිසක් එකතු වී ඇති අතර, මෙම මෝරා නිදහස් කරන වීඩියෝව ද එහි ප්‍රසිද්ධ කර ඇත

15/09/2026

"මට ඕනි ලෝක වාර්තාව බිඳලා දාන්න."

2026 World Ultimate Athletic Championship පිරිමි හෙල්ල විසි කිරීමේ ඉසව්ව ජයග්‍රහණය කිරීමෙන් අනතුරුව ශ්‍රී ලංකාවේ රුමේෂ් තරංග පවසන්නේ තමන්ට අවශ්‍ය වෙන්නේ ලෝක වාර්තාව බිඳ දැමීම කියලා.

නූතන හෙල්ල විසි කිරීමේ ලෝක වාර්තාව සඳහන් වෙන්නේ මීටර් 98.48 ක් විදිහට. මේක අවුරුදු 30 ක් පරණ ලෝක වාර්තාවක්.

1986 දී සිද්ධ වුණ නව ප්‍රතිසංස්කරණයන් එක්ක හෙල්ල විසි කිරීමේ ක්‍රීඩාවේ හෙල්ලය වෙනස් වුණා. ඊට කලින් මීටර් 104 ඉක්මවූ දුරක් ලෝක වාර්තාව විදිහට තිබුණත් නව ප්‍රතිසංස්කරණයන් එක්ක හෙල්ල මීටර් 100 ක් විසි කරන්න බැරි විදිහට සකස් කෙරුණා.

ඒ කියන්නේ අදටත් හෙල්ල විසි කිරීමේ ඉසව්වක මේ තියෙන තත්ත්වයත් එක්ක මීටර් 100 ක දුරක් විසි කරන්න කාටවත්ම බෑ කියලා කියන්නේ. 1986 ඉඳලා ලෝකයේ එහෙම කෙනෙක් කවදාවත් කරලා නෑ.

රුමේෂ් තරංගට තමන්ගේ අභියෝගයට ගමන් කරන්න නම් මීටර් 100 කෙසේ වෙතත් මීටර් 100 ට ආසන්න දුරක් වෙනකන් යන්නම වෙනවා. ඒ කියන්නේ මීටර් 98.48 ක දුර ඉක්මවා යන්න වෙනවා.

මේක රුමේෂ් තරංගට කරන්න පුළුවන්ද?

සාමාන්‍යයෙන් හෙල්ල විසි කිරීමේ ක්‍රීඩකයෙක් තමන්ගේ පීක් එක එහෙමත් නැත්නම් උපරිමය සොයා ගන්නේ අවුරුදු 26,27,28 වගේ කාලයේදී. රුමේෂ් තරංගගේ වයස අවුරුදු 23 යි. ඒ කියන්නේ ඔහු සමහරවිට මේ පෙන්වන්නේ තවම තමන්ගේ උපරිමය නෙමෙයි.

මම කලින් දැක්කා රුමේෂ්ගේ විසි කිරීම් සම්බන්ධයෙන් ජාත්‍යන්තර පුහුණුකරුවන් අධ්‍යනය කරමින් ප්‍රකාශ කරනවා ඔහුගේ වයසත් එක්ක තව දුරක්, තව දක්ෂතාවය වැඩි කර ගැනීම් කරන්න පුළුවන් කියලා. ඒ කියන්නේ ඔහුට මීටර් 95 සීමාවට ළඟා වෙන්න හැකියාව තියෙනවා කියලා.

දැනටමත් රුමේෂ් මීටර් 92.62 ක විසි කිරීමක් සිදු කළා. ඒ විතරක් නෙමෙයි ඊයේත් ඔහු මීටර් 91.09 ක දැවැන්ත විසි කිරීමක් කළා. හෙල්ල විසි කිරීමේ ඉසව්වේ මීටර් 90 සීමාව ඉක්මවා යනවා කියන්නේම අති විශිෂ්ට දක්ෂතාවයක්.

රුමේෂ් මේ අවුරුද්ද ඇතුළත ඒ දස්කම කරන්න සමත් වුණා. එක පාරකට වැඩිය ඒ දස්කම කරන්න සමත් වුණා.

