12/04/2020
حياة السفر و تجوال خداتني الداخلة كانت هي كلشي شكون في يومين وجدت راسي تسنيت هوتة خرجنا لطريق جديدة اول تشيرة يسر الله فطرنا في سيدي بوزيد كانت وجهة هي الوليدية كملنا هزنا هادا يحطنا لآخر مع الضهر كنّا في الوليدية طيبنا لغدى في واحد الجردة عمنا دوزنا نهار بليل حطينا لاطونت في لبحر كان واحد الجو خطير واعر
صباح كانت الوجهة الصويرة خرجنا لطريق اول اوطوسطوب تاني ركبنا ل اسفي وصلنا فطرنا خرجنا لطريق الصويرة غادي في طريق وقف لينا واحد دري كزاوي هزنا معاه وصلنا لصويرة بكري بقينا ندورو مع داك الدري تغدينا درنا في المدينة قبل ما يطيح الضلام لقاتنا في الديابات نعسنا
فحال ديما كنفيقو بكري ضحكين شابعين نعاس بيخير كل نهار أو فيلمو شدينا طريق لامسوان في طريقنا لغزوة على رجلينا تلاقينا ولاد المحمدية زهاونا ضحكنا فطرنا مجموعين شوية تفرقنا ركبنا بعد موعانات مي مشكيلة سيد لي ركبنا معاه جاه نعاس حفظ الله ما نتقلبو وصلنا واحد فيلاج طلبنا منو يحطنا خلعا ههههه
قهرنا صهد تما تحنسرنا مزيان واخة نزلنا ما ندمناش كان غادي يقتلنا من زهرنا جا واحد السيد غادي لبحر دانا ديريكت وصلنا بكري او كانو دراري جاين عندنا نباتو مجموعين تلاقينا او مشينا واحد القنت باش نتخباو على المخزن لقينا غير لحجر تعاونا قادينا بلاصة برملة موهيم عينا طاح ضلام نصبنا عشى شعلنا عافية شوية صدمة جاونا جوندارم جمع أسيدي حوايجك او حيد من هنا بقينا معاهم حتى خلاونا كملنا ليلتنا ضاحكين ناشطين تعلمنا بزاف من ناس لي هزونا من دراري لي دوزنا معاهم داك ليلة
صبح الصباح كانت الوجهة اكادير مي قبل دزنا لتاغازوتمن بعد ما خرجنا من أمسوان تحركنا على رجلينا شي 10km هزنا واحد السيد من اكادير نزلنا في تاغازوت تبحرنا دوزنا نهار عشية هبطنا لأكادير تما تحنسرنا فين نباتو موهيم قررنا نمشيو لإنزكان نشوفو شي hôtel داكشي موهيم حاجة واعرة انا نسيت la carte national في الدار ما قبلونيش مشينا للكوميساريا شفنا فيها لعجب وسطها شابعين ضحك حتى جا واحد اوفيسي دخلنا او حل لينا موشكيل تعامل معانا ديال بصح مشينا دوشنا
خرجنا لأكادير دوزناها في لاكوط
نعسنا مزيان فقنا دوشنا فطرنا خرجنا لسيدي بيبي باش نمشيو ل تيزنيت ما يسرش مولانا مشينا لتيفنيت صارحة بحر واعر عجبني دوزنا واحد ليلة واعرة تما واخد سيد الله يجازيه بيخير هو لي وصلنا او قتارحو علينا نشوفوه ما تمشي غير فين مشاك الله
صباح بكري لقاتنا شادين طريق تزنيت دغيا يسر مولانا وصلنا تغدينا كانت لحرارة تما صارحة مصبرتش بان ليا طوبيس ركبت فيه وصلنا مع 14h لميرلفت حاجة زوينة حطينا في واحد البلاصة زوينة جاو عندنا ولاد المحمدية دوزنا ليلة تما عجبنا الجو زدنا نهار اخر تما تزادو معانا دراري اخرين ...
مازال ما وصلناش نص طريق تما تزيرت عرفت لي جاي ما ساهلش قربنا لباب صحراء واش نقدرو نكملو ولا غادي نعياو او نرجعو
مزال غادين فين معرت موهيم غادين نهار 8 في تريب مزال مدخلنا حتى لباب الصحراء تفكرت واحد مقولة زوين مالي بغينا نمشيو لكلميم "لا توجد طريق مختصرة الي اي مكان يستحق الذهاب اليه"
هداك نهار داز طويل عمرني نساه حياتي كاملة تمشينا مسافة طويلة حيت من صباح حتال 12h او حنا مزال ما لقينا اوطوسطوب رتاكبنا واحد خطاء تحركنا على رجلينا تعدبنا في واحد طريق كلها جبال لما سالا او بزاف 21km ما وصلنا لواحد فيلاج "مستي" حتى قرب المغرب حمدالله كاع داك تمارة يسر مولانا ركبنا لكلميم وصلنا ليها بليل ما مغدين مع لعيا او طريق بغينا ا نعسو صبرنا او خرجنا خرجة ديال طريق طانطان واحد لخلا او نعسنا ما عقلناش صبح الصباح بكري بدينا نشيرو ياربي ياربي جوع قهرنا جبدنا خبز حرفي أو لماء باش فطرنا شمس طلعات والو اصعب موقف طيح فيه يومين ما يسرش الله تعصبنا مزيان جو كان صعيب توقف ضاحك لناس ترجاهم يهزوك
توترات اعصاب كلسنى لارض كان تناقش مع عصام واش نرجعو ولا نصبرو يالاه قالي نرجعو صافي هو يوقف واحد سيد الله عمرها دار سميتو "يعقوب" من العيون قالينا في غادين ا وليداتي قلنا ليه طانطان قالينا طلعو ناري على احساس جاني داك ساعة وااااو من بعد ما فقدنا أمل ف*ج ربي جمعنا معاه طول طريق عجبو هاد ستيل ديال تريب
من زهرنا عمي "يعقوب" كان مخيم في وطية بحر ديال طانطان ستضفنا في دارو مع ولادو تهالى فينا مزيان عمنا غسلنا حوايجنا خرجنا
نعسنا مزيان صباح ودعنا سيد شكرناه على بزاف ديال حوايج اهم حاجة قالها لينا او هي خلاتنا نكملو قلنا ليه كنّا غادي نرجعو قالينا"وصلتو نص طريق ابغيتو تفشلو ًاش غادي تقولو لصحابكم الي فشلتو ديما هاد فشل غادي يبقى تابعكم"
كلامو كان لينا حافز شجعنا شكرًا ليه او لعائلتو
خططنا حلمنا نوصلو لداخلة اوطوسطوب حلمنا ندخلو لصحراء المغربية صافي دابا الداخلة تونادي ما كاينش لي يحبسنا
كفاحي مع الصحراء طريق لي ما بغاتش تسالي وصلنا لنص طريق من playa ديال طانطان كانت الوجهة العيون خرجنا لطريق اول حاجة شفنا واحد جوج دراري كزاوى سابقينا مشينا عندهم تعرفنا عليهم شوية وقف لينا واحد الرموك مني منك هزنا كاملين حتال لعيون داك السيد الله يجازيه بيخير تعلمنا منو بزاف وصانا وصلنا لعيون دربنا دويرة خفيفة خرجنا لطريق مرسى في واحد سطاسيون مشى عصام يسول على شي بلاصة رخيصة نتغداو فيها واحد سيد قاليه يالاه نوصلكم لمرسى بلاكة ديال طوموبيل M روج دانا مسكين درب بينا دورة او خلص علينا لغدى من بعد ما فهم بلي حنا جايين من كازا حتال داخلة اوطوسطوب عجبو هاد التحدي شجعنا او حطنا مسكين في خرجة طريق بوجدور 18h بدينا اوطوسطوب والو ما يسرش الله كان لبرد واحد لقطة قصدنا سطاسيون مازال ياله كاي تبنا طلبنا عساس نعسنا فيه مخبين على البرد
صباح مع خرجنا طريق طوموبيل أولى وقف واحد السيد قالينا دزت لبارح من جيهة اخرى بنتو ليا فين مسكين عقل علينا هزنا دانا حتال بوجدور في بوجدور فرحنا قربنا 400km لي باقى وااااو الداخلة حنا جايين من بعد واحد ساعة وقف لينا pilot nour eddine هههه واحد دري من اكادير هو او عشيرو دانا حتال الداخلة ضحك او نشاط في واحد الرموك عرفت بلي ناس ديال طريق مدراسة اي حاجة تلقاها في رأسهم
الداخلة وصلت ليها في 13 يوم تعلمت فيها لي عمري شفتو في صحرة لي كان عند بالي بلي ارض ما فيها والو حتى شفت لعجب
شكرًا عشيري عصام معاك درت بزاف خويا لي عشت معاه بزاف
شكرا بزاف معرفت الرجال كنوز خلاوها ناس زمان
وصلنا لداخلة مي حاجة لي كانت عندنا زوينة هي طريق لي دربنا نقطة الداخلة بالنسبة لينا غير نقطة تتويج بالنجاح
اول ليلة كانت في بلايا اطلانتيك من بعد كانت الوجهة 25 او جزيرة التنين 25 كيلومتر انا عصام ضربناها على رجلينا تفكرنا فيها كاع دوك طرائف زوينين او خيبين وخا برد عكسنا تكرفصنا شوية كلسنا نديرو اوطوسطوب والو كملنا طريق رتاحينا تغدينا كانت مزال شي 14كيلومتر تحركنا ديك والو واش بغات تسالي مع الصحراء ناري لعداب ليلة طاح او حنا مزال غادين وصلنا لقينا دراري ولاد وجدة او كازا كلهم كنعرفهم يا سلام عطاونا بلاصة طيبنا لعشا مجموعين ضاحكين ناشطين بيخير
دوزنا يامات زوينة مع اسامة ، أنور ، دبوز ، سيمو او مراتو
دوشنا في واحد بير ديال كبريت واعر لما مجهد طالع من الارض
مشينى لجزيرة التنين كانت واعرة صارحة تستاهل واحد 6km à pied او خايف مارية ترجع تحدي زوين
وصلنا لطوب كازا تونادي من بعد واحد لحظات رائعة لا تنسى
عوتاني تحنسر او ضحك صافي ما بقى عندنا ما نخسرو هدف ديالنا وصلناه
شكرًا لكاع ناس لي عونونا شكرًا لكاع دراري لي شجعونا اهم حاجة بغيت نقول بلي الخير في بلادنا باقي كاينين ناس الله عمرها دار
شكرًا عشيري أو خويا نتا هو لي جامي نسى كاع طراجيات لي دوزنا بضحك او نشاط او هاز همي او هاز همك بلاما دوي نفهمك يمكن شافونا نتغاوتو قالو بينهم لغيار مي ماعرفوش بلي هداك غير كنار ههه
نصيحة لكاع لي باغي يشد الطريق ختار الرفيق قبل للطريق
عيش جوال ... عيش الحياة ... عيش المغامرة