මෙතන තියෙන ලොකුම වාසිය වෙන්නේ රුමේෂ් තරංගට තවම වයස ඉතුරු වෙලා තියෙනවා. රුමේෂ් තරංගට තමන්ගේ ක්‍රීඩා ජීවිතයේ තව බොහෝ දේවල් වර්ධනය කරගන්න කාලය ඉතිරි වෙලා තියෙනවා.

මේ වර්ධනය කර ගැනීම් එක්ක දවසක ඔහුට මීටර් 98.48 ක විසි කිරීම පහු කරන්න පුළුවන් නම් සමස්ථ ක්‍රීඩා ඉතිහාසයේම වාර්තාගත සිදුවීමක් වේවි. උසේන් බෝල්ට් මීටර් 100 200 ඉසව් වලට තියපු අත තියන්න දුර වැඩි රෙකෝඩ් එකක් වගේ පහු කරන්න අමාරුම රෙකෝඩ් එකක් බවට පත් වේවි.

රුමේෂ් තරංග සම්බන්ධයෙන් බොහෝ දෙනෙක් කතා කරනවා. බොහෝ දෙනෙක් අවධානය යොමු කරනවා.

ජාත්‍යන්තර විශ්ලේෂකයන් නම් ඔහු ගැන කියන්නේ තව රුමේෂ්ට තමන්ගේ උපරිමය බලා ගමන් කරන්න කාලය තියෙනවා කියලා. ඒ නිසා තවත් වසර කිහිපයකින් රුමේෂ් තමන්ගේ උපරිමය හොයා ගත්තොත් ශ්‍රී ලංකාවේ අපිට නම් කතා කරන්න ගොඩක් දේවල් තියේවි. ඒක පැහැදිලියි.

14/09/2026

☀️ Sri Lanka’s 300MW solar power push gets underway.

The first project under the programme, a 3MW solar facility in Veyangoda, has been officially launched.

The project is expected to generate 6.35 million kWh of electricity annually while cutting an estimated 4,340 tonnes of CO₂ emissions each year. 🇱🇰⚡

Sri Lanka is targeting 70% renewable energy by 2030.

09/09/2026

සියවස් ගණනාවක් පුරා ලෝක සිතියම් තුළ අප්‍රිකානු මහද්වීපය එහි සැබෑ ප්‍රමාණයට වඩා කුඩාවට පෙන්වීමට හේතු වූ සහ මනුෂ්‍ය සංජානනයට බලපෑ මර්කේටර් ප්‍රක්ෂේපණය (Mercator projection) වෙනස් කිරීම සඳහා අප්‍රිකානු රටවල් විසින් දියත් කරන ලද මෙහෙයුමක ප්‍රතිඵලයක් ලෙස එක්සත් ජාතීන්ගේ මහා මණ්ඩලය විසින් 2026 සැප්තැම්බර් 4 වන දින "Correct the Map" නමින් යෝජනාවක් සම්මත කරන ලදී. ටෝගෝ රටේ අනුග්‍රහයෙන් සහ අප්‍රිකානු සංගමයේ සහයෝගයෙන් ඉදිරිපත් වූ මෙම යෝජනාව ඡන්ද 164කට එරෙහිව 1ක් ලෙස (ඇමරිකා එක්සත් ජනපදය පමණක් විරුද්ධ විය) සම්මත වූ අතර, ප්‍රංශය ද මෙයට අනුග්‍රහය දක්වමින් සිය නිල සිතියම්වලින් මර්කේටර් ප්‍රක්ෂේපණය අත්හරින බව නිවේදනය කළේය.

1569 දී සමුද්‍ර සංචාලනය සඳහා නිර්මාණය කරන ලද මර්කේටර් සිතියම මඟින් ධ්‍රැව ආසන්න ප්‍රදේශ විශාල කර පෙන්වන අතර සමකය අසන්නයේ ඇති අප්‍රිකාව වැනි කලාප කුඩා කර පෙන්වන බැවින්, ග්‍රීන්ලන්තය අප්‍රිකාව තරම් විශාල ලෙස පෙනුනද සැබවින්ම අප්‍රිකාව එය මෙන් 14 ගුණයක් විශාල වේ. මෙම දෘශ්‍ය විකෘතිභාවය මඟින් අප්‍රිකාව සංකේතවත් ලෙස කුඩාවට දැක්වීම සහ එහි භූ දේශපාලනික හා ආර්ථික වැදගත්කම අවතක්සේරු කිරීම සිදුවන බව විචාරකයෝ පෙන්වා දෙති. බඳින ලද මෙම යෝජනාව නීතිමය වශයෙන් බැඳී නැති අතර මර්කේටර් සිතියම තහනම් නොකරන මුත්, සංචාලන සඳහා තවදුරටත් එය ප්‍රයෝජනවත් වුවද, මහාද්වීපවල සැබෑ භූමි ප්‍රමාණය නිවැරදිව පෙන්වන Equal Earth වැනි සම-ප්‍රදේශ ප්‍රක්ෂේපණ (equal-area projections) භාවිත කරන ලෙස ආන්ඩු, පාසල් සහ තාක්ෂණ සමාගම්වලින් ඉල්ලා සිටී.

09/09/2026

ගුවන් යානයක Navigation Lights හඳුනාගන්නේ කොහොමද? ✈️🚥

රාත්‍රී අහසේ ගුවන් යානයක් ඔබ දෙසට හෝ ඔබෙන් ඉවතට පියාසර කරන විට, එය ගමන් කරන දිශාව හඳුනාගැනීමට Navigation Lights ඉතා වැදගත් වේ.

සාමාන්‍යයෙන් ගුවන් යානයේ වම් පියාපතේ රතු ආලෝකයක් සහ දකුණු පියාපතේ කොළ ආලෝකයක් සවි කර ඇත. පසුපස කොටසේ සුදු ආලෝකයක් දක්නට ලැබේ.

🔴 රතු = වම් පස (Port)
🟢 කොළ = දකුණු පස (Starboard)
⚪ සුදු = පසුපස දිශාව

ඒ අනුව, ගුවන් යානයකින් ඔබට රතු සහ කොළ දෙකම පෙනෙනවා නම්, එය ඔබ දෙසට පැමිණෙන දිශාවක සිටින බව හඳුනාගත හැකියි. සුදු ආලෝක පමණක් ප්‍රධාන වශයෙන් පෙනේ නම්, බොහෝ විට ඔබ දකින්නේ ගුවන් යානයේ පසුපස කොටසයි.

මෙම සරල වර්ණ තුන මතක තබාගැනීමෙන්, රාත්‍රී අහසේ ගුවන් යානයක් ඔබ වෙත එනවාද, ඔබෙන් ඉවතට යනවාද, නැතහොත් ඔබව පසුකර යනවාද යන්න පිළිබඳ හොඳ අදහසක් ලබාගත හැක. ✈️

#ගුවන්යානා #ගුවන්යානාතොරතුරු

09/09/2026

2026 සැප්තැම්බර් 15 දින සිට ක්‍රියාත්මක වන පරිදි තායිලන්තය එරට සංචාරක වීසා නීති දැඩි කිරීමට තීරණය කර තිබේ.

ඒ අනුව, මීට පෙර රටවල් ගණනාවකට ලබා දී තිබූ සංචාරක වීසා සහන ඉවත් කිරීමට තායිලන්ත රජය කටයුතු කර ඇත.

සංචාරක ව්‍යාපාරය ශක්තිමත් කිරීම ඇතුළු විවිධ අරමුණු රැසක් වෙනුවෙන් 2024 වසරේ රටවල් 93ක සංචාරකයන්ට නොමිලේ දින 60ක් දක්වා එරට රැඳී සිටීමට අවස්ථාව හිමිව තිබිණි.

තායිලන්තයේ බැංකොක් නුවර ඇතුළු සංචාරක ගමනාන්ත කිහිපයක් ම ශ්‍රී ලංකික සංචාරකයන්ගේ ද ජනප්‍රිය සංචාරක ගමනාන්ත වේ.

නව සංශෝධනයෙන් සිදුව ඇත්තේ කුමක් ද?

වැඩිදුර කියවන්න 👇

09/09/2026